الموضوع: التجهيز لمولود

السلام عليكم ....أريد أن أجهز لمولودي من الكويت فيا ريت تقولون لي أسماء وعناوين المحلات اللي تبيع مفارش ولفات أنيقة ومميزةوفلته و عادي إذا كان المحل مهو بمجمع أهم شي أنهم يكونو يستاهلون العنوة وبعد إذا ممكن أسماء المحلات إللي تبيع ثياب أطفال مميزة ماركات ومهي موجودة عندنا

مواضيع عشوائيه ممكن تكون تعجبك اخترناها لك:

• طالبتكم يااهل الكويت قولو تم
• ابي شباتي من عندكم يااهل الكويت كيف؟
• استفسار بسيط
• دليل هواتف كويت لووك
• أسعار الشقق بالكويت
• إستفسارات عن افضل الاماكن في الكويت
• احوال الطقس
• يــا عاآآآآجل أهل الكويت فزعتكم أخوكم من السعوديه
• جم سؤال ناطرين اجوبتكم ياغاليين
• بسرعة بحجز بكرة ان شاء الله ومحتارة بين فنادق
• طريق الرياض الكويت المختصر عبر رماح بالصور لأول مرة
• هل التحويل صحيح وكم سعر الصرف اليوم
• الفزعة ياراعي الفزعة
• المركـــــز العلمـــــي بالكويت
• العون با اهل الكويت
• الفزعة يا أخوان أريد استئجار سيارة بالكويت
• دليل الكويت الشامل يرجى التثبيت
• زيارتي الثانية للكويت
• كم تبلغ المسافة بين الكويت والامارات براً
• ماهي افضل المقاهي في دولة الكويت؟؟

سنتربونت((لاند مارك سابقا))وله افرع عديده السالميه _الفحيحيل_الري _شرق

مذركير وايظا له افرع عديده منها في الفروانيه _حولي _الفحيحيل

من المولود لغايه سن 12سنه

بالاظافه الى بعض المحلات المتفرقه الموجوده في المجمعات التجاريه المهلب وسوق شرق ومارينامول والكوت واجيال والرايه سنتر وكويت ماجك وسوق السالميه القديم

فعلا : مذر كير ...روووووووووووعه
وفي اسواق واااااجد فيها ملابس اطفال تجنن:مثل: الحمرا مول+الباشا...........و غيرها واجد
سمعت انه فيه ب البلوكات...محل يصمم لسرير و حركات النفاس!!!
لكن تأكدي قبل تروحين
و بالتوفيق

مشكورين وعطاكم الله العافية

أشكرك أخوي مورسيدس بن بنز وأختي المرام ، لكن مذر كير عندنا ماعنده مفارش لحمل الأطفال وهل المحلات إللي ذكرتونها عندهم هالشي ،والبلوكات مجمع أوإسم شارع؟

اختي البلوكات اهوا مجمع يشتهر بالخامات ويوجد بالعاصمه قبل غرفة التجاره

اختي اذا تبين عندج محل بالاوقاف على الشارع عند مكتبة تيسير بس مو ذاكره اسمه خاص للمواليد من ملابس وسراير

مشكورة أخت روان ،والمحل إللي ذكرتيه هل أغراضه حلوه ومميزه ؟ وإذا ما عليج كلافة ممكن إسمه

أختي اذا تبين مكان عدل وتجهزين منه كل شي حق المواليد فمالج إلا مجمع عيد النصار بالمباركية ..
سرداب كامل حق تجهيز المواليد .. وراح تلقين كل الي تدورين عليه وفي محلات يفصلولج كل الي تبينه ..

تسلمين نزيلة القمر وماقصرتي

فيه أفكار حلوه عند محلات تجهيز الحفلات وبعض المشاغل النسائيه في الرياض لتجهيز المفرش وصياني الحلا وسرير الطفل فيه طقم روعه شفته عباره عن مفرش وسرير للطفل وصياني ومفارش طاولات معموله بمخمل فرنسي ومطعمه بالأكسسوارت والكلف وأنيقه جدا

أخت dona1 ممكن تعطيني إسم المحل وعنوانه تراني مستعجلة

السلام عليكم و رحمة اللة

أختي راسلي الأخت علي الخاص أذا مستعجلة لأنها يمكن ما تدخل الموضوع مرة ثانية.

واللة يبارك لكي بالمولود و يجعلة من ذريتك الصالحة و بالتوفيق لحصولك علي لوازم المولود

المحل أسمه المبدعات بجوار ملاهي الخيمه في الرياض
لكن أستفسري عن الأسعار إذا تناسب لك

العفو اختي ماسويت شي

المحل يستاهل شغله حلو

بس مو ذاكره اسمه اهوا بالاوقاف عند مكتبة تيسير

واذا تبين كفر للاستقبال عندج الاسطوره اللي عند الصالحيه في كفرات حلوه للاستقبال

أخت dona1 و روان تسلمون لي لكن أبي أعرف الصالحية مجمع أولا؟ ماعليه ثقلت عليكم لأني أول مرة أروح للكويت

فيه مجمع اسمه الصالحيه اذكره زين لآن زرناه , بس ماشوف احد يتسوق منه يقولون غالي!!
وهو في فندق اعتقد اذا ماخاب ظني الشيراتون
طلعنا منه ودخلنا مجمع المثنى كان مقابله الظاهر, وفيه مجمع بعد ثاني جمبهم

اذكر لما رحنا الكويت زرنا 12 مجمع وقتها ههههههههه

حياك يا سلطان وياريت تعاود زيارتك (دايم أقولك هالكلام بس ابي منك زيارة قريبة)
وبالنسبة لتجهيز المواليد توجد محلات عدة أستطيع أن أصنفها حسب الآتي :
المحلات العالمية :
1- مذركيد ،بي اتش اس ، نيكست للاطفال ،سنتر بوينت ، زارا (وهي محلات موجودة بأغلب مجمعات الكويت )
2- مجمع عيد النصار بالمباركية بسوق الذهب(عدة محلات واسعارة معتدلة )وغالبية أسرة الأطفال يتم شراؤها من هذا المكان ).
3- المحلات المتفرقة بالمولات مثل - بمبكشن وغيرها .

أما بالنسبة للسؤال عن الصالحية فهي منطقة (أو مساحة من الأرض داخل العاصمة وعند شارع فهد السالم)
وبها مجمع الصالحية أو مبنى الصالحية هو مجمع به محلات قليلة وعدد 2 كافي وباقي المجمع مكاتب تجارية وأغلب محلاته للماركات المشهورة الغاية جدا ولا يوجد ما تسألين عنه وله مدخل لفندق جي دبليو ماريوت (سكنت فيه روعة)
وعلى فكرة نفس الشركة التجارية تمتلك مجمع الراية وهو على نفس مستوى الصالحية إلا أن به بعض محلات الأطفال وبعض المحلات ذات الاسعار المعقولة وأيضا له عدة مداخل لفندق كورت يارد(تابع لجي دبليو ماريوت)