الموضوع: ممكن مساعدة فضلاً لا امرا

السلام عليكم ورحمة الله
أنا جاية زيارة للكويت الحبيبة بعد كم يوم وحابة اسألكم عن عدة اشياء :

1/وين ألقى محلات بيع وتفصيل الدراعات ومحلات العبايات ؟
2/ وين القى محلات تقليد الماركات للشنط ؟
3/ وشو تنصحوني فية بالنسبة للمطاعم للاكلات الشعبية و المشويات ؟
مع الشكر الجزيل مقدماً,,,,

مواضيع عشوائيه ممكن تكون تعجبك اخترناها لك:

• استفسار عن الكافيهات في الكويت
• ممكن اقرب شقة حلوة ورخيصة
• المناطق البرية في الكويت
• عيدكم مبارك
• سآل عن عناوين محلات
• مجموعة استفسارات
• اريد معلومات عن منطقة سلوي وكيفية الحصول علي سكن
• نهوني
• زيارتي الى مطعم
• سؤال عن اسعار اجهزه اللاب توبات
• موقع منتجع شيك؟؟؟
• مكان نادي الكويت
• بزور الكويت السبت الجاي
• الشرقيه
• مركز صباح الاحمد الاسلامي
• سوق الجمعة
• جيتكم يا اهل الكويت اسأل عن شي غاب عني علـمه
• جو الكويت في ديسمبر
• اخوانكم في السعودية منتظرين دعمكم
• انطلاقة الكرنفال الثاني في سوق شرق و يستمر حتى اليوم بعض الصور

وعليكم السلام ورحمة الله وبركاته
محلات تقليد الماركات تلقين بالمباركية وفيه ان ماخاب ظني بالفحيليل (كويت ماجيك)

السلام عليكم ورحمة الله

وعليكم السلام ورحمة الله وبركاته

أنا جاية زيارة للكويت الحبيبة بعد كم يوم وحابة اسألكم عن عدة اشياء :

حياج الله ببلدج الثانية الكويت وإن شاءالله تستمتعون عندنا

1/وين ألقى محلات بيع وتفصيل الدراعات ومحلات العبايات ؟

الدراعات ( الحين موسم دراعات شهر رمضان المبارك وتلاقينها في المعارض التالية )
هيلتون الكويت بالمنقف ( أسعار علالي يبيلهم مكاسر لأنه من أعمال مواطنات كويتيات )
بيت سدرة و بيت ديفا في شرق شفتي مستشفى الأميري المقابل لسوق شرق البيتين على طرف المستشفى ( بعد الأسعار علالي يبيلهم مكاسر لأنه من أعمال مواطنات كويتيات )
وفي أرض المعارض بمنطقة مشرف بيكون هناك معرض أسمه كويتيات من تاريخ 30 \ 6 و 1 و 2 و 3 و 4 \ 7 ( بعد الأسعار علالي يبيلهم مكاسر )
ومجمع الأوقاف في منطقة شرق
وعندج البلوكات الرخيص والغالي ( سوق الأقمشة الرأئدة بالكويت محلات أقمشة نسائية و محلات كلف و في بعد بالبلوكات يسمونه سوق الصفاة فيه فوق خياطين تشوفين الموديل والخام عنده ولا تجيبين الخام أنتي لو ما عجبج بس معلومة الحين زحمة وممكن الدراعة 10 ليالي تخلص ) يفضل البلوكات أول مكان تزورونه
وفيه معرضين يبيع دراعات جاهزة وخام وكلف التراث الهندي و ميسور ويكونون في سوق الصفاة هذي صورة للبلوكات



وبعد فيه العربيد منطقة الفروانية ( نفس البلوكات بس كله خياطين الموديل والخام عنده )
وقباله مجمع مغاتير فيه محلات عبايات

والعبايات

عندج سوق الفحيحيل ( سلمان الدبوس ) فيه محلات عبايات وبعد ما أنسى فيه محل للدراعات بالسرداب أسمه حبابة وأسعاره رخيصة
و مجمع البيرق في منطقة العقيلة فيه محلات عبايات ملاحظة شفتي مجمع البيرق حوالينه مجمعات ثانية مثل الليوان وأوتاد وأوتاد فيه محلات وايد للعبي النوخذة 1 والنوخذة 2 فيهم محلات عبي وملابس رخيصة ومحلات للمواعين ومحلات مركزية عائلية مثل النصر والمعلم

2/ وين القى محلات تقليد الماركات للشنط ؟

ما قصر أخونا tab_al الله يجزاه خير
ما أعرف إلا بالفحيحيل والمباركية بالسرداب

3/ وشو تنصحوني فية بالنسبة للمطاعم للاكلات الشعبية و المشويات ؟

وماقصر بعد أخونا tab_al الله يشافي والدته ويقومها بالسلامة إن شاءالله


مع الشكر الجزيل مقدماً,,,,

لا شكر على واجب كلنا بالخدمة
ورحلة موفقة بإذن الله

شكراً لك اخوي tab_ el ماقصرت والله يعافي والدتك ويشفيها ويقومها بالسلامة
واشكرك اختي هدوء العالم كفيتي ووفيتي الله يجزاك خير