الموضوع: هـذي قصتي واتمنى منكم الإفـاده و النصـح يا إخـوان

السلام عليكم و رحمة الله و بركاته
اهلين اخواني
انا واحد قاعد على البعثات هذي لامريكا من ايام الاجازه الصيفيه الكبيره الاخيره
يعني من بداية السنه الدراسيه تقريبا
و الحمدلله على كل شي ... توني لا زلت بالمملكه ... عاطل ماعندي شي ...
كنت مسجل في جامعه عندنا بالهفوف ( جامعة الملك فيصل ) ... لكن ما كملت فيها لان ودي اروح لامريكا ادرس هناك افضل .. مع البعثات طبعا ...
و اقولكم الضمان جاني من اول السنه ... و رحت و جاني (( اول )) قبول من الجامعه ..
فـ رحت للوزاره عشان يعطوني خطاب توصيه للسفاره ..... ايام الدكتور عبدالعزيز الحسيني ..
اللي كان يوقّع على الآي تونتي و نودي نسخه منه للاستاذ زامل العثمان بادارة البعثات ... و ينزله لي على اسمي بالبعثات بموقع الوزاره ...
و قال بعد يومين ينزل لك خطاب السفاره على اسمك بالموقع .... فقط ادخل هناك واكتب رقمك نموذجك والرقم السري و طلع الخطاب ..
مرت الايام والشهور وانا احاول اطلع الفيزا من السفاره الامريكيه ...
والحمدلله على كل شي .... حصلت موعد لكنه بعد بدء دراستي بشهر ....
راح الموعد علي .... و خذت قبول جديد (( ثاني )) ..
و قعدت احاول احجز لي موعد آخر بالسفاره ... وكانت تلك الايام ايام رمضان و عيد الفطر المبارك ..
فـ كانت السفاره اغلب الوقت مقفله اعتقد وما يردون او كله مشغول ...
المهم .... قرّب موعد بدء دراستي بالقبول الثاني .. وما حصلت موعد مع السفاره ..
مر موعد بدء دراستي ى(( الثاني )) .... وما حصلت موعد مع السفاره ....
و جبت قبول (( ثالث )) من الجامعه ... و حاولت احجز لي موعد بالسفاره ...
و الحمدلله ... حصلت موعد في فبراير ....
في ذاك الوقت ... تذكرت خطاب السفاره اللي بحسابي بموقع الوزاره ..
دخلت ... ولم اجد غير الضمان المالي الذي يمكنني طباعته ...
وين الخطاب ؟ مو قالو لي كلها يومين و يحطونه ؟ مرت شهور وما حطوه ؟ وش حاصل ؟
و اروح للوزاره .... واقولهم يا جماعه انا جيت في ذاك الوقت و طلبت خطاب توصيه ... و قلتوا بتنزلوه على حسابي بالموقع .... وووينه ؟ ما لقيته !!
قالو عطنا رقم نموذجك ونتاكد من عندنا ...... و تاكدوا و فعلا لم يكن موجود في حسابي ...
طيب كيف ؟ انا مو عطيتكم نسخه من الاي تونتي و فيها توصيه وانتو بس تضبطونها وتحطونها بالموقع وانا بكذا ينزل لي خطاب التوصيه ؟ ولا ايش ؟
قالو خطاب التوصيه كان عند الدكتور عبدالعزيز الحسيني ... لكن الحين عند الدكتور آل شيخ ..
طيب مو مشكله ... انا عندي نسخه من الاي تونتي اللي فيه توصيه من ادارة البعثات القديمه ...
و وريتهم .... عشان اثبت لهم اني طلبت خطاب توصيه من قبل ...
و اكتشفو ان الخطا كان من الموظف بالوزاره ... بانه ما وضع بياناتي المختصه بخطاب التوصيه ... في حسابي بموقع الوزاره ..
اعتذروا و قالوا اوكي لا تخاف ... بنطلع لك خطاب التوصيه و آسفين غلط منا ..
واصلا زين مني اني جبت نسخه من الاي تونتي اللي فيه توصيه ولا ما صدقوني ولا طلعوا لي خطاب التوصيه .... الحمدلله ... يعني كان عندي دليل على اني كنت طال هذا الخطاب من قبل :101:
قالو اوكي ... و عطوني خطاب توصيه للسفاره ( يدوي ) ..
و رحت للسفاره ... والحمدلله حصلت على الفيزا بعد 11 يوم من موعدي معهم ...
و فرحت فرحه ما بعدها فرحه .... الحمدلله .. والشكر لله .... اصعب شي صار عندي ...
الفيـــزا و خذتها الحمدلله .... خلاص ارتحت و ارتاح قلبي ...
~~~
رحت للوزاره ابغى قرار الابتعاث ... عطيتهم اوراقي
وزقعت على نموذج القرار ... وريتهم الفيزا والاوراق المطلوبه ...
لكن .....
سالوني ... ( هل خطاب التوصيه اللي عندك ... يدوووي ؟ ) ...
قلت لهم ايه يدوي ... so what ? .... !!!!!!!!
قالو اعذرنا .... ما نقدر نطلع لك قرار البعثه اللي بالبرنامج القادم .. !!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!
ايش ؟ البررنامج القادم ؟ و متى هذا البرنامج القادم ؟
قالوا في بداية ربيع الثاني ..
!!! -__- !!!
ايش ؟
بعد شهرين ؟ انتو من جدكم ؟
انا موعد دراستي في 18 مايو ...
كيف يعني ؟
قالوا مو مشكله .... أجـّـل موعدك ...
قلت .... حرام عليكم من اول السنه احاول باوراقي من وزاره لسفاره .... و 3 مرات جاني القبول ... و آخرتها تضيعون علي سنه كامله على فاضي ؟
قالوا ما نقدر نسوي لك شي ... انت خطابك يدوي ومو بالسستم ...
قلت لهم انا اصلا المفروض خطابي يطلع من زمان ومو يدوي ... بس المشكله و الخطا كان من الموظف عندكم ..
قالو عادي .. اخطاء و تحصل ..
قلت يعني انا اللي اتحمل اخطاءكم و اضيّع سنه من عمري على فاضي ؟ ليه طيب ؟ وش هالظلم !
والله يا جماعه كثير ناس كنت اعرفهم ... يسالوني ايام طلعت الضمان باول السنه و يقولون :
:" نسمع عن شي اسمه بعثات امريكا ... جد ؟ "
و رحت اقولهم و افهمهم عن هالبعثات و كيف التسجيل فيها و كذا ....
و سبحان الله .... انا بادي قبلهم .... للحين جالس بالسعوديه .... والحين هم لهم تقريبا 3 شهور بامريكا ..
الاله يوفقهم و يوفق جميع المسلمين ..
لا اعتراض على قدر الله ... هذا نصيب و مكتوب .....
~
بالعربي
انا خالصه اموري
وموعد بدء دراستي في 18 مايو ..
ومو ناقصني غير قرار ابتعاث
ومو راضين يطلعونه لي ...
هالحين وش اسوي انا ؟
انا كنت بجامعه و طلعت منها و سحبت اوراقي عشان اسلم الوزاره شهادتي الاصليه ..
الحين انا عاطل ماعندي شي ....
وش اسوي ؟
هل تعتقدون اني بلحق على موعدي هذا في 18 مايو ؟
و هل ان قرار الابتعاث بيجيني قبل هالتاريخ ؟ و هل اقدر اكمل اموري بعد قرار الابتعاث والحق على الدراسه في 18 مايو ؟
او اني اطلب من الجامعه بهيوستن يعطوني موعد بدء دراسه جديد و قبول جديد ؟
و هل اني اذا جاني قبول جديد ارجع للسفاره ؟ خصوصا انهم حطوا ظرف في جوازي فيه اعتقد الاي تونتي ... وطبعا الظرف ما فتحته ...
علما باني اذا بطلب قبول جديد .... بيكون من نفس الجامعه والمعهد اللي جاني منها 3 مرات قبول من قبل ..
~
وانا سمعت انه لازم على اللي ما ضبطت امورهم هالسنه .... انهم يسجلون مره اخرى بالوزاره ..
هل هذا الكلام صحيح ؟
~
و اعذروني على الاطلاله ...
بس والله عانيت عانيت كثير و تعبت ..
و جزاكم الله كل خير .. واتمنى منكم النصايح المفيده لي يا اخوان ..
و شوركم و هداية الله ...
~~
ملاحظه صغيره : ( الوزاره يقولون انها تسهل امور الطلاب بس السفار صعبه شوي ..... )
لكن الحقيقه .... : ( ان الوزاره جزاها الله كل خير ... هي كل البلا للاسف الشديد ..... ) ..
~
بانتظاركم

مواضيع عشوائيه ممكن تكون تعجبك اخترناها لك:

• تم تسجيل طلبك في قائمة المرشحين للمفاضلة
• دراسه اللغه في الولايات المتحده يا ليت تساعدوني
• بعد قرار الابتعاث
• اطلب اي ولاية وانا احط لك صور ومعلومات عنها تفيدك
• الأخ العزيز ملبورن الدراسة في بريطانيا
• طلب من الاخوان في مدينة
• ارغب في معلومات عن معهد تشرشل هاوس رامس قيت
• تغطية مصاريف المؤتمرات
• إعلان القوائم النهائية خلال شهر
• الفيزا السياحيه والدراسه
• سؤال الدولة تتكفل بالشخص المبتعث إلى أمريكا في إيش بالضبط
• اذا ضربنا في راح يكون مشاورة
• بنت الصقور وامباكت وخبراء امريكا الله لايهينك بودي المساعده مشكووره
• الدراسة في ايرلندا مساعدتكم
• سفر من اجل التعليم
• الغرض من الدراسة
• افضل مدرسة طيران مجربه ببريطانيا
• طلب ضروري جدا
• خسرنا الشوط الاولهل تظنون نتوفق الان؟؟
• قبول دكتوراه

.. الله يعينك أخوي ويسهل أمرك ..
أمورك إنشاء الله كلها خير .. الوزارة راح تفتح في 29/4 .. ما يجي يوم 5/5 إلا القرار بيدك إنشاء الله .. اصبر وتحمل ولا تأجل الدراسة إلا إذا حسيت إن الوزارة راح تعطلك ..

اخوي جوليانو

اول شي اشكرك على تواصلك وتسلم .. والله يعين الجميع ان شاء الله

..

اخووي .. يعني القرار يطلع بخمس ست ايام ؟ هذا طبعا اذا فتحواها الوزاره ...

و طيب .. اذا طعلت القرار ... اقدر اخلص اموري المختصه بالرحله ... في كم يوم تقريبا ؟

لان موعد بدء دراستي هو 18 مايو ...

~

وتسلم يا اخوي ... بعثت فيني الامل

.. أيام البعثة الماضية .. كان القرار يطلع في نفس اليوم ..
البعثة الجديدة .. مع الزحمة ممكن يتأخر كم يوم ..
أنت اللي تسويه الحين .. مر على مكتب الطيار واحجز رحلتك ... و خليها قبل الدراسة تقريبا بعشر أيام .. يعني نقول على 9 أو 10 او 11 / 5 ..

هلا حبيبي ,, اول شيء ما ادري وش اقولم مبروك على الابتعاث او الله يعينك


ثاني شيء اموووورك انشاء الله متيسرة وبيمديك على الدراسة ,,,,

انصحك بالتالي ,
مههههههههههههههههههههههههم انك تحجز الآن ,, ولكن قبل الدراسة بعدة ايام ,,, واذا كنت تقدر تآخذ كم حجز افضل ,, يعني خذ لك قبلها بعشر ايام وحجز قبلها بخمس ايام وحجز قبلها بثلاث ايام ,,,

وانشاء الله بتفتح الوزارة في بداية مايو ,, وبما ان اوراقك جاهزه انشاء الله قرار ابتعاثك بيكون معاك من اول يوم او ثاني يوم ,, ولا راح يكون فيه تأخير ,,, بعد كذا يعطونك امر الاركاب وتقص التذكرة على حجزك ,,,

والله يوفقك حبيبي ,,,, ودعواتك لنا ,,,

مثل ما قلو لك الاخوان احجز من الحين و من اول يوم في التقديم على البعثات خلك عندهم وانشبلهم ولا تطلع الا والقرار معاك

ثاني شي صدقني ان كل تأخيره فيها خيره ولو الله كاتبلك البعثه بتجيك وأوصيك وانا اخوك بالدعاء


وبالتوفيق ان شاء الله

اللله يعينك اخوي لاتخاااف انشالله امورك متيسره بس قول انشالله

مالك الا زي ما قالوا تحجز للسفر قبل الدراسه باسبوع على الاقل وراح يطلع قرار بداية مايو

لانه معاك الفيزا والقبووول وكل شي يعني لا تخاف انسالله سهالات وتلحق على موعد دراستك

الله يوفقك اخوووووي بالتوفيق

والله افرحتوني يا اخواني

و تسلمون على تواصلكم الطيب ..

يعني احجز من الآن ؟ طيب انا للحين ما عطوني امر الاركاب كيف احجز ؟

و بالنسبه للبعثات الجديده ... هل من اللازم اني اسجل مره اخرى بموقع الووزاره ؟

والله يجزيكم كل خير و يوفقكم يا غالين

أخوي و الله ياهالبعثة تساهيل و توافيق من رب العباد قبل كل شئ ...

انا عندي لك قصة ...
انا قدمت على البعثات مو بالعطلة الصراحة قدمت عليها ببداية شهر شعبان المهم تسجيل و سجلنا و ينزل الضمان و اتشقق من الوناسه يقال لي خلاص طلعت لأمريكا الا شوي المهم , و تجي مشكلة القبول و القلق المصاحب له بحكم عدم وجود خبرة في هذا المجال و نعتمد على مكتب و يتأخر علينا شوووي و نروح لمكتب ثاني و يجب لنا القبول في شهر 10 ميلادي يعني موعد دراستي خليته في يناير اللي هو شهر واحد بداية السنة المهم و قلنا كذا خلالالالالالاص ارتحنا و نجي على هم السفارة وخطابها و من بداية رمضان و انا اطامر في الوزارة لعشان ينزل لي خطاب السفارة و الحمد لله نزل الخطاب و كل شئ اوكي بقى موعد السفارة و عينك ما تشوف الا انواع التلطيع خبرك أيام زحمة السفارة و قلة الحياء المصاحبة لأخذ المواعيد طبعاً من لحظة ما جاني القبول بعدها باسبوع و شوي و انا احاول آخذ موعد ولا حياة لمن تنادي و عقب شهرين و بالضبط في 4/12/2005م صار موعدي و سويت المقابلة و كل شي اوكي و عطوني الورقة الصفراء وقالوا اسبوعين و نتصل عليك وش رايك انه من يوم 4/12/2005م حتى اليوم 4/4/2006م ما جات الموافقة حقت السفارة و انواع التلطيع و كل يوم انا اتصل و يقولون انتظر الين كرهوني في البعثة و كرهوني في امريكا و نظام امريكا ( اربع شهور تشييك وين تصير ذي ) ...

خلاصة الكلام (( كلن على همه سرى و انا على همي سريت )) اخوووي المسألة كلها اذا مكتوبة لك بتحصل عليها غير كذا ما لك الا الصبر ...

كل التحية ...

الله يوفقك و يسهل دربك ...

ما اقول الا الله يعينك وما عقب الضيق الا الفرج
تمنياتي لك بالتوفيق

الله يسهلك امرك
ولك مني نصيحه ماراح تندم عليها ان شاء الله ( عليك بالدعاء والالتجاء الى الله ورضا الوالدين)
الله يوفقك ونسمع اخبار عنك تسر ان شاء الله

تسلمون اخواني

الله يعين على كل خير آمين يارب العالمين

نطلب من الله الرضا ثم رضا الوالدين .. والتوفيق بالدنيا و الآخره

~

اخوان

هالحين يعني هل اسجل مره ثانيه بموقع الوزاره ؟

اجدد بياناتي .؟

انشاء الله امورك في التساهيل

بس قلي ليش اخترت هيوستن

اخوووووووووووووي انصحك تروح ال الشيخ بنفسك وتشرحلة كل شي وكركر الشرح وراح يعطيك قرار بس مو من اول محولة بعد اكثر من محاولة تعاالة لة باسلوب صدقني مو مقصر بس رحلة الحين الايام هذي ..............................واللة يفتحاااا عليك انشاء اللة...

اخوي الباشا ....
انصحك تقابل ال الشيج بنفسك او مع الوالد وتشرح لة كل التفاصيل من السبت ابد وخلال كم محولة وكركر .معة انشاء اللة بصدر للك القرار والتذكر .... واللة الموفق .........

اهلين .. اخواني

اشكركم جزيل الشكر على متابعتكم

~

اخوي جوليانو ... ان شاء الله بروح للوزاره واسالهم ..

تسلم ياغالي

~

اخوي one

ورب الكون انك افدتني بكلامك ... جزاك الله كل خير

وان شاء الله بعمل اللي قلته ... تسلام ياغالي والله يوفقك

~

اخوي عبودي ...

هيوستن اكبر مدينة في تكساس ..

واخترتها لان فيها القنصليه السعوديه هناك ..

وهناك عرب كثيررررررررررررررررر ما شاء الله ..

وهناك ما شاء الله فيه كثير مساجد ..

هناك مطاعم عربيه ومحلات عربيه الخ ..

ولان فيها اعتقد مكتب ارامكو للطلاب ... يعني فيه خدمات للطلاب السعوديين وكذا ..

هو شوف يا غالي .. وجود العرب بكثره شي مو حلو عشان الفمروض الواحد يستفيد ويتعود على اللغه الانجليزيه ... لكن ان شاء الله نتعود على اللغه وما يكون وجود العرب يسبب ضرر او شيئ سلبي ..

بالعكس ... وجود العرب يدعم ويقلل من الغربه ...

و انا اعرف 2 من عيال خوالي ... هناك ... يمكن على اساس كذا اخترت هيوستن .. ونصحوني فيها ..

الله يعين ...