الموضوع: استفسار عن فندق مارينا

السلام عليكم
انا حجزت في فندق المارينا وحابه استفيد من ارائكم هل تنصحوني فيه والا اغير..استفساري عن مستوي النظافة والخدمات وهل يرقى لمستوى 5 نجوم والي عنده ملاحظات علي الفندق اكون شاكرة اذا ذكرها لي

مواضيع عشوائيه ممكن تكون تعجبك اخترناها لك:

• موقع ومعلومات عن طيران الوطنية
• مطلوب معهد صحي نسائي لتعليم السباحة
• ابي شقق مفروشه جديده قريبه من الابراج في الكويت
• بنات الكويت الفزعه بخصوص الاواني والاسواق الشعبيه
• سؤال بخصوص الطريق البري الي الكويت والسكن في الكويت
• أستفسار عن فندق هوليدي ان السالميه
• سؤال عن بيضون الذي في شرق
• هل الكويت فيها قرية ثلج
• ثلاث ايام الى الكويت رحلة السعد العائلية
• استفسار عن فندق الكورنيش؟
• الفزعه يأهل الكويت؟
• مطعم البلد
• ســـــــــــــــــــؤال
• دليل المجمعات التجارية
• اهل الكويت الاعزاء
• أرجو الخدمة ياأهل الكويت الكرام وين المكتبات
• الكويت
• ارجو المساعدة بخصوص الفنادق في كويت
• أهلا بالصيف مع يوفوريا
• الطريق من جامعة الكويت إلى سوق المباركية

وعليكم السلام ورحمة الله وبركاته
بصراحة عن النظافة والتقييم ما اعرفه لأني من البلد الافضل قراءة تقييم النزلاء في بوكينق
بس اعرف موقعه حلووو
وشووفي سعره إذا قريب من فندق ميسوني احجزي في ميسوني افضل

شكرا يا اخت هدوء العالم فندق ميسوني عنده عرض وارخص من المارينا بس ما عجبتني حكايه الالوان الكثيرة ..شكرا والف شكر

وين الاراء

حياج الله آختي الشروق ...في ديرتج وبين اهلجالمارينا اختيار موفق ..اولا هو في قلب السالميه النابض يعني الموقع ممتاز ثانيا الفندق خمس نجوم


مستوي النظافه عال تقييمه 9 في موقع بوكنق ..،من تجربتي الشخصيه 3 سنوات متتاليه مع العيال خلال نص السنه
الخدمات حلوه منها صالون بريجيت ...الريوق آقصد البوفيه لذيذ بس بالروم حليو فيه اطلاله جميله علي البحر مساحه الغرف شاسعه اذا اتحبين المشي خلال عشر دقايق راح تلقين نفسج وسط عدد لا متناه من المطاعم ..ما يعرف بمنطقه المارينا كرسنت


اذا علي الشوبنق :004: علي حسب ميزانيتج ...اذا راهيه ممكن اتوجهين لمجمع الثريا :000: اهناك اونكل كفالي ..ستيلا ماكارتني..و الكسندر مكوين وباقي الشله.
احلي شوبنق اوت لت في العثمان سرداب مجمع مريم السالميه..،
فيه هارفي بعد بالغراند افنيوز ،،قاعه برستيج للماركات بالافنيوز.اما شوبنق متوسط الدخل غير قاصم الظهر ..الفنار المارينا وايضا الافنيوز


مطاعم تستحق التجربه ..cocoa room مقابل قصر السيف ،الغراند افنيوزريوق living room بالمارينا ويفز قريب الي حد ما من الفندقشيك شاك ..،وهل يخفي القمر؟!! اذا فيه خاطرج آي تساول ...لا اترددين اطلاقا اختي حتي لو تعلق بمعارض آو اقمشه او دراريع رمضان:005: ،يشمل العرض الانشطه الثقافيه المتوفره ( عشان ما انكون شعب يبلع وبس)
تقبلي تحياتي

الف شكر اخت yara الله يوفقك علي هالمعلومات وفيتي وكفيتي