الموضوع: مرحبا يا اهل الكويت نبي منكم الفزعه والرأي

بسم الله الرحمن الرحيمحيا الله اهل الكويت
بعد اسبوعين تقريبا سوف انطلق الى الكويت الحبيبة انا والعائلة الكريمة
لكن انا اول مرة اذهب للكويت ولا اعرف شي ابد ابد
لدي عدة استفسارات عن الدولة
اولا من ناحية السكن هناك فندق بودل ما رايكم فيه من ناحية النظافة والترتيب وجدت سعره مناسب جدا لميزانية رحلتي وهو تقريبا بــ 367.33 ريال سعودي اي 28 دينار كويتي بالنسبه للغرفة
و 551 ريال سعودي جناح من غرفة نوم واحدة وصالة اي 42 دينار كويتي
رايت الفندق سعره مناسب جدا يتوافق مع الميزانية لكن اهم شي نظافة الفندق ارجوا الافادة يالربع ماريكم فيه
الامر الاخر اقامتي بالكويت اسبوع رايكم ماهي الاماكن المهمة من منتزهات واسواق اللي احرص عليها
ارجوا الافادة ولكم جزيل الشكر والعرفان ,,,,,
ولي عودة معكم ’’

مواضيع عشوائيه ممكن تكون تعجبك اخترناها لك:

• هلا فبراير
• الريال السعودي في الكويت جولة بالطائرة في سماء الكويت شقق مفروشة بأسعار معقولة
• اسفسار بسيط مع التحيه
• مساعدة
• مدن الملاهي في دولة الكويت
• فزعتكم يا رواد الكويت
• تـفـضلـو يـــا اخـوان
• حبيت اسأل عن فندق الخليج
• فندق نظيف وسعر مناسب
• برج الكريستال
• طفلي يحتاج مساعده
• استفسار العروض السياحيه للخطوط الكويتيه
• طلب شقق أو فندق
• ساعدوني يا اهل الكويت
• استفسار بشأن دخول الكويت
• ابي حجابات المدارس وين القاها
• نبارك لأخونا ولد خمس نجوم
• ممكن مساعده؟
• استفسار ضروري
• الكويت بعيوني

يسعد صباحك اخي عبد الرحمنان شاء الله سفرة موفقة وخبراء السكن يردو عليك بخصوصه
بالنسبة للسياحة.. فالكويت من المدن الحلوة للسياحة العائلية الراقية
كنت فيها الشهر الماضي وكتبت تقرير عنها ممكن تمر عليه لترى اهم الاماكن الممكن زيارتها كعائلة واكيد يبقى الخيار لك .. اليك رابط التقرير ..
http://www.arabtravelersforum.com/tr...d-items-travel

شكرا اخي على المبادرة والتقرير الرائع وننتظر خبراء السكن ولك مني الف تحيه

حياك الله اخوي ،،مع اسرتك الكريمه
توقيتكم ممتاز عشان امتحانات عيالنا الله يوفقهم..
الفندق لا ادعي معرفته بس هذا رابط افضل موقع عالمي للتقييم ،الحجز
أbooking بس اكتب لو سمحت Boudl Kuwait Al Fahahil

واضح ان الفندق مميز ،يقولون مرتاديه انه نظيف...حاصل علي ثمانيه ،نص من عشره طبقا لرآي قريب 30 شخص
اذا تبي راي.. جرب تسآل المكتب عن اسعار فندق روتانا المنشر قريب من المنطقه نفسها ، و من مجمع الكوت

،المجمع نفسه فيه صاله العاب حلوه اذا العيال -الله يحفطهم- اقل من عشر سنين اقصد المنشر
،فيه مطاعم حيلوه سريعه ..وفي الكوت مطاعم اكثر ،محلات حلوه للتسوق.

وقريب من المنطقه سوق الفحيحيل العريق ( سوا اخترت بودل ا، المنشر)

احلي آماكن الترفيه للاطفال ..كيدازنيا للاطفال نفس دبي ( تم افتتاحه قبل جم يوم)
يلعبون الدور اللي يبون مطافي ..خبيره تجميل ...تسلق ( مكانه الغراند افنيوز)

فيه آلعاب ماجيك بلانيت ...ايضا بالافنيوز المرحله الثانيه ( ارخص الي حد ما ، بس العاب وايد ..دورين)
فيه بعد بروي المرحله الثانيه ممتع للصغار اكثر من ثمان سنين ما يحبوته.

فيه فندق مميز في المسيله اسمه جميره ...،فعلا اتحس انك وسط دار الحي ( طلوا عليه )

اخيرا ..حدد اعمار العيال ..،متطلبات المدام -الله يخليها-..،نوع الاكل اللي اتحبون
باذن الله راح ارد علي اي سوال...اتشرفونا بآي وقت

اولا اهلا وسهلا بك وحياك الله بين اهلك وربعك

بالنسبه للسكن انا ارشح لك
فندق كوستا ديل سول
وهذا رابط الحجز من بوكينق
http://www.booking.com/hotel/kw/cost...ml?aid=1329869


عن تجربه شخصيه روعه وموقع ممتاز






شي مهم لازم تعرفه


الكويت كل مدنها على الساحل فقط 7% من المساحه والباقي فراغ


اذا كنت قادم من جهة الخفجي والنويصيب
اول المناطق ستكون الفحيحيل اقصد المناطق التجاريه
بعد الحدود ب 50 كيلو تقريبا
يوجد بها مجمع الكوت
ومنطقه اخرى اسمها العقيله فيها مجمع البيرق والليوان






لكن انا ارشح لك تسكن داخل الديره مثل الفندق الي ذكرت لك
اولاً قريب من سوق شرق قريب من سوق المباركيه




وانصحك بزيارة مجمع الافنيوز وزيارة المطاعم فيه خصوصا ً بزه وشيك شاك


شارع الخليج العربي وهو اطلاله للفندق الذي ذكرته لك يوجد فيه الاكواريم ممتع جدا للاطفال خصوصا


واتمنى من الاخوان يقدرون يفيدونك اكثر


وسامحنا على القصور