الموضوع: تكفون مساعدة واستفسار

السلام عليكم


حبيت استفسر منكم يا اخوان.. انا كلمت يورب كار اللي في الرياض وسالتهم عن استلام السياره من باريس والتسليم مطار جنيف القسم الفرنسي.. واعطاني سيارة مرسيدس كلاسك 2290 لمدة 12 يوم .. وخشيت الموقع وحصلت سعر السياره 2775 لكن ماعرف التامين ضد السرقه والحوادث لاسمح الله مشمول والا لا. خبركم الانقلش لكم عليه
وسالتهم عن المبلغ اللي يحجزونه قال لي ثلث مبلغ الايجار.. تكفون فزعتكم اذا فيه شرح شي ودي احجز


والا ارجع ادق عليهم واتوكل على الله واخليه يحجز لي. شورو علي من الموبايل

مواضيع عشوائيه ممكن تكون تعجبك اخترناها لك:

• ممكن اختيار
• ســويــســرا بــعــيــون الــقــطــري
• مخططي ل ساعدوني
• لوزيرن أو هايدي لاند
• تغيير مسارر الرحله أرجوكم افيدوني
• مساعدة في جدول رحلة على سويسرا وإيطاليا وفرنسا
• رحلة ولا أروع إلى عالم الخيال انترلاكن
• الى اهل الخبرة مخطط رحلة سويسرا النمسا ايطاليا
• سويسرا و النمسا
• مساعدة في ترتيب التنقل والفنادق
• من فضلكم احتاج للمساعده في ترتيب جدول السفر
• إسفسـآآآر لتأجيــر وإستلآآآم السيآرة والقطآآآآر
• سؤال عن هايدي لاند
• نسينا الجارمن ارجو المساعده
• حجزت من كار ودفعت لكن لما جا الاستلام من سكست دفعونا حجز جديد ساعدوني
• جتني رساله من بوكنق ارجو الدخول
• مدن من سويسرا سانت موريتز لوغانو زيرمات لوسيرن
• مساعدة في حجز شاليه فندق في انترلاكن
• طلب وإستفسار عن مدينة الجمال سويسرا
• أجمل مناطق سويسرا لشهر العسل

الي قريت عنه إنه الحجز من الفرع يكون أرخص وغالبا سعر الإيجار بدون تأمين
والسعر رائع وجميل
أنا استاجرت من يورب كار ودفعت تأمين جزئي وليس شامل وسعره تقريبا 1000 ريال
وبعد ما وصلت عرضت علي الموظفة تأمين شامل ولكن بسعر غالي وأتوقع وقتها كان 2500 ورفضت
أنت اسأل الفرع عن التأمين وأنواعه وخذ التأمين الي يناسبك وتوكل على الله ، الله الحافظ

تذكرت شيء ، أسأل الفرع هل يطلبون منك بطاقة ائتمان لما تصل ؟
هذه أهم نقطة ،، ممكن ما يسلموك السيارة لو ما عندك بطاقة أو كانت مسبقة الدفع

والله ياطويل العمر مافي فرع عندنا انا من خارج الرياض مالي الا ارجع واكلمهم وبالنسبه للفيزا معي مسبقة الدفع وارقام بارزه وكلام الشباب تمشي. بس ياليت احد يفيدني من الموبايل

السياره المرسيدس كلاسك قير اتوماتك لمدة 12 يوم من نوع mercedes classe a بسعر 812 ريال وشلون تقول 2700 ريال ؟؟؟!!! والتأمين الشامل يكلفك 331 ريال

اخ فهد شوف طال عمرك المسافه من باريس الى لوزيرن 6 ساعات !!! والمسافه من لوزيرن الى انترلاكن اقل من ساعه !!! لذلك انصحك بالتالي ريح راسك من مشوار 6 ساعت واطلع بالقطار المباشر السريع الى ستراسبورغ اقل من ساعتين ونصف ومنها استئجر السياره واجلس ليلتين عندك بادن بادن واليورب بارك بالاضافه الى ستراسبورغ بعد ذلك انطلق الى انترلاكن ساعتين ونصف بالسياره راح اشيك بس نشوف وش ترسي عليه من البرنامج تحياااااااااتي

مشكور اخوي على الرد السريع.. بالنسبه لاقتراحك على عيني وراسي.. لكن حاجز الفنادق ومجهز كل شي بس باقي احجز السياره واطلع التاشيرات.. لكم وش رايك اخوي بحجز قطار من باريس لزيورخ ومنها استلم السياره واطلع الى لوزيرن من الموبايل

يعني فنادق لوزيرن غير مسترجعه ؟؟

ايوه غير مسترجع من الموبايل

وش صاير يالربع كل من سألته قال غير مسترجع ؟؟؟!!! عموما انت احسبها بالقطار الى زيورخ مباشره 4 ساعات وشوف كم بيكلفك ومن زيورخ الى لوزيرن ساعه ما استفدنا شيء لذلك خلك على مخططك افضل وبالنسبه للسياره انت تبيها من باريس اي فرع ؟؟؟ عطني عنوان سكنك نشوف اقرب فرع لك

تسلم اخوي الله يجزاك كل خير واتعبتك معي تحملنا.. اتوقع من باريس الى لوزيرن وخط سريع نستمتع بالطريق والمناظر ويروح الطريق

بالنسبه لسكني في باريس راح اسكن في فندق موجود بالحي اللاتيني من الموبايل

ممكن تنسخ لي اسم الفندق بالانجلش الله يعافيك

Hotel Seven
هذا اسم الفندق من الموبايل

شوف من اقرب فرع ما حصلت اتوماتيك ولكن من بحثي نفس السياره المرسيدس اجارها 2255 ريال والتامين الشامل يكلفك 1300 ريال خلني بكره اركز واشوف وش افضل شيء لك ومن اي شركه الحين والله معاد اشوووف تحيااااااااااااااااااتي

من شركة هيرتز سياره اتوماتيك من نوع Volkswagen Golf تكلفك 12 يوم 2540 ريال والتأمين الشامل 1300 ريال

الله يجزاك كل خير اخوي.. طيب وش رايك الفوكس واجن هل نوع السياره ممتاز وتكانه وحلوه.. تخبر وانا اخوك بعض المواقع يعطيك شكل السياره واكن بالواقع غير وتطلع صغيره حيل وماتعرف هل هي تصلح للسفر ساعات طويله او لا؟؟

وبالنسبه للمرسيدس اللي قلت لك عنه اسمها classe C من موقع اليورب كار الاستلام من باريس والتسليم مطار جنيف من 7 سبتمبر الى 18 طالعه بـ704 يورو من الموبايل

عطني اسم الفرع في باريس

هذا اسم مكان استلام السياره Gare De Lyon (outside من الموبايل

هذا فر ع محطة القطار PARIS GARE DE LYON ويبعد عن فندق تقريبا 5 كيلو وبالنسبه لفندق هل هذا هو العنوان لانك اعطيتني الاسم فقط


Seven Hotel, 20 Rue Berthollet, Paris, France

Seven hotel paris by elegancia
هذا اسم الفندق بالحي اللاتيني من الموبايل

المشاركة الأصلية كتبت بواسطة fahad1404
http://www.arabtravelersforum.com/tr...1/#post7899531

Seven hotel paris by elegancia
هذا اسم الفندق بالحي اللاتيني من الموبايل



ادحل على الفندق من موقع بوكنق وانسخ الرابط هنا

http://www.booking.com/hotel/fr/seve...ml?aid=1329869

نسخته يارب يظبط معك.. واتعبتك معي ومالك الا واحد يدعي لك بوجه رمضان من الموبايل

فهد لو تضحي باليومين حقة لوزيرن وتستبدلها في من طقة بادن بادن احسن لك تطلع لها بالقطار الى ستراسبورغ من باريس اقل من ساعتين ونصف وتجلس فيها ليلتين وتستمتع بملاهي اليورب بارك وزيارة ستراسبورغ وبادن بادن وترتاح من مسافة الطريق 6 ساعات ومن باريس الى لوزيرن ما فيه شيء تقول يستاهل والسياره تستلمها من ستراسبورغ الفرنسيه وتفتك من زحمة باريس ولخمتها
ومن منطقة بادن الى انترلاكن ساعتين ونصف يمكن اثناء الانتقال تستفيد بزيارة شلال الراين عبر الطريق الذي يخترق الغابات السوداء تتوقف الظهر عند الشلال ثم تواصل وتتوقف قبل انترلاكن في لوزيرن


راسل موقع بوكنق يمكن يلقون لك حل
واذا غلبت الروم كنسل ليله وحده او كنسل الليلتين
وانا ناصح لك
تحيااااتي

طيب يالغالي .. نصيحتك على العين والراس.. لكن استفسار. لو كنسلت لوزيرن ممكن ترتب لي جدول هاليومين اللي كنسلتهم بمعنى

انا عندي يومين باريس من 5 سبتمبر الى 7 ومنها 7 و8 الى لوزيرن.. وبعدها انترلاكن 4 ايام ولوقانو يومين ولوزان 3 ايام

انا مخطط ازور اليورب بارك من انترلاكن.. لكن بعد اقتراحك لي اخلي زيارتي الى لوزيرن من انترلاكن واستبدل هاليومين في مكان تقترحه لي. وش رايك يالغلا كذا حلو ؟؟ من الموبايل

فهد انا قلت كنسلها علشان يترتب برنامجك وبما انك ناوي تزور اليورب بارك من انترلاكن اذا صار لازم تغيير ليش تتعنى مشوار ساعتين ونصف من انترلاكن ذهاب ورجعه مشوااار عليك شوف افضل برنامج لك كالتالي تطلع بالقطار الى ستراسبورغ الفرنسيه مدة القطار مباشر 2:20 دقيقه من ستراسبورغ تستاجر سياره وتستطيع ان تسكن فيها او في روست (اليورب بارك اوبادن بادن كلها قريبه من بعض


بحيث يكون برنامجك كالتالي وبما انك وصلت ستراسبورغ اولا تتمشى فيها وتنهي نهارك هذا فيها
اليوم الثاني من الصباح تنطلق الى اليورب بارك 45 دقيقه من ستراسبورغ وهي تفتح الساعه9 وتقفل الساعه 6 مسائا بعد ما تقفل باقي 3 ساعات على غروب الشمس تنطلق الى بادن بادن تبعد عن اليورب بارك 50 تقضي بقيه النهار وتتعشى فيها ثم تعود الى سكنك وهي تبعد عن ستراسبورغ 50 دقيقه


اليوم الثالث تسوي تشك اوت وتحرك بدري بالكثير الساعه 10 صباحا وتتجه الى انترلاكن عبر الطريق الذي يخترق الغابات السوداء باتجاه شلال نهر الراين من ستراسبيورغ الى مواقف الشلال بالضبط 2:20 دقيقه
بعد قضاء فترة الظهيره عند الشلال وركوب القارب للشلال والانتهاء من فعالياته يكفيكم ساعتين يعني الى الساعه 2 تتجه الى لوزيرن ساعه وربع فقط يعني الوصول تقريبا الساعه 3 الى 3:30 و تتوقف فيها وتتمشى على جسرها الخشبي وحسب ما يتوفر لديك من وقت وقبل الغروب يعني قبل الساعه 8 تنطلق ا الى انترلاكن الطريق يستغرق ساعه بالضبط


تحياااااااااااااااااتي

اخوي daayem1
انا ناوي اوصل جينيف بالقطار . وأخذ تاكسي لمطار جينيف
هل أستطيع أن أستأجر سيارة من المطار الجزء الفرنسي وإعادتها في نفس المكان ، مع العلم أن المغادرة سوف تكون من مطار جينيف ؟

ممكن تعطيني برنامجك واشوف وش افضل لك ممكن تحصل سياره من محطة جنيف وبنفس السعر او راخص ليش تتمشور
وياليت تقولي سكنك وين بجنيف
يعني عطني التفاصيل علشان اعطيك الاجابه الافضل
تحيااااااتي

هلا اخوي daayem1 ابشرك الغيت حجز الفندق تبع لوزيرن وخذيت بنصيحتك راح اغير الوجهه واخليها الى ستراسبورغ واخذ السياره من هناك.. بس تكفى ابي الطريقه اللي احجز فيها القطار من باريس الى ستراسبورغ واذا تنصح السكن فيها او بادن بادن وين تنصحني اسكن اقرب لليورب بارك
وابي استلم السياره من مكان قريب من محطة القطار من الموبايل

زين ما سويت يافهد شوف بالنسبه للسكن وانا اخوك قلت لك المنطقه كلها رائعه وتصلح للسكن فابحث عن الانظف والسعر المناسب وعطني العدد وراح ابحث لك وياليت توضح هل ترغب بالشقه ام بالفندق وكم الميزانيه حق الليله الواحده بالنسبه للقطار احجز من موقع القطار الفرنسي والرحله تنطلق من محطة باريس شرق PARIS EAST والقريبه من موقع فندقك واسعارها تبداء من 33 يورو حتى 80 يورو حسب الدرجه ونوع التذكره قابله للاسترجاع او التغيير او غير قابله وحسب موعد الرحله ولك ما حجزت بدري كل ما حصلت اسعار اقل
هذا موقعهم شوف واذا استصعب عليك شيء اسألني
http://en.voyages-sncf.com/en/train-...=G46#journey_0


بالنسبه للسياره يوجد فرع لليورب كار في نفس المحطه بس المشكله ما حصلت نفس السياره
ممكن نشوف شركه ثانيه ومع الوقت تابع راح تتوفر سيارات لليورب كار

الله يعطيك العافيه اخوي.. بالنسبه للسعر ماتفرق انا الغيت فندق لوزيرن بقيمة 1800 ليلتين والعدد شخصين واحاول ابحث عن فندق نظيف بس المشكله ما اعرف فندق قريب لليوروبارك .. والسياره يالغلا ماهو لازم مرسيدس اهم شي ماتكون ميني وماتكون السياره صغيره حيل اتمنى فهمت قصدي .. وبالنسبه للقطار وش رايك على اي درجه احجز

والله يجزاك الجنه تعبتك معي من الموبايل

لا ابشرك مسترجع كلمت بوكنق وتفاهمت معهم وطحت بموظف حبيب..

تراني متعود على القير العادي ماقد سقت سياره تماتيك ابد ههههه اهم شي تكون ديزل عشان نقتسط واتوقع حجم السياره مهم خاصه اذا تبي تروح مشاوير وسفر بالساعات والا وش رايك من الموبايل

ياطويل العمر خشيت موقع حجز القطار ماش الانقلش لك عليه ما اعرف له .. وش رايك بالسكن بادن بادن والا ستراسبورغ والا رست؟؟ ادور فندق من الموبايل

المشاركة الأصلية كتبت بواسطة daayem1
http://www.arabtravelersforum.com/tr...7/#post7901817

فندق لوزيرن غير مسترجع ؟؟!!!

الله يعوض عليك


شوف حجم السياره مهوب مشكله لكن انا اقصد تماتيك كل اللي حصلتها الى الان قير عايدي لكن لا تشيل هم بنحصل لك ان شاء الله


ودامكم شخصين يفضل السكن بفنادق



الله يبشرك بالخير ياخي ما ودي بخسارة احد وبالنسبه للسكن راح ادور لك على رواقه اما السياره فدامك راعي عايدي اجل متوفره الحمد لله


وحجز القطارات راح اساعدك خطوه خطوه واسجلها لك بس الان اخوك معاد يشوف
ولا تخاف معكم ذا الصيفيه رمضان الله يشرفه على الابواب ما نقدر نفر والعروس ماسكتنا عقب العيد هههههههههههههههه

ههههه. الله يكون بالعون لكن مالك الا واحد يدعي لك برمضان .. وماقصرت اتعبتك معي بالحيل من الموبايل