الموضوع: انترلاكن فينيسياباريس

مرحبآ..
اتمنى المساعده الي ارجوها من التسجيل في المنتدى

ممكن من الخبراء مساعدتي^_^
ابي اسوي مفاجئه لزوجي بترتيبات سغره كامله من الى ..
يعني ماعليه الا يدفع :-p

والاهم ميزانيه تكون مناسبه جججدا لانه مهم بالنسبه له

الوجهه ابيها انترلاكن ابي كل الاماكن الي تنصحون ازورها يعني ب4ايام وبليز ابي مخطط كامل من بحيرات الى القمه الى بيت هايدي

والوجهه الثانيه ابي فينيسيا بس ابي القارب والبحيره لان محد نصح الاطاله فيها بالمنتدى يعني زيارة وارد

واهم شي ابي باريس اخر محطه لان يمدحون الاوتلت تبع باريس

بشكل عام هذا الي ابيه.والمده الزمنيه 12يوم 15يوم كافيه

اي اظافه لاي شي بسعد فيه اتمنى المساعده بخاطري اسافر:'( من الموبايل

مواضيع عشوائيه ممكن تكون تعجبك اخترناها لك:

• هذا مخططي مساعدتكم في اختيار المواصلات
• ارجو المساعده اريد عمل برنامج لسويسر و باريس و انسي
• مخطط شهر عسل سويسري ارآئكم تهمني خصوصاً أهل الخبرة
• استفسار عن التوقيع على الجواز
• اريد السكن في كوخ في انترلاكن
• باريس جنيف بالسياره
• سؤال ضروري
• خبراء سويسرا ، أغسطس سويسري مع كم استفسار بسيط جنيف انترلاكن زيورخ
• احتاج ترتيب لرحلتي من المشرفين والخبراء من باريس لسويسرا
• استفسار عن جنيف
• رايكم بالجدول يهمني والفنادق
• ارجوا المساعده
• استفسار عن خط السير
• أبا مساعدتكم يا أهل الفزعة
• استفسار عن السويس باس
• ناوي السفر باذن الله فتره او يوم بالمدام عطوني رايكم
• ҉ السعـ بـرنس ــودية في الأوروبــــــــ الأرياف ــــــيه أكتوبر ҉
• عدنا بالسلامه ولله الحمد و الشكر
• رايكم في هذي الشقه ياليت بسرعه عشان احجز
• تكفون ياشباب انتظر اجاباتكم عن سويسرا

وعلى فكره يعتبر شهر عسل متأخر كم شهر :-) من الموبايل

انا شفت عروض لمكاتب سفريات بس حيل غاليه
فقلت لو انا انسق معاكم يمكن اقل يعني حاطه فبالي احجز فنادق موشرط 5نجوم لكن مرتبه وبسعار مناسبه
واحسب التكلفه الاجماليه لسكن كامل السفره
وبعدها احجز تذاكر الوجهات فقط
امممم قد ماقدر ببسط السعر لزوجي واكيد بكون ممتنه لكم=) من الموبايل

اششششششكرك اخوي لاهنت ..
انا مو بالسعوديه من الكويت

المخطط رائع لكن انا اهم نقطه عندي الميزانيه يعني جم تكلف ..
والرحله اتوقع 12يوم كافيه مبدئيا

والنيه السفره تكون اخر اغسطس
جنيف مو متحمسه لها كثر انترلاكن يعني يومين بس تكفي
انترلاكن حبيت قمة القمه وبحيرة بلوسي واكيد حابه الريف اكثر اتمنى تساعدني بحصر التكلفه الاجماليه
ابي قد ماقدر اقتصد او اوكون منسقه عدل السفره لتكتمل المفاجئه من الموبايل

عفوا اقصد قمة titlis من الموبايل

التكلفة يفرق من واحد لواحد .. فيه ناس تصرف باليوم 300 يورو أو 400 وفي ناس 150 تكفيهم
ومثل ما قال اخوي دايم إذا ماكنتو مربوطين بأطفال ومدارس سافروا بغير أوقات الذورة والمواسم .. راح توفرون كثير
لكن بشكل عام نقول تقريبا 40 دينار اكل وشرب وتمشيه
وحول 20 دينار تنقل

والنعم باهل الكويت لكن ليس المهم من اين ستطير المهم ترتيب الجدول ومحطة القدوم والمغادره طبعا يفضل ان تبدئي من فينيسيا (لكن لا يوجد طيران مباشر من الخليج الى فينيسيا)من فينيسيا الى ميلان بالقطار(زيارة لوقانوا ) بالقطار ساعتين ونصف ومن ميلان الى انترلاكن 3 ساعات بالقطار ومن انترلاكن الى منطقة بادن بادن واخيرا الى باريس


التكلفه تعتمد على توقيت السفر وعلى اغتنام الفرص والبحث عن ارخص الاسعار وعلى طبع المسافرين انفسهم وطريقع صرفهم ولكن هناك مصاريف اساسيه ثابته يمكنكم حسابها وذلك بمعرفة اسعار التذاكر +تكلفة السكن الدخول على موقع بكونج وتجربة الحجز بنفس التوقيت المرغوب فيه للسفر + معرفة تكلفه السياره او القطار بالدخول على مواقع القطار او تاجير السيارت + ميزانيه تقديريه للاكل والبراج السياحيه لا تقل من 100-150 يورو للشخص

السيارة بالعكس ما تخوف ولا شي ... ممتعة ومريحة جدا
شوفي هالرابط تقدرون تحجزون منه http://www.rentalcars.com
والطيران منتي مجبورة على الامارات فيه القطرية فيه الاتحاد .. اللوفتهانزا شيكي على مواقعهم

^^
اوك بس الامارات اكثر المدح عليها
طيب ممكن تسااعدني
ابي اعرف بكم تكلف التذاكر (كويت،،جنيف،،باريس،،كويت)
والتنقل من جنيف الى باريس طبعا عن طريق القطار من الموبايل

طيب سؤال مهم هل بتستاجرون سياره او لاء علشان اقدر احدد المناطق ولعلمك التكلفه متقاربه لكن هل يتقبل زوجك القياده في سويسرا ؟؟؟

مادري لكن لآ ماتوقع افضل بدون سياره

طيب ابي رايك في التخطيط السابق

وبنتظارك من الموبايل

مخططك السابق سوف تضطرون للعوده الى جنيف مره ثانيه للذهاب الى باريس

بصراحه مدري كم سعر الدينار الكويتي لكن اذا هو على خبري فيعتبر السكن شوي غااالي على 3 نجوم ممكن نحصل لك اقل واهم شيء اذا اعتمادك على القطار يكون السكن قريب من محطات القطار بالسنتر وهذا سبب يرفع سعرها لذلك ممنكن توفرون 50% من قيمة السكن بوجود السياره

وهل تقدرين تسافرين في نهاية اغسطس او بداية سبتمبر التذاكر تقل كثييييييير

بالنسبه للخطوط السعوديه عندهم عرررررض خرااافي بصراحه مدري هم صاحين ولا ميانييين على قولتكم او سستمهم مخبط سعر التذكره بالدولار 480 دولار حسبتها بالدينار طلعت 138 دينار وربع خخخخخخخخخخخخخخخ هذي بتخلي زوجك يوافق على طول هههههههههههههه

خليني اتكتك لك طريقة الحجز واشوف افضل كونكشن وياليت تعطيني التواريخ اللي ممكن تسافرين عليها من الى طبعا اهم شيء بعد 24 اغسطس والعوده ليس قبل 14 سبتمبر

عز الطلب انا اصلا ابيها بنهاية اغسطس 26 ؤورا
وحبذا تكون 18يوم



طيب دامك بتكتك بقولك خاطري اظيف ايطاليا
وبس
وسالفة سعر طيران السعوديه موصج :-) من الموبايل

ههههههههههههههه لا سعر الخطوط السعوديه ابشرك صج واقل بعد

بس قيه مشكله في الترانزيت في يعني اكثر من 12 ساعه في الرجعه مو مشكله نخلي الترانزيت يوم كامل تستاجرون فندق بجده و تروحون عمره وتردون وبالمره تدعون لي هههههههههههههه (الله يستر لا تدعون علي )

ههههههههههههههه لا آفآعليك بندعيلك ^_^

بس مداخله بسيطه ماذا عن طيران الايمارات لان زوجي يحب طيرانهم

ومتحمسه لتنسيق الرحله ^_^ من الموبايل

طيران الامارات السعر 225 دينار والكونكشن حقهم ممتاز في الذهاب ساعتين ونصف وفي الرده ساعه ونصف

أوك ابي طيران الامارات ..وسعرهم حلو بس السعر لشخص الواحد

طيب ماعليه تعبتك الحين لو ابي سفره كامله مكمله من سعر تذاكر سفر والوجهات الي ذكرتها بالسابق والوقت عادي اهم شي يكون من بعد 26.8 مدة 18يوم

بنتظاااااارك من الموبايل

اختي مثل ما قلت لك تذاكر طيران الامارات ذهاب جنيف 28 اغسطس ورده من باريس بتاريخ 15 سبتمبر بسعر 240 دينار للشخص وهذا افضل سعر حصلته على الامارات

بالنسبه للسكن علمتك طريقة حساب التكلفه اذا كان اعتمادكم على القطار ايحثي في السنتر
واذا اعتمادكم على السياره بتحصلين ارخص خارج السنتر
السياره تلكف استلام مطار جنيف الفرنسيه وتسليم ستراسبورغ الفرنسيه يعني نفس الدوله استلام بتاريخ 28 تسليم تاريخ 11 سبتمبر 14 يوم تكلف 2850 ريال +تامين شامل 1600 ريال تقريبا 900 يورو


السويس باس للقطارات بسويسرا لمدة 15 يوم (تجباري لانه يباع 4 او 8 او 15 ) يكلفكم تقريبا 700 يورو


بالنسبه للاكل والشرب والمصاريف اليوميه لن تقل عن 150 يورو للشخصين

ألف شكر لك
كفيت ؤ وفيت من الموبايل