الموضوع: لعدم وضوح الحالة وضع حملة شهادة الدبلوم كلية التقنية والاتصالات

السلام عليكم

أنا طالب أدرس حالياً في مدينة ميلبورن بفلوريدا في معهد اللغة الانجليزية ELS لكن مازلت أوجه مشكلة مع جامعة Florida Institute of Technology في معادلة مواد شهادة الدبلوم من كلية الرياض التقنية.


أود مِن من تم قبوله أو خاطب الجامعة أو يدرس حالياً في الجامعة وتمت الموافقه على معادلة بعض مواد الشهادة مشاركتي بهذ الموضوع وذكر اسم الجامعة وعدد الساعات الموافق عليها للمعادلة، أيضاً عدد الساعات التي كان يتوقعها أثناء تقديمه أو قبل التقديم.

كذلك المجال مفتوح للي يعرف شخص حصلت له أحد هذه المواقف، وأرجو عدم كتابة تجارب في غير هذه المواقف.

الملاحظ في المبتعثين من حملة الدبلوم لم يطرحوا تجاربهم أو ما حصل من نتائج في معادلة المواد "تحويل المواد".


لكم مني خالص الشكر والتقدير، وأتمنى من الله أن يوفق الجميع في الدنيا والآخره
تحياتي

مواضيع عشوائيه ممكن تكون تعجبك اخترناها لك:

• الله يرحم جدي
• طلب مساعدة
• ياجماعه ابي تخصص مناسب لي للماجستير
• ليدز ريدنج شيلفيد تغير تخصص معهد
• استفسار هام عن دراسة الماجستير والدكتوراة بمجال الاعلام بامريكا
• السكن مع عايله
• ارجو المساعده من ذوي الخبره بالسفاره
• وين الوزاره
• الأنتر نت في أمريكا
• تكلفة دراسة اللغة لمدة شهرين ؟ وبعض الاسئلة
• ابي معهد لغه بالعطله الصيفيه
• بالنسبة للبعثات الجديدة
• أستفسار من أهل الخبرة
• ارجو المساعده
• الظرف الذي بداخلة
• بليز ساعدو اخوي
• فيزا للغه
• اي واحد عنده مشكله الحل موجود بمساعدة الاعضاء
• وين اقدر اترجم الشهادات في الرياض ؟؟
• معهد جامعة أكرون ولاية أوهايو

انا قالوا لي المعادلة بعد ما تجي

ابن السعودية

انت ما عندك شيء يبين أنهم عادلوا لك ساعات

أنا أبغى الي عادلوا أو انتهوا من المعادلة

شكراً

لا أبدا

لأن انا مشكلتي مشكلة

أنا دارس هندسة بالتقنية وتخصصت علوم بأمريكا

إذا عادلوها جزاهم الله خير
وإذا لا بيكون معنا شهادتين

تحياتي لك

زميلي درس في نفس الكلية تخصص كمبيوتر,,,والتحق بجامعة في اوريقون تخصص كمبيوتر ساينس,,,عادلولو سنتين تقريبا

طيب الان كليه التقنيه في الرياض ماعندهم في حاسب تخصص الى اثنين واحد دعم فني وثاني صيانه

لكن التقنية عندهم هندسه..

وش المواد الي يقبلون يعادلونها بعد دبلوم برا

المشاركة الأصلية كتبت بواسطة WhyNot


زميلي درس في نفس الكلية تخصص كمبيوتر,,,والتحق بجامعة في اوريقون تخصص كمبيوتر ساينس,,,عادلولو سنتين تقريبا





الله لا يهينك أخوي WhyNot

أشكرك على معلومتك بس أكيد عادلوا له هالعدد من الساعات

ياليت تأكد لي يالغالي عدد الساعات وأسم الجامعة وبأي مدينة

وبالنسبة لوضعك، وش صار عليك؟

تحياتي لك

شكراً لك أخوي ابن السعودية
وموفق إن شاء الله

يالله تزيدهم

مافيه أحد مبتعث من كليات التقنية أو الاتصالات؟

موفقين

ذكر لي أحد الزملاء في ميلبورن أن مدينة توليدوا بولاية اوهايو يوجد بها جامعة تعادل ما يقارب نسبة 60 إلى 70 بالمئة من بعض التخصصت التقنية، مثل تخصص هذا الشخص هو الاتصالات في كلية الاتصالات

أرجو من الجميع إفادتهم بتجاربهم أو تجارب زملائهم وشكراً

مع التحية

انا قالولي بعد ماتجي لان معي دبلوم كليه تقنيه

بس والله اعلم انهم ماراح يعادلون لك الا ترم واحد او ترمين بالكثير على حسب تخصصك بكليه مثلا اذا كان حاسب ممكن يعادلون لك 50 ساعه الى 6 ساعه مثل كهرباء ممكن يعادلونك اقل من كذا بكثير لان الكليه التقنيه دجه بيني وبينكم ببعض التخصصات

وانا تخصصي بالتقنيه كهرباء بس لو عادلولي ترم او ترمين راح اغير تخصصي وادرس من جديد حاسب والشكوى لله من هالكليه الدجه

وبالتوفيق للجميع

يالغالي ملك المشاعر

شكراً لك، لكن طلبي فقط محصور على الي واجه الموضوع

أنا ام أطلب أرائكم في الموضوع، بل طلبت طرح تجاربكم للي جربوأ

شكراً مرة آخرى

تحملونا


بس انا شايل همه بشكل كبير! حسافه كل هالسنين الي راحت من عمري

ما ودي أنغبن وأدري بعد فتره ان في طالب حامل لنفس شهادتي، وعادل عدد كبير من الساعات :112:

تحملونا مرة آخرى


شكراً

وش دعوه، الي قدم وعادل يكتب تجربته

لا تبخلون علينا بتجاربكم

تحياتي

جامعة ولاية كولورادو عادلتلي تقريا 90% من الساعات علماً اني خريج معهد الاداره العامه وكل درجاتي ممتاز
وارسلولي ورقة الافليوشن بس مافهمتمها وانا الان باوريقن ماعادلولي شي يقولون مانعادل الا طلاب جامعة الملك سعود والبترول وانشالله مع السنه الجايه راح احول لجامعة كلورادو

مشكورين ياخوان يعني اللي فهمته ان بعض الجامعات تعادل وبعض ماتعادل طيب وش الجامعات اللي تعادل وهل لازم اكون جايب درجات عاليه في المواد



الف شكر لكم

تحياتي أخيو البهبهاني

جامعة ولاية كلورادو في FT COLLINS،

وأنت حالياً في جامعة اوريقن، لكن أخوي WhyNot يقول أنه يعرف شخص عادلوا له في اوريقون بس ما حدد أسم الجامعة؟ وبأي مدينة؟

بالنسبة للجامعة ولاية كلورادو سمعة أنها جامعة سهله في نقل الساعات وبالتالي ياليت يالغالي تتأكد أكثر

ولك مني خالص تحياتي

شكراً

واللهي علمي علمك فيه اكثر من جامعة باوريقن بس اقواها الجامعه اللي انا فيها اورقن ستيت يونفيرستي في كورقالس وجامعة كلورادو اللي فورت كولنز اقوى من جامعتي وشكلي ابطلب ورقة المعادلة من جديد مع الشرح

وسمعت ناس انهم ملتحقين بجامعة تمبل في فلادلفيا وانهم عادلوهم جميع الساعات

واللهي علمي علمك فيه اكثر من جامعة باوريقن بس اقواها الجامعه اللي انا فيها اورقن ستيت يونفيرستي في كورفالس وجامعة كلورادو اللي فورت كولنز اقوى من جامعتي وشكلي ابطلب ورقة المعادلة من جديد مع الشرح

وسمعت ناس انهم ملتحقين بجامعة تمبل في فلادلفيا وانهم عادلوهم جميع الساعات

وفي وقت التقديم المراسلة اجيب من مهعد بس او من معهد و جامعه نفس المشكلة من كلية الاتصالات دبلوم اتصالات واذا من جامعه اقدم بالثانوية او بالدبلوم
بليييييييييييييييييييييييييييييييييييييييييييييييي يييييييز

البرنامج القديم كان من ضمن المتطلبات قبول معهد وجامعة

وهذا المتوقع ان يكون في البرنامج الجديد

شكراً

انا سمعت ان جامعه بورتلند بولايه اورقن هي اسهل شي مع الي معهم شهاده دبلوم

wewe2266
يعطيك العافية على المعلومات، والله لا يهينك

أجل على كيذا لازم واحد من الشباب إذا كان يعرف أحد أو جرب في هالجامعة يسأل لنا

تحياتي يالغالي

Portland State Uni

تحياتي للجميع

أجل الأن في جامعة Portland State University

وجامعة Colorado State University

هذه الجامعات الي راح أقدم عليه وأشوف راح يطلع منه

تحياتي للجميع، ومازلنا في طور جمع المعلومات

تحياتي

السلام عليكم ورحمة الله وبركاته،،،
أنا قدمت على الجامعه المذكوره أعلاه وقابلت مشرفة القبول في شيرتون الرياض وارسلتلي بعد اسبوعين القبول بالبريد ووعدتني بمعادلة من 40-60ساعه مع العلم اني اجتزت 92ساعه في الكليه على النظام القديم وبتقدير ممتاز ...... ولاكن للأسف لم اذهب لأمريكا ولاكن أعرف صديق من الثقات انشالله ولا نزكي على الله احدا وعدته الجامعه في ولاية إلنوي بقبول 68 من ساعات الكلية التقنية تخصص إنتاج ميكانيكي وحت تاريخه لم ينته من كورس اللغه.
ولاكن بإمكانك الضغط على الجامعه وخصوصا الجامعات الضعيفه والصغير بقبول اكثر ساعات ممكنه لانك تدفع ثلاث اضعاف المواطن الامريكي والجامعات قائمه على الطلاب ويهمهم المبالغ المدفوعه من الاجانب فبيدك ورقة ضغط قووويه

المشاركة الأصلية كتبت بواسطة مُــكَـلــبَــش


أخي الكريم البهبهاني
السلام علكيم ورحمة الله وبركاته ...
آمل التفضل بإعطائي معلومات أكثر عن تخصصك في معهد الإدارة ، وعن كيفية حصولك على البعثة .
إذا سمحت ..
لك مودتي ،،،،

مُــكَـلــبَــش

وعليكم السلام ورحمة الله وبركاته

بالنسبة لتخصصي هو المحاسبة التجارية تخرجت بتقدير ممتاز ولله الحمد منذ سنه ونصف وعلى سالفة البعثه بهذولني بهذله اول شي رفضوني بحجة ان دبلوم معهد الاداره دبلوم وظيفي وليس درجه جامعية متوسطة مثل التقنية وبعدين الله هداهم وضموني للبعثه بدون وواسطة ولله الحمد:101:

في حاجه مهمه ياشباب ان بعض الجامعات ماتقبل الترانز سكربت حقك يقولك لازم ترسله لمكتب تقييم معتمد في امريكا مثل هاذا الموقع

http://www.wes.org/

فيه احد عنده علم عن الهرجه هاذي ياشباب :114: ؟؟

وشكرا لكم

مضبوط أخوي البهباني

لازم مكتب المعهد الي درست فيه يرسل الترانس سكريبت رسمياً ومختم على الظرف

أنا الأن قاعد أرسال الكلية علشان يرسلونها لي، ويمكن أخلي أحد من أهلي يرسلها على أنها من نفس الكلية

ومبروك عليك الابتعاث والله يوفقك

السلام عليكم

أخواني سوف أقوم بكتابة موضوع آخر يحوي على عنوان واضح

لابد من الجميع المشاركة للحصول على حل لمشكلة معادلة الساعات

وشكراً

المشاركة الأصلية كتبت بواسطة Sky Rider

السلام عليكم ورحمة الله وبركاته،،،
أنا قدمت على الجامعه المذكوره أعلاه وقابلت مشرفة القبول في شيرتون الرياض وارسلتلي بعد اسبوعين القبول بالبريد ووعدتني بمعادلة من 40-60ساعه مع العلم اني اجتزت 92ساعه في الكليه على النظام القديم وبتقدير ممتاز ...... ولاكن للأسف لم اذهب لأمريكا ولاكن أعرف صديق من الثقات انشالله ولا نزكي على الله احدا وعدته الجامعه في ولاية إلنوي بقبول 68 من ساعات الكلية التقنية تخصص إنتاج ميكانيكي وحت تاريخه لم ينته من كورس اللغه.
ولاكن بإمكانك الضغط على الجامعه وخصوصا الجامعات الضعيفه والصغير بقبول اكثر ساعات ممكنه لانك تدفع ثلاث اضعاف المواطن الامريكي والجامعات قائمه على الطلاب ويهمهم المبالغ المدفوعه من الاجانب فبيدك ورقة ضغط قووويه

ممتاز أخوي Sky Rider

إن شاء الله تقدم على البرنامج الجديد وتروح لأمريكا

بالنسبة لزميلك، في ولاية إلنوي بس بأي مدينة؟

وهل شهادة النظام الجديد أم القديم

وكلامك مضبوط بالنسبة لموضوع عدد الساعات الي ممكن تضغط فيها على الجامعات الصغيرة والي تدور الأجنبي الي راح يدفع لها أكثر، ولا مبتعث من الحكومة

تحياتي يالغالي، والله يوفقك وتلحق البقية إن شاء الله

شكراً

السلام عليكم
ارجو اعلامنا ماحصل معكم اخوتي حملة شهادة الدبلوم لاني الاحظ توقف الموضوع
ودمتم سالمين

هاه شباب مافيه اي شي جديد؟!؟

انا الان قدمت على 4 جامعات وانتظر منهم الرد اللي هي

University of Oregon
Colorado State University
University of Arizona
Arizona State University

ووضحتلهم اني الملحقيه ماتوافق اجي لجامعتكم الااذا عادلتولي ساعات الدبلوم :24:

وانشاءالله انا مأمل على الجامعه الاولى والثالثه قولو امين

وشكرا

يرفع يرفع يرفع
لعدم وجود اجابه واضحه

السلام عليكم

تحياتي للجميع، وأشكر كل من شاكر ورد على الموضوع

بودي فقط إفادتكم بأن الأمر ليس بالسهولة المتوقعة، حيث أن لدي زملاء في جامعة Flroida Institute of Technology خريجي كلية التقنية، لم تعادلهم لهم الجامعة الا 15 ساعة من أصل 72 ساعة !

وهذا أمر محبط للمعنويات، وبالتالي أنا لم أجد أي شيء جديد لانسبة لوضعي

وأتمنى من الله أن يرزقنا بشخص يبشرنا بحصوله على جامعة تعادل أكبر قدر ممكن من الساعات

تحياتي

sasj15

انا طالب في معهد نيوهورايزن والمعهد مسوي اتفاقيه مع جامعه بوردو - انديانا حيث انها تعادل تقريبا 45 ساعه وشكرا استفسرو من الجامعه

ابشرو بعزكم يالربع

ردت علي جامعه Colorado State

انه تم الانتهاء من المعادله وانهم راح يرسلولي ورقة المعادله الاسبوع هاذا انشاءالله واول ماتوصل راح اسردلكم التفاصيل انشاءالله

السلام عليكم

أخوي البهبهاني

نتظر ردك على الموضوع وعدد الساعات الي حصلت على معادله لها

تحياتي يالغالي

sasj15

السلام عليكم

وصلني اليومرسالة المعادلة من جامعة كلورادو

والله هي 3 اوراق ومافهمتها بالضبط بس انهم عادلولي 52 ساعه من اصل 56 ساعه :24:

بس اللي غابني انهم كاتبين انها قابله للتغير

ممكن تساعدنا في نص الرساله اللي انت ارسلتها لهم ... لأني على مافهمت ان المعادله يحتاج لها اقل شي شهرين ... ( ممكن معلوماتي غلط ... ) ياليت تساعدني في نص الرساله واشكرك اخوي صراحه تراك اثلجت صدري ... واكرر شكري لك

السلام عليكم

مساكم الله بالخير اخواني انا خريج الكلية التقنية تخصص انتاج وودي لو سمحتوا تفيدوني بموضوع المعادلة وموضوع الاجرائات لان ابي اسجل في البرنامج الثاني وهل وضع التاشيرة وقبول الوزارة سهل او لا يعني الموضوع يبيله واسطات او لا وبعدين كم المتوقع يرسلون بعثه عل هذا البرنامج الي هو البرنامج الثاني ؟

يعني الي معه دبلوم الكلية التقنية تخصص حاسب الي( برمجيات)
كم تتوقعون بعادلونه بالساعات

انا تخصص حاسب آلي (دعم فني )


هل تنصحوني بجامعة كلورادو ؟

اخي البهباني لوسمحت ارسالي رقم جوالك تكفى ضروري ضروري على ايميل
====No e-mails please ====
عاجل جدا الرجاء عدم حذف الايميل

يامشرف ارجوك رجاء خاص الايميل لاتمسحها لاني حاولت ارسله رساله خاصه قالو لي لاتمتلك صلاحيات
وارسلت للادارة المنتدى رساله ولا ردت علي يااخوان الرجاء المساعده للوصول الى البهبهاني ايميله او رقم جواله

وينك ياالبهبهاني ....... ننتــظرك

السلام عليكم

تحياتي يالبهبهاني

والله يعطيك الصحة والعافية على الخبر الحلو

بودي يالغالي تشرح لي ولشباب كيفية التقديم والرسائل الي أرسلتها لهم

وهل أخذت ضمان مالي جديد ولا على الأول؟ يعني الأساسي

ياليت تكفى تشرح الشرح المفصل والممل، الواضح أنك متمكن بشكل كبير باللغة وهي بخد ذاتها ساعدتك على انهى أمورك بنفسك يالغالي

تحياتي يالغالي والله يوفقك ويسهل عليك

موفق

تحياتي

الفيلسوف

يرفع.............

لمن عنده خلفيه أو خبره بمعادلة المواد وننتظر البهبهاني

راح انشالله اعطيكم خلال اسبوعين بالكثير انشالله اسم جامعه !!!!

تحياتي لكم ...

ياشباااااااااااااااااااب اللي عنده اي خلفيه عن معادله درجات دبلوم معهد نيوهورايزن تخصص كمبيوتر

في اي جامعه بامريكا او غيرها من الدول ارجوو انه يفيدنا وله جزيل الشكر .... ارجووووووو من الجميع ا

اخذ الجديه والحرص في موضوعي هذا حيث اني تعبت يا اخوان ولا لقيت اي شخص يفيدني ابد


اخوكم مجازف001

.................................. ارجو الاهتمام في موضوعي هذاااااااااااااا ................

انا تخصص حاسب آلي (دعم فني )


هل تنصحوني بجامعة كلورادو ؟