الموضوع: لاهل الكويت الاعزاء

السلام عليكم ورحمة الله وبركاته
كيفكم ياجماعه؟؟

محتاج ياجماعه من اهل الكويت الاعزاء الفزعه انا توني عريس وناوي انشاءالله اجي الكويت سياحه انا والمدام بر من منفذ الخفجي وحجزت من بوكنق في شقق بودل محتاج منكم كم شي الله لا يهينكم///

ابي وصف من منفذ الخفجي وصف دقيق ومفصل الي شقق بودل ؟؟؟
ابي وصف من شقق بودل الافنيوز والمارينا مول والمباركيه وسوق ليى جاليري ومجمع الزهره؟؟
ابي مطاعم وكافيها شيش وجلسات عائليه حلوه جو عرسان بالعربي وصفها واساميها ؟؟
سمعت انو في مطعم بطل اسمع فريج صويلح هل هو بعيد او قريب وكيف الوصول له ؟؟

واللي يزيدنا ويضبطنا اكون له شاكر ومقدر انا رحلتي للكويت 5 ليالي تكفون ضبطوني قدام المدام مابي اتوهق بالشوارع بالكويت

انتظر ردكم انطلاقي للكويت يوم الششبت القادم لا تتخرون علي بالرد بليز بليزززززززززززززززز اخوكم عريس متوهق

مواضيع عشوائيه ممكن تكون تعجبك اخترناها لك:

• صور لمطاعم شارع الخليج العربي الكويت
• يا أهل الكويت ،، أبو يوسف قادم إليكم ،،، لا تتركونه دون مساعدة
• العملية للفنادق تنال موافقة لبناء فندق في استراليا
• اهم شي
• يوم البحاره بالصور
• ساعدوونى بليز
• استفسار كويتي كوري
• سماش بورغر
• سؤالين عالطاير
• من يشور علي بسكن ممتاز
• بليز بيضوا ويهي مع رفيجتي الي بتزور الكويت لاول مرة
• استفسار بخصوص المطارح الكويتية
• عاجل مستشفى الأمراض الصدرية
• اول زياره للكويت
• سؤال لأهل الكويت و المختصين هل ؟
• شوفوا مراحل تطوير جزيره فيلكا
• ’’’’××× زيارتي لمحل لمستلزمات المنزل ××’’’’
• ممكن تعطوني برنامج حلو لمدة يومين الى ثلاث ايام للكويت
• بخصوص الاحداثيات الكويتيه
• الله يوفق ويسعد الله يساعدني

وين الناس ّ!!!!!!!!!!!!!!!!!!!!!!!!!!!!!!!!!!!!!!!!!

وين اهل الفزعه وضف ابي بسسسسسسسسسسسسسسس #_#

اخوي طلبك سااايق خاص ههههههههههههه
من الخفجي امش سيداااا لحد ما تشوف فندق الجميراا تلف يمين وكمل شارع التعاون كله
لحد ما تشوف دوار البدع كمل سيدا اول اشاره يسار لف تدخل شارع المطاعم وروح سيداا بيكون
اخر الشارع على ايدك اليسار
فندق بودل عاد بعدين تديور الدوار تلاقي مواقف الفندق
واما الباجي اسال اهل الفندق خخخخخخخخ
يبيلك خرايط يا اخوي

عالبركة أخوي وحياك في الكويت.
عليك ب Google Maps.
أحب أنصحك أن تزور مجمع الأفنيوز (منطقة الري) و مول360 (منطقة الزهراء بجنوب السرة) ما يصير تزور الكويت من غير ما تشوفهم. ومتروسين مطاعم.
وفي برج الحمراء مفتتحينه جديد، يمدحونه لكني ما رحت له بعد.
شارع سالم المبارك في السالمية فيه مجمعات ومطاعم الدنيا، وفيه مركز سلطان بعد. ومطعم فريج صويلح موجود فيه، بس فريج صويلح شعبي شوية ما أحسه يصلح لمعاريس.
فيه كافية اسمه كافيه بزه عندهم فرع بالسالمية وبنيد القار والشامية وكيفان. أكله قديم بس ستايله كشخه وراقي، بس اسعاره أغلى.

وعليكم السلام ورحمة الله وبركاتة

مبروك اخوي rami997
منك المال ومنها العيال يارب والله يرزقكم الذرية الصالحة وان شاء الله تنبسطون في الكويت وان شاء الله
ماراح نفشلك راح نبيض وجهك والله يقدرنا يارب

واتشرف بزيارتك لمواضيعي ومواضيع اخواني للمطاعم والكافيهات لبوابة الكويت وراح تفيدك وتعجبك ان شاء الله

وبخصوص المجمعات عليك بالافنيوز وسوق شرق وبرج الحمراء ومارينا مول والمباركيه
ولاتنسى زيارة ابراج الكويت اذا خلصوا الصيانه منها وزيارة برج التحرير راح يعجبك يقولون فيه مطعم او كافي فوق بنفس القبة الزجاجية وتشوف ابراج الكويت ومعالمها


اقولك حاجه وتحمل الصدمة الاولى ههههه
بودل السالميه مكانها حلو ويعيبه زحمة المنطقة ويميزه انه حول شقق بودل جميع اللي تبيه من خدمات من مطاعم صيدليات وبقالة ومحل ألعاب ومحل سينامون بجنبك على طول وغيرها

بخصوص غرف بودل الاثاث مستهلك وغير ان الغرفه ضيقه شوي والافياش خربانه والنت مايوصل الغرفه يعني مشي حالك

ولا اسعاره حلوة وخصوصاً للعوائل يعملون لهم تخفيض اذا جيته مباشر او اتصلت تلفون

واي خدمات حنا حاضرين لك ترانا موجودين لك

اخوك : http://www.arabtravelersforum.com/user364264/

من الخفجي الى شقق بودل السالميه

اخذ طريق الملك فهد رحمه الله
و امش سيدا (طوالي) تقريبا 100 كيلو
لغاية ما توصل لوحة مكتوب عليها الدائري الخامس
اخذ الدائري الخامس بأتجاه السالميه (يمين)
و كمل بالدائري الخامس الى نهايته دوار البدع
و انتبه بالدائري الخامس السرعه 80 فيه كاميرات
لما توصل الدوار روح يسار شارع البلاجات
و امش مسافه كيلو لما توصل اول اشاره
اخذها يسار ( شارع عمرو بن العاص)
هذا الشارع فيه شقق بودل
الشقق رح يكونون على ايدك اليسار
قبل الدوار

السلام عليكم

انصحك بجهاز قارمن يغنيك عن السؤال

وين المعرس ؟؟؟ مو مبين
لايكون ضيعناااه
ربي يبارك له ويهنييه ويسعده