الموضوع: سيارتي تطفي اذا وقفت وهي على تكفون عاجل

هلابكم مشكلتي غريبه نوعا ما
ولكن بشرحها ويارب تفهمون علي
انا استأجرت
2013
bmw x3
الناقل اتوماتيك
المشكله كالاتي
اذا وقفت عند اشاره او عند اي تقاطع بعد خمس ثواني تقريبا او اقل تطفي
وهي على d واشغلها وتشتغل عادي بس سببت لي مشاكل خاصة بالزحمه
طبعا انا قد سمعت ان هالشغله متعمده في سيارة الاودي والبي ام دبليوم*
عشان توفير البنزين في الاماكن التي يطول فيها الوقوف والسياره شغاله*
وقد حصلت معي سابقا بس في سيارة اودي الناقلا عادي (قير عادي ) كنت احطها بواحد واضغط الكلتش عشان ماتطفي وانا واقف
بمجرد اني احطها بفاضي تطفي


حتى سمعت ان واحد تعرض لهالمشكله بس ماعرف لها حل



هي ليست مشكله ميكانيكيه


حركه اضغطها وتضبط بس وش هي مدري




لدرجة صرت اتمنى اني ماأوقف عند اشاره او تقاطع



فأي واحد استأجر سياره حصلت معاه كذا او يعرف شيء اضغطه اذا وقفت علشان ماتطفي السياره
والله اني متورط
كل شغلي بالقارمن وزيارتي راح تبدأ من بكره الصباح فياليت احد يسعفني بالاجابه من الموبايل

مواضيع عشوائيه ممكن تكون تعجبك اخترناها لك:

• استفسار بخصوص جهاز القارمن
• حمل الشنط في القطار نصايحكم
• استفسارات عن أفضل مسار لرحلة صيفية أوروبية ؟
• سويسرا .. رحــــــلا My Trips تــــــي
• ارجو من خبراء ومشرفي سويسرا وضع اللمسة الأخيرة على البرنامج ليالي
• شقق قريب من انترلاكن رخيصه و حلوه
• تأجير السياره في اغسطس
• ارجوا المساعدة في تخطيط رحلتي
• انقذوني صح الكلام اللي قريته عن ايفيان ؟؟و عزيز وكل اللي عندهم فكره جاوبووني
• استفسار عن اسرع طريقة للوصول الى انترلاكن هل استاجر سيارة او بالقطار افضل من باريس
• مساعدتكم تكفون
• أبا مساعدتكم يا أهل الفزعة
• رحلة اليوم الواحد
• اول سفره لي لـ سويسرا و محتاج تضبيط جدول السفره
• استئجار سيارة من القسم الفرنسي بجنيف
• شهر عسل
• فزعتكم يانااس سفرتي هالأسبوع
• استفسارات كثيرة عن سويسرا
• افتوني في الجدول السياحي لانترلاكن
• مخططي للشهر العسل المانيا سويسرا ايطاليا ارجو المساعده

يعني وقف ولا تفضيها ولاشيء اول ما تولع الاشاره ادعس وتشتغل

طيب انا سيارتي اتوماتيك
يعني قصدك تبقى على d
وادعس البنزين وتشتغل



والله شغله
وتبغالها تعود
طيب لو احطها بN

ورجلي عالفرامل
تطفي ؟؟؟؟ من الموبايل

ههههههههه

اهلا صديقي
نفس سيارتي اللي أستأجرتها
شوف يالغالي
فوق زر التشغيل
فيه حرف A
اضغط عليه وخليه off

ورحلة ممتعة لك
^_^

صدق وهقه والله و منكم نستفيد ههههه

جربها قبل لا تطلع لمسافات طويله عشان تتعود عليها وان شاءالله كل شي تمام

طمنا عليك بعد التجارب

انا كان معي نفس المشكلة بس بقير عادي تطفي بس من اعشق واحد من كيفهاتشتغل
فيه حل بالاتومتك اضغط بريك جلنط من الموبايل

هي تقريبا تقنية بالسيارات الالمانية انا كان معي مرسيدس وانت اللحين بي ام وقبل اودي
المانيا كل صح من الموبايل

الحمد لله
شكرا لكم جميعا
مثل ماقال اخوي جميل jemeel 15
ضغطت على حرف A
وتكنسل هالنظام الغبي ورجعت سيارتي طبيعي من الموبايل

Jemeel 15

انقذتني ياصديقي
والله حتى راعي البيت قلت له السالفه وقال مااعرف وش حلها

اليوم من اول ماقريت ردك
افطرت وانا مستانس وبدأت جولاتي السياحيه
وردك خلاني امشي على جدولي بالتمام بدون تضييع ولايوم


بيض الله وجك
وشكرا لجميع الردود من الموبايل

ههههههههههههه الى هالدرجه مسويه لك قلق معقوله كانت بتلخبط جدولك ؟؟؟!!! نفس الحركه ومشوارين وتعودنا عليها وقلنا خلنا اوروبين نوفر البنزين معهم هههههههههههههههه بس ما قصر الاخ جميل فك ازمتك بيض الله وجهه اتمنى لك رحله سعيده وترجع بالسلامه ان شاء الله

المشاركة الأصلية كتبت بواسطة وليد الرس
http://www.arabtravelersforum.com/tr...9/#post7886739

Jemeel 15

انقذتني ياصديقي
والله حتى راعي البيت قلت له السالفه وقال مااعرف وش حلها

اليوم من اول ماقريت ردك
افطرت وانا مستانس وبدأت جولاتي السياحيه
وردك خلاني امشي على جدولي بالتمام بدون تضييع ولايوم


بيض الله وجك
وشكرا لجميع الردود من الموبايل



موفق يارب
ورحلة ممتعة
أنا كذلك متواجد
هذه الأيام
في انترلاكن
^_^