الموضوع: عورني راسي وانا افكر والحل ؟؟؟؟؟

السلام عليكم
اخواني اردت مساعدتكم بتحيد الخطوط العريضه لرحلتي القادمه اللي بتبدأ من جنيف مرورا بانترلاكن نهاية بباريس
كل مدينه اربع ليالي
ابتداءً من 6-9 القادم لحد 18-9
هل نا انصفت كل مدينه ولا شو رايكم

مواضيع عشوائيه ممكن تكون تعجبك اخترناها لك:

• السفر في مارس
• اول مرة اسافر اوروبا بليز نصايح
• ابغي حد ينصحني بجدول رحلة من ميلان الى باريس
• الانتقال من باريس لجنيف
• سكن في جنيف
• رحله عائليه الي سويسر
• زبطووووني تكفون
• أجـمـل مـنـتجع وسبا فيانـتـرلاكـنهدية صيف
• سويسرا الحلم جولاي ، تقرير مختصر جداً لرحلة اسابيع بالصور
• ابحث عن شقتين في انترلاكن وتكون ذات اطلالة متميزة جدا لعائلتين
• استفسار عن برنامج رحلة يوم في سويسرا
• مساعده فى ترتيب جدول
• استفسار عن مخطط رحلة في اوروبا ..
• طلب المساعدة في السكن انترلاكن وجينيف اغسطس
• تكفون ساعدوني ترى كلمه تكفى فيها تسعه وتسعين كلمه
• انا بورطه تكفون مساعده
• هل يوجد منطقه للسكن تكون بين انترلاكن والريف الفرنسي ؟
• ســويــســرا بــعــيــون الــقــطــري
• سويسرا في ابريل ؟؟؟
• رحلتي الأولى الى أوروبا أرجوا المســـاعده

ترتيب جميل وانشطة كثير راح تسويها ..


واذا كنت من هواة الطبيعه تخلي جنيف 3 وانترلكن 5 ثم باريس 4


ومناسب اذا كان تنقلك بالقطار او بالسيارة .




وبالتوفيق

والله من كثر الغبار والحر اللي شفناه اكيد بيكون للطبيعه عندي الرغبه الاولي
وان شاء الله بيكون تنقلي بسياره
يعني تشوف ان الترتيب مريح ومناسب

طيب اخوي بالنسبه لثلاث ليالي بجنيف وانا راح اكون هناك تقريبا من الساعه
هلي هي كافيه لزيارة انسي وافيان وماجك واللفلفه علي البحيره وباسواق جنيف
ياليت تخبرني وش ممكن اسوي وازور بالثلاث ليالي هذي

ما يحتاج يعورك راسك دام ميدو اعطاك الشور ولو كانت رحلتك اطول شوي كان شرنا عليك تروح لستراسبورغ الفرنسيه ساعتين ونصف من بادن بادن والقريبه من العاب اليورب بارك خصوصا اذا معك اطفال كباار وبادن بادن الجميله وفي ستراسبورغ تسلم السياره ولن يكون هناك ضريبة لانها فرنسيه وتطلع بالقطار الى باريس اقل من ساعتين ونصف ولكن رحلتك قصيره لذلك تسلم السياره في انترلاكن والله يعينك على رحلة القطار 5 ساعات مع تبديل واحد في بازل ومنطقة جنيف وبنائا على مدة رحلتك تكفيها 3 ليال وممكن تسكن في اي مكان خارج جنيف وهو الافضل لان معك سياره وبتحصل اسعار افضل ومناطق افضل وتستطيع زيارة جميع الاماكن المهمه بالسياره بالنسبه لديفون حلوه للسكن العائلي وتبعد عن جنيف اقل من نصف ساعه وعن لوزان كذلك وعن انسي اقل من ساعه ولا انصحك بشامونيه الفرنسيه لانها مشوار واهم ما فيها القمة الثلجيه وهذي راح تحصلها في انترلاكن والتي سوف تنتقل لها بمحطتك الثانيه وهي تبعد اقل من ساعتين ونصف بالسياره وعندك 5 ليال تقدر تزور احد القمم الثلجيه فيها بدلا عن شامونيه
تحياااااتي

بالعربي مابي اخلي شي مارحتله لو انوم بالسياره
بس كيف ارتب الاماكن بحيث ماادوخ من الدوران بينها ويضيع الوقت علي بالخطوط رايح جاي
مع العلم اني بسكن بديفون

الله يسلمك يارب
اولا انا مامعي اطفال وبسكن بديفون حسب ماوجهتني سبقاً
ومابي اروح للوزانلاني سبق مريتها قبل سنتين
ابي اروح السوق والاوت لت
وابي ادور بالسفينه علي البحيره
وابي اروح لآنسي وافيان وموجك
واذا فيه شي ثاني اروح له علموني عليه
ونسيت ابي اروح قلعة شيمون
واذا ممكن نشاطات حلوه يمارسها الواحد
طيران شراعي او منطاد او شي من كذا
مشكله انا يالعليمية نبي كل شي بنفس الوقت

ماقصرو الاخوان معاك فهماهل الخبره
لاكن وجهة نظري جنيف ماتسوى الواحد يجلس فيها واذا بتسكن عندي فندق ممتاز بتواري قريبه من مطار جنيف 10 دقايق

البارشوت في ساحة انترلاكن تحصلهم احجز في مكتب الانفورميشين(( المعلومات )) قريب من الساحه ب 170 فرنك واذا تبي الصور اللي يصورها لك وانت معاه بالكام حقته ب 40 فرنك

حلو اخوي بالنسبه للطيران الشراعي ان شاء الله نويت عليه
بس ودي بعد اذا فيه منطاد عشان يكون حلو كمان ويقولون الاخوان ان فيه هليكبتور ولا انا غلطان
طيب الطيران الشراعي مخيف ويحتاج تدريب ولا لا
والنشاطات المائيه كويسه الواحد يجربها ولا مالها داعي

ابد اخوي سوي مثل ما يقولك الشخص اللي بتطلع معاه اجري واقفز وخلاص صرت بالجو بس لا تقعد تصايح ههههههه

اذا وزنك فوق 100 ك العن ابليس وروح تمش وانبسط بلا طيران شراعي بلا هم من الموبايل

والهليكوبتر داخل حرب ههههه ما ادري عنها
والنشاطات المائيه اتوقع اني سالت عن القارب واللي مربوط فيها زلاجه في انترلاكن مافيه ولكن حصلتها ف جنيف

وهذا كله حسب برودة الماء من الموبايل

لا وزني مو ميه لاتخاف
بس الصياح لابد منه
اصلا بقوله اذا صايحة اصفقني علي راسي واسكت ههههههههههههه
طيب وش ازين الهليكبوتر ولا طياره عاديه بالتجول