الموضوع: السفارة اتصلت علي

ما ادري أضحك ولا أبكي

اتصلوا علي اليوم 15 مارس 2006 بعد إنتظار دام 92 يوم

هذا رقمهم 014883291 الساعة 2:24 م

لبنانية طبعا (قطيعة) قالت الأخ فلان

قلت وصلتي

قالت فيزتك وصلت الموافقة حقتها ونبي منك موعد دراسة جديد وورقة السفارة و الجواز

قلت أسمعي

قالت نعم

قلت فيزا نهائية ولا اجيكم وتردوني وتقولون باقي الموافقة النهائية (قلتها بصوت عالي)

انقلبت علي قالت اييه جيب الطلبات وتعال الأسبوع الجاي اي يوم الساعة 1 الظهر

والله صبرت وتعبت نفسيتي كثير وفي الأخير جت

لكن والله والله لم تكن مفرحة

[blink]ويمكن ما أروح البعثة من أساسه[/blink]

مواضيع عشوائيه ممكن تكون تعجبك اخترناها لك:

• ارجو دخول الطلاب المبتعثين في مانشستر ظرووووري
• استفسار عن خطاب التوصيه
• كاليفورنيا بيركلي
• ❖❖❖ الدراسة والمعيشة في بريطانيا هنا ضعوا جمبع إستفساراتكم وطلباتكم ❖❖❖
• الظرف الذي بداخلة
• اجيبوني للمرة العاشرة
• الرياض
• ليس عندي نسخة من للملحقية فما العمل ؟
• انا في أمريكا واريد مساعدتكم لأكمل دراستي أرجوكم
• ولايه جورجيا وجامعه ولايه جورجيا
• مالنا حظ حتى بـ اخر معاهد راح اخذ رايكم فيها والا راح ادرس فرنسي اصرف لي
• المواضيع المميزة ببوابة الدراسة في بريطانيا تم إضافة المواضيع
• جامعة هل معترف فيها حاليا
• نصايحكم استفسار عن معهد في بريطانيا
• الى القادمين الى مدينة بتسبيرج ولاية بنسلفانيا تفضلوووو
• الاخ سف وسياحة واي احد عندي علم
• إستفسارات عن السكن في بلاكسبيرج ؟؟
• استفسار عن فيزا دراسية الى أمريكا
• الفزعة يا اصحاب الخيرة في معاهد اللغه
• مارايكم بالجامعات التالية

اولاُ مبرووووووووووووووووووووووووووووووووووووووكــ

ثانياُ : البعثه ما تنفوت .... وانصحك انك ما تفوتها ... غيرك يدورها ....


رابعاُ: ودي اعرف اي ولاية اخترت وليش :؟ وش رايك بولاية اوريجن (اتوقع اسمعها كذا ) مدينة مميزه اجوائها روعة الولاية الوحيدة بدون ضرائب لكن عيبها الدراسة ثلاث فصول ..... يعني مافي اجازات فيها ؟

خامساُ : انا طالب كلية التقنية تخصص برمجيات(حاسب آلي) والمستوى الأخير (شهر خمس عربي الجاي اتخرج ... لكن يبقى لي تطبيق بشركة ((تدريب تعاوني)) وشهادتي بعد التدريب ... ودي اقدم بعثه بشهادة الثانوية العامه بتخصص حاسب آلي علماً ان لي سنتين متخرج من الثانوية وكلية التقنية سنتين ونص دراستها ؟؟ وش السواه .... ؟ وهل كليه التقنية معتمده ؟

شكراً اخوي ابن السعودية ... واسمحلي اذ طولت عليكـــ .... ونفس ما قلت لا تطوفها


واتمنى مساعدتي ....


اخوكم ناصر

والله يا اخوي ولد السعودية اني فرحت لك كنها لي

لني كل ماتذكرت السفارة ونتظرها ذكرتك والله 92 يوم

المهم توكل على الله ولاتفكر انك ماتروح طلعت الفيزا

وزبطت امورك ابد توكل على الله وكمل مشوارك

واذا انت احترت صل صلاة الاستخاره وتوكل على الله

والف الف مبروك

مبرووك اخوي ابن السعودية ..

يعلم الله اني فرحان لك ..

توكل على الله واستخر ,,,

يمكن ماراوح البعثه الاساسه ؟؟؟ ليش ياخوي حرام كل هالتعب والانتظار وتتركها ..

توكل على الله بس لا اجيك واوديك لسفاره بذنك

Mr.sa حياك الله اخوي ومشكور على المرور

والله يكتب ما فيه الخير ويوفقنا وياك إن شاء الله

One حياك الله اخوي

وشكرا على القصة الجميلة والدعم القوي منك
والف شكر على كل كلمة قلتها والله يكتب ما فيه الخير إن شاء الله

ابن السعووووووووووديه مبروك مبروك

اقول توكل على الله واترك عنك الوسوسه خيره يارجال

غيرك يتمناها اشكر ربك واحمده على شان يبارك لك في الي جاي

وتوكل على الله مافيه الا الخير انشالله وكلنا داعين لك من كل قلوبنا وتوكل عليه سبحانه

بغيت اسالك الان لو بتجيب قبول جديد من المعهد كيف؟ ويطول ولا لا على مايجيك؟

السلام عليكم
انصحك بصلاة الاستخارة
ةتذكر ان المؤمن امره كله خير يمكن التأخير كتبه الله لك علشان يقيك من سوء كان مقدر لك لو رحت بدون تأخير.
ولا تنسى صلاة الاستخارة

الف الف مبروك اخوي ابن السعودية على مكالمتهم لك للحصول على الفيزا والله يكتبلك الي فية خيرة لك

نسيب اقولك ترا اذا مارحت بتزعلنا منك وتحبط من معنويات الي قاعد ينتظر طلوع الفيزا وصار له مدة طويلة اقول توكل على الله وهاذي فرصة يمكن ما عاد تتكرر والله يكتب الي فية الصالح
انصحك بصلاة الاستخارة اكثر من مرة حتى تقتنع بشي الي راح تختارة وتاكد ان قرارك هو الصحيح ولا تتحسف على اي شي ثاني

الف مبروك يابن السعوديــه وعقبالي ههه

وبالتوفيق ياعسل

اخوي ابن السعوديه
لاشك ان انتظار الفيزا خصوصا اذا تاخرت بشكل كبير
يشكل هم وغم للطالب المنتظر لهذه الفيزا

وبمااانك انتظرت ثلاث شهور...يارجال كمل المشوار وخذ الفيزا
والله يسهلها عليك
انا شخصيا صار لي الحين 89 يوم...الى حد الان
ولا فيه شي
واحيانا اسال نفسي...اقول
هل اذا طلعت الفيزا بعد طول هاالانتظار بفرح ولا لا؟؟؟؟

توكل على الله وعقبالنا

اقوووووووووووووووووول
رح ولا تفوتها


ترى المثل يقوول (( من صبر قدر ))

شكرا جميعكم على المرور والدعم المعنوي لي

لكن المشكلة الآن الجامعة ما هي راضية ترد علي أبدا أرسلت لهم ثلاث إيميلات واحد منها كان قبل اتصال السفارة لأن الموعد الحالي ما يمدي عليه

موعد الدراسة في 20 مارس ما ادري لو أروح السفارة يقبلونه 20 يوافق يوم الأثنين تقريبا

والله يكتب ما فيه الخير لنا ولكم

الف مبرووووووووووووووووووك اخويا ابن السعوديه وعقبالي
اتوكل على الله والله معاك

مبرررررررررررروك ياخوي

وترك عنك التحطيم والكلام اللى ماله داعي

ويالله يوفقك ياخوي

هلا بالياسمينة
رفيقة الدرب في التأخير ههههههههه

الله يبارك فيك وإن شاء الله تجيك مثل ما جاتني ولأسير المحبة بعد
الله يوفقكم إن شاء الله

مبرووووك اخوي ..

والله يوفقك ..

وصراحه لازم تروح وتكمل اجراءاتك على الاقل حق التعب ياخوي ..

والله ترا كثير يتمنون هالاتصال ..



الله يوفقك ان شاء الله

لله يبارك فيك اسير

وعقابلك إن شاء الله بس طمنا

وشكرا على مرورك وتواصلك

انا يمكن تحطمت لكن بصراحة جلست يوم الخميس أستخير الله
والخيرة فيما أختاره الله

يعني إن شاء الله بكمل الإجراءات


هذا الكلام الزين وان شاء الله عقبال ماتفرحون


تقبل تحياتي
اخوك ملبورن

... مبروك أخوي / ابن السعودية ...
يا الله ترى ما بقى شي .. شد حيلك ..

Mr.STING الله يبارك فيك اخوي

ويوفقنا وياك

ملبورن حياك الله اخوي

وشكرا على أهتمامك ومرورك المستمر

جوليــانــو حياك الله اخوي

يالله بس على الله ما أروح لهم ويقولون انتظر الموافقة النهائية
ترى صلحوها في كم واحد

يعطيك العافية

مادام امورك خلصت
الله لا يهينك سؤال واحد
الخطاب الموجه من الوزارة الى السفارة هو الخطاب الي مكتوب بالعربي والاننجليزي
وهل يكفي صورة منه ولا لازم اصل الخطاب؟

انتظر ردك لان موعدي الاربعاء الجاي 22/3/2006م

حياك الله جنرال

الخطاب بالإنجليزي مسجل فيه اسم الجامعة
وهو عبارة عن ملف Pdf عليه اسم جامعتك واسمك وختم الوزارة
كل اللي عليك انك تطبعه من طابعة ملونه بس
لأن وزارة التعليم العالي كل شغلها الكتروني

موفق ان شاء الله

هلا اختي بنت الصقور
والله يبارك فيك وشكرا لك


والحمدلله أنتهت مشكلة الجامعة

الجامعة ارسلت لي قبل إتصال السفارة بيومين رسالة تسال متى الوصول والخطوات اللي راح اعلمها في زيارتي للجامعة أرسلت لها وطلبت التاجيل ما ردت علي !! ما اهتميت دقت علي السفارة وأرسلت لها ايميل ثاني وقلت ان السفارة تبي i-20 جديد حتى اخذ الفيز ولا ردت !!

أرسلت لها رسالة ثالثة وقلت لها ضروري ااجل دراستي وبرسل لك الكريدت كارد نمبر (العادة أرسل لها شيكات مصدقة) ردت علي بسرعة وقالت

يس أوف كورس وين كان جيف يو نيو i-20 وأرسلت لهم رقم البطاقة وفي انتظار ردها على اللي صار

طبعا كانت إمرأة اللي تراسلني أسمها ميرلي

والحمدلله انها تجاوبت واتوقع بداية الأسبوع الجاي توصل الأوراق إن شاء الله

وشكرا على تواصلك

الله يعينك اخوي
استخر ربك وانشاء الله بيكتبلك الي فيه الخير

بس ولا عليك امر تشيك لي على هالطلبات هل هي صحيحه
موعدي بعد يومين عند السفارة وهل صحيح انها تبي بس هذي الطلبات:-
*الاي توني
*-صور 5*5
*-جوازك
*-خطاب السفاره +الضمان المالي
*-كاش 400ريال او 100$
*-رقم موعدك.
*-برنت انك دفعت السيفس...............................a
*السيفس فورم تدفعه قبل الموعد اون لاين ..........b
تعبئة السيفس اون لاين..................................c
وش الفرق بين الثلاث الاخيرة a,b,c
هل ينقصني شي يا اخوان
تكفون ردو علي

بإختصار هي احتقار للشباب السعودي الكريم

يعني 92 يوم والله لوه احد اعضاء المافيا حتى يستفصلون عنه