الموضوع: السنيورات ام حسين والايمان وكويتيه متنقله في ؟؟؟

صباحكم ومسائكم خير
بعد طوووووول غياب عن التقارير ارجع لكم بالتقرير الخفيف واللطيف من عشا امس مع اللطيفات ام حسين والايمان ..
بصراحه كانت خوش يمعه وايد حلوه استانسنا فيها واتمنى انتوا تسانسون معانا ويعجبكم التقرير اللطيف
وسامحوني بالصوره لان التصوير كان من اي فون

المطعم
اسمه : سنيور ساسي
اصله : ايطاليانو
النظافه : 10/10
الاكل : 10/10
السعر : 10/10
المكان : الزهراء - جنوب السره - مول 360 مقابل زهر الليمون

نبتدي بسم الله
https://s.yimg.com/qn/up/travel/b/2/...d4ccfb77b3.jpg

https://s.yimg.com/qn/up/travel/b/9/...8513bd1940.jpg

https://s.yimg.com/qn/up/travel/d/a/...be3b437d3d.jpg

خفايف المطعم

https://s.yimg.com/qn/up/travel/f/e/...d11892cec3.jpg

https://s.yimg.com/qn/up/travel/4/7/...662b6e0960.jpg

https://s.yimg.com/qn/up/travel/0/2/...d369f67493.jpg

ومشروباتنا كانت
اكيد ام حسيين ؟؟

https://s.yimg.com/qn/up/travel/6/e/...819d1dc1e7.jpg

واموون ؟؟

https://s.yimg.com/qn/up/travel/4/e/...caf842a916.jpg

اما محسوبتكم كان اسمه نابلز برييز

https://s.yimg.com/qn/up/travel/2/e/...25f8b5353e.jpg

والمقبلات كانت

جبن مازورلا

https://s.yimg.com/qn/up/travel/c/0/...738054c331.jpg

كلاماري (خثاق بالكويتي )

https://s.yimg.com/qn/up/travel/7/7/...3d61a736ba.jpg

وبدييان (باذنجان)

https://s.yimg.com/qn/up/travel/6/4/...41aa9e4af2.jpg

واما الطلبات الرئيسيه :

بعد مايبيله لازم تكون حاضره المارغريتا

https://s.yimg.com/qn/up/travel/7/2/...a94e966bbf.jpg

لازانيا

https://s.yimg.com/qn/up/travel/b/e/...24415b1bd7.jpg

والرافيولي اللذيذ

https://s.yimg.com/qn/up/travel/8/3/...a69a791404.jpg

والحمدلله على النعمه واللهم احفظها من الزوال

https://s.yimg.com/qn/up/travel/2/7/...489b4f6ada.jpg

والفاتوره

https://s.yimg.com/qn/up/travel/b/5/...1a8d491eea.jpg


ملاحظه صغيره :
اغلب الطلبات انا اخترتها بس انا مو ديكتاتوريه لا عطيتهم وقلت نقوا بس اهما عادي كلشي فذكروني في بنات عمي قلت دام عادي انا اعطيهم اسم الطلب واهما يقولون اوكي يعني جذي اهما وايد مريحيين وماعندهم مشكله فحبيتهم زياده

مواضيع عشوائيه ممكن تكون تعجبك اخترناها لك:

• جايينكم ان شاء الله وناخينكم
• فندق هوثورن حولي صور
• نزهة ثلاث أيام في الخيران
• موقع وصولاقلاع الطائرات من مطار الكويت الدولى
• وش رايكم بفندق ايباس السالميه او ميراج سويت
• ابي دوام معرض الكويت الدولي للكتاب ؟؟ عاجل
• 乂乂乂 جولة من تصويري في تفضلوا 乂乂乂
• مغــــــــربي يريد زيارة الكـويت العزيزة من فلضك ماعدة يا اهل الكويت الاعزاء
• رايح بكرا على الكويت اريد مساعده بسيطه ؟؟
• استفسار عن مها هاوس
• الى الان وجهتنا الكويت
• طيران الجزيرة تخفض اسعار تذاكرها وتطرح قائمة اسعار جديدة تشمل الضرائب
• اين ابراج الكويت والحديقة الترفيهية وحديقة الحيوان ويوم البحار في الكويت
• وين خبراء الكويت أبي شقق تكفينا وأسعارها معقوله
• اماكن للاطفال بالكويت
• افتتاح فروع الطازج دانكن دونتس
• ساعدوني ياعشاق الكويت
• مشروع فندق و منتجع شاطئ المسيله
• استفسار
• استفسار عن موقع ايكيا للمفروشات

ما شــــــــاء الله ...

واضح انها كانت طلعه خفيفة و جلسة سعيده ...
عساها دوم ان شاء الله ...

و يعطيك العافيه على هالتقرير عن المطعم ..
و ان شاء الله يفيد زوار و أهل الكويت ..


الف شكر ..

ماشاء الله .. احلى جمعة
الغاليات العزيزات .. الإيمان ..ام حسين.. وكويتية متنقلة
الله يجمعكم على حبه دوم ..
من الصبح انتظر التقرير .. لاني من الامس عندي علومه


صحة وهنا الاكل باين واووو
بانتظار ما تمخض عنه اللقاء ...واصلي ...

تسلم ايديج على هالتقرير الحلووووو
والاروع فيه تواجدكم معاي
اما الطلبات ما شاءالله ذوقج حلووو وما يبيله
مدام البيديان موجود والبيبسي خلاص كله اووكي
واحنا شبعنا من الاكل بس ما شبعنا من السوالف
وان شاءالله بطلعة ثانية وثالثة

هلا نانا
نورتي التقرير بطلتج الحلوه ادري انج تنطرين ويجمعنا معاكم ان شاءالله انتي ورنوووش
الله يعافيج اي والله الاكل لذيذ مع الوجوه السمحه

الله يسلمج
ماعليج زوود يا ام حسين
وصاجه اذا حضر البيديان والبيبسي اذا اهم شيين اي والله ما شبعنا من السوالف ان شاءالله بتنعاد مرات ومرات

ام عزيز .........هذه من منتجات العرب المسافرون
اللقاءات والحب يجمعنا ............وهذا من اللقاءات الفريدة بين الاعضاء بالمنتدى
ونتمنى مرة ثانية اي عضوة تزور الكويت وحابة تلتقي معانا احنا نتشرف في لقائهم

نانا .......انتي لازم احنا نمرج والا انتي تيين الكويت لنتشرف بلقائك يا الغالية
شكرا لكلماتك الرائعه
الحين عرفتي طلباتي خخخخخخ تسلمين يا الغالية

أحلى شي السنيورات اسم على مسمى
متناسق مع الاكل الايطالي
كانت من اللقاءات المميزة والتعارف الجميل
والاحلى اختيار مشرفتنا للاكل اللي ماقدرت أنام منه بالليل
كل شي كان حلو السوالف والاكل وجو المطعم لكن الموحلو الوقت اللي مر بسرعه
وان شاءالله لنا لقاءات ثانية
وياريت بنات المنتدى اللي تحب تشاركنا وتطلع معانا تبلغنا و حياها الله

ماشاء الله تبارك الله على الجمعة المباركة بين عضوات المنتدى الغالي ،،، يعني عطاء بالمنتدى وبرع المنتدى بس اهم شي اتفقتوا على خير هههههههههههه ،،، تقرير طازجة وفرش ودسم بعد والله يجمعكم دوم على خير اخواتي ويعطيكم الصحة والعافية

تقبلوا تحياتي اخوكم
بوراشد

هههههههه اي افا عليج ام حسين ونتشرف بشوفه الكل
لووووووووووووووول اقتبسته من اسم المطعم وقلت دامنا في ايطاليا واكلمكم ايطالي

بو راشد
حياك الله واسعدني مرورك ولا تحاتي ان شاءالله دوم متفقيين والحمدلله كانت خوش يمعه مع الويوه الطيبه

ماشاء الله ,,, خوش يمعه ولقاءات بينكن والله يوفقكن للخير , بالنسبة للمطعم اعتقد له فرع آخر بالافنيوز ,واللازانيا اكلتي المفضلة لذيذة

دمتي بود مشرفتنا
وتقبلي تحياتي

ماشاءالله علي الجمعات الطيبه
صراحه ننبسط لما نشوف الناس مجتمعين من هالمنتدي الطيب
اهم شيء الباذنجان صح ام يوسف

الله لا يفرقكم يارب

شكرا مشرفتنا

يعطيك العافيه مشرفتنا q8ya metnaqla

وهناء وعافيه عليكم والله يجمعكم بالخير وجمعة حلوووووة والله لايفرق بينكم

واحلى تقرير من السنيورات رووووعه ويكفي ان المطعم ايطالي

اخوكم : http://www.arabtravelersforum.com/user364264/

المشاركة الأصلية كتبت بواسطة فــيـصـل
http://www.arabtravelersforum.com/tr...4/#post7561154

ماشاءالله علي الجمعات الطيبه
صراحه ننبسط لما نشوف الناس مجتمعين من هالمنتدي الطيب
اهم شيء الباذنجان صح ام يوسف

الله لا يفرقكم يارب

شكرا مشرفتنا



الله يسلمك مديرنا
وحياك الله بتقريرنا ونورتنا بمرورك
من زمان وانا أحب المنتدى والحين زاد حبي له لانه عرفني على الناس الطيبة مثل أم حسين وكويتية
ومن بوابة الاردن نانا ورنوش
الله يجمعنا دايما على الخير والمحبة

المشاركة الأصلية كتبت بواسطة q8ya metnaqla
http://www.arabtravelersforum.com/tr...6/#post7560646

هلا نانا
نورتي التقرير بطلتج الحلوه ادري انج تنطرين ويجمعنا معاكم ان شاءالله انتي ورنوووش
الله يعافيج اي والله الاكل لذيذ مع الوجوه السمحه



النور نورك ياغالية
ان شاء الله نجتمع في عمان نحنا الخمسة الإيمان + انت + ام حسين + رنوش + انا
اكيد لما تيجو الاردن لازم نتواصل ونلتقي ..
حيكون احلى لقاء .. الإيمان شوقتني للاجتماع فيكم.. من كتر ما سولفت عنكم..

الله كريم ان شاءالله
ويعطييكم العافية

المشاركة الأصلية كتبت بواسطة توبليرون
http://www.arabtravelersforum.com/tr...4/#post7560654

ام عزيز .........هذه من منتجات العرب المسافرون
اللقاءات والحب يجمعنا ............وهذا من اللقاءات الفريدة بين الاعضاء بالمنتدى
ونتمنى مرة ثانية اي عضوة تزور الكويت وحابة تلتقي معانا احنا نتشرف في لقائهم

نانا .......انتي لازم احنا نمرج والا انتي تيين الكويت لنتشرف بلقائك يا الغالية
شكرا لكلماتك الرائعه
الحين عرفتي طلباتي خخخخخخ تسلمين يا الغالية

الله يسلمك ياغالية
ربنا كريم .. كل شيء بقدر .. لازم اذا مريتو عمان تشرفينا .. تنورين عمان ياقلبي
على عيني وخلص حفظت شو بتحبي..

ماشاء الله الله يجمعكم على طاعته

ههههههههههه بيديان بمطعم ايطالي ليش؟ كويتيين الصبح بطاط وبيديان والحين بمطعم ايطالي

عوافي على قلوبكم واسمحولنا نتغشمر ترا

ياحلوكم الثلاثي المرح الله يديم هالجمعة

والاكل ماشاء الله اهم شي انكم شاطرين ماقلتو شي خليتو الطلبات ع مشرفتنا خخخخ

بالعافية عليكم

سنيورات المنتدى مشكورين ع التقرير

ماشاءالله تبارك الرحمن جمعة مباركة للسنيورات اللطيفات ام حسين والايمان و كويتية متنقلة

وعليكم بألف عاااافية

ومشكوووووورة مشرفتنا على النقل المباشر والحلو

ماشاءالله طلعه خفيفه حلوه والمنتدى جمعكم عساها جمعة خير يارب❤
تقرير جميل وباين ان الأكل لذييييذ بالعافيه على قلوبكم يارب🌹

ما شاء الله تبارك الله
ربي يجمعكم على المحبة دائما
و دائما أختي ( أم يوسف ) سباقه للخير
و ربي يوفقكم جميعاً .
تحياتي للجميع ،،،

ما شاء الله

الله يجمعكم على الخير دايماً

بالعافيه عليكم شكل المارغريتا لذيذ

تسلمين على التقرير الحلوو :)

ما شاء الله عليكم ....


عقبال بنات الامارات ان شاء الله ...


يلا يا هداوه يلا يا دكتورة معمارية ....


هل من مزيد في الامارات ....


هيه عااد ام يوسف يا حافظ عليج و يا حافظ على اختياركم للاكل ...


ما عليكم زود يا اهل الكويت ...

عليكم بالعافية

ماشاء الله طلعة حلوه

الله يجمعكم دايم على الخير

الله يعافيكم كلكم شخص شخص
واشكركم على كلامكم الحلوووو
والحمدلله استانسنا في يمعتناا وفي عشانا اللذيذ
وان شاءالله المره اليايه نزييييد في العدد مع بنات المنتدى

عافية و خوووش مطعم انا جربتة 3 مرات بس الي على البحر جنب الابراج جوه غيرررررر

الله الله سنيورات في مطعم سنيور يبي لها موسيقى
حركات اشي بيتزا واشي كلاماري

عليكم بالف عافيه والله يمعكم دوم على طاعته وفي الافراح

واذا الله كتب وتلاقينا بطرش لكم المنيو وادرسوه واحفظووه قبل ما نتلاقى في المطعم
لحد يقول على كيفيج اختاري
خلني اختار لعمري عشان اختار لغيري
او غربلوا الجرسون بالاسئله لين ما يشرد من المطعم خخخ

الله يحفظكم

جمعة مباركة
وشكرا لك مشرفتنا على هالتقرير والصور الرائعة
تحياتي وتقديري وأحترامي لكي ..

ماشاء الله تبارك الرحمن

تجمع طيب بين اخواتنا من المنتدى الله يواليكم الصحه

تجتمعون على خير دايما ان شاء الله

تقبلوا تحياتي

بالعاااافيه السنيورااات

شوقتوني على المطعم شكله يشهي