الموضوع: رحلتي الى الكويت ايام

مرحبا شباب،

باختصار كانت رحله متعبه بسبب الجو ولكن ممتعه بالاشياء اللي شفناها

1- طيران الجزيرة: صراحه اسعار تذاكر وايد معقوله و خدمه حلوه في الطائرة (كل شي بحسابه لكن حلو)
الساندويشات و العصائر و الشاي و القهوة باسعار رمزيه 300 فلس كويتي + للاطفال Kids meal ب دينار و نص كويتي (ساندويش + عصير\مشروبات غازيه+ كاكاو) ...

2- مطار الكويت: طبعا المطار حلو + اذا كنت داش الكويت من قبل يخلون لك رقم كمبيوتر يسهل اجرائات الوصول.

3- استاجار السيارة: طبعا في قاعه الوصول هنالك عدد من الشركات (خذيت اول شي Blazer تقريبا 27 دينار كويتي في اليوم و عقب غيرنها الى ALTIMA ب14 دينار كويتي)

4- مكتب اهلا كويت: توقعت ان يكون في هذا المكتب خرائط للسائحين و مصدر معلومات للفنادق ... طلع مكتب استقبال فقط لا غير ...

5- مرينا رويال (صراحه يعجز الوصف عن الشكر لهذا المنتدي الرائع على ان دلنا على هذه الشقق الرهيبه)
رهيبه في السعر + في النظافه + الموقع المميز + الانترنت ببلاش + مساحه الشقق + مواقف سيارات + المطاعم حوالي الشقق + خطوتين و توصل المرينا)

يتابع مع الردود، البرنامج + مواقع تسوق مهمه + حركات سهله

وسلامتكم

مواضيع عشوائيه ممكن تكون تعجبك اخترناها لك:

• مفاجئة هذا العام توئمة «هلا فبراير » و اليوبيل الذهبي
• أخواني وعيال عمي الكويتين محتاج مساعدتكم عندي استفسار بخصوص السكن بالكويت
• سنة أولى كويت
• هل يوجد فندق في حولي أو قريب منها
• دول الخليج في يوم استفسار
• صور من ماضي الكويت
• مقاهي عالبحر
• الرحلة السريعة للكويت البديعة تقرير مصور
• ارجوكم افيدونى
• الحمدلله جيت من الكويت
• استفسار يا إخواني الكويتين عن تفصال الثوب الكويتي وأفضل محلات الخياطة
• العمله الكويتيه القديم والحديثه
• ₪ζΩ«۩۝۩﴾√ مقهى الفروانية الشعبي√﴿۩۝۩»Ωζ₪
• زياره الي كويت ماجيك منتزه ترفيهي مهم لزائر الكويت
• «مول » أفضل مركز تسوّق في العالم
• سؤال وياريت تفيدويني
• مساعدتكم في الشقق الفندقيه
• استفسار عن موعد عيد الاضحى بالكويت
• سعر التذكرة من الكويت دبي الكويت ساعدوني ؟؟؟
• شقق دسمان

انشاء الله استانستو .... و نتمنا منك تذكر لنا شنو الايجابيات و السلبيات بالرحله .... و شنو اكثر شيئ استانست علية... و حياكم الله في الكويت كل مرة مو بس مرة

أخوي فيلين حياك الله بالكويت بس قولنا عن سعر الشقة بالليلة وكم غرفة وما أكثر ما امتعك بالكويت وكذلك السلبيات ان وجدت حتى تثري الموضوع .

يعطيك العافية


أنا في الكويت الآن زائر


فما أهم وافضل ما تنصحني به مع الأطفال ...




والحمد لله على سلامتك

المشاركة الأصلية كتبت بواسطة kuwaiti18


انشاء الله استانستو .... و نتمنا منك تذكر لنا شنو الايجابيات و السلبيات بالرحله .... و شنو اكثر شيئ استانست علية... و حياكم الله في الكويت كل مرة مو بس مرة



هلا و غلا اخوي

طبعا الحراره لكن هذا الشي موب في يد احد

وان شاء الله اذكر كل شي في تقريري القادم في الموضوع

اهل الكويت اهلنا

وسلامتكم

المشاركة الأصلية كتبت بواسطة kuwaiti18


انشاء الله استانستو .... و نتمنا منك تذكر لنا شنو الايجابيات و السلبيات بالرحله .... و شنو اكثر شيئ استانست علية... و حياكم الله في الكويت كل مرة مو بس مرة



هلا و غلا اخوي

الحمد لله كل شي اوكي كان
بس الحرارة و الي اهيه موب في يد احد

والحمد للع كانت رحله مميزة

وسلامتكم

المشاركة الأصلية كتبت بواسطة فهد الأحمد


أخوي فيلين حياك الله بالكويت بس قولنا عن سعر الشقة بالليلة وكم غرفة وما أكثر ما امتعك بالكويت وكذلك السلبيات ان وجدت حتى تثري الموضوع .



الاسعار:
- غرفيتن + صاله + مطبخ + (كرمكم الله) حمامين (واحد كامل و الثاني بس الادب) 35 دينار كويتي.
- 3 غرف + صاله كبيره + (كرمكم الله) 3 حمامات (2 كاملين و الثالث بس الادب) 55 دينار كويتي.

الانترنت ببلاش، بس ما وديت اللابتوب معاي.

وسلامتكم

ننتظر تكملتك للموضوع ونبي منك تقول لنا شنو اكثر مكان عجبك واكثر مكان قلت ما يستاهل العنوه (:

وعلى فكره ما ذكرت انت من اي ديره؟؟؟ لانك جاي بالطياره افترض من مكان بعيد

الحمدالله على السلامة واتمنى ان تكون قضيت اوقات جميله بالكويت مع انك لم تذكر من اين انت

حمدالله عالسلامه
نبي كل شي بالتفصيل
و الصور!!!!
احنا بانتظارك

انا من البحرين دار الزين

على العموم الرحله عائليه لذاك تم السفر بالجزيره

برنامج اليوم الاول (الوصول):
- طبعا بعد الوصول الى مطار الكويت، و اجتياز كل مراحل التفتيش و المطار... توجهنا الى تاجير السيارات.
- ثم توجهنا الى المرينا رويال (شقق ولا اروع)
- ثم توجهنا الى سوق شرق ... للعشاء و من ثم جمعيه بنيد القار .. لشراء المستلزمات للفطور ...
- كانوا اليهال تعابه رجعنا الشقه و ناموا.

برنامج اليوم الثاني:
- الفطور في الشقه.
- المارينا مول (للتسوق + الغداء)
- تغيير السيارة من Blazer الى Ultima في مطار الكويت. بسبب السعر (27 دينار للBlazer و14 للAltima)
- سوق المباركيه (لاكتشاف هذا السوق و معرفه الاشياء التي سوف ناخذها صوغه للاهل)
(لا يفوتكم - الحب الشمسي على الكاكاو + الغريبه بالمكسرات و الكاكاو + العقيلي)
- ثم رحنا الى الجمعيه مره ثانيه + سوق شرق للعشاء ...

برنامج اليوم الثالث:
- الصبح سوق السالميه (شارع سالم المبارك)
- الغداء في برج الحمام
- البحث عن العدساني في حولي (مجمع صغير حولي 40 محل) لبيع البسه الشباب (جينز و هالشغلات).
- اسواق المعلم (للاشياء الرخيصه جدا + فيه كل المستلزمات + من ثياب و احذيه و الخ الخ)
- الرجوع الى الشقه و العشاء.

برنامج اليوم الرابع:
- الفحيحيل (للجلابيات و الدشاديش)
- سوق المباركيه (للتسوق و الصوغه)
- مجمع البحر في حولي (مجمع جديد) للغداء.
- اخر تسوق في سوق شرق + العدساني + السالميه.
- العشاء من بيتزا هت للصغار و ماكولات كويتيه في محل في السالميه.

اليوم الخامس و الاخير:
- مغادره مرينا رويال.
- التسوق في السالميه.
- التوجه للمطار.

وسلامتكم

حياكم الله الله بالكويت وبرنامج جيد ولكن ينقصة بعض الأشياء المهمة الذهاب الي مجمع الكوت واجيال وكويت ماجيك وجميعهم في الفحيحيل او بالقرب منه كذلك زيارة المركز العلمي وابراج الكويت

الحمدلله على السلامه...

و كان واضح من الجدول أنه رحلتكم كان هدفها الأول التسوق...
و ان شاء الله تكونون استمتعتوا ببلدكم الثاني...

تحياتي.

حيا الله أهل البحرين ونبيكم تعاودون الجية للكويت

يعطيك العافيه
لكن ما لاحظتو شي!!!!!!!!!!!!!!!
ما رحتو لاماكن ترفيهية او العاب او غيره..
نفس الابراج والشعب والمدينة الترفيهية ويوم البحار ...................وغيره
ليش؟؟

المشاركة الأصلية كتبت بواسطة fillin


الاسعار:
- غرفيتن + صاله + مطبخ + (كرمكم الله) حمامين (واحد كامل و الثاني بس الادب) 35 دينار كويتي.
- 3 غرف + صاله كبيره + (كرمكم الله) 3 حمامات (2 كاملين و الثالث بس الادب) 55 دينار كويتي.
الانترنت ببلاش، بس ما وديت اللابتوب معاي.
وسلامتكم



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ



وش اسم الشقق وين موقعها وكم تلفونهم للأتصال الدولي ؟؟؟؟

هل تناسب للعائلة؟وشكرا

المشاركة الأصلية كتبت بواسطة ابولارا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــ
وش اسم الشقق وين موقعها وكم تلفونهم للأتصال الدولي ؟؟؟؟
هل تناسب للعائلة؟وشكرا



مارينا رويال - السالمية...Marina Royal


من أرخص الشقق اللي مرت علي...و تعتبر ايضا شقق جميلة بالنسبة لسعرها...!
حيث يبعد مارينا رويال خطوات عن مجمع المرينا مول...
Tel: 5752121/5 ولا تنسى الكود 00965