الموضوع: رحلتي لفرنسا وألمانيا محتاجة مشورتكم قبل إصدار التذاكر

السلام عليكم ورحمة الله وبركاته ..

أولا أحب أشكركم على مساعدتكم لي في رحلة اسطنبول .. واللي كانت أروع ما يكون والفضل لكم بعد التوفيق من الله ..

والحين جايتكم طالبة نصحكم لرحلتي القادمة الى فرنسا وألمانيا ..

وبما إن هذه أول رحلة لي الى أوروبا .. فما فيه أفضل منكم أستشيره ..

وعارفة انكم ما بتقصرون بسج مقدمات واخلصي

المسافرون: عائلة من خمس أشخاص (زوجين وثلاث أطفال)
13 سنة - 10 سنوات - سنة ونصف

الرحلة: بحرين - باريس - قطار الى ألمانيا - باريس - اسطنبول - بحرين
من 9/8/2013 الى 14/8/2013 (باريس وديزني لاند)
من 15/8/2013 الى 20/8/2013 (ألمانيا)
السفر من باريس الى اسطنبول تاريخ 21/8/2013
المكوث في اسطنبول يومين ثم الرجوع لأرض الوطن تاريخ 23/8/2013

ونجي لأهم الأسئلة ..
1. هل أصدر التذاكر من الحين ولا أنتظر؟؟
2. رايكم في تقسيم الأيام؟؟
3.عرفت إن التاكسي من المطار الى الفندق غالي والميترو أحسن .. هل استخدام الميترو سهل خصوصا مع الامتعة والاطفال؟
4. فكرت أحجز دايركت في ديزني لاند ويمكنني زيارة معالم باريس بالميترو .. بدل ما أسكن في باريس يومين وبعدها أنتقل الى ديزني؟ ايش رايكم؟؟
5. حجز القطار الى ألمانيا بالنت أفضل أو لما أوصل أحجز؟؟
6. ونجي لأهم نقطة .. سمعت إن فرنسا من أغلى الدول الاوربية ..
مخصصة ميزانية 5000 دينار بحريني طبعا بدون التذاكر ..
للسكن ومصاريف الرحلة .. تتوقعون اوكي أو لا ؟؟

خلصا الجزء الأول من الاستفسارات

شكرا جزيلا لرحابة صدركم ..

مواضيع عشوائيه ممكن تكون تعجبك اخترناها لك:

• الفيزا لفرنسا استفسار
• جدول سياحي الي باريس
• ارجو المساعدة في ترتيب رحلتنا اللي راح تكون في ديسمبر
• استشاره بسيطه من اصحاب الخبرهـ سكــــن باريس
• استفسار يسعدكم ربي بخصوص تذاكر برج ايفيل موقعهم التذاكر كلها محجوزة
• سؤال عن مركز بيع
• استفسار عن افضل وسيلة للنقل من المطار الى الفندق
• رحلتنا الى باريس من ماي الى جون
• من اي محطة ينطلق القطار السريع في باريس
• الحلقة الاولى باريس نقطة توقف
• هضبة المونمارت استفسار
• جدول باريس
• مساعدة بخصوص فندق شهر عسل في باريس
• تقرير عن المفيد في رحلة العيد لفرنسا البلد السعيد نوفمبر
• لو تكرمتم إستفسار بخصوص طيران إيزى جيت
• هل ريال تكفي للسفر لباريس مدة اسبوع واحد وتكون شاملة لكل شي ؟؟؟
• بحاجة إلى مساعدة شركة سياحية ؟؟
• استفسارات هامه الفيزا ،المترو ،السكن
• كم استفسار لاهنتو
• كيف أقدر أتواصل مع السفارة بالرياض عن طريق البريد الإلكتروني

نجي لأهم الأسئلة ..
1. هل أصدر التذاكر من الحين ولا أنتظر؟؟
الحين بس ليش المانيا هل هي ظروريه او اسطنبول او ناوين الخطوط التركيه

2. رايكم في تقسيم الأيام؟؟
لا أويد العوده مره اخرى لباريس
3.عرفت إن التاكسي من المطار الى الفندق غالي والميترو أحسن .. هل استخدام الميترو سهل خصوصا مع الامتعة والاطفال؟
من قال غالي اذا انتم 5 ماشاءالله وتوكم راجعين للسفر ومعاكم شنط بل هو الخيار الامثل
4. فكرت أحجز دايركت في ديزني لاند ويمكنني زيارة معالم باريس بالميترو .. بدل ما أسكن في باريس يومين وبعدها أنتقل الى ديزني؟ ايش رايكم؟؟
انا أفضل ذلك ما دام الرحله مخصصه لديزني
5. حجز القطار الى ألمانيا بالنت أفضل أو لما أوصل أحجز؟؟
الحجز افضل قبل الرحله 3-4 اشهر ليش ما جربتوا الطيران واذا نويت تحجزون طيران احجزوا ذهاب واياب ارخص من مسار واحد
6. ونجي لأهم نقطة .. سمعت إن فرنسا من أغلى الدول الاوربية ..

مخصصة ميزانية 5000 دينار بحريني طبعا بدون التذاكر ..
للسكن ومصاريف الرحلة .. تتوقعون اوكي أو لا ؟؟
يعني 50 الف ريال سعودي لمده اسبوعين يعني كل يوم تقريبا 700 يورو في اليوم اذا بتتصرفون بالمتوسط بنظري تكفيك بالراحه بإذن الله
فنادق ديزني فيه فنادق رائعه ورخيصه جدا وفيه منتجعات
تراني اقول 700 يورو حتي في المانيا وتركيا
اهم شيء الترتيب وك1لك الحجز المبكر في السكن والطيران الداخلي للعلم تذاكر ديزني هي قد تكون المكلفه بالرحله لأنكم بتسكنون يومين فيها ولو تخشون موقعهم بتلقون عروض احيانا تصل للسكن مع التذاكر

ماشاء الله فيصل ماقصر
بالنسبه لتقسيم الايام ليش اسطنبول؟!
والوصول خلوه على باريس والعودة من المانيا لا ترجعو لباريس
#أنصحكم خذو تاكسي ولو غالي لان معكم أطفال وشنط
#بالنسبه لديزني اسكنوا ليله عشان تغطوا كل الألعاب
#التذاكر ان حصلتو سعر حلو احجزوا اضمن وافضل التذاكر المسترده
# بالنسبه لحجز القطار أنا ما عندي خبره لكن دائماً أقرى في التقارير ان الحجز يكون اثناء التخطيط الرحله
# الميزانيه ان شاء الله تكفي مع الحجز المبكر والتخطيط السليم
رحله موقفه ان شاء الله🌹

السلام عليكم ورحمة الله وبركاته ..

شكري الجزيل لكم أخواني ما قصرتوا والله ..

أولا .. ليش ألمانيا !!
لأنه ناويين نزور يورو لاند .. وسمعت ان التسوق حلو فيها ..

وثانيا .. ليش اسطنبول !!
لأنه مسافرين على الخطوط التركية بإذن الله .. ويومين فيها مثل الكراميل على رغوة الكابتشينو ههههه حلو التشبيه صح!

عجبتني فكرة الرجوع دايركت من ألمانيا بدل ما أرجع باريس .. بحاول أرتبها ..

وشكرا جزيلا مرة ثانية ..وربي يجزاكم ألف خير ..

السلام عليكم ورحمة الله وبركاته ..

قرأت بعض التقارير عن ألمانيا وعجبتني كثير ..

ولكني محتارة ..

رحلتي لألمانيا بتكون من باريس بتاريخ 14/8/2013 الى 21/8/2013

ما أدري أروح لها بالقطار ولا بالطيران الداخلي أرخص؟؟

ولا عارفة أي مدينة أروح لها ..

احنا عائلة مع أطفال ..

الغرض من الرحلة سياحة وترفيه وشوبينق ..

عجبتني ليقو لاند وفنتازيا لاند ويورب لاند ..

بسنحب نستمتع بالطبيعة الخلابة والشوبينق ما أدري أي منطقة أسعارهم وبضاعتهم حلوة ..

باختصار أحس روحي ضايعة ..

بكرة لازم أروح أشتري التذاكر ..

رحلتي الحالية على الطيران التركي

بحرين - باريس - ألمانيا - باريس - اسطنبول (يومين) - بحرين

أفضل ما أرجع من باريس وأغير الحجز قبل لا أشتري التذاكر بس مو عارفة أي مطار من ألمانيا !!

أرجو إفادتي بأسرع وقت لا هنتوا ..

ولكم جزيل شكري وامتناني ..

شوفي اختي روحوا ستراسبورع وفيه لها تقارير بقسم التقارير خهي قريبه من يورب بارك للعلم ناس كثير راحوا وانبسطوا منها ومعاهم اطفال



اختي مسافره عاش من شافك

كل مابكرتوا في الحجوزات والترتيبات كان افضل لك من حيث الاسعار
خطه السير مممم يبي لها اعاده جدوله الاقرب للاقرب عشان ماتتعبون في التنقلات
التاكسي اريح وسيله من والى المطار لان المترو انتم تشيلون شناطكم وعددكم كبير وتعب وانا اقول افضل لكم تاكسي فقط من والى المطار
المترو مع الاطفال قد يكون متعب وقد يكون مريح لكن اذا معكم عربه طفل الافضل لكم الباص
ديزني لاند ممتعه اذا كان معكم اطفال يومين تقضون فيها وزياره الاوت لت القريب منها تجربه حلوه لاتطوفكم
بالنسبه لاهم نقطه راعي عددكم انكم خمس اشخاص انا اشوف الف ريال يوميا كافيه من غير شوبينج

ردودكم فادتني كثير .. والله ما قصرتوا ..
وربي يوفقكم ويسعدكم على رحابة صدركم اللي خلتني أطمع في المزيد ..

غيرت حجزي وشريت التذاكر ..

والحين محتاجة مشورتكم بالنسبة للرحلات الداخلية ..

الرحلة بتكون على الخطوط التركية ..

بحرين - باريس 9/8/2013
فرانكفورت - اسطنبول 20/8/2013
اسطنبول - بحرين 23/8/2013

برنامج باريس .. أربعة أيام
قررت آخذ تاكسي من المطار الى الفندق في ديزني لاند ..
ديزني لاند 3 أيام .. ومن ضمن هالثلاثة أيام يوم واحد لزيارة معالم باريس ..
مثل متحف اللوفر وبرج ايفل والشانزليزيه .. امم وذكروني بعد شنو !!
ثم الرجوع في آخر اليوم الى ديزني مرة ثانية ..
يعني أروح بالميترو لباريس وأرجع ديزني .. شو رايكم ؟؟

وبعد انقضاء الثلاثة أيام استقلال القطار الى ستراسبورغ ..
ومثل ما عرفت انه الرحلة بالقطار ساعتين ..

بس قبل ما أروح ستراسبورغ ..
فيه عندي كذا مكان خاطري أزورهم بس مو عارفة أرتبهم في جدول الرحلة ..
ولا عارفة إذا الوقت يكفيني أو لا ..
ومسافة بعدهم عن باريس ..
وهل فعلا يستحقون الزيارة أو لا ؟؟

وهم .......
قصر فيرساي
Jardin du Luxendourg
zoo de Vineces
Anncy
Bernay

وإذا فيه أماكن نسيتها ذكروني ربي يعافيكم ..

وجزء الرحلة الثاني .. ألمانيا .. ثمانية أيام

من ستراسبورغ أفكر أزور بادن بادن وانترلاكن وكولون وديسلدوف

ثم المغادرة الى فرانكفورت لأنه السفر بتاريخ 20/8/2012

ما عارفة شلون أرتبهم وشنهي المناطق البعيدة ..

وهل الافضل الذهاب الى يوروبا بارك من ستراسبورغ أو فرانكفورت ..

ويصير أروح من بداية اليوم وأرجع آخر اليوم ولا الافضل السكن فيها ..

عارفة عندكم الاجوبة على أسئلتي وما بتقصروا وياي ..

وأكيد لي عودة مع اسئلة جديدة

وهم .......
قصر فيرساي
Jardin du Luxendourg
zoo de Vineces
Anncy
Bernay

اليوم الخاص في باريس وما طلبتيه من لوفر وايفل والشانز مع كل ما ذكرتي صعبه
يا تاخذين الباص الاحمر ويزور لوفر ايفل الشانز كنيسه نوتردام الاوبرا وطبعا بتاخذين وقت في رحله القارب اللي عند ايفل بعدها ممكن تزورين لوكسمبورغ
انسي بعيده قطار روحه ورده فوق تقريبا 7 ساعات

المشاركة الأصلية كتبت بواسطة فــيـصـل
http://www.arabtravelersforum.com/tr...7/#post7558917

وهم .......
قصر فيرساي
Jardin du Luxendourg
zoo de Vineces
Anncy
Bernay

اليوم الخاص في باريس وما طلبتيه من لوفر وايفل والشانز مع كل ما ذكرتي صعبه
يا تاخذين الباص الاحمر ويزور لوفر ايفل الشانز كنيسه نوتردام الاوبرا وطبعا بتاخذين وقت في رحله القارب اللي عند ايفل بعدها ممكن تزورين لوكسمبورغ
انسي بعيده قطار روحه ورده فوق تقريبا 7 ساعات



شكرا اخوي فيصل ..
تعتقد إنسي تستحق العناء خصوصا إذا كانت بعيدة !!!!
وهل تنصحني أبقى في ديزني أربعة أيام .. ,اقسم معالم باريس على يومين ؟؟

أدري أسئلتي غبية بس استحملني

يا اختي والله مافيها غباء بالعكس
يومين باريس زينه
انسي صعبه عليك

شكرا لكم جميعا استمتعت بالمعلومات والحوار الراقي جدا شكرا لكم ..

علمينا باخر التطورات ورحله موفقه

المشاركة الأصلية كتبت بواسطة لندنيه 2011
http://www.arabtravelersforum.com/tr...0/#post7565260

علمينا باخر التطورات ورحله موفقه



ان شاء الله .. جاري البحث والتغييرات ..

مشكورة حبيبتي على المتابعة ..

العفو وبالخدمه

اول السياره مهمه في المانيا لكي تكون الرحلات سهله
والاماكن هي
عندك ستراسبورغ الفرنسيه مره حلوه وراح تاخذ منكم يوم وبادن بادن رائعه بمعني الكلمه واليورب بارك وترايبورغ Triberg im Schwarzwald, فيها شلال مره حلو ومصنع ساعات الكوكو

وبحيره تيستي Titisee-Neustadt بروض تبعد 148 كلم والزحليقه الصيفيه في Todtnau تبعد 140 كلم وفهيا اطول زحليقه صيفيه في المانيا طولها 3 كلم

اخوي فيصل طلبتك لا تقصر مع الاخت ترى عندي نفس المشكلة وقاعد اسجل المعلومات واستفيد منها الرجاء من الأخوة والأخوات المساعدة .. ترانا خابرينكم اهل فزعة الله يكثر خيركم ويجزاكم عنا وعن الجميع كل خير وبركة.

المشاركة الأصلية كتبت بواسطة فارس البحرين
http://www.arabtravelersforum.com/tr...0/#post7574050

اخوي فيصل طلبتك لا تقصر مع الاخت ترى عندي نفس المشكلة وقاعد اسجل المعلومات واستفيد منها الرجاء من الأخوة والأخوات المساعدة .. ترانا خابرينكم اهل فزعة الله يكثر خيركم ويجزاكم عنا وعن الجميع كل خير وبركة.



ان شاء الله بالخدمه لاي استفسار

ما نقصر مع احد
ابشروا بعزكم