الموضوع: اللي تخصصه ادارة اعمال يتفضل مهم للغايه

السلام عليكم ورحمة الله و بركاته ....


اخواني اللي يدرسون تخصص ادارة اعمال ... حبيت اسألكم عن هالتخصص ... هل هو صعب او سهل !!!؟؟


يعني التخصص يتكلم عن ايش بالضبط ... هل كورسات ادارة الاعمال حفظ ام فهم ... و على ماذا تعتمد ... هل تعتمد على الرياضيات مثلاً ... !!؟؟


ارجو ممن لديه خلفيه كامله عن هذا التخصص او يدرسه حالياً ان يفيدني قدر المستطاع ...


جزاكم الله خير ,,,

مواضيع عشوائيه ممكن تكون تعجبك اخترناها لك:

• اللي عنده خبره عن دراسة الدكتوراه في لندن يساعدني
• ياليت اعرف الحل السليم بالنسبه للجواز والفيزا الامريكيه
• اريد السكن مع عئلة في ولاية ماريلاند كيف؟
• مهم جدأ جدأ جدأ
• ارجوا افادتي بأي معلومه
• الي بنت الصقور مع خالص التحية
• بخصوص الابتعاث
• أبغي ادرس في بريطانيا بس خايفة من الكــــــــلاب
• أريد دراسة الاختصاص الطبي في بريطانيا هل من مساعد
• ما هي شروط الفيزا البريطانية
• بجد احتاج مساعده محتار
• ما هي أفضل وكالات أسفار بسوريا من حيث الجودة و الثمن
• ما الجديد
• استفسار
• رأيكم مع مكتب الترجمة ماحصل معي بالضبط
• هل صحيح مايقال عن هذا المعهد؟
• هل يوجد أحد جرَّب معهد
• بأي ولايه تنصحوني ؟؟؟؟؟؟؟؟؟؟؟؟
• أرجوكم ساعدوني خصوصا الأخ ملبورن
• دكتوراه لغويات في جامعة ليدز

اخوي اذكر لدي احد الاصدقاء يدرس اداره اعمال في جامعه الملك سعود

بساله وبرد لك خبر

اخوي اغنية المطر مساك الله بلخير

بالنسبة لاستفساراتك المتعلقة بإدارة الأعمال ان شالله راح افيدك لأني خريج ادارة اعمال :

شف يا طويل العمر :

- بالنسبة للصعوبة ادراة الاعمال بدون مجاملة ولا فلسفة ماهي صعبة ولا سهلة يعني تقدر تسميها السهل الممتنع واي شخص يحب يبدع فيها والله بيقدر بمجهود مهما كان كبير راح يكون اقل من المجهود الي يبذل في بعض التخصصات الأخرى لسبب بسيط : علم ادارة الأعمال علم حياتي وانساني في المقام الأول اذا درسته راح تكتشف انك تدرس امور مرت عليك في حياتك لكن بتاخذها بطريقة علمية ومنظمة وبتسلسل رائع.


-بالنسبة للتخصص ويتكلم عن ايش ؟؟
ادراة الأعمال علم كبير جدا اذا درسته ان شالله راح تاخذ اساسيات او مواد ضرورية مثل مواد الاقتصاد والاساليب الكمية وبعض اساسيات القانون والكمبيوتر وغيرها من العلوم لكن بشكل بسيط وغير متعمق وبعد فترة من دراستك (تقريبا سنتين) تبدأ تتخصص في احد تخصصات ادارة الأعمال وهي كثيرة منها :


1- ادارة التسويق ( وهذا التخصص حقي الي بصراحه اعشقه مثل ما اعشق السنكرز :109: ) .

2- الادارة المالية وهذا تخصص على اسمه يهتم بالمالية وينفع المهتمين بالبنوك وشركات التأمين وشركات الاستشارات المالية .

3- ادارة الأعمال الدولية وهذا تخصص يتعلق بالشركات العالمية الي منتجاتها وخدماتها تتعدى نطاق البلد الأم .

4- ادارة المنشآت وهذا تخصص ممتاز ومطلوب وبصراحه ماعندي معلومات كثيرة عنه .


-اخوي اغنية المطر مافيه علم في العالم الا ويجتمع فيه الحفظ مع الفهم يعني : علم ادارة الأعمال علم فهم لكن فيه جزئيات معينه تتطلب حفظ مثل بعض النظريات او بعض القوانين لكن تبي نصيحتي لا تدقق ولا تشغل بالك هالأمور لأنك اذا بتشد حيلك والله ما راح تفرق معك ...


-بالنسبة لسؤالك على ماذا تعتمد كورسات ادارة الأعمال ؟؟
اخوي اغنية ترا الموضوع بسيط ولا يبغاله قنبلة ذرية ... الأساسيات البسيطة الي تعلمتها في المتوسط والثانوي وبس !! .... فــــــ الله لا يهينك اضبط توحيد المقامات :109: ...


-شكلك متعقد من الرياضيات :36_1_37: ... عموما طالب ادارة الأعمال مستحيل توقف الرياضيات عائق امامه لأنها شغلات بسيطة والكل يقدر عليها ....


اخيرا اخوي اغنية انا من واقع تخصصي وتجربتي الدراسية وصدقني انا ما اتفلسف ادارة الأعمال ممتعة جدا جدا جدا خاصة اذا كنت هاويها وصدقني اذا دخلتها عن قناعه ورغبة منك بدون تأثير احد راح تتوفق وتبدع فيها بإذن الله ....


اتمنى لك التوفيق ان شالله وعقبال البكالوريوس والماجستير والدكتوراه ... ووو العرس ان شالله :36_3_11:
mode

... صدقت أخوي mode ... و كفيت ووفيت ..
و أنا كانت لي صولات وجولات مع هذا القسم أيام جامعة الملك سعود .. و صراحة دراسته ممتعه .. و الأمتع دراسة هذا القسم في أمريكا بلدالإنفتاح المالي و الإقتصادي و التسويقي ...
... و شكرا

تماما مثل ما قال الأخ mode ... :x1:

الله يعطيك الف عاااااافيه اخوي mode

بصراحه كفيت ووفيت ... نبذه جميله عن ادارة الاعمال ...

على العموم انا مهندس كومبيوتر ... لكن حبيت اسأل عن ادارة الاعمال لانه احتمال كبير اكمل ماجستير ادارة اعمال ....

الله يعطيك الف عافيه ...

و الشكر موصول للأخوه Mr.sa و جوليانو ...

و للأخت الكريمه بنت الصقور ...

يعطيكم الف عاافيه ,,,

إذا كان لدي متسع من الوقت فسأعقب على هذا الموضوع ..

لأني خريج قسم إدارة أعمال تخصص تسويق أحبه مثل مايحب mode السنكرز .

اخوي وحبيب قلبي جوليانو تسلم والله ولا شكر على واجب

بالنسبة للدراسة في أمريكا وكونها اكثر متعة انا معك لأنه بكل صراحه سستم الدراسة وآلياتها وطرقها هناك تختلف اختلاف الشمس عن القمر عن جامعاتنا .. وبإذن الله راح اكمل ماستر هناك ان شالله ..

شكرا لتفاعلك واتمنى لك التوفيق يا صديقي :101:



الرائعه بنت الصقور شكرا لمرورك وهذا مهوب شي عند ابداعاتك ...

بس على فكرة الصفقة - ومشكورة عليها - ما تناسبك لأن الي يشوف اليدين يتوقع الي قاعد يصفق نيلسون مانديلا :109: :109: :109:



اخوي وصديقي أغنية المطر الحمد لله ان اجتهادي اعجبك وان شالله يكون افادك ...

وبصراحه ارفع لك القبعه (ماشالله) على تخصصك الرائع والقوي -هندسة الكمبيوتر- وعندي لك كلمة ودي تكون من القلب للقلب (الرجال بيقلبها مشاعر :109: ) :

شف ونا خوك والله ثم والله ثم والله الي تفكر فيه هو قمة الصواب الي راح يحققلك مستقبل باهر بمشيئة الله .. انا ما اتكلم من وجهة نظر شخصية فقط لكن من خلال معرفتي ببعض الشباب ودخولي اكثر من مجال واحتكاكي مع ناس كثـــير لهم خبرة ودراية اكثر مني : الشخص الي معه تخصص علمي مثل الهندسة والعمارة والكمبيوتر ويدعمه بدراسة ادارة الأعمال مطلوب بشكل غير طبيعي والشركات تحارب عشان تحصل على مثل هالنوعية من الموظفين .. وطبعا انت عارف وش المزايا المادية والمعنوية الي تترتب على الشي هذا ...

نصيحتي لك : استخر ربك واختارلك احد التخصصات الأدارية وكمل مشوارك واذا تخرجت راح تحقق المعادلة الصعبة :

تخصص هندسة كمبيوتر+ماجستير في الادارة+لغة متقنة+خبرة حياتية وعملية وانت في امريكا = عيش حياتك ...

وعلى فكرة فيه تخصص جديد لذيذ (لاتلومني على هالمصطلحات تراني اقدر الأكل :36_1_51: ) اللي هو Organizations change - تغيير المنظمات - حاول تقرا عنه ..

الله يوفقك يا صديقي ونسمع عنك اخبار حلوة ان شالله ..



ريـــــــــــــــــــــــــــــــــاش يا صديقي في التخصص اتمنى تصير صديقي في السنكرز :109:

بانتظار اضافاتك وردوك المميزة ان شالله ...




mode

اخوي mode


طيب برأيك اذا كملت ماجستير في ادارة الاعمال ... و ش القسم اللي ادخله ؟؟؟؟

الاداره الماليه ... ادارة المنشآت .. ادارة الاعمال الدوليه ... او ادارة التسويق ..


وبالنسبه لتغيير المنظمات عن وش يتكلم ؟؟؟



بارك الله فيك عزيزي mode

و كثر الله من امثالك ...


تقبل فائق تقديري احترامي ,,,

الاخ الكريم mode واعضائنا الاعزاء
ماهي الطرق التي ممكن اجمع بها اكبر قدر من المعلومات عن دراسة اداراة الاعمال؟ مثلا مواقع انترنت او كتب معينة او ماشابه ذلك ؟
وماهي الفائده من دراسة هذا العلم سواء للوظيفة او للعمل التجاري ؟ علما اني في بداية حياتي التجارية ؟
وماهي افضل دولة لدراسة هذا العلم امريكا او بريطانيا؟
وماهي مدة الدراسة ؟ وشكرا

اخوي وحبيب قلبي أغنية المطر

مساك الله بلخير

بالنسبة لسؤالك عن اي تخصص تختار بصراحه ونا خوك هذا شيء انت الوحيد الي قادر تحدده لأنه راجع لميولك واهتماماتك لكن عموما كلها تخصصات قوية ومطلوبة خاصة التسويق والإدارة المالية ...

انا بصراحه لو تبي رأيي تدخل واحد منهم :

-التسويق : هذا التخصص حقي وهو تخصص جدا ممتع ويتكلم باختصار عن دراسة المنتجات (السلعية والخدمية)وجودتها وتصاميمها والمنتجات الجديدة واسباب فشلها ودورة حياة المنتجات ..الخ وأيضا يتكلم عن التسعير وخطط التسعير وسياساته وكيف تضع السعر المناسب لمنتجاتك ..الخ ويتطرق التخصص للطرق والآليات لتوزيع المنتجات وأنواع التوزيع والمشاكل الي تواجه التوزيع وطرق حلها ..الخ وايضا الي يدرس التسويق راح يتعلم طريقة الترويج للمنتجات من الأف للياء من اعلان وبيع شخصي ودعاية تنشيط مبيعات وعلاقات عامة ..الخ ...

كل هذا بالإضافة لمواد تدعم التخصص مثل دراسة سلوك المستهلك و التخطيط الأستراتيجي في الإدارة وبحوث التسويق وغيرها من المواد .

وعلى فكرة ترى الشغل الشاغل لكل الشركات (الناجحة) في العالم هو التسويق .. تصدق ان بعض مدراء التسويق في بعض الشركات العالمية توصل رواتبهم 55 مليون دولار سنويا !!! (يروع الرقم تقول ميزانية اندونيسيا :109: )

ليش لا ؟ مادامه يدخل على الشركات عشرات المليارات ... !


-الإدارة المالية : تخصص قوي وأصعب شوي من التسويق كونه يتطلب خلفية رياضية اقوى (زي ما اتفقنا صعب بس مقدور عليه ) ويتكلم عن مبادئ الإدارة المالية وقرارات التمويل والمحافظ والإدخار والعائدات وغيرها من المواضيع .. وخريج الإدارة المالية تقريبا امكن 90% يتوجه للبنوك او شركات التأمين او مكاتب الاستشارات المالية .

انا انصحك تقرا اكثر وتسأل وفي النهاية استخر ربك واختر الي يناسبك والله بيوفقك ان شالله ...

بخصوص تخصص تغيير المنظمات

هذا يا طويل العمر تخصص اداري يعلم الطالب كيف يتم تصميم واختراع الأفكار الجديدة والابتكارات الي من شأنها ان تغير المنظمة وتساعدها على المواكبة وحتى السبق في التطورات الفكرية والتكنولوجية من اجل ضمان استمرارية التقدم في انتاجية المنظمة .... وايضا تخصص تغيير المنظمات او التغيير بتصرفات المنظمات يساعد ويقوي في تصميم الإدارات وفي الإدارة نفسها وفي تطبيق مبادئ الإدارة الحديثة ..


اخوي أغنية المطر اتمنى ان شالله تستفيد من هالمعلومات البسيطة وتتخذ القرار المناسب وسامحني على القصور ونا خوك .



mode

الله يعطيك العافيه اخي mode

وتحياتي للجميع

المشاركة الأصلية كتبت بواسطة اسير^المحبه


الله يعطيك العافيه اخي mode
وتحياتي للجميع





حبيب قلبي اسير^المحبه

الله يعافيك يا الغالي وشكرا لمرورك :101:

ما يحتاج امريكا اقوى من بريطانيا ...

بارك الله فيك اخوي mode

الله يوفقك يا بطل ,,,

شكراmode
على هذه المشورة لكن ماهي اوجه الشبه والاختلاف بين الدراسة في جامعات المملكة والجامعات خارج المملكة ؟ بمعنى اخر هل فعلا الشاب الذي تخرج من الجامعات الامريكية يكون مؤهل تأهيل كامل لاداراة اي شركة ام مجرد شهادة فقط ؟
السؤال الثاني تحملني شوي مامدى صعوبة دراسة هذه العلم يعنى ممكن ان ادرس في الجامعة وامارس بعض الاعمال التجارية البسيطة ام الدراسة صعبه ولابد من التفرغ الكامل للدراسة ؟

الجميع ماقصر وخاصة الاخ mode
وكأضافة بسيطه :
قسم ادارة الاعمال في جامعة الملك سعود فيه مسارين ماليه وتسويق ( البكالوريوس )
كمعلومات علميه الاخ mode ماقصر كفى وففى فيها
كمستقبل وظيفي :
التسويق : مهم ان الشخص يمتلك الاشياء هاذي ( حب التخصص - لغة انجليزيه - المام بالحاسب الالي ) عشان تقدر تحصل على وظيفيه جيده وتنجح فيها
الادارة الماليه ( هذه القسم مظلوم بسبب ان قطاع التوظيف ماعنده المام عنه ماعدا البنوك تقريبا فالغالبية ماتفرق بين الادارة الماليه وقسم المحاسبة ففرصه الوظيفيه ضايعه )
ــــــــــــــــــــ
غالبية جامعات المملكه فيها قسم ادارة اعمال ولكن بعد مايتخرج الطلاب من القسم هل فيه فرص وظيفيه اللي اشوفه عدد الخريحين كبير مقارنه بالوظائف المتوفره اللي لها علاقة بالقسم
بالنسبة للماجستير في ادارة الاعمال MBA كفرص وظيفيه جيد خاصة من كان البكالوريوس معه في الحاسب الالي او الهندسه
افضل تخصص حاليا في كلية العلوم الاداريه كفرص وظيفيه ( المحاسبه )
بالتوفيق للجميع

اخوي حسام السليمان

مشكور وما قصرت على الإضافة الرائعه بالفعل جانب التوظيف بالنسبة للتخصص مهم جدا انت ما قصرت فيه ..

يعطيك العافية يا صديقي :113: :113: :113:



mode

شكرا كتيييييييييير حبيب البي mode

farss5 وش دعوة يا الذيب

لا شكر على واجب وحاضرين للغالين