الموضوع: مخالفة ساهر بزيوريخ

السلام عليكم
حصل صورتني كام السرعة بزيوريخ بسرعة 53وانا سرعتي 50
السؤال متي تسجل علي وهل تخصم من التامين اللي اخذته شركة تاجير السيارات او كيف اعرفه سجلت وكيف اسددها من الموبايل

مواضيع عشوائيه ممكن تكون تعجبك اخترناها لك:

• محتاج مساعدتكم في ترتيب برنامج يوم
• بعض الاستفسارات بخصوص السفر لـ سويسرا ، ادخلوا الله يعافيكم
• رشحو لي احد هذي الفنادق والشقق في انترلاكن
• سائق و مرشد سياحي في مدينة جنيف سويسرا
• اخدت لفه سريعه عالمنتدى والان احتاج مشورتكم بعد إذنكم
• السويس باس استفسار
• المنطاااااااااااااااااد
• افيدوني اوروبا
• استفسار عن منطقة انترلاكن
• اسفسار طبي مهم عن صيدليات سويسرا
• صرفت اليوم من يور الى فرانك معلومة ممكن تكون مفيدة لك
• مصانع الكاكاو بسويسرا بالعناوين
• الأسعار في سويسرا
• خطتي وخطتكم
• رايحة رحلة عمل مع زوجي الى جنيف ان شاء الله
• مساعده يالطبين
• ساعدوني بمخطط منظم
• عاجل ومن العاصمة المقدسة
• استفسارات سريعة قبل المغادرة
• استفسارات عن الفنادق ارائكم مهمة جدا

المخالفة غالبا تسحب من مبلغ التأمين
ولكن بحالة ان سيارتك سويسرية راح يتم مراسلتك بمبلغ المخالفة وطريقة سدادها على بريدك الالكتروني

ذكرتني بالكاميار صادتني هناك وانا توني مستلم السياره ومتوجه لشلال الراين بس مدري والله وش صار عليها هل خصموها او لاء اخوك ما يدقق

لا السيارة فرنسية اخذتها من القسم الفرنسي بمطار جنيف
ههههه انا انتبهت لها لان لحالي بالشارع وانصح بالجوال اذا عندك سايجيك sygic برنامج ملاحة ينذرك بمواقع الكاميرات
الوناسة بالطرق السريعة بالمانيا حط رجالك بس يالله مرة وصلت السيارة فوق الميتين بس بسرعة رجعت خفت ويمروني هالمان يمشون فوق 200 من الموبايل

اش الكلام هذا ياجماعه
53 كم يصورك وتسجل مخالفه ؟ وبكم ان شاء الله قيمتها !!!!
شكلنا اول واخر مره بنسوق بالديره

حتى لو اخر مرة تسوق في سويسرا
نفس الامر بالسعودية
تزيد 2 كيلو عن السرعة القصوي بيصيدك ساهر مباشرة
ونظامنا الدبل بعد شهر

المسالة ليست مرتبطة بدولة معينة انما مرتبطة باحترام الانظمة
والذكي من يعرف برامج اظهار كاميرات ساهر

هههه فيه شوراع السرعة 30 من الموبايل

هههههه اللورد خربتها بالاخير
اللي يدور على برامج تكشف الرادارات
هذا تحايل مو احترام للانظمه

برنامج سايجك فيه اماكن الكاميرات؟ !

فرنسيه ايطاليه المانية .. ما يهم دام المخالفة في سويسرا مثل ما قال الاخ لورد راح يرسلونها لك بالبريد .. وان حصل وما سددت وسحبت راح تمنع من السواقة هناك وحتى لو مر سنه او سنتين ودخلت احد مطاراتهم سواءً وصول او مغادرة راح يجبرونك على التسديد

سايجيك نعم فيه تحديد اماكن الكاميرات بس طبعا بغير السعودية لان السعودية يمكن يطلع لك علي ظهر بنقالي يركض كل شوي بمكان من الموبايل

طيب اذا تخصم من التامين خلاص وش يطالبوني فيه من الموبايل

اخذت بنصيحتكم واليوم اكثر من واحد سويسري حبسته وراي في انترلاكن
ماورانا شي نتمشى ونتفرج على اقل من مهلنا

ماعليكم منهم ببعض الشوراع خصوصا اللى مافيها تجاوز يزعجوني بالبوري

من دخلت لاوربا وطلعت ما سمعت صوت البوري
يوجد احترام للنظام بشكل اكبر مما نتصور
لان رخصة القياده ما يتحصلون عليها بسهوله

لاوالله سمعته يمكن ثلاث او اربع مرات حتى مرة بنفق
احترام المرور ممتاز بسويسرا بس النمسا لاوالله فيهم غشامة وتخطيم علي بعض من الموبايل

ابونوره ماحلفتني سمعته اول مره امس في سويسرا بعد ما دخلت الحدود ب 20 كم تقريبا عند اول بحيره اذا تعرف الشربكه يعني اكثر من 3 دقات ورا بعض
حسيت اني بالثقبه
وازيدك بعد وايدنسويل باتجاه انترلاكن فيه تحويله بالخط السريع والعالم يسقطون على بعض دق اشاره واسقط

وكمان وحده لعيونك
امس قبل انسبروك كان فيه حراثه حابسه وراها باص نقل جماعي وبعده حول عشر سيارات ونا وراهم
الحراثه ماشيه 40 بخط 80
تصدق راعي الباص بغى يتجاوز بعد ما قفلت معاه
ورجع لمساره لان ما امداه يعدي الحراثه

صدقني السلوك البشري واحد سوا في ديار الحر والغبار او في ديار المطر والضباب
انت اضغط الناس شوي وبتشوف العجب

النمسا جربناها نظااااام والله تقريبا 3اسابيع ماسمعنا بوري
ولا احد يتجاوز ، فظيييعين
سويسرا الجزء الفرنسي وديفون وانسي وشامونيه كنك بالسعودية
يساقطون وبواري ، وازيدكم من الشعر بيت وحنا طالعين من جنيف لانترلاكن واحد بالهاي واي رمى علبه موية ولاهو عربي ولا خليجي!
بمجرد ما دخلنا انترلاكن شفنا نفس انضباط النمسا ولطافة النمساوين
الله لايعيد الريف الفرنسي بالذات ديفون ، اما انسي جمييله فيه نظرات وعبارات ماندري وشي لكن واضح انها عشان النقاب ! ولا يرضون يكلمونك انجليزي بديفون !ينفخون فرررنش فرررنش! اخر مرة اسكن فيه باذن الله ! كنه طريق الملك عبد الله تحويلات وكل ماوجهنا القارمن لطريق صار مسكر
راح وقتنا وحنا نحاول نطلع من ديفون!
ناس عنصريين بشكل ! !
الله يستر من باريس ! ويعديها ع خير
معليش طلعنا برا الموضوع ،
بس مع زوجي صورتنا الكاميرا وحنا راجعين من انسي الرااااائعة ، بندخل سويسرا كيف نعرف وشلون نسدد المخالفة؟
نراجع شركة السيارات؟

هههههه الفرنسيين
الظاهر الايطاليين العن
النمساويين فيهم بس حكاية التخطيم لكن بشكل عام كويسين
الصيانة بالطرق كانت حتى بسويسرا لكن بفرنسا اكثر
والنمسا كان وقت الامطار وكانت الطرق مقفلة والصيانة بكل مكان من الموبايل

المشاركة الأصلية كتبت بواسطة true call
http://www.arabtravelersforum.com/tr...1/#post7871791

النمسا جربناها نظااااام والله تقريبا 3اسابيع ماسمعنا بوري
ولا احد يتجاوز ، فظيييعين
سويسرا الجزء الفرنسي وديفون وانسي وشامونيه كنك بالسعودية
يساقطون وبواري ، وازيدكم من الشعر بيت وحنا طالعين من جنيف لانترلاكن واحد بالهاي واي رمى علبه موية ولاهو عربي ولا خليجي!
بمجرد ما دخلنا انترلاكن شفنا نفس انضباط النمسا ولطافة النمساوين
الله لايعيد الريف الفرنسي بالذات ديفون ، اما انسي جمييله فيه نظرات وعبارات ماندري وشي لكن واضح انها عشان النقاب ! ولا يرضون يكلمونك انجليزي بديفون !ينفخون فرررنش فرررنش! اخر مرة اسكن فيه باذن الله ! كنه طريق الملك عبد الله تحويلات وكل ماوجهنا القارمن لطريق صار مسكر
راح وقتنا وحنا نحاول نطلع من ديفون!
ناس عنصريين بشكل ! !
الله يستر من باريس ! ويعديها ع خير
معليش طلعنا برا الموضوع ،
بس مع زوجي صورتنا الكاميرا وحنا راجعين من انسي الرااااائعة ، بندخل سويسرا كيف نعرف وشلون نسدد المخالفة؟
نراجع شركة السيارات؟



بخصوص الكاميرا اللي على مدخل الحدود السويسرية هذه صادتني عدة مرات ولاكن لم يصلني مخالفة منها ولله الحمد واخر مرة صادتني فيها كان في يناير 2013

بالتوفيق