الموضوع: اول مره فى حياتي ازور الكويت الحبيبه

السلام عليكم

قررت بعون الله تعالى ان ازور بلدنا الثاني الكويت حفظها رب السماء من كل سؤ.. لاول مره فى حياتي.. فقط ثلاثه ايام.(من الاربعاء القادم لين السبت)....

انا ما احب المولات الكبيره والماركات والسوالف هذى لاني مليت منها...ابي اشوف الكويت الحقيقيه اللى كنت اشوفها فى مسلسلات حياة الفهد وسعاد عبدالله وغانم الصالح...اسواق شعبيه...وانيت يحمل وينزل ركاب..حياة بسيطه....اسواق شعبيه...ابي احس انى فى قلب الخليج...وانا هناك...بايى مدينه اسكن عشان هالاشياء الاصيله؟

ابي اسكن قريب من هالاماكن عشان اروح لها اكثر وقتي...وين تنصحوني فيه.. انا جاي لوحدي مافيه عائله...انشالله انى قدرت اوصف لكم وش ابي اشوف فى كويتنا الغاليه ع قلوبنا جميعا...

ثانيا...سائقي التاكسي فى المطار.....(تكفون لاتقولون هنود...)...يازينها لو يكونون من الشياب اللى الواحد يوسع صدره سوالف معه لين يوصل بحفظ الله للفندق...

اى شى تحبون تضيفونه حياكم....اول مره فى الكويت وانشالله ماهى الاخيره

تحياتي

مواضيع عشوائيه ممكن تكون تعجبك اخترناها لك:

• بنات الكويت وين أحصل البلايز الطويلة التوبات ؟
• هل احد جرب الدخول للكويت بالهوية الوطنية
• معانى اسماء مناطق الكويت
• فساتين السهره الراقيه
• الكويت و صور من الطائرة
• ممكن مطعم هندي وصيني محترم ؟
• بعض احداثيات مناطق ومطاعم بالكويت
• اسواق الجملة للجلابيات والشيلات
• لو سمحت ممكن تدخل وتعطينى خبرتك
• فنادق الكويت؟؟
• شباب و بنات الـ
• استفسار عن الخطوط الكويتية
• المولات بالاعياد ياسكان الكويت؟
• لو سمحتووو ابي مساعده شوي
• اااااااالف مبروك
• تكفون يا أهل الكويت أسعفوني بمطاعمكم
• إستفسار عن الشقق المفروشة بالسالمية
• أحييكم من الكويت الحبيبة ولدي استفسار
• بنات الكويت الحبيبات وأخواتى فى الله
• الخطوط الكويتية كيف اسعارها

وعليكم السلام والرحمة
وإختيارك هالوقت بالذات رايق جداً
الأجواء في الكويت تكون من أرقى ما يكون
/
راح أساعدك بقد خبرتي وإن شاء الله اقدر افيدك
..
طبعاً بما أنك ما تبي مولات وتبي أماكن شعبية وزي كذا
فيه سوق رايق جداً ومتأكد أنه راح يعجبك وهو " سوق المباركية " على طراز شعبي ومن أرقى ما يكون
الشئ الثاني بخصوص السكن أفضل إنك تسكن بالسالمية
/
اتمنى لك سياحة ممتعة ، وعمار يا كويت

http://www.arabtravelersforum.com/user514571/

الله ايسر لك سفرتك ان شاء الله تستمتع في بلدنا الثانية الكويت

طبعا اخوي محمد العكاسي عطاك الموضوع من الآآآآآخر,, سوق المباركية وهو سوق شعبي قديم وجميل وترتيبه وايد حلو يستاهل الزيارة خصوصا في هالوقت من السنة بحيث تكون الاجواء حلوة للتمشاي، والسالمية منطقة حلوة قريبة من البحر وحولك المطاعم قريبة كذلك، بضيف على اخوي محمد العكاسي شغله وهي مطعم فريج صويلح، مطعم شعبي واكله شعبي جميل ما يتفوت، هذا غير ديكوراته الحلوة المصممة على شكل فرجان لول، وبما انها الزيارة الاولى لك انصحك بزيارة الأبراج وتشوف الكويت من فوق

وهذا الموضوع ان شاء الله يفيدك بخصوص الاحداثيات اذا كنت تستخدم القارمن



بالتوفيق ان شاء الله في رحلتك
وتقبل اجمل تحية وسلام

اخوك فارس دبي

ماقصرتم ياحبايبي

سوق المباركيه قريب من السالميه فى حالة لو سكنت فيها بناء على نصيحة اخوى محمد....؟

اشكركم جميعا ولكل اختى كويتيه متنقله

حجزت فى فندق ايبيس....لان الريفيوز فى موقع بوكنق تمدح موقعه....وفيه انترنت وهذا اهم شى عندي...واظنه بعد قريب من سوق المباركيه لاني ماقدرت اشوفه فى قوقل ايرث..


بس كم المدة اللى ياخذها التاكسي من المطار لين الفندق؟ يتراوالي طويله

زين ممتاز صح اهو قريب على المباركيه
والمده تقريبا من 12-15 دقيقه من الموبايل

المشاركة الأصلية كتبت بواسطة system212
http://www.arabtravelersforum.com/tr...9/#post7448249

اشكركم جميعا ولكل اختى كويتيه متنقله

حجزت فى فندق ايبيس....لان الريفيوز فى موقع بوكنق تمدح موقعه....وفيه انترنت وهذا اهم شى عندي...واظنه بعد قريب من سوق المباركيه لاني ماقدرت اشوفه فى قوقل ايرث..


بس كم المدة اللى ياخذها التاكسي من المطار لين الفندق؟ يتراوالي طويله



هلا بك اخوي
قبل أسبوعين كنت في الكويت الحبيبة و كانت ثاني زيارة لي ,,, و إن شاء الله الثالثة قريب (الكويت ما تمل منها).
أنا بقولك على تجربتي بالنسبة للفندق و انت اختار اللي يناسبك.
أنا سكنت في فندق اسمه ( الواحة ) عند دروازة عبدالرزاق ,,,, أبد أقل من دقيقتين مشي و انت في وسط سوق المباركية.
الفندق اقتصادي ,,, 3 نجوم ,,, و فيه انترنت مجاني ,,,, و موقعه استراتيجي جدا ,,, ( قريب من كل شي ).
أخذت الغرفة بـ 25 دينار كويتي.

لكن حتى لو سكنت في السالمية ,, ترى المسافة ماهي بعيدة مرة ,,, لكن تحتاج سيارة (ما هو مشي على الأقدام) تقريبا 12 دقيقة.

نصيحة : لا تفوت المركز العلمي في السالمية (فيه أكوريوم - حوض أسماك/ معرض الحياة البرية و الشعب المرجانية / سينما 3d عملاقة ,, شاشة العرض 15 متر )

بالتوفيق ,,, و الله الله بالتقارير السنعة بعد ما ترجع بالسلامة إن شاء الله

يعنى من فندق ايبيس مقدر اروح مشي الى سوق المباركيه؟

فندق الواحه!!

لو هو اقرب للسوق من ايبيس حجزت فيه...ابي تاكيد منكم بسرعه عشان يمديني اغير فى الحجوزات دون خساير...

المشاركة الأصلية كتبت بواسطة SYSTEM212
http://www.arabtravelersforum.com/tr...5/#post7450385

يعنى من فندق ايبيس مقدر اروح مشي الى سوق المباركيه؟

فندق الواحه!!

لو هو اقرب للسوق من ايبيس حجزت فيه...ابي تاكيد منكم بسرعه عشان يمديني اغير فى الحجوزات دون خساير...



هلا بك اخوي
بالنسبة لفندق ايبيس ,,, مادري وين موقعه بالضبط ... إن شاء الله يفيدونك الإخوان من الكويت.
لكن بالنسبة لفندق الواحة ( الاقتصادي زي ما قلت لك ) أنا سكنت فيه و هو قريب جدا من سوق المباركية ,,, و دايما أدخل الفندق و أحجز الغرفة يعني بدون حجز مسبق.
بالتوفيق إن شاء الله

سلامر

انا حجزت فى فندق الواحه وموقعه زى ماتفضلت انت قريب من السوق وفيه انترنت...هذا اللي ابيه انا...لانى ماحب استاجر سياره...احب المشي والتكاسي موجوده اكيد


cant wait to see beautiful kuwiat

المشاركة الأصلية كتبت بواسطة SYSTEM212
http://www.arabtravelersforum.com/tr...9/#post7453769

سلامر

انا حجزت فى فندق الواحه وموقعه زى ماتفضلت انت قريب من السوق وفيه انترنت...هذا اللي ابيه انا...لانى ماحب استاجر سياره...احب المشي والتكاسي موجوده اكيد


cant wait to see beautiful kuwiat



هلا بك ,,,,
زي ما قلت لك ,,, ميزة هالفندق موقعه المميز ,,,, عندك :
سوق المباركية ( اطلع من الصبح بدري و روح افطر في واحد من هالمطاعم الشعبية في السوق (عندك باشا ,, كراعين

مرحبا .انا الان بالكويت والحمد لله الجو حلو وامس كان فيه مطر بس اليوم يوم مشمس.. الاماكن اللي ابيها بصراحه ماحصلتها.. المقاهي اللي تقولين عنها اختي كويتيه متنقله ماحصلتها.. السوق كبير جدا وله عشرات الابواب والمداخل. ما شفت الا ديوانيه اظن اسمها المقاصيص.. بس!!! كل ماركبت مع تاكسي وداني مقاهي عاديه وهذا اللي ما احبها.. ابي شي قديم اصلي...

هلا بك اخوي
أتوقع الديوانيات الشعبية موجودة أكيد,,, لكن إن شاء الله أهل الكويت يفيدونك بأماكنها ,, ( تقدر تسأل واحد من هالشيبان اللي موجودين في المباركية ,,, ـ أكيد يعرفون)
اي صح ,, نسيت أقولك ( إذا كنت تحب الأكل الهندي ) في نفس الفندق في الدور العاشر فيه مطعم هندي اسمه ( قابو سلطان ) عنده برياني أليييييييييم ,,, جربه و إن شاء الله يعجبك

صحيح المقاهي عندنا مو يم بعض متنقله كل مقهى بصوب

والصراحه شوقتني على كلامك حسيت ودي اعيش بهالاجواء القديمه والكويت الحقيقيه اللي نشوفها بالمسلسلات رقيه وسبيجه وعيشتني جو مع اني كويتيه و بالكويت بس هالاماكان ماعاد لها وجود عندنا للاسف
كل شي تبدل وتغير حتى المباركيه تغيرت صارت الحين للهنود والوافدين وغير عن اول لم كنا نروحلها
الزمن تغير والناس تغيرت
وحمدالله عالسلامه

غير صحيح إطلاقاً أن المباني القديمه والعاصمه تغيرت وتبدلت ..
مباني عاصمة الكويت والمنطقه القديمه أنشئت أغلبها منذ السبعينات وإلى الآن لم تتغير أبداً ..

لكن توجد مباني الأبراج الحديثه و المتعدده لمنطقة الأعمال والتجاره ... في أماكن خاصه لها

وكل المباني الي ذكرتها عن المسلسل القديم والتي ظهرت فيه ..موجوده إلى الآن .. وقد ظهر غانم الصالح بالمسلسل يتجول بالوانيت بين مبنى البورصه المميز

و منطقة الصالحيه ..فندق ماريوت الشهير ومجمع المثنى والبلديه والشيراتون وكل هذه المعالم القديمه قريبه بجانب المباركيه وبإمكانك زيارتها ...ولرغبتك بالقديم والبسيط المثنى مجمع قديم وكبير منذ السبعينات (غير تراثي ) وتجد فيه كل شي وهو مقابل ماريوت ويحتوي على فندق سويس بل هوتيل بلازا أنصحك بزيارته ...

وتقبل مروري وتحياتي لك