المبلغ المحجوز من الفيزا بعد حجز الفندق

**ahmed3** · 02-03-2015, 04:54 PM

السلام عليكم ياخوان قريت في تعليقات اشخاص في كذا فندق في سويسرا بانه تم حجز مبلغ من الفيزا بقيمه الاجار عندما سووا بكنج وبعدين تم الدفع مرره ثانيه عند الفندق ولم يسترد المبلغ المحجوز يعني تم الدفع مرتين (دبل) هل احد صارت وياه وهل المبلغ المحجوز يلغى حجزه من الفندق بعد التسديد ويسترد
شاكر مقدر

مواضيع عشوائيه ممكن تكون تعجبك اخترناها لك:

**ahmed3** · 02-03-2015, 04:54 PM

وعليكم السلام ورحمة الله وبركاته ::

حياك الله اخوي

بالنسبة للفنادق ..مثلا لو كان حجزك ثلاثة ايام ..وتم استقطاع اول يوم من البطاقة.

هذا الاستقطاع فقط كريديت ..او هولد ..او حجز لمبلغ معين ..وليس كخصم ..كضمان مالي .
كمسمى فقط انه انخصم ..وليس فعليا .

في حالة انقضاء ثلاثة الايام وعند عمل التشيك اوت ..تقوم بدفع قيمة الثلاثة ايام (كاش او بالبطاقة).

ومبلغ الليلة اللي كان عليه هولد ..راح يفكو الهولد عنه ..وراح تشوفه في حسابك .
(وتفرق من بطاقة الى بطاقة متى يرجع المبلغ في بطاقتك )

وبعض الفنادق ..تقوم فقط بتمرير البطاقة على الجهاز للتأكد من الحجز دون اخذ اي مبلغ ..وفي حالة التشيك اوت انت مخير بالدفع كاش او بالبطاقة .
العملية فقط تأمينية لضمان الفندق ان لديه مبلغ من قيمة الغرفة .

هذا ما اعرفه ..واتمنى اكون افدتك

وبالتوفيق

**ahmed2** · 02-03-2015, 04:54 PM

الله يجزاك الف خير شاكر لك

**ahmed1** · 02-03-2015, 04:54 PM

من تجربتي مع الفنادق
تختلف سياسه الفندق
1-بعض الفنادق يفك الهولد اللي على البطاقه(المبلغ المحجوز) وفي نفس الوقت يسحب المبلغ اللي كان محجوز

2- بعض الفنادق وهذي هي الطريقه الغبيه يحجز مبلغ
واذا وصلت يسحب المبلغ من الفيز بعمليه ثانيه
ويفك الهولد عن المبلغ المحجوز وهذا ياخذ وقت لم يرجع للبطاقه
ومشكله الطريقه الثانيه تسوي ارباك في السفر لان الاحد الاتماني مايكفي من الموبايل