الموضوع: هذا مخططي

السلام عليكم ورحمة الله وبركاته

بعد القراءة لمدة شهرين في هذا المنتدى الرائع تم الاستقرار على هذا المخطط لذا آمل بعد قراءته التكرم بوضع أي ملاحظة من شأنها تدارك الخطأ مادام الكلام حتى الآن على ورق


الرحلة لمدة 12 يوم من بداية الوصول لميلان الساعة السابعة صباحاً


اليوم الاول : السكن راح يكون في فندق ستار هوتيل رتز بعد تسجيل الدخول والراحة من السفر بقية اليوم جولة في الدومو وشوارع التسوق المحيطة


اليوم الثاني : التوجه صباحاً بالقطار الى فينيسيا والعودة مساءً وبقية اليوم في الدومو


اليوم الثالث : التوجه صباحاً بالقطار الى لوقانو واستلام السيارة من هيرتز القريب من المحطة وتسجيل الدخول في فندق albergo lago di lugano وقضاء بقية اليوم في مركز المدينة والكورنيش


اليوم الرابع : التوجه صباحاً بالسيارة الى الفوكس تاون وبعد العودة زيارة سويسرا المصغرة


اليوم الخامس : الانطلاق صباحاً الى انترلاكن وتسجيل الدخول في فندق Brienzersee ومن ثم زيارة وسط المدينة والصعود الى قمة هارد كلم


اليوم السادس : صباحاً التلفريك المكشوف ( كابريو ) ثم جولة في مدينة لوسيرن


اليوم السابع : زيارة بحيرة البلو سي والزحليقة الصيفية والاوشن سي


اليوم الثامن : زيارة شلالات الراين ومدينة زيورخ مروراً ب وقرية لونجيرن


اليوم التاسع : زيارة شلالات الجس باخ والتروميل باخ


اليوم العاشر : قمة اوروبا من محطة جريندوايلد وبعد النزول التجول في المدينة


اليوم الحادي عشر : مغادرة انترلاكن الى ديفون والمرور على مصنع الشوكولا ومصنع الجبن وبعد تسجيل الدخول في فندق بارك آند سويتس جولة مسائية حول بحيرة جنيف


اليوم الثاني عشر : صباحاً زيارة آنسي


اليوم الثالث عشر : التوجه الى المطار وتسليم السيارة والاستعداد للعودة


هذا هو المخطط يوجد فراغات في بعض الايام وهنا محل اقتراحاتكم لاعدمناكم مع شكري وامنتناني للجميع

مواضيع عشوائيه ممكن تكون تعجبك اخترناها لك:

• فيزة الشنقن كيف اختار الدوله الي تستخرجها لي
• استفسار موقع حجوزات
• استفسار عن جنيف ولكم الشكر
• افضل فنادق سويسرا لعام
• رأيكم بجدول التنقلات والاماكن
• رجاءً لا تخذلوني ولا تبخلوا عليه بالمساعدة
• ساعدوني يا محبي السفر لتخطيط رحلة للسويسرا والمانيا وربي يساعدكم
• مشروتكم للأنشطه في أنترلكن من ابريل ولمدة أيام
• رأيكم ايش الافضل امريكا او اوروبا لشهر العسل ؟؟
• قمة تتلس في نوفمبر
• هل توصل الباصات في انتر لاكن الى كل الاماكن السياحيه من شلالات وقرى وقمم
• شهر العسل تنصحوني وين يكون؟
• مجموعة استفسارات رحلتي لسويسرا ،، سكن، شلالات، القيادة، القمم
• ابو عزيز ولا يهون الجميع ابي فزعتك
• سكن في انترلاكن وما جاورها
• سويسرا
• ارجو المساعدة باقي اسبوع على الرحله
• بالنسبة للسيارة
• ماأستغني عنكم يااخوان
• ألمانيا وسويسرا في يوم

ماشاء الله اخوي حمود مخطط راائع.

واذا عندي تعليقات راح تكون بسيطة

ولي عودة معك باذن الله من الموبايل

ميدو انا بالانتظار

ما شاء الله برنامجك مرتب اصعب ما فيه ثنتين الاولى : الذهاب الى فينيسيا والعودة بنفس اليوم وهذي مالها حل وفينيسيا تستاهل

الثانيه : الذهاب من انترلاكن الى شلال الراين وبريقنز وزيورخ والشلال جميل ويستاهل العنوه ولكن ما يجي لك تضيف محطه يومين بمنطقة كونستانس بحيث تخصص يوم للامكان اللي ذكرتها ويوم لليورب بارك ساعتين من كونستانس بصراحه اصرف من الفوكس تاون وسويسرا المصغره يعني تسحب يوم من ميلان واليوم حق انترلاكن اللي خصصته للشلال واليورب بارك افضل من الفوكس ومتحف سويسرا المصغر والقرار يعود لك وما شاء الله عليك راح تعرف تختار ان شاء الله تقبل مروري وتحيااااااااتي

الف شكر على اهتمامك

بالنسبة لرحلة شلالات الراين راح تكون هي الهدف الاساسي اما زيورخ ولونجيرن فقط مرور وجولة سريعة

اما الفوكس تاون فيني فيني عشان المدام

فينيسيا اذا ناسب الوقت جولة يوم واحد بالقطار كثير من الاعضاء جربوها

اشكرك كثيراً على مرورك من الموبايل

اخويا حمووود ..المعذرة والله ..


عندي مشكلة بايميلي ما تاصلني رسائل المواضيع المشترك فيها .


خيرة ان شاء الله .


مخططك ما شاء الله تبارك الرحمن متعوب عليه ومرتب الصلاة على النبي .


التعليقات هي :
اليوم الثاني ..حجز تذاكر القطار راح يكون عليك اوفر اذا حجزتها من النت على موقع القطارات الايطالية من ميلانو الى فينيسيا .
وان شاء الله تلقى الاوقات المناسبة لك .
بشرط ان مواعيد التذكرة لا يمكن تغييرها ..اذا كانت غير مستردة ..يعني زي العرض التشجيعي ما يمديك تغير مواعيده .
والفلكسبل للشخص 75 يورو ذهاب وعودة .
بينما في الانترنت للغير مسترد يوم شيكت عليها كانت تبدأ من 18 يورو .
والفرق مو هين .
ولك الخيار .




اليوم الثالث : ممكن وصولك الى لوقانو قبل موعد التشيك ان ..وراح يكون عندك يوم طويل ..وانصحك بزيارة خفيفة على كومو ..تستاهل وجميلة .


اليوم الرابع..سبحان الله كان نفس مخططي ..بس خليت الميني سويس بالاول ثم رحت الفوكس تاون .
وانتبه لا تضيع مفرق مليدا لأنه راح يجي بعد النفق على طول ..تسوي زي صاحبنا ..طلعت عيونه الين لقى رجعة .


اليوم الخامس : موعد التشيك ان راح يكون متأخر ..اذا كان خروجك من لوقانو في الصباح بدري .
وانصحك بزيارة المطل الهاردر كلم قبل لا تروح للشقة .


فيه مقترح وهو كالتالي :
الخط السريع بين لوقانو وانترلكن راح يمر فيك بالقرب من لوزيرن ..وقريب من لوزيرن التلفريك المكشوف .
فبدل ماتروح وترجع ..اطلع من لوقانو وزور التلفريك المكشوف ثم لوزيرن ..وارجع بعد كذا لأنترلكن .
وهنا لازم تعطي خبر لأصحاب الشقة ان وصولك راح يكون متأخر الى نهاية النهار مثلا .


والهاردركلم موجود في سنتر انترلكن ..قريب جدا ..وممكن تعمله في اي يوم .


هذا المقترح فقط لتخفيف المشاوير ..ولك الخيار في اعتماده .


==


بالنسبة لأنشطة انترلكن ..انصحك في يوم يكون نشاط بعيد ويوم نشاط قريب .
مثلا القمة والشلالات والبحيرتين قريبة .
لكن الراين وزيورخ ولوزيرن بعيدة .


===
حاس والله اني لخبطتك ..وهذا ترتيب لنفس الاماكن لكن بوضع مختلف :


انترلكن :
نبدأ من اليوم الخامس الى اليوم العاشر :


اليوم الخامس يوم الخروج من لوقانو والمرور على التلفريك المكشوف ثم لوزيرن ثم انترلكن .


اليوم السادس :
زيارة شلال التروميل باخ + قمة اوروبا من قرية وادي لوتربرونن .


اليوم السابع :
شلالات الراين + زيورخ .


اليوم الثامن :
زيارة مطل الهاردر كلم + شلال الجس باخ + قرية جريندلوالد (ويوجد مطل في القرية) .



اليوم التاسع :
زيارة بحيرة الاوشنسي والبلاوسيه .


اليوم العاشر :
لك حرية اختيار الانشطة .
مثلا زيارة كهوف ساينت بيتس الملحية + قمة روثورن بالقطار البخاري
خوانق نهر الار وشلال الريخن باخ + متحف البالينبيرج
وغيرها .




===========================


اذا بقيت على مخططك ..فجميل ايضا .


والله يكتب لك اللي فيه الخير .


وبالتوفيق أخوي

اعجز عن الشكر اخوي ميدو
ملاحظاتك كلها في محلها وراح آخذ فيها

بالنسبة للتذاكر راح آخذها من النت بس رأيك كم ساعة ممكن تكفي فينيسيا

الاسعار طلعت 185 يورو 3 رحلات لشخصين من ميلان الى فينيسيا ذهاب وعودة ورحلة الى لوغانو ذهاب فقط هل السعر مناسب
الشكر الجزيل لك ميدو

بما انك سوف تخصص يوم لشلال الراين وزيورخ والمسافه من انترلاكن اكثر من ساعتين وانت راح تقطع المسافه وتعود مره اخرى لا زلت اشد عليك و انصحك تضيف محطة كونتانس يومين بحيث عند الانتقال من لوقانوا يمكنك التوقف عندر ريف هايدي ومن بعده بريقنز النمساويه ثم الى سكنك في منطقة كونستانس (حاول يكون السكن على طرف البحيره باتجاه المانيا وشلال الراين ) اليوم الثاني الى اليورب بارك ساعتين او اقل حسب موقع سكنك في كونستانس وعند العوده المرور على زيورخ وقضاء اخر النهار مع بداية المساء


وعند الانتقال الى انترلاكن التوقف عند شلال الراين فتره ما قبل الظهيره وعند العصر التوقف في لوزيرن تحياااااااااااتي

جاري البحث عن فنادق مناسبة