الموضوع: ساعدوني سفري الشهر الياي

السلام عليكم ..
انا اول مرة بزور باريس ان شاء الله
بروح باريس باذن الله تاريخ 20-12 لين 23-12
او يمكن امدد يوم زياده

اول شي بروح لندن بتم فيها يومين ..
بعدين بطلع من لندن بروح باريس بالقطار ..
و بتم ف باريس 3 ايام و اليوم الرابع برجع لندن
يعني بعد الغدا بطلع من باريس

و انا ما عندي خبره ف باريس ابدا
اهم شي عندي بس اني اروح برج ايفل و ديزني لاند

وين تنصحوني اسكن .. عطوني اسامي فنادق
ابغي فندق ف مكان حيوي .. جريب منه المطاعم
يعني الليله ف حدود الف درهما تقريبا او الف و 200 درهم
و يفضل لو يكون الفندق جريب من محطة المترو
عسب اطلع من الفندق و على طول اروح ديزني

ينفع اسكن ف الشانز؟


انا بوصل باريس من هالمحطه
Gare du Nord International

كيف عقب بقدر اوصل للفندق .. تكسي و لا باص .. ؟؟؟ و لا كيف


اممممممم و وين تنصحوني بعد اسير ف هال3 ايام ..
انا مقرره يوم الوصول .. تقريبا بوصل باريس ع الساعه 10 الصبح تقريبا ان شاء الله .. ابغي هاليوم اروح برج ايفل .. و عقب ماعرف وين اسير ....اقترحوا علي

و ثاني يوم بخصصه يوم كامل لدزني ..
ثالث يوم ما عندي فكرة ماعرف وين اروح ..
افكر ف متحف اللوفر .. ؟ بس بغيت اسأل هالمتحف شو فيه . يستاهل اروح له ؟
و هل الجاليري لافييت جريب منه .


انا اللي معقدني ف الموضوع طريقة التنقل .. كيف بقدر اوصل لهالاماكن اللي ابا اسير لها

سوري ع الاطاله .. آخر سؤال .. اممم بيكفينا الف درهم نصرف يوميا و لا لا .. نصرف ع الاكل و تذاكر الدخول اي مكان ..
و لا المبلغ شويه .. ؟

للعلم نحن شخصين كبار و طفل عمره سنة و نص

مواضيع عشوائيه ممكن تكون تعجبك اخترناها لك:

• بخصوص السماح للعطور ف الطائرة
• شقق فريزر أرموني باريس لا ديفانس
• خبراء فنادق باريس مع الشكر
• مع °·¸¸•°سياحة باريسية لمدة أيام°·¸¸•°للشخصيات الإستكشافية فقط
• فرنسا والوجهه الثالثه
• مسيناكم مسونا يوم بقرية الشيخ هلال الطينية تجربة جديدة وجميلة وفريدة مباشر
• ارجو المساعدة في طريقة حجز موعد للسفارة الفرنسية في الكويت
• ارجو منكم المساعده لو تكرمتوا في وضع خطه لشهر العسل
• شهر عسل في الصيف في فرنسا
• ارجو المساعده بكرا سفرتي
• خبراء باريس تعالووا
• ساعدوني بجدول رحلتي الى باريس للمناطق المجاوره
• ورجعت من سوريا بالسلامة
• ساعدوني فندق راريس سحب مبلغ من البطاقه قبل موعدها
• ابي فنادق تسجيل دخولها يكون الصباح
• اين تكون وجهتي بصيف
• أفضل فنادق من فئة الخمس نجوم في باريس
• ارغب بالمساعده عن شقق فندقيه في مدينه ليل الفرنسيه رحله علاجيه وجزاكم الله خيرا
• "اجابة لكل تساؤلاتكم حول باريس تجدونها هنا...
• تنظيم رحله الى باريس وسويسرا والنمسا ارجو المساعده

من لندن انزلي في ديزني لاند يوم كامل وممكن تروحي للاوت لت
في يوم الثاني روحي ايفل والشانز اجمل واهم معالم باريس ايفل تاور وقوص النصر
في برج ايفل مانصحك بالطلعه حديد بحديد وزحمه وقلق لكن التجول حوله في ساحه مارس والتراكادور روعه ورحله نهريه بالنهار او بالمساء عشاء ع النهر تحت اضواء باريس
الشانز يتفرع منه اهم شارعين جورج سانك والافينو مونتين شارع الماركات
كيف توصلين لهم ركزي معي في شاره الشارع راح تشوفي لويفيتون وجنبه ع نفس الشارع مقهي الفوكيت بينهم شارع هذا هو شارع جورج سانك امشي لاخره شارع الافينو مونتين شارع الماركات
اليوم الاخير من الصباح روحي للاوبرا فيها الغاليري لافييت تسوقي فيه من الصباح للساعه 4 او 3 باقي اليوم روحي لهضبه مونمارت مكان جميل تشوفي باريس كلها من فوق وفي محلات هدايا عن باريس كثير

صراحه باريس اقل شي اسبوع عشان تنبسطي فيها صح يعني اللوفر ممتع والكنكورد وحديقه تويلري والمتاحف والحي اللاتيني والباستيل والشاتليه وجسر الاقفال والشعله والنهر ومتحف العطور اماكن كثيررر بباريس جميله
اي سوال لاتترددي بالخدمه من الموبايل

مشكورة اختي ع الرد و ما قصرتي
ما ينفع على طول انزل ف ديزني لاند ..
انا مب حاطه الاوتليت ف بالي مابغي اروح له ..
انا مابغي اتشرا ف باريس لان الحمد لله كل شي موجود عدنا ف دبي من ماركات و غيره
بس اذا في اشيا مثلا تخص باريس و غيرها حلو باخذه هدايا للاهل

انا حابه استقر ف فندق واحد .. اذا انتي قصدج اني اول يوم اسكن ف فندق ف ديزني
ما ينفع .. انا حابه استقر ف فندق واحد وسط باريس بحيث كل شي يكون جريب علي
اما ديزني بيكون بعيد علي .. و انا مخصصتله يوم كامل


و بالنبسبة للهضبه حظيتها ف بالي .. بروح لها ان شاء الله .. بس كيف اوصل لها ..
على فرض اني سكنت ف فندق ف الشانز ؟

باجي الاعضاء وين ما ردوا على موضوعي .. و على اسئلتي .. بخصوص الفندق و الميزانيه ..

عندي سؤال ثاني توني تذكرته
شو المناطق الثلجيه الجريبه من باريس .. ؟
خااااااااااااااااااااااااااااااااااطري اشوف ثلج .. و ألعب به .. و اهم شي اتصور و انا ماسكه الثلج

و كيف اقدر اوصل لهالمنطقه ..
ما عندي مانع لو اتم يوم زياده ف باريس بس عشان الثلج ..

ما قصرت خبيرتنا
بخصوص اشيا ءمعينه شوفي هنا
http://www.fragonard.com/

الثلج اللي اعرفه شاموني يبيلها قطار او سياره وهي قريبه من جنيف
وصولكم يوم خميس وجمعه وسبت واحد
وبما وصولكم الخميس متأخر
الجمعه بيكون لديزني لان باليوكند ديزني زحمه اصلا في غير ويكند فما بالك في ويكند
الفندق ما قلتي كم شخص انتم
فيه فنادق اقترحتها للاخ هنا شوفيها
http://www.arabtravelersforum.com/travel780339/

المشاركة الأصلية كتبت بواسطة bent_aj
http://www.arabtravelersforum.com/tr...3/#post7408931

مشكورة اختي ع الرد و ما قصرتي
ما ينفع على طول انزل ف ديزني لاند ..
انا مب حاطه الاوتليت ف بالي مابغي اروح له ..
انا مابغي اتشرا ف باريس لان الحمد لله كل شي موجود عدنا ف دبي من ماركات و غيره
بس اذا في اشيا مثلا تخص باريس و غيرها حلو باخذه هدايا للاهل

انا حابه استقر ف فندق واحد .. اذا انتي قصدج اني اول يوم اسكن ف فندق ف ديزني
ما ينفع .. انا حابه استقر ف فندق واحد وسط باريس بحيث كل شي يكون جريب علي
اما ديزني بيكون بعيد علي .. و انا مخصصتله يوم كامل


و بالنبسبة للهضبه حظيتها ف بالي .. بروح لها ان شاء الله .. بس كيف اوصل لها ..
على فرض اني سكنت ف فندق ف الشانز ؟

باجي الاعضاء وين ما ردوا على موضوعي .. و على اسئلتي .. بخصوص الفندق و الميزانيه ..



تعليقي ع الشوبينج باوربا مختلف تماما عن الخليج وامتع واجمل وافضل لكن اذا ماودك بالشوبينج مو مشكله كنسلي الاوت لت اللي قريب من ديزني
تقدرين تروحين وترجعين لديزني بنفس اليوم من باريس انا عن نفسي ديزني اعطيها يوم كامل وتكفي وزود الا اذا في اطفال حلو يستانسون يومين

هضبه المونمارت اقرب محطه لها Anvers من الموبايل

المشاركة الأصلية كتبت بواسطة bent_aj
http://www.arabtravelersforum.com/tr...3/#post7408945

عندي سؤال ثاني توني تذكرته
شو المناطق الثلجيه الجريبه من باريس .. ؟
خااااااااااااااااااااااااااااااااااطري اشوف ثلج .. و ألعب به .. و اهم شي اتصور و انا ماسكه الثلج

و كيف اقدر اوصل لهالمنطقه ..
ما عندي مانع لو اتم يوم زياده ف باريس بس عشان الثلج ..



الثلوج في مونت بلانك وشيموني وهي اقرب من جنيف
من باريس لجنيف 3 ساعات بالقطار والريف الفرنسي والجبال اقرب من جنيف نص ساعه وانتي فيها بالسياره او قطار من الموبايل