السلا عليكم ورحمة الله وبركاته
السراحة انا سافرت للفلبين 4 مرات بس الحقيقة بعد ماشفت كتابات الاخوان مثل كبيان و كيف و باقي الاخوان نقدة على نفسي :108: و اليوم يالربع خيكم يبي يسهج مانيلا في 1 سبتمبر وتعمدة ان تكون الرحلة بس لمانيلا او مثل ماأسميه دايم (مهل كيتا)...
ابي احكي لكم قصتي في الفلبين قبل سنتين... تولموا( تجهزوا)... مرة وانا في شعيب عندنا بحايل اسمه شعيب الرصف جالس لحالي وماعندي من الشيطان طاري وبعد ما صليت العشاء وانا انجضع (انسدح على ظهري) الا هكا الطيارة موحته (طايرة) لجهة الشرق وانا اقعد اراعي (اي انظر) له يامار يوم تهيضت وتذكرت ايام بوراكاي و باجيو.. والله وانا اسل (اظهر) جوالي واهمزه على رئيسي بالعمل وقلت له اليوم يومك يالذيب ابي لي اجازة قال اشوى الا بس ماهو سلف :109: قلت ايا بعد حيي انت هالوجه وابشر والله بالمانجو والله وقبلي لسوق الهنود وجنزيين وقميصين وللبيت ودقى بن ثنى الا العزبة جاهزة والمعاميل.. ومن زود الفرحة حتى مانمت وبقيت الين الصبح والله واطلع لمطيرنا (مطارنا) وقلت يالربع ابي رحلة للحبيبة مانيلا والله واحجز على رحلة العصر لرياض و بليل لمانيلا.. مالكم بالطويله ( قل وش عقبه :109: .. والله وانا اصل واروح لفنيدق بكيزون سيتي قريب من اس ام سنتر بوينت واخذ جناح بالف وثمانمية بيسو (والله من الرخص) لا وازيدكم من الشعر بيت كل 5 ليالي اسادس مجاني .. بس عذيريبه انه حوالي 45 دقيقة عن مكاتي بالنهار.. والله وامرح واكلم على وكيلة السفر الي دايم اختخت من عنده قلت هاه يام مايكل العلم وين ننهج (اي نروح) قالت والله ياخشيم ابوي انصحك تهبك لفيليا سكيديرو قلت وبراسك كم تذكرته قالت لا لا ما يحتاج قريبة والله وبا لفعل خذيت راعي هكا التكسي وقلت وش رايك لو نهف لهالمكان قال ولانج بروبليما ونمشي الضحى وناصله بعد حوالي ساعتين ونصف ونجي نبي ندخل قالوا يديكم على الف وست لكل واحد... والله وندخل ويشيلوننا على جاموسة تجر له عربية ونفر لنا شوين قالوا طبقوا( اي انزلوا) وندخل هكا المبنى التراثي وبداخله كنيسة وانواع شغلات الرهبان والقسايسة ونطلع فوق الا لبس وتراث كل مناطق الفلبين بالاضافة للبس وتراث اغلب الدول... ااااااااااااااه فترت(تعبة) يدي من الكتابة :110: والصراحة من اليوم وانا اكتب كأني ادور فقع.. المهم الراي لكم تبوني اكمل كملت.......مواضيع عشوائيه ممكن تكون تعجبك اخترناها لك:
- زرت اماكن كثير في الفلبين وابغى اجدد
- أي الفندقين أفضل
- وين اسكن في الفلبين
- عاجل اريد الذهاب الى سيبو من مانيلا بالباخرة
- عندي بعض الاسئلة اتمنى اجد الاجابة
- ماهي افضل خطوط سفر الي الفلبين من السعوديه
- عرض جديد خطوط طيران الاتحاد
- سيبو
- هل تم فتح الطيران الى باقيو من جديد
- بليزززز للي درسسس انجليزي في الفلبين يدخل
- مانيلا لاول مرة
- اصحاب الخبرره
- مسا الخير راح اخذ يالفلبين يوم
- اسبوع الى بوهوووول
- تقرير زامبوانجا وما ادراك ما زامبوانجا
- ماليزيا أو الفلبين
- هل بالإمكان فتح حساب فلبيني وانت في السعوديه؟
- بعض المعلومات من السفاره في الفلبين
- كيف لاقونا
- الى خبراء الفلبين استفسار
رد مع اقتباس
المفضلات