الموضوع: هل تنصحوني في جزيرة بوراكاي او بوهول في الفلبين

دامك رايح في العيد ف عندك هالموسوعتيين اللي كتبها أخونا قناص السعودية

http://www.arabtravelersforum.com/travel165521/

http://www.arabtravelersforum.com/travel133409/

رحلة سعيدة مقدما

دمت بحفظ الله

المشاركة الأصلية كتبت بواسطة ولد_الإمارات
http://www.arabtravelersforum.com/tr...2/#post4133163

مرحبا اخواني خبراء ورواد بوابة الفلبين

ان شاءالله انا ناوي اسافر الفلبين بعد عيد الفطر مباشرة يعني بتاريخ 14 سبتمبر اذا الله اراد

ومدة السفرة كلها في حدود ال 8 ايام

ونحن 2 شباب

حبيت تعطوني فكرة هل من المناسب اني اجلس في مانيلا يومين وبعدها اروح على جزيرة معينة

وفي مانيلا هل منطقة مكاتي هي اللي قريبة من المولات يعني اسكن فيها تنصحوني بستانس كل شي قريب ومنطقة حيوية ولا وين افضل مكان مع العلم اني اهتم انه الفندق يكون نظيف وفيه نسبة فخامة يعني 4 او 5 نجوم

وهل تنصحوني في جزيرة بوراكاي او بوهول

انا زرت بوكيت في تايلاند واستانست فيها وايد يعني يعجبني في الجزيرة الاسواق والازعاج والناس والفعاليات والمطاعم وهذي الامور عالشاطى، اي جزيرة تعتبر اقرب الى بوكيت وشو الفندق اللي تنصحوني فيه

وهذي اسئلتي اتمنى تفيدوني يا اخواني وشاكر لكم



هلا بالشيخ

أنا أفضل تكون يومين مانيلا تزور فيه الكافيهات و الحدائق + يومين بوراكاي + يومين سيبو (ماكتان) و بعدين ترجع لمانيلا للمولات و الهدايا

بمانيلا فيه فنادق كثير جميله .. خذ جوله بالمنتدى و شوفهم بنفسك و أسعارهم و اسألنا اذا فيه اي ملاحظه..
و بالنسبه لبوراكاي عندك الماندرين و عندك ريجنسي و منتجعات حلوه و كذلك في سيبو .. بعد الجوله اللي راح تاخذها نتفاهم و لا زال فيه وقت لموعد الرحله

و أجازه سعيده مقدماً

مرحبا اخواني ،، اشكركم على التفاعل، بس حبيت استشيركم، الصراحة دخلت موقع travelblog.org وكان في سؤال عن السفر خلال اغسطس وسبتمبر، وشفت انهم يحذرون من السفر خلال هالفترة لانه اغلب الشوارع تكون مسكرة والمواصلات ملغية بسبب الامطار وعادي رحلة الطيارة بعد تنلغي لايام بسبب هطول الامطار الشديدة على الفلبين والرياح، شو رايكم في هالكلام؟

مرحبا اخوي ولد الامارات .. لاتخوفنا وانا اخوك ترى سفرتي بسبتمبر

تقطع هالمسافه هذي علشان 8 أيام ، امركم غريب جدا ، شلون تاخذ راحتك

حتى لو انتو شباب

ساعات الطيران تكفي اكثر من 8ساعات في الجو ؟!!!!!!!!

والله ياخوي ddd591

المشكة انه رفيقي فالسفرة ما عنده اجازة اكثر من هذه الفترة عشان كذا انا ملزم بهذه المدة ولا انا احب اقل مدة تكون 15 يوم للسفر

اخوي كلومينا السعودي لا تخاف ان شاءالله الخبرة في الفلبين يفيدونا بالخبر الاكيد ونتطمن

مرحبا شباب
طبعا حصلت موضوع مثبت فالبوابة عن حالة الطقس والوصلة http://www.arabtravelersforum.com/travel212312-3/

والصراحة الواحد يقدر ياخذ فكرة عن حالة الطقس انه اعلى مستوى امطار في شهر سبعة وثمانية وتبدأ تنخفض تدريجيا من تسعة وعشرة

هلا اخوي

انا ذكرت نفس الجواب لأحد الأخوه بموضوع منفصل عن سفرتي بشهر ديسمبر و ايضا سبتمبر

كلما كان التوقيت بالصيف كان الطقس سيئ .. ولكن بعد ذلك يصبح أفضل
حتى الأمطار المزعجه تخف تدريجيا بعد خروج فصل الصيف .. و ذلك حال كل الدول الأستوائيه

و لكن أيضا كن على أطلاع على حالة الطقس دائماً
مع تحياتي لك برحله موفقه و أمنه

مشكور اخوي العزيز talaga على التفاعل والاهتمام وربنا يكتبه في ميزان حسناتك لما تعطيه من وقته الثمين لنا

وحصلت الصراحة موضوع يوضح الفرق بين جزيرة بوكيت وجزيرة بوراكاي والوصلة كالآتي http://www.arabtravelersforum.com/travel148714/

واتمنى الاستفادة للجميع