السلام عليكم ورحمة الله وبركاته
ياجماعة الخير وش رايكم نشتري تذاكر السفر قبل لا تطلع الفيزا؟؟؟
مقابلتنا كانت قبل12 يوم و موعد سفرنا بعد شهرين ونص اذا الله اراد وسهل..
وانا اقول لزوجي يله خل نحجز الحين عشان سعر التذاكر بيكون ارخص اذا كان من بدري واكيد بتكون الخيارات قدامنا اكثر..فلازم نحدد اي خطوط بناخذ ولازم نحدد خط سير الرحلة ونحجز طيران داخلي لو احتجنا وسكن طبعا وسيارة ..
بس هو رافض يقول لي افرضي عطونا الفيزا بعد سنة؟؟؟.. و امس رسلوا يطلبون سفرات زوجي السابقة خلال عشر سنوات مع التواريخ.. يعني الاجراءات قاعدة تمشي..
نفسي هالسفرة هذي بالذات تكون مرتبة ورايقة لان زوجي دايما يأجل الاشياء لاخر لحظة.. تخيلوا سفراتنا السابقة اجهز اغراضي قبل باسبوع واحطهم بسلة ملابس وانتظر جناب زوجي العزيز ينزل الشنط وعادة يجيبهم قبل لانمشي المطار..
هالمرة قلت له اني بصير رجالة وبجهز كل شي بنفسي دام المسافرون العرب معي مابيقصرون وهو قبل عرضي بكل سرور...
فياريت تتحملوني وتجاوبوني على استفساراتي الآتية:
1)متى نشتري التذاكر ؟ قبل او بعد اصدار فيزتنا السياحية؟ في بالي الخليج وش رايكم؟ ترشحون طيران غيره؟
2) رايكم نحجز السكن من الحين بعد؟ بنحجز شقة فاي موقع افضل vacation rentals by owner VRBO او Home away
هل هم مواقع مضمونة؟ اخاف ندفع لهم قبل ويطلعون نصابين؟ واتفشل قدام زوجي
3) مخططنا الحالي ان مانروح دايركت عشان مانتعب مع الاولاد فراح نستريح في لندن كم يوم وبعدها نطير على امريكا,,
زوجي بيخلص كورساته بامريكا وبعدين بياخذنا على اورلاندو نستأجر بيت ونروح ديزني وهنا ابي استشيركم في فكرة الغاء اورلاندو...بس لا احد يرميني ببيض...قريت تقاريركم وعجبتني وااااجد وحلم بنيتي ان تروح ديزني بس انا اشوفها متعبة مع التوأم الي عندي (مش توأم بس الفرق بينهم سنة اعمارهم سنة وسنتين ومثل العفاريت الله يحفظهم) ...
فاقتراحي ان دام رايحين لندن خلاص كفاية نروح هناك لندن زو و مدينة العاب و اذا رحنا هيوستن نروح السي لايف وسان انتونيو وخلاص .. هي مش مقارنة مع ديزني لان بتكون مقارنة ظالمة بس انا اقول كذا كفاية للوقت الحالي واذا كبروا الصغار الي عندي وصاروا يفهمون نروح رحلة ثانية انشالله.. لان تعب كثرة التنقل معهم ..ها وش قلتوا؟؟
4) اي احسن اوت لت؟ لندن ولا نيويورك ولا هيوستن؟
5) اقترحت على زوجي ان ناخذ شقة واطبخ بس عشان الصغار لان كل مرة اروح معهم مطعم تنفذ اعصابي ..ففكرت اخذ شنطة بس للاكل مثل رز و اجبان و سناكات واطعمة جافة والباقي من الاكل بنتركه في اخر المطاف استغلالا للمساحة .وفي الرجعة بتكون شنطة مشتريات طبعا..و زوجي يقول لي بتفشلينا في المطار وكل شي موجود هناك
سؤالي هل يقبلون في امريكا ان ندخل رز وتمر الخ ؟
تحملوني و خلوني اطلع رجالة جدعة قدام زوجي المصون... اتمنى القى اجابات ..ومشكورين مقدمامواضيع عشوائيه ممكن تكون تعجبك اخترناها لك:
- استفسار عاجل
- بعثة الى امريكا
- التامين الصحى للحمل
- سؤالين لو سمحتوا ردوا عليه
- تغيير المقابله لقنصلية الرياض ساعدوني
- أرجو المساعدة ضروري احتاج رأيكم؟
- رحلتي بكره لنيويورك ساعدوني
- ابي موضوع قريته و شفته
- من أدب الرحلات
- الى المشرف العزيز
- استفسار شيكاغو تكساس
- مساعدة ضرورية
- ممكن مساعدة
- يوم مليئة بالمغامرة فى الغرب الذهبى بـ ريال فقط من غير التذكره
- سؤال بخصوص دعوة الاشخاص الى امريكا
- سؤال بخصوص الموعد
- دراسة الأطفال في أمريكا
- قادم لمطار كندي في نيويورك لأول مرة على الخطوط التركية
- أتمنى المساعدة بـ خصوص الفيزا الأمريكية ضروري اليوم
- رايكم في فندق في نييورك
رد مع اقتباس
المفضلات