الموضوع: بليز فيدوني كيف ادرس الماستر في اميركا

السلام عليم ورحمة الله وبركاته
لو سمحتو اي احد عنده معلومه يفيديني
ودي اروح ادرس الماستر في علم الاجتماع او علم نفس في ولاية فلوريدا
مانقبلت ابتعاث فـ ودي اروح علي حسابي وبعدين اقدم ع الملحقيه اوراقي
لكن متخوفه لاني بروح لوحدي مدري وش بيكون وضعي واقامتي
وكم تقريبا يستمر الوضع الين يخلوني ابتعاث
وياريت بعد لو تفيدوني كيف اطلع علي حسابي ابي شركات كويسه وعروضها حلوه
كلمت شركه قالولي تكلفك الدراسه بالشهر 10الاف ريال شامل مصاريف ودراسه من غير القبول بـ4000الاف ريال
تكفووووون ساعدوني بـ المعلومات عشان احقق الي ابيه
1000شكر لكل من عطاني من وقته وقراء موضوعي

مواضيع عشوائيه ممكن تكون تعجبك اخترناها لك:

• الخبر الاكيد بخصوص تذاكر المبتعثين
• تكساس
• معاهد اللغة ببوستون
• هل يشترط قبول لغة أو قبول ماجستير ؟ بالإضافة إلى استفسارات أخرى
• يعرض كافة الجامعات حول العالم التي تدرس ماجستير القانون
• الشتاء في بريطانيا احتاج مشورتكم
• استفسار عاجل دوره لغه لمده سنه في ؟؟؟؟؟
• ارجو المساعدة في موضوع الابتعاث لمريكا وجزيتم خيرا
• معاهد اللغة في امريكا المواقع الأسعار الجودة
• الوطن موعد إعلان الأسماء النهائية
• استفسارات لأصحاب الخبرة
• استفسار عااااااجل عن مدينة في ولاية انديانا
• احتاااااج مساعده يا شباب ويا بنات
• موعدي بعد أسابيع ومتوهق ،
• معادلة المواد
• عطونـي أسم مكتب لترجمة الشهـايد بالرياض؟؟
• سؤال لكل الدمشقيـين
• السفارة الصينينة
• لا أعرف متى أحدد وقت زواجي
• محتااااااااااااااااااار

والله اختي بالنسبة للانضمام هذا يعتمد على قرار وزارتكم

شوفي الشروط للانضمام وتاكدي منها من خلال موقعهم

http://www.mohe.gov.sa/ar/pages/default.aspx

وبالنسبة للقبول لازم تعرفين ان قبول الدراسة العليا في امريكا اصعب من اي دولة اخرى

يبون معدل جيد جدا عني 3 من 4 وفما فوق

ولازم درجة في التوفل

ودرجة في امتحان القدرات gre

فـ هذا لازم تحطينه في الحسبان اختي

واذا اجتزتي كل هذا ان شاء الله بيكون قبولج سهل

تحياتي

الله يعطيك العافيه علي اهتمامك وردك
اخوي انا سألت شركه الي بروح معها علي حسابي قالولي تبدئين الدراسه بمعهد عشان التوفل وبعددين اذا اجتزتها اصير ادرس الماستر
يعني مو مطلوب مني من البدايه اجتاز التوفل ؟؟؟؟
اما اختبار القدرات اول مره اسمعه منك الحين حق ايش هالاختبار ومتي يكون بعد التوفل ولا قبل ؟؟؟
اش رايك بولاية فلوريدا وش احسن مدينه فيها الحياة تكون سهله ومريحه وافضل جامعه بنفس المدينه؟؟
مرررررره شكرا لك
ياريت بعد لو في احد نفس وضعي يتواصل معي ودي استفيد من تجارب وخبرات الي قبلي

معليش ع المداخلة
أختبار gre سواءا بعد التوفل أو قبل أختبار ماله علاقة في التوفل هو اختبار منفصل عن التوفل ولكن يفضل بعد التوفل لأن فيه جزء نظري يجب ان لغتك تكون ممتازة عشان تقدر تحل .
بالنسبة لولاية فلوريدا جميلة بس تراها ولاية حـــــــــــــاره ورطوبة.
فيه هناك جامعات تمشي موضوع المعدل يعني تقبل إلى 3.5 من 5 وهناك جامعات تعطيك قبول يسمى مشروط يعني يشترطون عليك انك في التاريخ المحدد يكون معك توفل في درجة معينه و gre في درجة معينه ولكن جامعات محدوده وقليلة الي تعطي قبول مشروط ..

أسأل الله التوفيق للجميع ..

ادخلي على موقع http://www.usnews.com
وشوفي ترتيب الجامعة بين الجامعات وترتيب جامعتك في نفس اتخصص بين الجامعات الأخرى في أمريكا .

البيضاني الله يعطيك العافيه ع الموقع
لكن للأسف ماعرفت استفيد منه عشان اللغه
عموما اخوي لو قدرت تعرف لي انت وش الترتيب اكون لك شاكره ماجستير علم الاجتماع الي هو Sociology
الجامعه University of South Florida
الله يجزاك خير انت وكل من اهتم بـ استفسارات القسم