الموضوع: سؤؤؤؤؤال مهم

سلام عليكم
العيد بالكويت واشلون
حنا باذن الله جايين للكويت اول عيد
من حفر الباطن
ابي اعرف ايش هي الاماكن الي تفتح بالعيد
ملاهي مولات المطاعم هل بتكون فاتحه ام ان بعضها يعطي العالملين فيه عطله
احسن مكان للاطفال بيوم العيد
والناس اكثر شي وين بتجتمع وهل تصير فعاليات

مواضيع عشوائيه ممكن تكون تعجبك اخترناها لك:

• رسالة عامة ل بيت الكويت
• مساعده يااهل الكويت
• مطعم ايراني؟؟؟؟؟؟؟لو تسمحون
• اي خدمه من الكويت متواجد لمده اسبوع انشاء االله
• نبي رأيكم
• تأجير مركب او قارب للصيد
• تكفون ياهل الكويت هل من مجيب
• حابه أزور الكويت لمدة يومين ممكن مساعدة؟
• مطعم melenzane kw
• هل تنصحونني بزيارة الكويت
• طيران الجزيرة تقدم عروضاً مميزة لـ وجهات
• اهل الكويت ضيوف عندكم مع بعض الاستفسارات
• امارتي ايام في الكويت يبغي شوركم ؟
• مسافر للكويت بالعائلة ولاول مره ومحتاج مساعدتكم
• مطعم البلد
• افتتاح أكبر فندق ومنتجع موفنبيك البدع في الكويت
• و ين ألقى شقق مفروشة بالكويت ؟؟؟
• الاردنية تسير رحلات بين عمان والكويت
• استفسار يا جماعه عن الزيارة التجارية للكويت
• هل سافرت يوم الي الكويت؟

الله يحيكم
شوف تقريري رحلتي الي الكويت ممكن يساعدك فية كل شيئ تقريبااا

هلا فيك والله مالي خلق اقراء ابي احد يعطيني كم معلمومة على السريع مشكور يعطيك العافية

المشاركة الأصلية كتبت بواسطة البيت الابيض 100
http://www.arabtravelersforum.com/tr...5/#post7155843

سلام عليكم
وعليكم السلام ورحمة الله وبركاته
العيد بالكويت واشلون
حنا باذن الله جايين للكويت اول عيد
من حفر الباطن
حياكم الله ببلدكم الثاني الكويت
وعيدكم مبارك وعساكم من العوادة
مقدما
ابي اعرف ايش هي الاماكن الي تفتح بالعيد
ملاهي مولات المطاعم هل بتكون فاتحه ام ان بعضها يعطي العالملين فيه عطله

الحدائق مثل
مدينة الكويت الترفيهية
منتزه الشعب
حديقة حولي بارك ( صغيرة فيها لعبتين للكبار والباقي للصغار وفيها مكتبة جرير )
و
النادي العلمي ( الأكواريوم )
المولات كلها مفتوحة إلا كذا مول للماركات يكونون مسكرات ( بأي مناسبة )
وتلاقي محلين ولا خمسة بس مسكرة بالمولات مثل الأفنيوز ( كذالك محلات الماركات )
وأسامي المولات المفتوحة
الأفنيوز
مول 360
سوق شرق
مارينا مول
الكوت
وفعاليات مسرحية أعلاناتها في جريدة الوطن
احسن مكان للاطفال بيوم العيد
مثل ماذكرت أعلاه الحدائق والسرحيات
والأكواريوم
ومول الأفنيوز بعد فيه ألعاب للأطفال
وفيه محل كبير أسمه بروي للوازم الأطفال من ملابس وألعاب

وفيه مثل الحضانة

والناس اكثر شي وين بتجتمع وهل تصير فعاليات

تجتمع أكثر في مدينة الترفيهية

ومنتزه الشعب
بس إن شاءالله الجو زين
والأفنيوز و مول 360

وهذا موضوع فيه جدول سياحي ماقصرت مشرفتنا الله يجزاها خير
http://www.arabtravelersforum.com/travel487746/
وفيه كذا ليلة تختار إلي يناسبكم
ورحلة موفقة بإذن الله

مشكورة ما قصرتي الله يوفقك
كم اسعار الالعاب
1- حديقة الشعب
2- المدينة الترفيهية
3- الالعاب بمول الافنيوز

المشاركة الأصلية كتبت بواسطة البيت الابيض 100
http://www.arabtravelersforum.com/tr...5/#post7158509

مشكورة ما قصرتي الله يوفقك
لاشكر على واجب
والله يوفقنا جميعا ومن نحب
كم اسعار الالعاب
1- حديقة الشعب
دخولها في 500 فلس
والألعاب تبدأ من 500 فلس وألعاب في دينار وفي دينارين ولعبة مستحيل أحد يلعبها في 5 دنانير )
2- المدينة الترفيهية
دخولها في 3,500 دنانير
وتشمل بعض الألعاب
( كل ألعاب الأطفال ،،، والألعاب القديمة للكبار )
والألعاب للكبار الجديدة ماتشملها والتذكرة في دينارين
لعبتين
3- الالعاب بمول الافنيوز



وألعاب الأفنيوز
تشترون بطاقة وتحطون فيها على حسب ماتبون 10 دنانير ولا 15 دينار
وإذا خلصت ويبون الأطفال يلعبون تروحون عند كشك التذاكر ويحمل فيها كم تبون
دينار ،، دينارين ،، 5 دنانير إلى ماتبون
ورحلة موفقة بإذن الله