الموضوع: استفسار محتاجه مسااعدتكم

مساااااء / صباااااح الخير

ابي استفسر عن دراسه الماستر
زوجي رايح يدرس وانا مرافقه معه
بعد مااشوف الاوضاع وبعد الاستقرار اذا حبيت اكمل الماستر ماهي الاوراق المطلوبه اللي اخذها معي عشان تكون موجوده
واحتاج توصيات من الجامعه والا لا ؟؟ وكم توصيه وكيف تكون صيغه التوصيه والا الجامعه بيعطونيااها جاهزه

واذا قررت ادرس بس معهد لغه وش الاوراق المطلوبه؟؟ وسهل الانضمام للمعهد والا لا ؟؟
وراح يكون على حسابي او البعثه يقدمون للمرافق شي؟؟

اسفه على الاطاله بس ابي احسب حساب الاحتمالين

وشكراً لكم

مواضيع عشوائيه ممكن تكون تعجبك اخترناها لك:

• مشكة جامعة سوث فلوريدا تامبا
• تغيير فيزا المرافق
• شوفوا شقالولي
• معاهد في كاليفورنيا
• السفر مع الاهل للدراسه ممكن ؟؟؟
• برنامج إعداد للمنح الدراسية بالامارات
• استفسار عن الفيزا في الجواز القديم فقط
• استفسار عن منطقة هادئة لدراسة اللغة
• الف مبروك لاخونا بعد قليل
• اللي له حول سنه بامريكا هل يقدر ياخذ اجازه ويرجع السعوديه ؟؟؟
• بخصوص اجواء سوريا
• الى الاخ العزيز ملبورن
• كيف الواحد يعرف الجامعات الي تدرس التخصص الي ناوي يدرسه؟
• وش اخر تطورات السفر بالسياره الى سوريه هل بالتربتيك او دفتر ؟
• ما هي اسعار السكن في دايتونا بيج و تالاهاسي و اورلاندو وميامي
• استفسار
• والله احترت واحتار دليليساعدوني في معهد
• قائمة بأفضل الجامعات في بريطانيا
• ااحتاج مساعدتكم يامبتعثي سياتل في تأمين سكن مع عائله
• مشكلتي انقلها إليك أخي القدير ملبورن وإلى جميع الاعضاء

الله يعافيكم احد يجاوب علي
اقلههاا على التوصيات عشان يمديني قبل مااتجي الاجازه

لو سمحتووووو

اخذو الافادة الجامعية مع كشف الدرجات وترجموها من مكتب معتمد وصدقوها من الوزارة + 3 توصيات من اساتذة القسم

بالاضافة تصفحوا موقع الوزارة وشوفو عن امكانية إنضمام المرافقين للابتعاث

http://www.mohe.gov.sa/ar/pages/default.aspx

تحياتي

مشكور اخوي الله يعطيك العافيه

يعني التوصيات مهمه

اكيد مهمه اختي

بالتوفيق

اختي
اذا بتدرسين الماستر لازم يكون معك اقل شئ 3 توصيات
والتوصيات تكون مكتوبه يعني الدكتوره تكون كاتبه توصيه تشرح فيه واخر ش مذيله التوصيه بأسمها وتكون التوصيه مختمه من الجامعه يعني التوصيات هذيك اللي مثل الجدول ماتنفع اللي اقصده يكون فيه جدول وتأشر فيه الدكتورة ممتاز او جيد جدا وهكذا هذي لا يعني انتي اذا بغيتي توصيه من دكتورة قولي لها انا بدرس برا وهي بتعرف
وخذي من الجامعه ظروف اللي تكون تبع الجامعه عشان بعض الجامعات هناك يطلبون التوصيه تكون جوا ظرف ومقفل على اساس انك ماتعرفين وش مكتوب خخخخ
وهناك الجامعات تختلف ممكن فيه جامعات تاخذ صوره وممكن في جامعات تاخذ توصيه جوا ظرف مقفل .. يعني يختلفون
شئئ ثاني انبهك عليه لمن تاخذين توصيه اطلبي من الدكتوره اكثر من وحده قولي انك بتقدمين على اكثر من جامعه
وكل توصيه لازم تكون مختومه
ملاحظه / ترى الدكاتره يحطون باجهزتهم نموذج للتوصيه اللهم يغيرون ويحطون اسمك ويطبعونها يعني مو شئ متعب ..
والله يعينك على ملاحق الدكاتره
انصحك تكلمين السكرتيره حقت القسم وتعرفين جدول الدكتورات اللي درسوك يعني متى ساعاتهم المكتبيه اللي يكونون فيه ..

بالنسبه لدراسه اللغه اعتقد مايحتاجون اي شهاده يعني اي واحد يجي ويدرس وبعض المعاهد تطلب اخر شهاده اخذتيها
تأكدي ان شهادتك مترجمه
اذا عندك اي خبره خذيها وترجميها وتختم من نفس اللي اشتغلتي عندهم هالشئ يساعد في قبول الجامعه

بالنسبه لك كمرافق وروحتي بـفيزه f2 فبتدرسين بارت تايم نص الوقت اللي بيدرسه زوجك
يعني زوجك يدرس مثلا من 8 الى 3
انتي تدرسين من 8 الى 12
هذا مثال فقط
وطبعا ماتدرسين جامعه الا اذا فيزتك f1
فنصيحه اذا ودك تكملين هناك الجامعه اطلعي من هنا بـ f1
لأن اذا كنتي هناك وخلصتي المعهد ومعك f2 لازم ترجعين للسعوديه عشان تغيرين فيزتك وتحطينها f1
غير كذا تتأخرين بالمعد لأنك تدرسين نص الوقت يعني زوجك يخلص وانتي بعدك ماخلصتي ..

الشئ الاخير اذا زوجك مبتعث من التعليم العالي او تبع الملك عبدالله فيحق لك كمرافق تدرسين المعهد واذا خلصتي وجبتي لهم قبول جامعه ضموك للبعثه وتصيرين مبتعثه وتستلمين راتب مبتعث وليس مرافق
يعني هم يدفعون لك دراسه المعهد ..



والله يوفقك يارب انتي وزوجك وترجعون بأعلى الشهادات ..

دعواتك ..