الموضوع: عبدالعزيز في مانيلا

السلام عليكم ورحمة الله وبركاته

صراحه الموضوع تقليد لأخوي فهد330
وانا ماقلدته ألا لأفادتكم و متأكد أنه موافق
لأني صراحه هالمنتدى افادني كثير

ساكن بالردسون
صراحه المبنى ماعليه وفيه جم و مسبح حليو
بس بأغيره وبأروح للجرين بيلت اتوقع انه احسن
أخذته تقريبا ب 1300 دولار لشهر
ألا اذا عندكم أقتراح أحسن
وبأدرس بمعهد قريب منه لأنجليزي واسم المعهد msa
والمعهد حليو وماعليه وبأفيدكم فيه اكثر بعد ما اخلص
بس مبدأيا حلو

صراحه لأسف ماحفظت أماكن المطاعم الحلال
وهذا الشي تعبني كثير
أنصحكم تكتبوها بورقه وتخلونها بجيبكم أحسن لكم
لأنك ممكن ماتحصل وقت تدخل النت او يكون غير متوفر
وياليت ياليت لو أحد يحط لنا الرابط لأنه جد مهم ولا حصلته وبيكسب فيني اجر

وفي نقطه ثانيه جدا مهمه
أنصحكم تفرقون الدولار عن البيسو
لأني بصراحه مع الربكه اعطيت واحد 100دولار بدل 100 او 200 بيسو
ومن جد حاقد على نفسي كثير بهذا الغلط
لأني ضيعت تقريبا 400 ريال على الفاضي
وهذا أكثر شي ماتتمناه اذا كنت ببلد غريب

وثالث شي وأهم شي أوصيكم أول ماتروحون بتقوى الله
لأني والله مدري وش أقلكم بس ماحصلت السعوديين ألا في برقص
وتفاجأت ومن جد ما أنصح احد يمشي بذاك الشارع وخصوصا لا يسكن قريب منه
وشكرا ودعواتكم لي
وماعليكم ماراح اقصر بالمعلومات والي عنده اي استفسار لا يخجل


وعندي طلب بسيط ياليت لو احد يعلمني مكان المساجد الي هناك و وين القبله ضروري ضروري
وشكرا شكرا

مواضيع عشوائيه ممكن تكون تعجبك اخترناها لك:

• سؤااال مهم جدا وضروري للغايه
• مركز زراعة الأعضاء بالفلبين محتاج معلومات عن المركز للأهمية
• الاخوة الاعضاء الرجاء المساعدة بمخطط رحلة
• إستفسار عن قائمة الأسعار لفندق جراند سوهو مكاتي
• تقرير مغامرات قسسسسوم في الورده
• افضل الطيران الداخلي للفلبين
• كأس العالم في الفلبين مواعيد المبارياتاماكن المشاهدة
• ممكن اي وعلومة عن هذه المدن تاقورون او بولوان في كوتوباتو
• ابي افضل خطوط طيران الي الفلبين
• كرت دخول الفلبين
• استفسار عن عدة نقاط لعشاق الورده
• ماخاب من استشار
• أوصيكم بوصية مهمة قبل السفر
• اندونيسيا ام الفلبين؟
• متى موعد رحلات الفيري من جزيرة لنكاوي لجزيرة بينانج والوقت المناسب للحضور للرحلة ؟
• ما هي تكلفة السفر الي الفلبين
• هل يوجد قنصلية سعودية في سيبو ؟
• لمة اسبوع فى مانيلا
• رحلة شهر مليئه بالاحدث مع رجنت
• أفضل فنادق في مكاتي لهذا الشهر

حبايبي هذا رابط فيه تواقيت الصلاة
لا أوصيكم فيها ويارب انك تغفر زلاتنا
http://www.islamicfinder.org/cityPra...es&lang=arabic

اولاً / الحمد لله على السلامه

ثانياً / بالنسبه للسكن اللي تقول عليه 1300 دولار بالشهر اشوفه رخيص وسعره حلو بس اهم شي الأمان والنظافه ويكون المكان في نوع من المتعه والاستجمام

ثالثاً / كثر ماضحكت كثر ماحزنت عشان موضوع 100 دولار لكن اهم شي انك استفدت منها

ورابعاً / تروح وتجي بالسلامه

ياهلابك اخوي
بخصوص المطاعم العربيه عندك مطعم البتراء وويصلون الطلب وفاتح 24 ساعه وللامانه اكلهم نظيف واسعارهم مناسبه ويكون بعلمك انا من الناس الي عزبتي معي بس جربت المطعم وللامانه ممتاز وفي مطاعم عربيه بمابيني الشورما العربي والقدس والبحر الاحمر لاكن ماجربتها وبخصوص المساجد في مسجد في ملاتي بس وشلون اوصفلك لاكن اذا تبي صلاة الجمعه يصلوون بالسفاره السعوديه لان مانيلا انا بصراحه اذا طولت جلست 5 ايام بالكثير واطلع
وبخصوص الفلوس لاتشيل معك الدولار خلها بيسو وحط فئة الالف والخمسميه بجيب والتفاريق الاخرى بالجيب الثاني عشان تفرق وخل معك بالكثير بطلعاتك 4500 بيسو

تحياتي لك

الله مير يحييك ويبقيك يا عزووووووووز

نورت والله

هههههههه بخصوص 100 معوض خير ان شاء الله ويمكن تكون دفعة بلا عنك عسى ان تكرهو شيء وهو خير لكم

وعسى ان تحبو شي فهو شرا لكم

رحله سعيده ان شاء الله

رحله سعيده اخووووووي عززوز وابسط روووحك وابعد الي يغضب الله هذا اهم شي .........

اتمنى لك سفره سعيده بس ههههههههاه لا نتسى توافينا بالاخبار ولاتنسى اهم شي الصور عشان التقرير .......

ااخوك حمودي حماده سكر زياده

هلابك اخوي ومرحبا الساع

اخوي العزيز عزوز اتفق مع ما ذكر اخونا وحبيبنا العاطل بكل ما ذكر الله يعطيه العافية

ولا يهونون حبايب القلب الاخوان والاخوات الله يسلم يدينهم الحلوة

الله يسهل امورك يارب وترد سالم غانم ويحفظك رب العالمين

هلا فيك اخوي

و مشكور على التوضيحات للأخوان

و هذا موقع يفيدك بمكان القبله .. فقط توضح مكان أقامتك بالخريطه

http://www.qiblalocator.com/

المشاركة الأصلية كتبت بواسطة فراشة الشرقيه
http://www.arabtravelersforum.com/tr...1/#post4094071

اولاً / الحمد لله على السلامه

ثانياً / بالنسبه للسكن اللي تقول عليه 1300 دولار بالشهر اشوفه رخيص وسعره حلو بس اهم شي الأمان والنظافه ويكون المكان في نوع من المتعه والاستجمام

ثالثاً / كثر ماضحكت كثر ماحزنت عشان موضوع 100 دولار لكن اهم شي انك استفدت منها

ورابعاً / تروح وتجي بالسلامه



الف شكر على الرد وبالنسبه لسكن ماعليه حلو ونظيف وامن
وترى هي صغيره بس غرفه وصاله صغيره ومطبغ صغينون بس مرتبه حقت واحد لوحده

أن شاء بأرجع بعدين وأعلق على الدردودكم الي اسعدتني من جد
الله يحفظكم كلكم
بالنسبه لمطعم البتراء بعيد عني كثير
أنا عند السمريت الي كنتم تكتبون عنه
فا ماني محصل شي قريب وصراحه بتفيدوني كثير لو أحد علمني
وألف شكر

ادخل ع الرابطين وشف المطاعم الحلال

http://www.arabtravelersforum.com/travel382115/

http://www.arabtravelersforum.com/travel219818/


وبخصوص البتراء عندهم توصيل للطلب والسمرست قريب
تحياتي

^
^
الف شكر اخوي العاطل

لاحظت ان اسلوب المعاهد الي هنا
هي ون تو ون واتوقع انه فيها جوده عاليه افضل من القروب
وان شاء الله راح اوافيكم بالتفاصيل عما قريب

ياليت لو أحد يدلنا وين موقع السفاره السعوديه في مكاتي وشكرا

هلا بحبيب القلب عزوز

السفارة قريبة من السمر ست

وانا بصراحة قلت لتكسي ابي السفارة وعلى طول وداني


تراها معروفه عند اغلب اصحاب التكاسي


الله يسهل امرك يابعدي

^
تشكرات افندم

هذا عنونها يابعدي بالتحديد

عنوان سفارة المملكة العربية السعودية في مانيلا

128 H. V. Dela costa St., Corner Sanchez St., Salcedo Village,

Makati City,

Manila – Philippines

^
شكرا اختي

أممممممم
صراحه بالنسبه للمعهد هو ممتاز بالنسبه للمبتدأيين
والي يبغى العنوان من عيوني
أما بالنسبه لي كانت البدايه ممتازه بعدين بديت ادج وحسيت بزهق
المهم المدرسات(صراحه ممتازات)) الي هناك قالولي ممكن نعطيك دروس اون لاين احسن لك
وبيني وبينكم انا فرحت كثير بهذا العرض
وبحجز الأسبوع الجاي على سيبو وبعدها على بوركاي بقعد بكل وحده اسبوعين
ياليت الي يعرف انه هالمنطقتين خطره بهالوقت ينبهني وله الجنه يارب

وماعليكم قررت الف كل الفلبين بدل الدجه بالقرين بيلت وبرقص ونيرفانا
واليوم رحت كم مكتب وشفت اسعارهم وهي صراحه رخيصه
بس مو عارف ايش اختار واخاف اطب طبه ولاحد يسمي علي
وياليت الي يعرف عن بكج معين يدلنا

والفلبين صراحه حلوه واحتاج نصايحكم اخواني وشكرا

أممممم
شباب امس سارلي موقف صراحه طيح قلبي
وانتبهو تسوون نفسي
والسالفه ياطولين العمر
كنت جالس امس بستاربكس الي بوسط القرين
المهم تأخر الوقت حول الساعه 2
المهم اللمبات سارت مره خافته وانا مستانس بالاب توب
والمهم واطلاع زين بالي حول والا وهو كلهم بنات الليل ويطالعون فيني
صراحه كأنها نضرت ذيابه وبأبتسامه الله لا يوريكم
المهم انا مو قلبي طاح الا طلع برا مانيلا
المهم دخلت الابتوب جوا الشنطه وماتشوفون الا غباري هههههه
الحمدالله ان محد شافني او بالأصح عندهم صيدات غيري

ههههههههههه عزوز
بالعكس يا أخوك بالحركه هاذي انت تثير الشبهه أكثر
الأحتياط مهم و أنا أخوك و لكن الأهم أنك تكون واثق من نفسك عشان لا تثير المطامع حولك
كأنك تقول تعالوا اسرقوني الله يهديك
و فعلا الوقت متأخر.. الساعه 2 !!!

نتمنى لك السلامه دائماً

المشاركة الأصلية كتبت بواسطة قصيمي متغرب
http://www.arabtravelersforum.com/tr...3/#post4143553

افااااا ياابو سعود انا قلت الحين الرجال مهجد نص شباب
مانيلا خخخخخ

لكن ولا يهمك نجي ثاني العيد انشاء الله ونصير شله

ونرجعلهم



هههههههه
لا ماعليك من ناحية التهجيد
أزهلها حتى رئيسة الفلبين مخليها تدفع لي الجزيه

عزوز مع السلام كيف الصيام معك .. عسى مهوب طويل ... معك قهوه وتمر..

المشاركة الأصلية كتبت بواسطة بن كارترايت
http://www.arabtravelersforum.com/tr...3/#post4146953

عزوز مع السلام كيف الصيام معك .. عسى مهوب طويل ... معك قهوه وتمر..



والله بالنسبه لصيام
صراحه اول مره بحياتي أحب رمضان زي كذا
بالنسبه لنهار تقريبا 14 ساعه
بس والله حلوه والأجواء جدا جميله
يعني تقدر تروح وتجي ولا تتعطل
أما بالنسبه للقهوه والتمر
لاوالله مامعي
وبيني وبينك انا من مدمنين القهوه
وماعليك ماخليت كفي ماجربت من عنده شي
ولا تطلب حلا

اخوي عزوز بالنسبة لسكن فية نت ولا لا
لأني واحد ما استغني عنة يوم واحدوالمعهد كم تكلفتة
اما بالنسبة لشارع بقرص تفاجأت من كلامك عنة لان كثير قالولي اسكن هناك
ارخص وامت بالنسبة للفنادق
والله اعلم

المشاركة الأصلية كتبت بواسطة azzam-x
http://www.arabtravelersforum.com/tr...2/#post4150782

اخوي عزوز بالنسبة لسكن فية نت ولا لا
لأني واحد ما استغني عنة يوم واحدوالمعهد كم تكلفتة
اما بالنسبة لشارع بقرص تفاجأت من كلامك عنة لان كثير قالولي اسكن هناك
ارخص وامت بالنسبة للفنادق
والله اعلم



بالنسبه للسكن ماأتوقع انك بتحصل اذا بتاخذ شقه لوحدك --بس ممكن تحصل
بس مايسوى انك تعب نفسك عشانه لأنك ممكن تاخذ برودباند مفتوح ب90 ريال فقط
مو زي الحراميه الي عندنا
اما بالنسبه لي كنت بروح اشترك وقلت ياولد خلني أفتح الشبكات الي عندي
وحصلت واحد ما عليه حمايه وسرت دايم استخدمه --لاحد يتمنذل ويعلمهم ههههه
أما بالنسبه للبرقص الله يكرمك ويركم القارئين مكان من جد زباله ومكان يخوف
وأتوقع اذا انك لوحدك خطر انك تسكن هناك
اوانا ول يوم سكنت هناك بعدين غيرت المناطقه ورحت وحده ارقى منها
بس ان بغيت الصدق جاتني فتره يوميا بذاك المكان هههههه
من باب تغيير الجو

لا أبد ما أستهبل والله

فعلا الساعه 2 عند القرين بلت يكون متأخر لأن المجمع يتسكر قبل هالوقت بفتره

المهم طمنا على اجواءك الرمضانيه و وين تفطر و وين تتمشى و هل تشوف اجوء لرمضان هناك او تواجد للمسلمين

تقبل الله صيامك

المشاركة الأصلية كتبت بواسطة talaga
http://www.arabtravelersforum.com/tr...3/#post4154523

لا أبد ما أستهبل والله

فعلا الساعه 2 عند القرين بلت يكون متأخر لأن المجمع يتسكر قبل هالوقت بفتره

المهم طمنا على اجواءك الرمضانيه و وين تفطر و وين تتمشى و هل تشوف اجوء لرمضان هناك او تواجد للمسلمين

تقبل الله صيامك



هههههه
لا عادي ياخي خذ راحتك أكتب الي تبغى
وبالنسبه للأجواء الرمضانيه
والله ياخوي مافيه ابد
والمشكله مني انا
بالنسبه للتمشه ههههه خلها سكرت بيني و بينيك
اما صراحه معالم المدينه حلوه
وأكتشف مانيلا ياخوي والله فادني كثير
بالنسبه شي انترستنج
أمس كنت بالأوشين بارك
صراحه مره حلو وتستمتع
المهم انا صراحه ماستمتعت كثير
وكان عندهم عرض غوص وانك تقدر تغوص بين الأسماك
الي الناس تمشي وسطه
المهم خويك قال فرصه ماتتفوت
والله وادفع التذكره تقريبا 90 ريال --صراحه انصح اي واحد مايفوت الفرصه ذي
المهم لبسوني ونزلوني مع بزر هههههه فقع قلبي من الضحك تحت
والمدرب
يعني كلنا ثلاثه
المهم ياخوي وانا تحت ومستمتع
واشوف الأسماك و ارفسها هههههههه
و أشوف الفلبن يأشرون علي وانا مستانس
وفجأه مدري الا ذاك الي يعض فخذي هههههه
هههههههه بيني وبينك الحمدالله انها على الفخذ مو بمكان ثاني
ماتعورت بس شي يخوف
المهم عبدالعزيز مو اختبص الي الا قليله الخبصه فيني
التوازن راح عاد أشوف الفلبن قاعدين يأشروني علي
وانا المسكين الي قاعدين يأشرون عليه وما أشوف الا تصوير ههههههههه
بس بيني وبينك شي جدا عادي والعكس عضت السمكه اعطتني اثاره

ومشكور على مداخلاتك الحلوه اخوي

ماتشوف شر وسلااامتك من العضه ههههههه
عموماً في فندق الفلبين بلازا في خيمة رمضانيه اجوائها جيده العام الماضي كنت فيها لانه المسؤول من الجالية المصرية ،، ولايفوتك الصن ست فيها !!!
تحياتي لك ورحلة موفقه

امممممممم
بكتب لكم موقفين وانا ما راح أكتبها لكم ألا ان شاء الله انكم ممكن تستفيدون منها

المهم الموقف الأول
قبل لا أقول الموقف خلني أكتب الموقف السابق الي خلاني اتصرف زي كذا
قبل كم يوم بماك باخذ وجبه بعد ماهضمت الفطور
كان عند الكاشير واحد ملامحه سعوديه
عاد انا من عادتي ما اعرف ادخل مع أحد مباشره ولا احب افرض نفسي على احد
المهم هذا كان يطالع فيني طالعة فيه وبتسمت بوجه
بعدها وخر نظره بسرعه ولا كأنه شايفني
المهم بعدها حصلت كما قاعد يطالع فيني
ابتسمت ومديت يدي أسلم
صراحه ماودي اقلكم كيف كان السلام بس سلام ماله داعي ابد ذا الي بطرف اليد ولا حتى يطالع فيك
المهم انا ماهمني السلام , ياما أسلم على ناس مايستحقون السلام
المهم طنشت جا دوري واخذت اكلي ورحت على طاوله

عاد اليوم رحت مطعم ياباني وشفت واحد ملامحه سعوديه
المهم كمان قاعد يطالع فيني على طول تذكرت حق ماك
الي قاعد يطالع فيني
بس ابتسمت بوجه وردها بأبتسامه
صراحه مفروض اني اناديه على طاولتي
خصوصا انه نفس عمري ولوحده --يعني كلنا شكلنا طفشانين--
المهم كنت بناديه على طاولتي بس خفت يطلع زي ذاك
قلت ياولد طنش المهم جا طلبي وهو كمان جا طلبه
المهم الولد خلص قلبي وانا لما خلصت
طلبت الفاتوره الا وقال الا كان جالس هناك حاسب عنك ومشا
صراااحه انا استحيت على وجهي
حسيت اني لو ناديته اني من جد بكسب صاحب
يعني بجد احس اني خسرت انسان ههههههه

عارف ان الموقف بايخ شو بس فيه درس مهم
يعني خلاصة الموقف
والي اقوله لنفسي قبل لكم كلكم
ترى الواحد مفروض يكون اجتماعي
يعني ممكن نتعرض لموقف او موقفين مالهم داعي
بس هذا مايبرر اننا نطنش ام الشعب برا
وترى الحمدالله احنا السعوديين
حليلين ولا محتاجين شي بس خلك فطين من التعبان والي نياتهم شينه
مامرو علي بس الحرص واجب
انا اقلكم انا تعرفت على واحد جلسنا اسبوع مع بعض
والله اسبوع ماينسى من الوناسه
وصراحه هو يقولي انا كسبت اخو بهذي السفره وحتى انا صراحه اعتبر اني كسبت اخو



أما الموقف الثاني
بكتبه لكم بعدين اذا في احد يبغاه
ههههههههههه
لأني اخاف الأول ما أعجبكم

المشاركة الأصلية كتبت بواسطة رجنت
http://www.arabtravelersforum.com/tr...2/#post4154712

ماتشوف شر وسلااامتك من العضه ههههههه
عموماً في فندق الفلبين بلازا في خيمة رمضانيه اجوائها جيده العام الماضي كنت فيها لانه المسؤول من الجالية المصرية ،، ولايفوتك الصن ست فيها !!!
تحياتي لك ورحلة موفقه

شكرا اخوي وتسلم على المداخله الرائعه

الـــسلام عليكم ورحمت الله وبركاتة
هلا بالعزي .الله يعطيك العافيه على هالموضوع الله يوفقك ويستر عليك بس ابي اسئلك وش لون الاسعار هنا من ناحيت السكن وابي الافينو او السمر سيت لان ثاني عيد ماشي انشالله واول مره اروح للفلبين يعني على البركه

^
هلا اخوي
بالنسبه للفنادق
صراحه مريت على عدة فنادق بس ناسي اسمها
بس منت محصل شي ممكن تسكن فيه اقل من 1800
ويعتبر تعبان ولا يغرك الصور الي بالنت حقت الفنادق
تراها من جوا جدا خايسه
أما بالنسبه للسمرسيت يقولون فيه ثلاث سمرسيت
انا دخلت مع واحد الشباب مستأجر فيه
صراحه مره حلوه
بس 5500 مع العرض

والله يوفقك اخوي ان شاء الله
واي استفسار انا بالخدمه

ممكن شقق مفروشة غرفة ومطبخ في ارميتا او مابيني او ملاتي تكون سعرها مناسب لاخوك ختم اللة اعمالك بلخير والبركة

جهد مشكور ولا هنت

المشاركة الأصلية كتبت بواسطة فراشة الشرقيه
http://www.arabtravelersforum.com/tr...3/#post4167563

مساء الخير ..

طبعاً ان قريت عن اوضاعك واجوائك وان شاء الله ربي يسعدك ويوفقك ..

حبيت اسأل بما انك متواجد من فتره شنو انطباعك عن البلد ؟

وانت وين ساكن الان ؟




أهلين أختي
بالنسبه لأنطباعي عن البلد الحمدالله كانت زيارتي هاديه
وحلوه وستناست شوي
بس أنا كان الهدف الرئيسي كان دراسه
بس ماتعلمت شي
والحمدالله كانت مافيه مشاكل ألا أني كنت بأنخطف ههههه
يمكن أقول قصتي لكم بعدين عشان الأخوان يتعظون شوي خخخخ
وانا كنت ساكن باGreen belt Park Place Madison
لمدت شهر ورجعت السعوديه قبل كمن يوم
لأني زهقت لوحدي

واذا بتروحين مانيلا علميني كم يوم رايحه
ويشرفني ازبطلك الجدول وان شاء الله بتدعيلي

المشاركة الأصلية كتبت بواسطة salamyaho
http://www.arabtravelersforum.com/tr...2/#post4203552

ممكن شقق مفروشة غرفة ومطبخ في ارميتا او مابيني او ملاتي تكون سعرها مناسب لاخوك ختم اللة اعمالك بلخير والبركة



والله ودي أقدر افيدك بهالمنطقه
بس اني ماسكنت فيها
ولا عندي معلومات عن السكن فيها
لأني وانا أخوك اشوف هالمنطقه شوي خطره
بس صراحه موقعها ممتاز جدا وبين مراكز حيويه
بس ماعليك اذا انت عارف المنطقه او مجموعه أن شاء الله ماعليك خوف
والله يوفقك ان شاء الله ورحله سعيده

المشاركة الأصلية كتبت بواسطة هاوي اسفار
http://www.arabtravelersforum.com/tr...6/#post4203976

جهد مشكور ولا هنت



العكس ماسويت شي
ومشكور على مرورك وفعلا أتمنى ان استفدت شي

يالبيه مانيلااااا بس ...

كنت فيها السنة الى راحت وكان خاطري ارووح لها هالسنة بس خلاص نغير ههههه

صح عليك ساكن في جرين بيلت.. موقع خطير

اهم شي الكنيسة الى في وسط المجمع ههههههه