الموضوع: في ميونخسالزبورغزيل ام سيفيينا

بسم الله الرحمن الرحيم
سير الرحله
ميونخ 5ليال _ سالزبورغ 4ليال _ زيل ا م سي 7ليال _ فيينا 5ليال
مده 21 يوم
2 كبار و طفل 4سنوات
خذنا التذاكر من مكتب الريف بالاحساء الشخص ب 2950 ريال والطفل ب 2300ريال
ذهاب _البحرين-دبي-ميونخ مده الانتظار في دبي ساعتين اما العوده فيينا –البحرين
والفنادق حجزتها من موقع بوكنق وطبعت تاكيد الحجز طريقه الحجز سهله جدا بس لازم عندك بطاقه فيزا وقدمنا عليها وطلعت خلال اسبوعين
وسوينا التامين الصحي من التعاونيه للتامين ب 115 للشخص
وجمعنا الاوراق وصباح اليوم الثاني رحنا للرياض سفاره النمسا لان ايامنا بالنمسا اكثر من ميونخ
الاوراق اللي طلبوها
1- جواز سفر صالح لاكثر من 6شهور لو يوم واحد ينقص يرجعونك
2- صورتين شخصيه وللرجل ببدله
3- الجواز يكون موقع عليه من صاحب الجواز انتبهوا انا الحرمه خليت زوجي يوقع بدالي ورفضوا قالوا خلها تجي هي توقعه فاللي عنده حرمه ياخذ الاستماره من النت يطبعها من موقعهم ويعبها ويخلي زوجته توقعها وتوقع على الجواز طبعا لازم التوقيع يصير نفسه بالضبط اما الطفل لامشكله من توقيع ولي امره بداله ويوقع على الاستماره نفسه
4- تامين صحي نفس مده السفر ماينقص من عدد الايام
5- صوره من التذاكر
6- حجز الفنادق
7- صورة لبطاقه العائله
ياخذون على الجواز 327ريال والطفل مجانا والمبلغ لازم كاش
رحنا لهم 8 الصباح وطلعنا 9 ونص
وقالو من 12 الى 14 يوم
وباليوم ال11 وقبل السفر ب3ايام دقينا عليهم وقالو تعالو خذوها
http://www.bmeia.gv.at/ar/botschaft/riyadh.html
موقع السفاره ^^^
وصرفنا الفلوس الى يورو كان سعر العمله 5:21




























اذا عجبكم بكمل باقي التفاصيل اذا ماعجبكم بسكت

مواضيع عشوائيه ممكن تكون تعجبك اخترناها لك:

• إستفسار عن فيزا النمسا
• خطة رحلة النمسا وألمانيا
• قلعة المرقب لمحه وصور وفتنة
• حجز القطار
• تقرير سفرتـي إلى النمسا والمانيا في أكتوبر حيآكم
• قيم جدول رحلتي وزودني بمشورتكك
• الفيزا إلى النمسا تأخرت
• مساعدة بخصوص جدول
• الطريق من فيينا الى زلامسي ارجو المساعده
• رايكم بهذي الشقق ضرووري
• الزعيمة في النمسا ورحلتها الاوروبية النمساوية
• اريد رائيكم
• شهر العسل في النمسا والمانيا ابريل احتاج مساعدتكم تكفوون
• ميلان انترلاكن زيورخ اننسبورك زيلامسي او كابرون فيينا
• محميـة بـاسـل الأسـد الطبيـعية
• مجموعة استفسارات
• صرف الريال الى يورو
• جـــدولي بحــاجة إلى نصائحكــم وتوجيهاتكــم
• بيت جن
• مساعده في تخطيط جدول

عجبنا ياليت تكمل الله يعافيك

لا عجبنا اكيد


كفي

كمملي

..

الا كممممل اخوي وبالعكس معلومات جدا ً مفيدهـ لنــآ

بتوفيق تروحو ةترجعو بالسلامة ونشوف من تقرير حلو

سؤال مهم

ضروري بطاقة العائله
لان اخوي يبغى يسوي فيز لشهر العسل وماراح يملك الا قبل الزواج بكم يوم لاسباب خاصه
فكرت انه جوازها يكفي

ردو علي بالخبر اليقيييين...

المشاركة الأصلية كتبت بواسطة روح الوفـــا
http://www.arabtravelersforum.com/tr...6/#post5543176

سؤال مهم

ضروري بطاقة العائله
لان اخوي يبغى يسوي فيز لشهر العسل وماراح يملك الا قبل الزواج بكم يوم لاسباب خاصه
فكرت انه جوازها يكفي

ردو علي بالخبر اليقيييين...




مو ضروري روح بدونها عادي

وش الدعوووه

كممملي يالغاليــه

كملي متابعيييين معاج

سوري على التاخير بس ماعرفت ارفع الصور بسرعه

بيوم السفر اللي هو يوم الجمعه 10-6-2011
شدينا الرحال الى البحرين الساعه 9بالليل وصلنا وتعشينا ب سيتي سنتر
ورحنا للمطار الساعه 2
خلصنا الاجراءات بسهوله معلومه حموله الامتعه للشخص 30كيلو
موعد الطياره 3.50 دقيقه الفجر
وصلنا دبي 5 بتوقيت السعوديه 6 بتوقيت دبي معلومه المطار كبير ويضيع الاحسن تلقون مكانكم اول بعدين تتمشون بالسوق
وركبنا طياره ميونخ الساعه 8ونص

http://www.arabtravelersforum.com/pi...ctureid=339596
http://www.arabtravelersforum.com/pi...ctureid=339598
http://www.arabtravelersforum.com/pi...ctureid=339586
http://www.arabtravelersforum.com/pi...ctureid=339584
اخر صوره في مطار البحرين

الصور ماادري ليه ماتجي مفتوحه
الصور جابت لي المرض

فندق comfort hotel munchen ost زين ومريح ونضيف بس يبعد عن وسط المدينه تقريبا ربع ساعه بالمترو
سعره لمده 5 ليال 475.50 يورو

اليوم الاول
وصلنا مطار ميونخ الساعه 4 بتوقيت ميونخ يعني 5 بتوقيت السعوديه
واخذنا تاكسي من المطار الى الفنددق يبعد 46 كم نص ساعه تقريبا ب 49.50 يورو
وصلنا ومشينا جنب الفندق شوي
اخذنا عشاء ورجعنا الفندق
بس عشان اول يوم من التعب ماانتبهت للاسعار ولا الاسماء

اليوم الثاني
صحينا من الساعه 7الصباح
فطرنا في نفس الفندق وطلعنا الساعه 9
مشينا من الفندق الى الباص وهو يبعد 5دقايق مشي وصلنا الى محطه المترو ومن المترو محطتين و وصلنا الى الحديقه الانجليزيه
دخولها مجاني
كبيييييييييييييييره بس مافيها أي فعاليات يمكن عشان رحناها اليوم السبت يوم اجازه عندهم
اكثر شي فيها ناس يجرون و كلاب يلعبون
تمشينا فيها شوي
طلعنا وجنبها بره ناس يبيعون فاكهه شرينا منهم تووووت ب1.99يورو وفراااااوله ب 2.99يورو
ورجعنا للمترو رحنا فيه وسط المدينه
مجموعه اسواق مشينا فيها لين تقطعت رجولنا شريت ملابس ب 48 يورو
وبعدها رحنا ماكدونالدز اخذنا وجبتين كبار ووجبه اطفال ب 11.18 يورو
وطبعا واحنا بالسوق ولدي قال يبي حمام وانتم بكرامه ووديناه دخول الحمام ب0.70
بعدها اخذنا المترو وصلنا الى محطه الباص ومن الباص الى الفندق

طبعا تذاكر المترو لشخص ب 2.50يورو يوم واحد واحنا ثنين ب 5 يورو والطفل مجانا
والباص كنا نركب ولا ندفع وماندري هو مجانا ولا نفس التذكره المهم مااحد سالنا عن تذاكر

بعد اذن صاحب الموضوع

اخوي حبي لك
اذا ممكن اسم المكتب انا بالشرقيه

لاااهنتو جميعا..........


بنتظااار باقي التفاصيل ..............

ما شاء الله عليج تقريرج بالتفصيل الممل

وهذا ما يسعدنا لكي نقون معكي في الصوره

ونحن بانتظار باقي التقرير الجميل

المشاركة الأصلية كتبت بواسطة روح الوفـــا
http://www.arabtravelersforum.com/tr...6/#post5551776

بعد اذن صاحب الموضوع

اخوي حبي لك
اذا ممكن اسم المكتب انا بالشرقيه

لاااهنتو جميعا..........


بنتظااار باقي التفاصيل ..............






اي مكتب
ماتعاملنا مع مكتب الا بس في حجز التذاكر اللي هو مكتب الريف للسفريات اما الفنادق من بوكنق

اليوم الثالث
استفسرنا من الفندق عن التذاكر عدل وقال لنا انه تذكرتنا اللي امس ليوم كامل شامله الباص
وخذنا تذكره ب 9.50 يورو لخمسه اشخاص شامله الباص ومتى ماخلصت ناخذ غيرها
طلعنا بالباص الى المترو رحنا
وبعدها ركبنا مترو ثاني ورحنا لحديقه الحيوان كانت تذكره الدخول ب 11يورو للشخص
الحديقه كبيرررره مرررررررررررره وفيها كل الحيوانات
رحناها من الساعه 10 ماطلعنا الا 3
واحنا نمشي راجعين للمترو على الطريق في نهر فيه ناس تتشمس وناس تشوي وناس تسوي تمارين حلوو بعد
رحنا للمتروالى محطه المترو الرئيسيه واخذنا تذاكر لسالزيورغ التذكره للشخص ب 22 والطفل مجانا
ورحنا ل برجر كنج واكلنا عنده الوجبه الوحده ب 11يورو يوم خلصنا سالناها حلال قالت كل برجر كنج اللي في ميونخ مو حلال هههههههههههههه خربناها بس ماندري
رجعنا بالمترو الفندق الساعه 6

اليوم الرابع
طلعنا من الفندق الساعه 9 الصباح ورحنا بالمترو الى اولمبيا بارك
وكانت حلووووووووووه
دخلنا تفرجنا على سيارات bmw
وفيه متحف لل بي ام
وطلعنا الى البحيره اللي فيه
ركبا قارب وركبنا القطار اللي بالحديقه
وتمشينا فيها
فيها بركه سباحه
وفيها كوشكات للايسكريمات والكافيهات
فيها العاب كثيره
وفيها قمه مرتفعه تدخلها ب 4 يورو
فيها عالم البحار بس دخولها غالي 30 يورو الشخص

اليوم الخامس
طلعنا الى وسط المدينه تمشينا بالسوق وشرينا اغراض وبعدها الساعه 4 ونص ركبنا القطار الى سالزبورغ
في سالزبورغ فندق hotel neutor Salzburg اربع ليالي ب 347.40 يورو
اول يوم وصلنا تعبانين ماطلعنا

اليوم السادس
رحنا اخذنا بطاقه سالزبورغ ب 34 لشخص لمده يومين
ورحنا بالباص رقم 25 الى التلفريك دخلنا بالبطاقه مجانا 11 يورو للشخص بدون بطاقه
بعدها ركبنا السفينه اللي وسط المدينه في النهر سالزك اللي يفصل المدينه نصين ركبنا بالبطاقه مجانا
ثم تمشينا بالسوق اللي حواليه
رحنا لمطعم هندي حلال بوسط المدينه اكله حلو وسعره حلو

اليوم السابع
رحنا بالباص 25 الى حديقه الحيوان والنافورات وتمشينا بالحديقه والقصر بالبطاقه دخوله مجانا
قضينا اليوم هناك
رجعنا لنفس المطعم الهندي

اليوم الثامن
تمشينا بوسط المدينه وركبا الحنطور ب 36يورو
واخذنا من مطعم بحري بوسط السووووووق لذيذ واسعاره زينه

معلومه اللي ياخذ بطاقه سالزبورغ تنفعه كثير لان دخلنا فيها كل اللي ذكرته مجانا وركبنا الباصات مجانا
الى الحين احنا باليوم الثامن
وبكره ان شاء الله ناوين نروح الى زيل ام سي


انتضرووووووووووونا

المشاركة الأصلية كتبت بواسطة mesk45
http://www.arabtravelersforum.com/tr...2/#post5539680

بسم الله الرحمن الرحيم
سير الرحله
ميونخ 5ليال _ سالزبورغ 4ليال _ زيل ا م سي 7ليال _ فيينا 5ليال
مده 21 يوم
2 كبار و طفل 4سنوات
خذنا التذاكر من مكتب الريف بالاحساء الشخص ب 2950 ريال والطفل ب 2300ريال
ذهاب _البحرين-دبي-ميونخ مده الانتظار في دبي ساعتين اما العوده فيينا –البحرين
والفنادق حجزتها من موقع بوكنق وطبعت تاكيد الحجز طريقه الحجز سهله جدا بس لازم عندك بطاقه فيزا وقدمنا عليها وطلعت خلال اسبوعين
وسوينا التامين الصحي من التعاونيه للتامين ب 115 للشخص
وجمعنا الاوراق وصباح اليوم الثاني رحنا للرياض سفاره النمسا لان ايامنا بالنمسا اكثر من ميونخ
الاوراق اللي طلبوها
1- جواز سفر صالح لاكثر من 6شهور لو يوم واحد ينقص يرجعونك
2- صورتين شخصيه وللرجل ببدله
3- الجواز يكون موقع عليه من صاحب الجواز انتبهوا انا الحرمه خليت زوجي يوقع بدالي ورفضوا قالوا خلها تجي هي توقعه فاللي عنده حرمه ياخذ الاستماره من النت يطبعها من موقعهم ويعبها ويخلي زوجته توقعها وتوقع على الجواز طبعا لازم التوقيع يصير نفسه بالضبط اما الطفل لامشكله من توقيع ولي امره بداله ويوقع على الاستماره نفسه
4- تامين صحي نفس مده السفر ماينقص من عدد الايام
5- صوره من التذاكر
6- حجز الفنادق
7- صورة لبطاقه العائله
ياخذون على الجواز 327ريال والطفل مجانا والمبلغ لازم كاش
رحنا لهم 8 الصباح وطلعنا 9 ونص
وقالو من 12 الى 14 يوم
وباليوم ال11 وقبل السفر ب3ايام دقينا عليهم وقالو تعالو خذوها
http://www.bmeia.gv.at/ar/botschaft/riyadh.html
موقع السفاره ^^^
وصرفنا الفلوس الى يورو كان سعر العمله 5:21




























اذا عجبكم بكمل باقي التفاصيل اذا ماعجبكم بسكت




بعد جزيل الشكر
توقيع الزوجة على جواز السفر !!
في أي صفحة؟

أول مره أسمع بتوقيع الزوجه على الجواز

اللي أعرفه توقيعها فقط على النموذج

وماهو لازم هي اللي توقع
تقدر أنت توقع توقيع مختلف

يعني كيف بيدرون أصلا أنه توقيع زوجتك