الموضوع: بخصوص الفنادق بمكاتي

السلام عليكم ورحمة الله وبركاتة



يا اخوان بارك الله فيكم اليوم انا بمكتب سياحي لحجز الفنادق

كنت ابي فندق ليلتين فقط

بس الغريب كل الفنادق الزينة يقولي الموظف انتظار

مافي حجز مؤكد وبصراحة طلعت منه بدون حجز المشكلة ان رحلتي بكرة وكنسلتها الى الاربعاء القادم




لو تكرمتو هل الحجز من مطار مانيلا فكرة جيدة

ولا احجز من مكاتب من الرياض ولا احجز بالنت ببطاقة احد خوياي لان ماعندي فيزا

اخيرا رشحو لي فنادق فيها كافة الخدمات وسعرة متوسط بمكاتي ما ابي شقق لاني بسكن لوحدي الافضل فنادق

طبعا الرحلة علاجية 15 يوم وحداني


الله لا يهينكم ورحم الله والديكم

مواضيع عشوائيه ممكن تكون تعجبك اخترناها لك:

• الخطوط السعوديه
• ايش رايكم اخذ معاي العائلة؟؟
• رسالة استغاثه من مانيلا
• العمالة في الفلبين
• استفسارات خفيفة قبل الرحلة المخيفة
• هنا من جديد بعد طول غياب
• فنادق او شقق مفروشة ارجو المساعدة
• جدول و بعض الاستفسارات
• افضل الجزر في الفلبين
• من الفلبين مع التحية والتقدير
• استفسارت لاهل الخبرة
• كيف الفلبين؟؟
• سؤال مهم و عاجل جداااا
• الفلبين في ؟؟؟
• مسافر بعد أسبوع لمانيلا
• احذروا من تلاعب مكاتب السفر والسياحة بالتذاكر المسترجعه
• هل تعود للفلبين مرة ثانية ؟؟؟
• تحذير تحذير والرجو من المشرفين التثبيت
• بين المندرين والانتركونتنتال
• التوجه الى سيبو الخيار الافضل من مانيلا

المواقع متوفره فيها الفنادق الزينه..وكلها دقيقتين والحجز مؤكد

المشاركة الأصلية كتبت بواسطة الوضع
http://www.arabtravelersforum.com/tr...7/#post4045227

المواقع متوفره فيها الفنادق الزينه..وكلها دقيقتين والحجز مؤكد



بارك الله فيك ماقصرت طيب رشح لي كذا فندق سفرتي الاولى للفلبين ما عندي خبرة بالديرة وانا اخوك

لو تحدد وين بملاتي او مكاتي وتحط المبلغ اللي راح تسكن فيه راح تحصل الاجابه ان شاءالله

المشاركة الأصلية كتبت بواسطة traveler000
http://www.arabtravelersforum.com/tr...9/#post4045509

لو تحدد وين بملاتي او مكاتي وتحط المبلغ اللي راح تسكن فيه راح تحصل الاجابه ان شاءالله



شكرا اخي لك ولتوضيحك


السكن بفندق بمكاتي وليس شقق

السعر مابين 150 الى 350 ريال


بارك الله فيكم

و أيضا هذا أخوي فهد ولو ان سعره اغلى شي بسيط من المطلوب لكن ترتاح فيه


http://www.agoda.com/asia/philippine...ila_hotel.html

و بالنسبه للحجز من مطار مانيلا مرات لا بأس فيه .. لأنك أحيانا تحصل عروض زينه ... لكن لا تعتمد انك راح تلقى عروض بنفس توقيت سفرتك ...و اتمنى لك رحله سعيده

المشاركة الأصلية كتبت بواسطة talaga
http://www.arabtravelersforum.com/tr...6/#post4046026

هلا أخوي فهد .. اول شي تروح و ترد بالسلامه

ثاني شي انا اعطيك رابط و تفرج على الفندق و الأسعار و اذا ما ناسبك بلغني و نعطيك غيره ان شاءالله

http://www.citygardenhotels.com/maka...V0gg#roomrates

الفندق للأمانه ما سكنته .. لكن زرت صديق فيه من فتره و عجبني بصراحه

و اتمنى لك رحله سعيده و ما تشوف شر ان شاءالله





يا حبيلك والله

وخيرك سابق وماتقصر يا خوي talaga

الشر مايجيك يارب

بخصوص الفندق ممتاز الله لا يهينك

شيكت عليه في بوكينج بحدود 200 ريال


بالنسبة لموقعة بحكم زيارتك تنصح فية


واذا في غيرة ماتقصر ونقارن والله يكتب الي فيه الخير

والله لا يحرمك الاجر



ياجعل والديك بالجنة

مرحبا بك

اوافق الاخ العزيز talaga
ستي قاردن فندق ممتاز
موقعه جدا حلو
احجز فيه توكل على الله وبعدين تقدر تشوف لك فندق غيره لو ما صلح لك
رجنت

المشاركة الأصلية كتبت بواسطة رجنت
http://www.arabtravelersforum.com/tr...8/#post4046478

مرحبا بك

اوافق الاخ العزيز talaga
ستي قاردن فندق ممتاز
موقعه جدا حلو
احجز فيه توكل على الله وبعدين تقدر تشوف لك فندق غيره لو ما صلح لك
رجنت

تسلم اخوي ومشرفنا الغالي رجنت لا هنت

بارك الله فيك وفي اخوي العزيز talaga

رحم الله والديكم مشكور لردودكم واهتمامكم

لا خلاء ولا عدم يالغالين

المشاركة الأصلية كتبت بواسطة talaga
http://www.arabtravelersforum.com/tr...8/#post4048388

يا مرحبا يا اخوي فهد

و والديك للجنه ان شاءالله

فيه طال عمرك غيره لكن تبي نصيحتي ؟ خلك على سيتي قاردن اول يومين او ثلاثه لأني اشوفه الأنسب و على شان رحلتك قريبه ولا تكثر عليك الفنادق و تتلخبط المعلومات .. و موقعه حلو جدا و بأذن الله يمكن اسكنه بالسفره الجايه .. و يكفي تزكية مشرفنا المبدع رجنت للفندق
اتمنى لك رحله موفقه و سعيده





هلابك talaga والله انك شقردي لاهنت


نصيحتك في محلها يابعدي


وتزكية مشرفنا دليل على اختيارك المناسب بارك الله فيك وفية

الف شكر لك ولهتمامك يا عزيزي talaga

يا جعل مغليك بالجنة