الموضوع: مسافر جديدو محتاج جدول لباريس لمدة ايام

مساء الخير
انا اول مره أسافر باريس وأوروبا يعني اي معلومه عندكم لا تبخلون علي فيها تهمني
ياليت تساعدوني بجدول اربع ايام من 16 سبتمبر طبعا انا ساكن بالشانز فياليت التنقلات تكون تراعي المسافه على شان ماضيع ولا دقيقة والي يعرف مطاعم عربيه ولا اجنبيه تناساب يزودنا فيها ونسيت أسألكم عن المترو كيف اعرف المحطات ومن وين اشتري بطاقته. طبعا مسافر انا وزوجتي فقط
وآسف اذا طولت عليكم من الموبايل

مواضيع عشوائيه ممكن تكون تعجبك اخترناها لك:

• لو تكرمتم بالإجابة من فضلكم
• مشكلة في حجز تذاكر برج ايفل
• مسافر باريس ابريل
• الايفون والايباد بفرنسا
• جبال الالب الفرنسية ونسيانها من المشرفين والاعضاء
• فندق اليورو ستار
• مساعده في ايجاد شقه في ديفون
• باريس و ديزني لاند بعيون ابو علي بابا تقرير
• مساعدة
• تكلفة السفر إلى فرنسا
• كم سعر تذكرة ديزني لاند وهل الملاهي تناسب جميع الأعمار
• إلى خبراء فرنسا أرجو المساعدة عاجلاً
• استرجاع قيمة الضريبة تاكس فري
• شوية صور من حلب
• رحلتي القادمة الى اوربا؟؟
• صار لي مشكله مع بوكنق
• باريـسـيات اللـورد
• مساعدة أيام شهر عسل في فرنسا
• قطارات اوروبا تجربة حجز
• استفسسآر بسسيط

يا شباب السفر قرب ومحتاج مساعدتكم [left][size=-2]

شف ياغالي 4 ايام متى بتوصل باريس ...

اليوم الاول / الباص الاحمر + الشانز + ساحة الكنكورد
اليوم الثاني/ برج ايفيل + ساحة الاتكديرو + هضبه مونمارت
اليوم الثالث/ الحي اللاتيني + كنيسه نوتردام
اليوم الرابع/ غاليري لافييت + الاوبرا

تاخذ التذكره من نفس المحطه ... عندك ايفون فيه برنامج اسمه metroبيفيدك كثير وموضوع ابو نواف القرشي

اخوي طبعا ماقصرت لكن ياليت اذا فيه مطاعم تنصحني فيها وهل ديزني لاند تستاهل من يروح لها واذا فيه نصايح او محاذير ياليت تقولي ترى أخوك اول مره أسافر اوروبا وبعدين الانتقال من مطار أورلي للشانز كيف [left][size=-2]

عبدالله ديزني ما تطرقت لها
بما ان الاحد بيكون ويكند يعني ما فيه اسواق ولا ديزني
عبدالله وش رأيك اليوم الثالث يروح ديزني
واختيار لليوم الثالث يضاف مع الرابع

اخوي فيصل مشكور على الرد بس كأني متفهما عليك ياليت توضح اكثر [left][size=-2]

مالك الا قبل السفر جدولك رهيب بإذن الله
بس نشوف رأي مشرفنا ونرتبه لك

المشاركة الأصلية كتبت بواسطة مسافر حر 11
http://www.arabtravelersforum.com/tr...3/#post7212883

اخوي طبعا ماقصرت لكن ياليت اذا فيه مطاعم تنصحني فيها وهل ديزني لاند تستاهل من يروح لها واذا فيه نصايح او محاذير ياليت تقولي ترى أخوك اول مره أسافر اوروبا وبعدين الانتقال من مطار أورلي للشانز كيف [left][size=-2]



المطاعم : الشانز من اوله لاخره مطاعم عندك الفاست فود زي ماكدونالدز وصب وي وكويك ميل وغيره
عمدك بيتزا بينو
بيتزا روما
المطعم الكشميري جوا مجمع صغير جنب الماريوت اسم المجمع le66 حلو عنده اكل هندي بطل
عندك المقاهي جورج سانك واللادوريه والفوكيت وكثير
عندك مطاعم عربيه زي نورا والعجمي وفي مطعم لزيز في الحي اللاتيني اسمو مهراجا هندي بطل
وحلال
ديزني لاند طبعا تستحق وتستاهل العنوه والروحه وبرضو الاوت لت البي قبلها بمحطه يستاهل تروح له

مشكورين على التفاعل واستاذ فيصل انتظر برنامجك بس كيف انتقل من مطار اورلي للشانز بالتاكسي ولا مترو

اذا تبي بالمترو فيه موضوع لمشرفنا اللورد
http://www.arabtravelersforum.com/travel514458/

استاذ فيصل باسافر بعد يومين لا تنسى البرنامج ترى أخوك في الله متورط من الموبايل

ياليت الاخوه يشاركونا

الاحد 16 الباص الأحمر من الشانز تشوفه موقف قرب السفاره القطريه بتشوفه لا صار القوس النصر امامك علي يمين اخر الشارع لوحه باص بالشانز اركب وعطه الحساب
اذا خلصت منه روح ايفل واستمتع بالحدائق حوله
الاثنين ديزني لاند (اقرا تقرير شيروك مشرفه تركيا وبهبانيه وبيبسي كولا احرص علي الباس تستخدمه هناك بالتقارير مشروح)
الثلاثاء تحب حدائق ولا تحب تروح لاديفانس مجمع الفصول الاربعه ومنها الي حديقه لوكسمبورغ ثم مونمارت ثم الحي اللاتيني وكنيسه نوتردام
الاربعاء كونكورد وخذ لك قارب مائي الشخص 14 يورو وواذا رجعت ميدان كونكورد ثم حديثه تويلري بجنبها وخلفها ايفل اذا حاب تشوفه فيه شارع ريفولي للتسوق حلو وساحه فاندون تمش فيها وبعدين للاوبرا وتمشيه بجاليري لافييت مطل بالدور السابع مجانا حلو صور منه اذا حاب ورجعه للشانز


التوصيات تقارير كثيره تشرح انتبه تكون لاببسه المدام ذهب ولا ساعه تكون عرضه لهم
احرص علي اذكارك
لا تخرج مبالغ نقديه امام الاخرين خل بكل جيب علي الاقل 50 يورو
ضع مبالغك بالسوفتي بوكس(لم نسمع عن اي حاله سرقات بالفنادق يعني اطمئن)
اجعل معاك بطاقه فيزا للمشتريات مطعم وغيره تكون مسبقه الدفع
المترو خلك حريص من النشالين
لا تعير اهتمام لأي شخص كان من كائن