الموضوع: ساعدوني ياعشاق الكويت

السلام عليكم ورحمة الله وبركاته ..
أحب اشكر جميع الأخوان في هذا المنتدى الشامخ وبصراحة الكتاب باين من العنوان
أنا لدي رغبة ونية اجتمعا على زيارة عائلية للكويت يعني أنا ودي أروح للكويت أنا وعائلتي بغرض السياحة والتمشية وبصراحة سبق لي زيارة الكويت لكن مع واحد من الشباب وما أخذت كثير فيها ..
الآن ناوي أروح لها لذلك

أبي أحد يجاوب على أسئلتي ويتحملني ..

أولا
كم تكفي لعائلة تتكون من اربعة أشخاص
أنا والمدام وطفلين 7سنوات وخمس سنوات أتكلم من ناحية المادة ..
كم آخذ فلوس ..
السكن سيكون في فنددق الى أرربع نجوم مو مشكلة ..
أبي أحد يجاوب هل فيها ملاهي للأطفال ..
وماهي الأماكن اللي تنصحوني أروح لها ..
مجمعات +شواطئ+محلات العاب للأطفال..
أسواق شعبية ..
المدة خمسة إلى ستة أيام ..
ياليت أحد يتكلم بكل بساطة ووش نصايحه ..

أنا سبق لي زيارة عدة دول طبعا أنا من السعودية وسط المملكة بالتحديد شمال الرياض 180كلم..
سبق لي زيارة أندونيسيا والإمارات والكويت ومصر والبحرين..((عوائل))
لكن هذه المرة الأولى أروح بعائلتي حيث كنت اروح للدمام واطلع اتعشى في البحرين أو أروح أسواق وأرجع في نفس يومي..

ياليت شباب ماتبخلون وشكرا لكم ..

مواضيع عشوائيه ممكن تكون تعجبك اخترناها لك:

• فزعتكم رحلة الى الكويت انا وزوجتي بتاريخ
• عربانة جمعية
• مطعم يقدم أكل عراقي
• كويزنوس للسندويشات الصحية تعتزم افتتاح مطعما في الكويت
• الفزعه ياهل الكويترحلتي اليوم من عندكم؟
• استفسار عن تأجير السيارات في الكويت
• مساعدتكم في الشقق الفندقيه
• هل من عروض خلال الأسبوع القادم في أسعار الشقق أو الفنادق
• استفسار عن
• الكويت غير السكن من نوع اخر
• أحـدث مطاعم الكويت
• افضل طريق من الدمام الى الكويت
• مطلوب شركات شحن مضمونة و سريعة واسعار مناسبة من الكويت الي البحرين
• بــــــــــــودل
• استفسار بخصوص التخفيضات
• ممكن رايكم في الشقق هذي
• وأخيييرا مبروووووووك
• متحف شهداء القرين
• وين أرووح في الكويت؟؟
• ممكن مساعدة

وعليكم السلام اخوي منور والله
الميزانيه ماقدر احددها لك انت وصرفك
ملاهي الاطفال مافي مجمع تقريبا الا وفيه العاب للاطفال
عندك حديقه الشعب فيها العاب كبار وصغار
والمدينه الترفيهيه ومرح لاند
وبعد في المركز العلمي جميل فيه اكواريوم يونس
مجمعات الافنيوز و360 والمارينا والمهلب وسوق شرق
والكوت والمنشر بفحيحيل
مجمع النقره الشمالي والجنوبي و
مجمع البيرق بالعقيله
وايد مجمعات وكلها فيها العاب
واسواق شعبيه فيه بالفروانيه مجمع الحمرا مول والعربيد بلازا ومغاتير
وسوق المباركيه بعد مايبيله

أحب اشكرك أخوي سراب ماشاء الله عليك لي الشرف ان تكون أول مشاركة لك في المنتدى للرد
على أسئلتي ..

شكرا لك وبإنتظار البقية..

حياك الله أخوي وتنور الكويت

خلني أبدأ معاك بالفنادق اللي أسعارها مناسبه وتكون أربع نجوم

فندق آيبس
السالميه أو شرق
فندق الريتز شرق
فندق سفير بنيد القار
فندق سفير البستكي بنيد القار
فندق بلازا أثينيه

هذي طبعاً الفنادق اللي مستواها حلو وأسعارها مناسبه وقريبه من المناطق الحيويه
وأنصحك لمشاهدة أسعارها بالدخول لموقع بوكينج وبالمره تشوف الغرف

ثانياً الأسواق

السوق الشعبي
المباركيه


المجمعات الحيويه
لافنيوز - أكبر مجمع بالكويت الدائري الخامس
360 - الدائري السادس
المارينا - السالميه شارع الخليج العربي
سوق شرق - شارع الخليج العربي
المنشر - الفحيحيل
الكوت - الفحيحيل
المهلب - حولي
البيرق - العقيله

كما ذكرت أختي السابقه في ردَها عليك


طبعاً المجمعات اللي ذكرتها تغنيك عن باقي الأسواق لأنها تشمل الماركات العالميه والمطاعم والترفيه للأبناء والسينما
وعندك شارع الخليج على إمتداده من راس السالميه لين توصل شاطئ الشويخ هذي الواجهه البحريه كلها مطاعم وفيها بعض الفنادق

الترفيه
بالنسبه للترفيه كما ذكرت لك أخي أن المجمعات التجاريه اللي ذكرتها لك كلها تحتوي على أماكن ترفيه ألعاب للأطفال بإستثناء سوق شرق والمارينا

وراح أذكر لك ألحين الاماكن الحيويه للترفيه


المدينه الترفيهيه
في منطقة الدوحه تبعد عن السنتر سواء السالميه أو شرق 45 دقيقه

حديقة الشعب
شارع الخليج العربي

المركز العلمي
شارع الخليج العلمي وأنصحك تروح له

مرح لاند
في منطقة الصباحيه وتبعد عن السنتر 30 دقيقه

وآسف لو قصَرت معاك

حياكم الله في ديرتكم الكويت وماشاء الله اخوني ماقصروا بالرد بس احب أضيف مكان للأطفال اللي اهو حولي بارك..

واتمنى انكم تستمتعون في ربوع ديرتنا الحبيبة

يامال العافية اخوي أبومحمد ..
والله أحب أشكركم كلكم على ردودكم وبصراحة خليتوني أحس ان اختياري موفق
في رحلتي هذي اللي اعتبرها سياحية للعائلة ومن باب تغيير الجو
بصراحة أكثر من واحد عندي هنا نصحوني بعدم الذهاب بسبب شدة الحرارة عندكم
لكن أنا أعتبر ان الوضع عندنا نفس الشي ..كلها حرارة في حرارة ..

لبى قلوبكم والله وبإذن الله سوف أكون هناك ومثل ما نزلت تقرير رحلتي لأندونيسيا اللي في توقيعي واللي يشرفني تزورونه..
سوف أقوم بإنزال موضوع آخر عن الكويت وماسوف أشاهد..

تحياتي وأتمنى من الأخوان الباقين عدم البخل بالمعلومات..

بالنسبة لمدن الألعاب فهي كالآتي :-
المدينة الترفيهية - حديقة الشعب - حولي بارك - ديسكفري مول للأطفال - الطابق العلوي في مجمع 360 - بروي - fun ahoy بالمنشر

المجمعات التجارية :-
الأفنيوز - مارينا مول - مجمع 360 - أولمبيا مول - سوق شرق - مجمع الراية

الأسواق الشعبية :-
المباركية - سنتر بوينت - مجمع بيروت - شارع سالم المبارك

عافاك ربي حلوة الكون

وبإذن الله نلقى اللي يسعدنا ويسرنا ..وهذا توقعي