الموضوع: استفسارات عن الكويت

السلام عليكم ورحمه الله

معكم اخوكم ابو سعود .. طالب جامعي باخر سنه وقدمت على التدريب في شركه شيفرون (بميناء سعود (الزور ) مدري اذا هم نفسهم او لا )..

المهم .. ان الحمدلله جاني قبول والدوام بيكون في نفس مقر الشركه بالميناء .. لكن المشكله انها ماتوفر لي سكن .. وانا بكون قادم من الرياض ...

وانا سبق وزرت الميناء وماذكر فيه سكن ايجار...

فياليت اللي عنده اي خلفيه عن الايجارات يعلمني رجاااء لاني شايل هم بصراحه .. واللي عنده معلومات عن وصف الطريق بعد ما دخل حدود الكويت .. هل اسلك طريق الوفره ؟ الشي الاخير كم يبعد الميناء عن مدينه الكويت ..


شكرا جزيلاااااا

مواضيع عشوائيه ممكن تكون تعجبك اخترناها لك:

• فزعتكم بفندق حلو ونظيف بالكويت
• مطعم الكلحه
• ، ممكن مساعدة؟
• اخواني اهل الكويت
• مصر ولا المغرب احترت ساعدوني
• تطوير فندق إنتركونتيننتال جديد في الكويت
• عاااااااجل شقق عوائل
• استفسار هل احد جرب التنقل بين الكويت والسعوديه بالهويه
• وش افضل محل يبيع اقمشه رجاليه في الكويت
• اخوكم يبي فزعتكم
• أبي مساعدتكم يا أهل الكويت
• أيهم أفضل ساعدوني
• استفسار
• ماهو أحسن مطعم فلافل بالكويت؟
• شوف الكويت بين اصابعك
• اوقات دوام مولات الكويت
• أريد إحداثيات فندق سويت هوم هوتيل
• الطريق من الرياض إلى الكويت
• ما هو افضل وقت لزيارة الكويت؟؟؟
• عندي استفسار عن تأشيرة الدخول

السلام عليكم
الظاهر انت من السعوديه
اذا دخلت من طريق الخفجي والنويصيب كمل سيدا وراح يكون قريب على الخيران وراح تلاقي لافتات
تدليك كل شارع موجود يعمي ما يبعد عن النويصيب اكثر من عشر دقايق

اما السكن اعتقد انا شايفة بيوت شعبية وما تصلح للسكن
بس اقرب منطقه سكنبه لك راح تكون (ام الهيمان ) قديما
ضاحية علي صباح السالم حاليا
اكيد بتلاقي سكن ايجار في بيوت يؤجرون
او تسكن بالخفجي وتدخل كل يوم الكويت
وشكرا لك

لاتشيل هم اخوي انت انشالله اول ماتتعين وتستلم الوظيفه راح تحصل ربعك وجماعتك كلهم بالدوام... يسنعونك انشالله ويدلونك على الشي الاحسن لك


بشكل عام بتحصلهم كلهم في بيوت الخفجي اقرب لهم واسهل لهم

او ادخل الموقع هذا يفيدك أكثر لانه كلهم زملائك بالقطاع النفطي ويداومون بالخفجي
الرابط = http://www.q8ow.com/vb/forumdisplay.php?f=8

شكراا جزيلاااا لكم ..والله يعطيكم الف عافيه

دائماً وابداً اقولها وانا صادق قسم بالله ماتغبن ولايضيق صدرك ولاتشيل هم وانت بين هلك وناسك وربعك حبايبنا الله يكثرهم اهل درة الخليج هم تاج الراس واعصابته هم اللي اذا دخلت حدودهم انشرح سدرك هم اللي اذا عاملتهم حبيتهم وش اقول وش اخلي بالغوالي الله يحفظهم ويحفظ دولتنا ودولتهم ويحفظ الخليج كله ويوفقنا جميعا إلى مايحبه ويرضى امين يارب العالمين

شف اخيي كلام اخواني سليم صج اذا داومت اسأل زملائك مثل ماقالوا ولاتشيل هم ويمكن ترتاح للسكن بالخفجي بدون تتعب حالك
اسأل الله لك التوفيق بالوظيفة والسكن والزوجة الصالحة وبر والديك وان يرزقك من حيث لاتحتسب امين

ترى ماقلت شي قلت راي وقلت وجهة نظر

محب الكويت واهله
بو خالد