الموضوع: فاكس عاجل للاحبة والغوالي اهل درة الخليج

أولا : صباح الخير يمال الخير ياكويت
ثانيا: اذا تكرمتوا حي أو ضاحية سعد العبدالله وأنا ياي من السالمي كيف احصله
وهل فيه شقق للاجار او فنادق وهل الايجار غالي يعني لو سمحتم ممكن تقولوا جم السعر وهل هو حي كبير ( معليش هي جم أسئلة في سؤال ) سدركم وسيع يابعد قلبي
مع كل شكري واحترامي وتقديري لكل من تكرم واعطاني معلومة استفيد منها
وعلى يقين انني سااستفيد من احبتي واخواني واخواتي تحياتي وجعلكم ماتشفون الا مايسركم ويبهجكم ياغلى شعب ولا قلت الا مايجول في خاطري لكم

ترى ماقلت شي قلت راي وقلت وجهة نظر على ماقال اخينا سعود الورع - الله يحفظه -
أخيّكم بوخالد

مواضيع عشوائيه ممكن تكون تعجبك اخترناها لك:

• يا اهل شرق وأهل جبله
• افضل طرق الصرافه
• اهداء من فيصل لمحبي الكويت
• مطاعم اسواق الكويت
• ماهي مطاعم الكويت المميزه كباين
• ساعدوني الله لا يهينكم
• صور للخطوط الوطنيه
• سوق الذهب بالكويت ؟؟
• يا اهل الكويت استفسار بسيط لو سمحتوا ؟
• استفسار عن المعارض السيارات
• وين القى محلات تبيع اجهزه بلاك بيري مستخدمه نظيفه
• بخصوص بطاقة اثبات الهويه الذكية
• صور جديدة من عاصمة المستقبل
• مدينتي فيها مشاريع سياحيه الكويت الفحيحيل
• أهل الكويت ممكن لوتكرمتم
• استفسار عن الكافيهات في الكويت
• فبراير في السالميه
• ابغى شقق حلوه قريب من المارينا مشي
• سؤال لاخواتي بنات الكويت
• مطلوب مخيم لعائلة صغيرة

بوخالد مساك الله بالنور والسرور
بالنسبه لسعد العبدالله انا ما ادلها عدل بس اهي من صوب صليبيخات والدوحه والقيروان .. ومافيها فنادق لانها منطقه سكنيه ولاشقق .. اذا تبي اقرب شي لها الفراونيه والرقعي ..
وحياك الله وسامحنا عالقصوور

اختي مشرفة الكويت لاعدمناك ومشكورة وماقصرتي بس ياليت احد يوصف مكانها وانا ياي من السالمي وشكرا لكم

وعليكم السلام

وانت جاي من السالمي للجهراء هي خلف سكراب امغره باتجاه الشمال

مشكورحبيب قلبي (مشرف الكويت) لو تكرمت يابعدي عند دخولي الكويت الحبيبه تجي لوحة الدائري السادس اتركه ماروح معاه قصدك كذا اطول الى الجهراء اذا كان جذيه يعني وصلت الجهراء هل فيه لوحة تقول (سعد العبدالله) بعد ما ادخل الجهراء ارجو فضلا لا امرا التوضيح وكل حبي وشكري ودعائي لكم


وترى ماقلت شي قلت ابي وصف وقلت ابي حل من شان اصل بالموعد وجزاكم الله كل خير

تكفون يالنشامى مافيه احد يسكن الجهراء ويعرف حي سعد العبدالله من وين اوصل له وانا ياي من السالمي رجاء اللي يعرف جزاه الله خير الجزاء يقولي كيف اوصل له مع الشكر الجزيل اتمنى احد يوصف لي مع دعاؤنا له بالتوفيق والتيسير والنجاة من النار والفوز بالجنة آمين آمين آمين.

اخوكم ومحبكم ابو خالد

أَحَبَك الله اخوى ابو خالد ضاحية سعد العبدالله وهى تقع جنوب الجهرا وحيث انك جاى من طريق السالمى انزل مباشرة على الطريق الدائرى السادس باتجاه السالمية والجهراء على يسارك واصل السير الى اول مخرج وسوف يلتف فيك باتجاة المكان فاذا رأيت خزانات المياه اتجه اليها وتكون قد وصلت ضاحية سعد العبدالله ان شاء الله . وحياك الله دائما فى ديرتك الكويت

المشاركة الأصلية كتبت بواسطة habbas012
http://www.arabtravelersforum.com/tr...5/#post6817605

أَحَبَك الله اخوى ابو خالد ضاحية سعد العبدالله وهى تقع جنوب الجهرا وحيث انك جاى من طريق السالمى انزل مباشرة على الطريق الدائرى السادس باتجاه السالمية والجهراء على يسارك واصل السير الى اول مخرج وسوف يلتف فيك باتجاة المكان فاذا رأيت خزانات المياه اتجه اليها وتكون قد وصلت ضاحية سعد العبدالله ان شاء الله . وحياك الله دائما فى ديرتك الكويت




أخيي الحبيب الفاضل
السلام عليكم ورحمة الله وبركاته .. وبعد
وفقك واجزل لك المثوبة وضاعف لك الأجر ويسر امرك ودربك ( هذا خبري بكم يالنشامى لاخيلت منكم.
لو تكرمت حبيت أسألك بالنقطة هذي( قلت لي يجي أول مخرج اطلع معاه هل مكتوب باللوحة اسم ( مخرج ضاحية سعد العبدالله ) والا مكتوب شي يوضح لي ويأكد لي شي اتجه يمه ام (لا)
وهل المقصود بخزنات المياه قصدك الابراج .

مع كل امنياتي وتمنياتي لك بالتوفيق والجنة والنجاة من النار
كما أسأله يجعل لك من كل هم فرجا ومن كل ضيق مخرجا ومن كل بلاء ويرزقك من حيث لايحتسب ويخليك لعين ترجيك أنت ومن كلف نفسه بالرد علي قل آمين.

ترى ماقلت شي قلت ابي وصف قلت ابي اعرف المنطقة وقلت وجهة نظر ( على طريقة أخيّنا سعود الورع الله يحفظه في برنامجه)

اخوكم ومحبكم
ابوخالد

اخي العزيز وعليكم السلام ورحمة الله وبركاتة
المخرج الذى اشرت اليه هو اول مخرج سيصادفك بعد نزولك من طريق السالمى الى الدائرى السادس وهو سيلتف فيك تلقائيا الى المنطقة لكن قد لا يكون هناك لوحات ارشادية لذلك ارجو ان تنتبه الى ابراج المياه فهى افضل علامة للمنطقة علما ان المنطقة كبيرة وتتكون من اكثر من عشرة قطع وهى منطقة سكنية ولا يوجد فيها فنادق اوشقق فندقية وبعد اسال الله العظيم ان يجزيك خير الجزاء بما دعوته لنا وان يرزقك الفردوس الأعلى مع النبيين والصديقين والشهداء وحسن اؤلائك مرتفقا

قل آمين الله ياحبيّبي يحفظك ويجعل طريقك خضر ولاتشوف بها الدنيا الا مايسرك وترى صلاح ذريتك وبرهم بك وبالاخرة جنات النعيم ووالديك ياقلبي ولا اجد افضل من الدعاء أسأل الله ألا يحرمك من اجابته وتنعم بحياتك ورضا ربك آمين آمين آمين

ااخوك ومحبك بوخالد

وترى انت يالغلا ماقلت شي قلت راي وقلت وجهة نظر وماقصرت وصلتني المكان الله يحفظك

احبتي قولو امين الله يحفظ الكويت من كل شر ويحفظ بلادنا وجميع دول الخليج وجميع الدول الاسلاميه امين
ياحلو الكويت وياحلو تعامل شعبهم منظمين وخصوصاً في القيادة في السيارة كل الادب والاحترام ولا فوضى ولاشي - ماشاء الله عليهم - ياليت نشوفه بكل دوله وخصوصاً عندنا
عموماً اتمنى من المسؤولين عن اللوحات الإرشادية في الكويت الحبيبة وضع لوحات ارشادية عند مدخل اي ضاحية واخص بالذات سعد العبدالله ويكون له مدخل خاص ومعروف مثله مثل غيره وفيه لوحات ارشاديه لهذه الضاحية فعندما تخرج مع (امغره) يذهب بك هذا المخرج الى السكراب ويضيعك ولولا الحبايب الكويتيين كان راح اكثر الوقت وانا احوس بالسكراب اتمنى واكرر الاعتناء بهذه الضاحية ووضع لوحات ارشاديه للوصول اليه بكل سهوله مع آملي أن يتحقق قريباً وشكرا للمواصلات الكويتيه على تلبية رغبتنا والنظر فيه واجابة رغبة الكثير من الزوار اليها من ابناء الخليج وشكرا
( ملاحظة : لانه لايوجد مخرج خاص للضاحيه الا مع امغره وهذا المخرج يضّيع بصراحه واكثر من واحد قال هذا المخرج وعلى وجه الخصوص بالليل صعب صعب صعب جداً تصل للضاحية الا بوجود احد يرشدك وقلما تجد احد بالليل وكل الخطوط سريعه لايقف احد لك وان خرجت مع امغره ذهب بك الى السكراب الموحش ورجائنا وضع لوحات ارشاديه توصل الى مخرج للضاحية ولوحة عند مدخل الضاحية وشكرا )

ترى ماقلت شي قلت راي وقلت وجهة نظر على ماقال اخينا سعود الله يحفظه

يعطيييك العافية اخوي وشكرا لرايك بالكويت والكويتين وهذا يدل على طيب اصلك
اما بخصوص اللوحات الارشادية اكيد تتجهز لان المنطقة جديدة
وأكيد لو تجي بعد سنه راح تلاحظ انها تغيرت وايد

أخيي توبلريون حفظك الله
السلام عليكم ورحمة من الله وبركات وبعد :
لم اقل الا مارأيته وتستاهلون ياحبايبنا في درة الخليج كل خير والله يحفظكم ويسهل اموركم ويوفقكم لما يحبه ويرضى ونرى عاجلاً غير آجل وضع اللوحات الإرشاديه على هذه الضاحية (سعد العبدالله)
وترى ماقلت شي قلت راي وقلت وجهة نظر على ماقل اخينا سعود في برنامجه

اخوكم بوخالد