الموضوع: استفسار بخصوص التنقل بالسياره واستفسار عن التاكس فري

السلام عليكم
اخواني انا جديد على فرنسا وااود من اهل الخبره مساعدتي ..
سفرتي قريبه ان شاء الله
اولا انا مستاجر سياره من ميونخ وراح اروح لباريس بالسياره واجلس فيها يومين وارجع .
ابي ازور متحف اللوفر ومتحف الشمع ودزني لاند .وقريت في المنتدى ان المواقف صعبه وبعيده هل تنصحوني بتنقل بالمترو واذا كان بالمترو كيف اوصل لها مع ذكر اسمائها
ثانيا التاكس فري الي اخذها من باريس مثلا يصلح اصرفها في مطار ميونخ لان العوده من هناك ..
وشكرا

مواضيع عشوائيه ممكن تكون تعجبك اخترناها لك:

• ارجوا المساعدة في خطة سفر
• حجزت فندق في باريس وش رآيكم،،
• ۩ ‏رحلة الأحلام إلى بـلاد الشام أكـثـر من صورة ۩ ‏
• استفسار بخصوص الشنقن للمربية
• جديد متطلبات الشنغن
• إستفسار بخصوص القيادة و الجو
• فندق الشاتو استفسار بخصوصه ؟؟؟
• استفسار من ذوي الخبره وعشاق باريس لو تكرمتو
• فرنسا ومعلومات قيمة عنها
• محتاجكم لاتردوني
• فــنــدق فــي بــاريس
• جدول رحله لفرنسا وسويسرا لمدة ايام
• ساعدوني في ترتيب مسار الرحلة
• مساعده عاجله باقي مقعد واحد
• ستراسبورغ
• ابي فزعتكم تكفون
• المساعدة في المواصلات من والى كان ونيس
• برنامج سياحي لمدة 13 يوم فرنسا
• ابغى اسافر فرنسا لكن شغلتين بستفسر عنها
• ساعدووووووووووووووووني

المواقف في باريس فعلا مشكلة ( أنا العام الماضي مشيت الطريق هذا ) وبعدها وقفت السيارة في مواقف الفندق وأخذوا علي 25 يورو في اليوم وبديت أتنقل بالمترو
التاكس فري فعلا تصرفه من مطار المغادرة ( ميونيخ ) بس انتبه عند شحن الشنط كل بضائعك المشتراة اللي بتأخذ عليها تاكس فري حطها في حقيبة واحده ونبه موظف الخطوط عليها عند التشيك إن يسجلها وبعدين يسمح لك تأخذها معك لمكتب التاكس فري يشيكون عليها وترجعها للشحن

التنقل في باريس
للأسف ما عندي الخبرة الكافية لكن
أنا استخدمت المترو وحلو جدا وممكن أي موظف في الفندق يعطيك أقرب محطة عند المكان اللي ناوي تروح له

ما قصر مشرفنا بخصوص التاكس فري
المترو افضل
لكن تقدرتروح بالسياره الي ديزني وفيها مواقف سهله وما دام معاك سياره روح
بخصوص اللوفر ومتحف الشمع فيه مواقف قريبه وبفلوس
انت وين ساكن بالضبط نشوف لك المحطات والتنقل الي لوفر ومن ثم الي الشمع
ديزني ما تصلح بالويكند
اللوفر الثلاثاء مغلق للعلم
شوف موضوع عن المواقف بالاحداثيات يفيدك
http://www.arabtravelersforum.com/travel529528/

ماقصروا الشباب

بس الافضل فالتاكس فري انك تاخذها بالفيزا او الماستر كارد وترجع الفلوس عليها

ما قصرتوا يا شباب .. يعطيكم العافيه

فــيـصـل
مغرور نجد
zaman99
بالنسبه للروحه راح تكون ان شاء الله 23 شوال راح ابيت في ميونخ ليله ثم اتوجه لفرنسا من الصباح الباكر . واجلس فيها ليلتين ..وارجع لميونخ ثانيه
ابي ازور في هاليومين ديزني لاند ومتحف الشمع واللوفر والشانز وابي اشتري عطور وهدايا وياليت تدلوني على سوق رخيص ..
كيف راح يكون ترتيب الرحله الله لا يهينكم ..

بيصادف 10-9 بتكون في ميونيخ
يوم 11 و12 بتكون في باريس الثلاثاء والاربعاء صحح لي اذا خطأ
طبعا يوم 11 مقفل اللوفر ولازم باليوم هذا تروح ديزني لاند بالسياره
يوم 12 تأخذ بطاقه مترو موبيليز حقت يوم واحد كامل لكل الزون تبدأ الذهاب الي اللوفر ومن ثم متحف الشمع ثم الاوبرا للتبضع ومن بعدها الشانز
اللوفر محطه Palais Royal - Musée du Louvre
الشمع وحوله اسواق محطهGrands Boulevards
غاليري لافييت في الاوبرا مجمع لتسوق خاصه للعطور مساحه كبيره Chaussée d'Antin La Fayette
الشانز اي محطه منهم توصلك Charles de Gaulle Etoile Franklin D Roosevelt George V

ايه صحيح الاثنين تاريخ 10 -سبتمبر بكون في ميونخ الثلاثاء ان شاء الله احرك لباريس اتوقع يمديني اللف الشانز والبرج والا لا ؟
الاربعاء والخميس عندي هاليومين
طيب السياره ما توصل للوفر ؟ او الشانز لاني سمت ان السيارات تمشي في الشانز عادي ..؟ لاتلومني تراني اول مره بروح اوروبا والله يعينكم على اسئلتي
وقريت في التقارير عن الاوتلت يمديني امره وانا رايح دزني وهل المواقف متوفره .؟
بالنسبه لمساعدتك وترتيب الرحله اشكرك عليها جزيل الشكر اخ فيصل .وفرت علي عنا البحث ..

خلاص حجزت كل شي والروحه قريبه .. وفرنسا لازم ازورها ..

الله يرحم والديك قول ان شاءلله ازورها مو لازم ازورها
اخونا فارس الجبيل مر مع الطريق استفسر منه كثير وانا اخوك ترى 1300 مشوار
واذا انت رايح رايح باذن الله جرب قطار جرب طيران احسب كل شيء ولا تخليها
تقدر تتمشي بالسياره بالشانز يا غالي وتدخل كل الحارات بس قلت اريح لك تروح لوفر والشمع بالمترو
ديزني اذا بتروح الاوت لوت هو قريب منك روح له

هههههههه اي والله ان شاء الله ازورها .. كنت متحمس بقوه اقرا تقارير الاعضاء
بالنسبه للمسافه تقريبا 800 كيلو مو مثل ما ذكر الاخ .. فيه موقع يحسب لك المسافات بين المدن وانا قبل لا احجز شفت المسافه . الا ان كان الموقع هذا فيه خطأ او الطريق غير .. ياليت تفيدونا ..
.freedom-tour.com/mall/kmeurope.htm
هذا الموقع

من قوقل ماب 8 ساعات
http://maps.google.com/maps?saddr=M%...mra=ls&t=m&z=6

وفيه من قوقل ايرث تشوف الطريق كأنك تسوق بس مااعرف له جربت وفشلت ولا مجربه هي

السلام عليكم وصبحكم الله بالخير

اخوي كلامك صحيح وعلى متمه 800 كيلو او 8 ساعات اذا بتطلع من ميونخ دايركت من فوق لفوق لباريس عن طريق ستراسبورغ وهذا فعلا اقرب واسهل والخط فري سبيد بحكم انك مازلت في المانيا والهاي وي في المانيا ( بعض المناطق ) فري سبيد

ولكن انا عطيتك من حيث انك تزور سويسرا والنمسا مادام انهم على نفس الخط ولكن بالطبع يبعد بالمسافه تقريبا 1300 واكثر شي بيفيدك في هالرحلة هو قوقل ايرث او ماب ومن الاحسن انك تتطلع على خط سير رحلتك وتحاكي الواقع اللي بتمر فيه بأذن الله


والله ييسر امورك ويوفقك ويسهل عليك رحلتك ان شاء الله واي خدمة من عيوني

تسلم اخوي ما قصرت على التوضيح ..
واحتاج لكم ونصايحكم .. انا معي القارمن بدان الله بمسك الخط على طول بعد ما ارجع ان شاء الله من فرنسا راح اروح لكابرون اوجلس فيها 7 ايام ثم ارجع انت شاء الله ..
هل فيه نصايح اخرى من ناحيه الخط او المخالفات وغيره خصوصا اني جديد على اوروبا . والسفر قريب ان شاء الله

من وجهه نظري السياره حلوه بالارياف زي سويسرا والنمسا لكن بباريس سياره ماراح تستفيد بالعكس اغلب المواقف بفلوس والنزين غالي انت حر لكن واجبنا نعطيك حلول
المترو سهل ومثل ماذكر الاخ اسأل الاستقبال عن اي مكان تروح له وهم بيعلمونك اسم المحطه اللي تنزل بها ويأشرون ع خريطه المترو بعد
التاكس فري مكتبهم في الغاليري لافييت تحت بالبيسمنت من الموبايل

انا ضد المترو لاننا عائله ومعي طفلين .. ابي يكون التنقل مريح لنا .. وبعد المشاوره راح اخذ السياره وادفع المواقف .
لان تذاكر المترو تاخذ علي فلوس .. اضرفها على الواقف اريح لي .. هذا وجهت نضري ..
وابي استفسر عن اسعار المواقف هل هي بالساعه والا كيف طريقتها .. الله لا يهينكم

المشاركة الأصلية كتبت بواسطة لندنيه 2011
http://www.arabtravelersforum.com/tr...9/#post7186619

د
التاكس فري مكتبهم في الغاليري لافييت تحت بالبيسمنت من الموبايل



قال احد الاخوان اني اقدر اصرفها من ميونخ مره وحده .. هل هذا صحيح . والا لازم كل دوله لحالها
ومشكوره على النصيحه .

المواقف بالساعه
,,,,,,

رجعت والله الحمد ارض المملكه ..
واستفدت كثير منكم ولولا الله ثم نصايحكم مامشت اموري ..
بالفعل فؤنسا ماتنفع فيها السياره ابد . الشوارع ضيقه وزحمه وعالم والمواقف غاليه حتى الهاي وي عليه رسوم خذوا مني حوالي 60 يورو حتى الشوارع صعبه كنها شبكه متفرعه من كل جهه ..
والتاكس صرفته في ميونخ في المطار . ونصيحتي لكم كل البضايع الي شريتها خليها في شنطه وحده اسهل لكم . لانهم يفتشون ..

نبي نصائح عامه اسدح لنا تقرير
يعني ما شفت لك مطعم زين
ولا فندقك وش رأيك فيه
لعل تفيد غيرك