الموضوع: أرجو منكم مساعدتي حدي متوهقه بترتيب الرحله

السلام عليكم ورحمة الله وبركاته

انا وزوجي من قبل سنتين واحنا نفكر نروح أمريكا بس متوهقين بتنظيم الرحله وخايفين لأن لغتنا الإنجليزيه ضعيفه
وكل سنه ننطر أحد يروح معانا بس ماحصلنا أحد وهالسنه قلنا لي متى بننطر!!

بنتوكل على الله وبنروح بروحنا مع ولدي عمره 4سنوات والله الحافظ


وعقب ماقرينا تقارير الأعضاء والمشرف إمباك

إستقرينا على هالمخطط للمدن إلي بنروحلها بس موعارفين شلون نرتب الرحله حسب المسافات !!

وليلحين ماندري على أي خطوط طيران نحجز؟؟


الرحله بنكون كالآتي:

لوس أنجلوس_ 14 يوم
سان دييقو _ 5أيام
لاس فيغاس _ 3أيام
نيويوك _ 3أيام


هل تريب الرحله صح بالنسبه للمسافات وإذا لأ ياليت ترتبونه حسب خبرتكم؟؟؟؟
هل الأيام كافيه ولا لأ؟؟؟؟
وإذا نقدر نضيف سان فرانسيسكو للرحله ولا ماتسوى التعب إذا كانت بعيده عن هالمدن؟؟؟؟


وبإنتظار مساعدتكم ونصايحكم

مواضيع عشوائيه ممكن تكون تعجبك اخترناها لك:

• أبشركم جاني قبول فيأفيدوني يأهل الخبرة
• ابا ااجر سيارة حق الاجازةشو افضل الحلووووول؟؟؟؟؟
• بعد قراتي للمواضيع والاستفسارات بقي عندي استفسارات
• مواعيد المقابله في السفارة الامريكيه
• أمريكا لأول مرة ،،،،
• استفسار حول الضمان البنكي
• استفسار بخصوص حمل ادوات كهربائية
• شيكاجو كما رأيتها ،،،
• هل نظام الدول الأخرى يسمح بنظام المرافق في الجواز ؟
• ضرورى هام بخصوص فيزا
• استفسار بخصوص ورقة العمل وورقة الطالب للتقديم على الفيزا
• محتارة بين امريكا و اوروبا محتاجة دعم الكل
• لارامي (ولاية وايمنغ)
• موعدي للمقابلة بعد بكرا السبتنوفمبر محتاج نصيحتكم لا احد يبخل علي
• المسافات بين نيويورك وماحولها
• ضروري
• طلب اقتراحات ومساعدة بخصوص رحلة عائلية الى امريكا
• التاشيره الامريكيه الجديده للسعوديين
• مسافرين على امريكاا بعد شهر ومحتاره بوايد اشياء بليييز هلب مي
• تقرير من الشرطة للسفارة الأميريكية

اذا اخترتوا هذا الخط فانصحكم بالخطوط الاماراتية تطلع دايركت للوس انجلس من دبي

12 يوم لوس انجلس

3 ليالي سانديقوا

4 ليالي لاس فيقاس

3 ليالي سانفرانسيسكوا

3 ليالي نيويوورك

وترجعوا بالاماراتية لدبي ومنها لدولتكم !!

بالتوفيق

المشاركة الأصلية كتبت بواسطة Impact
http://www.arabtravelersforum.com/tr...3/#post3687179

اذا اخترتوا هذا الخط فانصحكم بالخطوط الاماراتية تطلع دايركت للوس انجلس من دبي

12 يوم لوس انجلس

3 ليالي سانديقوا

4 ليالي لاس فيقاس

3 ليالي سانفرانسيسكوا

3 ليالي نيويوورك

وترجعوا بالاماراتية لدبي ومنها لدولتكم !!

بالتوفيق

جزاك الله ألف خير

وياليت تحمل أسألتي الكثيره علشان تترتب الرحله من جميع النواحي



وبإذن الله إذا رحنا على الإماتيه بكون خط الرحله:
((الكويت_دبي-لوس انجلس))
((نيويورك-دبي-الكويت))


وهل في خطوط طيران أرخص من الإمارتيه؟؟

ونأجر السياره من لاس فيقاس صح!!وتنصحنا من تجربتك نأجر السياره من أي شركه؟؟

وبغيت أعرف المسافات من كل مدينه لأخرى؟؟

وهل راح يكون التنقل بكل هالمدن بالسياره؟؟

ماعدا من سانفرانسيسكوا إلى نيويورك بطيران داخلي؟؟وتنصحنا بأي خطوط طيران داخلي نحجز؟؟


وبإنتظار ردك

الاماراتية الانسب لكم والاتحاد معها !!لانها تروح للنقاط الي تبغوها بدون توقفات كثير !!

السيارة تأجروها من لوس انجلس وتكون معاكم في جميع المدن ماعدا سانفرانسيسكوا و نيويورك !!

الشركات كثيرة منها بدجت و افيز و دولار

الطيران كثير خذوا الارخص والانسب لكم في الوقت شيكوا على موقع Expedia

بالتوفيق

المشاركة الأصلية كتبت بواسطة impact
http://www.arabtravelersforum.com/tr...3/#post3688407

الاماراتية الانسب لكم والاتحاد معها !!لانها تروح للنقاط الي تبغوها بدون توقفات كثير !!

السيارة تأجروها من لوس انجلس وتكون معاكم في جميع المدن ماعدا سانفرانسيسكوا و نيويورك !!

الشركات كثيرة منها بدجت و افيز و دولار

الطيران كثير خذوا الارخص والانسب لكم في الوقت شيكوا على موقع expedia

بالتوفيق

مشكور وماقصرت أخوي


بس ماقلتلي جم السافه بالسياره:

من لوس انجلس إلى سانديقوا ؟؟

ومن سانديقوا إلى لاس فيقاس؟؟

ومن لاس فيقاس نروح إلى سان فرانسيسكوا بالسياره أم عن طريق الطياره؟؟وجم المسافه سواء بسياره أو بالطياره؟؟

ومن سان فرانسيسكوا إلى نيويورك جم ساعه بالطياره؟؟


وبإنتظار ردك

بالنسبة للوس انجلس وسانديقوا هذا الرابط ان شاء الله بيفيدك فيها باذن الله ,,

http://www.arabtravelersforum.com/travel292781/


من سانديقوا الى لوس انجلس حوالي 4:30 ساعات

من لاس فيقاس بالطائرة رخيص جداً وخصوصاً الــ South west بالسيارة حوالي 10 ساعات بالسيارة 950كلم

اما بالطائرة ساعة وعشرون دقيقة !!

من سانفرانسيسكوا بالطائرة الى نيويورك حوالي 6 ساعات

بالتوفيق

المشاركة الأصلية كتبت بواسطة impact
http://www.arabtravelersforum.com/tr...3/#post3688972

بالنسبة للوس انجلس وسانديقوا هذا الرابط ان شاء الله بيفيدك فيها باذن الله ,,

http://www.arabtravelersforum.com/travel292781/


من سانديقوا الى لوس انجلس حوالي 4:30 ساعات

من لاس فيقاس بالطائرة رخيص جداً وخصوصاً الــ south west بالسيارة حوالي 10 ساعات بالسيارة 950كلم

اما بالطائرة ساعة وعشرون دقيقة !!

من سانفرانسيسكوا بالطائرة الى نيويورك حوالي 6 ساعات

بالتوفيق

جزاك الله ألف خير

ماقلتلي من لاس فيقاس إلى سان فرانسيسكوا جم ساعه بالطياره؟؟

يعني السياره بس راح نستخدمه في لوس انجلس وسانديقوا؟؟
والتنقل إلى لاس فيقاس وسانفرانسيسكوا و نيويورك عن طريق الطيران الداخلي صح؟؟
وهل الطيران الداخلي دايرقت بين هالمدن؟؟

من لاس فيقاس بالطائرة رخيص جداً وخصوصاً الــ south west بالسيارة حوالي 10 ساعات بالسيارة 950كلم

اما بالطائرة ساعة وعشرون دقيقة !!



هذا ردي للمسافة بين لاس فيقاس و سانفرانسيسكوا !!

صحيح السيارة فقط في لوس انجلس وسانديقوا !!

الاماراتية توصلكم الى لوس انجلس ومن هناك بالسيارة حول المدن ما عدا سانفرانسيسكوا ممكن بالطائرة الداخلية !!

ومن سانفرانسيسكوا الى نيويورك بالطائرة الداخلية

ومن نيويورك الى الكويت بالاماراتية مروراً بدبي !!

الطيران الداخلي كثير الــ South west من لاس فيقاس الى سانفرانسيسكوا اذا بغيتوا الطيارة لان اسعارها ممتازة وهي بعد خدمتهم حلوة !!

من سانفرانسيسكوا الى نيويورك فيه خطوط كثيرة وكلها متشابههة تقريباً

ادخلوا على Expedia واختاروا الوقت والسعر الي يناسبكم من الخطوط الموجودة !!

هناك رحلات داخلية دايركت وهناك ترانزيت اختاروا الدايركت !!


بالتوفيق