المشاركة الأصلية كتبت بواسطة nahal
http://www.arabtravelersforum.com/tr...3/#post6684373

السلام عليكم جميعاً

هذي أول مشاركة لي ..... بصراحة بعد ماقريت الموضوع دا حسيت اني اتورطت بإختياري لمانيلا! أنا طالع هناك عشان كورس لمدة إسبوع والى الان كل المقالات الي قريتها عن مانيلا ماتطمن! الله يستر بس! كله كوم وقصة التكسي أبو منجل كوم تاني! على حسب مافهمته انهم نصابين ومايحبوا يشغلوا العداد ويزعلون لو أصريت! يعني يالنصبة يالمنجل! الله يعدي الرحلة ذي على خير..... سفري يوم 10/03/2012 على الخطوط السعودية والى الان ماحجزت الفندق.... وشكلي حضطر أحجز في فندق الماندارين وادفع ال 700ريال في الليلة لانو تخوف احجز في السيتي جاردن الي هو على بعد 600متر واروح مشي!


الله يستر بس



السلام عليكم جميعاً


أحب اطمن كل شخص دخل وسأل وحاب يتأكد مرة ثانية:
الايجابيات:
1- شعب بشوش ومبتسم دائماً و good morning و good afternoon و good evening تسمعها كثير من كل الناس،، حتى لو حرامي يسرقك وانت مبسوط ومبتسم يخليك تقوله بالله بكره جيب اصحابك بكره وقابلوني بنفس المكان (دول ناس طيبين أوي) ههههههههه (مزحة وترى ماحصلي شي من هذا ولله الحمد) .


السلبيات:
2- التكاسي على حسب فهمي غير آمنة 100% ودايما خلي الفندق هو الي يجيب التكسي و لاتركب مع اي تكسي يعرض خدماته عليكم لوحدك. واذا كنت مسافر لوحدك افضل لو ترتب مع الفندق بسيارة تستناك رغم انها اغلا بس طبعا أئمن!
3- مدينة ماتستحق انك تقعد فيها اكثر من يومين أو للعمل المؤقت فقط لاغير.
4- من رأيي ماتنفع للعوائل.
5- انتبهوا من البياعين هناك ولاتشتروا اي شي منهم (مخدرات فياجرا سيالس ...الخ).


بعدها سافرت الى ماليزيا وبصراحة حسيت الفرق ولقيت الشعب الماليزي حق مشاكل ومرة مايعرفوا الابتسامة وخفة الدم مثل الشعب الفلبيني.


ان شاء الله لي زيارة ثانية للفلبين وراح تكون بوراكاي و سيبو ويمكن بالاوان ......