الموضوع: زياره اولى للكويت

السلام عليكم ورحمة الله وبركاته

كيفكم ان شاء الله بخير

بعد تفكير بين دوله قطر والكويت

التصويت لدوله الكويت بحكم انها ان شاء الله اول زياره وسبق تم زياره دوله قطر في السابق

ياليت تقولون لي بالتفصيل افضل طريق من الرياض للكويت .. وكم المسافه

حبيت تنصحوني وين اروح في دولة الكويت والاماكن اللي تستاهل الزياره سواء مولات او مطاعم اومراكز ترفيهيه .. واهم شي الاسواق الشعبيه تكون اسعارها مناسبه ( للهدايا )

الله يوفق ويسعد اللي يرد علي

مواضيع عشوائيه ممكن تكون تعجبك اخترناها لك:

• استفسار عن شاليهات العزاب ؟
• كيف الجو عندكم
• الصليبيخات
• الكويت بعيون سعوديه
• استفسار لو تكرمتوا ،،
• رايح الكويت وابي افضل اماكن في الكويت ازورها سياحية وتجارية
• آستفسآر عن آسعآر آيجآرآت آلسيآرآت بآلمطآر
• عندما كنت بسوق الخضار
• اول مره اشارك
• محلات تقليد الساعات
• جايكم ياهل الكويت من الرياض وافديتكم
• استفسار لبنات الكويت الذويقات
• بسافر الإمارت وأبي شوركم
• ياهل كويت لا تبخلون علي
• عروض غير مسبوقة مقدمة من الخطوط الكويتية
• كيف اصل الى مجمع الدبووووس
• مفاجئة هذا العام توئمة «هلا فبراير » و اليوبيل الذهبي
• الجهراء
• السلام عليكم يا اهل الكويت الكرام
• نور

وعليكم السلام ورحمه الله وبركاته

هذا بالنسبه للطريق

http://www.arabtravelersforum.com/travel410988/

وهذا فيه كل شي ان شاء الله
http://www.arabtravelersforum.com/travel643470/

mr.q8

الله يوفقك ماقصرت

بانتـظـار البـقـيه ..

وعليكم السلام ورحمة الله وبركاته
الحمدالله كلنا بخير مادمنا في العرب المسافرون
وحياكم الله أختي مشاعر أنسانه بالكويت بلدكم الثاني بتنورونها بجيتكم الغالية
بخصوص الطريق ماقصر مشرفنا mr.q8

الأماكن الترفيهية بالكويت ( أبراج الكويت ،،، المركز العلمي الأكواريوم ،،، حديقة الشعب ،،، سوق المباركية ( شعبي ورخيص ) ،،، مدينة الكويت الترفيهية ،،، مول ديسكفري مول متخصص للأطفال ملابس وألعاب )
مطاعم ماني من محبين المطاعم ويادوب فرايديز و تشيليز وروبي تيوزدي هذي مطاعمي المفضلة وعند كل مول مطاعم وبشارع الخليج مطاعم على الكورنيش متفرقة مثل إلي ذكرتها فوق وغيرها
وعن المولات
الأفنيوز ( مول يجمع الماركات والأسعار المتوسطة والألعاب والسينما والمطاعم أكبر مول بالكويت )
سوق شرق
مول 360
السالمية فيها شارع سالم المبارك وفيه ماشاءالله من السايدين مجمعات ومحلات متفرقة + مطاعم مثل شارع محمد بن عبدالعزيز بجدة ( التحلية ) والمولات المتوفرة مارينا مول ( متوسط وله بوابتين على شارعين شارع سالم المبارك و شارع الخليج العربي وفيه جسر مشاة يودي لمطاعم بجلسات حلوه مارينا كرسنت ) و مجمع الفنار ( مول ينقال عنه ميت للتسوق بس وفيه سينما بدون مطاعم يادوب كوفيات 4 ) مجمع الثريا ( ماركات ) مجمع زهرة ( ماركات ) مجمع ليلى غاليري ( ماركات ومحلات سهرة ) مجمع أولمبيا و مجمع مريم ( لفساتين السهرة ) و مجمعات متوسطة لين أسعارها المتوسطة ( مجمع منيرة و شاهه و أنفال ) ومطعم فريج صويلح للمأكولات الكويتية
وعن الهدايا والأسعار المناسبة في أخر يوم للرجوع للمملكة بتمرون على الفحيحيل ومنطقة الفحيحيل القريبة من حدود النويصيب والخفجي فيها مجمعات
مجمع الكوت ( مجمع يمتاز بالنافورة وفيها مطلة عليها مطاعم وكوفيات ) و مجمع أجيال ( أسعاره مناسبة ) وقباله سوق الفحيحيل محلات مركزية للعوائل و سوق الأقمشة و الذهب و الأواني و القرطاسية مثل طريقة سويكت بالخبر والعزيزية بمكة المكرمة
و قبل الفحيحيل منطقة أبوحليفة فيها مجمع كويت ماجيك محلات تبيع القطعة بــ 5 دنانير و ألعاب داخل المجمع و خارجه و مطاعم
فيكون قبل الرجوع للمملكة ( الخروج من الفندق ،،، كويت ماجيك ،،، الفحيحيل ومجمعاته )
ورحلة موفقة بإذن الله

الطريق الافضل الدمام الخفجي و الاماكن السياحية
لو تتطلعين على توقيعي ( رحلتي الي الكويت ) فيها شرح الاماكن السياحية الي صفحة 18

ماقصروا الشباب في الرد وحياكم الله

أفضل الأماكن هي الآتي :-
مجمع الراية - مجمع الصالحية - مجمع 360 - الأفنيوز - مارينا مول - سوق شرق - أولمبيا - مجمع الكوت - ديسكفري للأطفال - مجمع المهلب - البحر سنتر

الأسواق الشعبية :-
سوق المباركية - سوق السالمية - محلات حوش السالمية ( شارع سالم المبارك )

المطاعم :-
فونودو ميليت أواي مقابل الصالحية - لونوتر في شارع الخليج العربي - دون ماريوز في قرية الضيافة عند ابراج الكويت - مطعم الطاووس الصيني في فندق ساس - مطعم ريكاردو الايطالي في الشيراتون - مطعم التسيمو في برج النصار