ابي رايكم لاهنتوا

**ahmedali** · 02-03-2015, 03:05 PM

انا افكر في سفره للاوربا منذ فترة,و باذن الله سوف اذهب لها في الصيف القادم,
طبعا لابد من استشارتكم على سير الرحلة,

انا حددت :
1/ فيننا 3 ايام.
2/سالزبورغ 2 يوم.
3/ زيلاميسي 3 ايام.
4/ ميونخ 3ايام.
5/ زيورخ 2 يوم.
6/ انترلاكن 4 ايام.
7/ ميلان 2 يوم.
8/ جنيف 3ايام.

الله يعطيكم العافيه مقدما و اتمنى ان اجد اراءكم هنا قبل مااحجز.

مواضيع عشوائيه ممكن تكون تعجبك اخترناها لك:

**ahmedgaper** · 02-03-2015, 03:05 PM

جدولك متعب جدا جدا ولن تستمتع
ميلان جايه غلط بالجدول وفيينا الغها افضل كذا ممكن تقدر ترتب
ولابد تعرف كل مكان ماذا يوجد به وكم يوم يكفيه مثلا جنيف مافيها شي ساعات تكفيها لكن ممكن تزور ماحولها مثل انسي وغيرها
زيلامسي لاتسكن فيها كابرون افضل في السكن
من اجمل المناطق الريفية زيلامسي وماحولها وانترلاكن وماحولها وانترلاكن اكثر انشطة جلست بانترلاكن ٧ ايام وماعطيتها حقها لان حولها اماكن كثيرة جميلة لوزيرن ثون برينز قرين ولد غرير ومصانعها قشتاد زيرمات من غير الزحليقات والتلفريك والثلج والانشطة الاخرى المقصد من الكلام لاتفكر ان انترلاكن عبارة عن قرية في يوم تطلع عليها وخلاص
واخيرا استانس بالاراء لكن لاتاخذ فيها الا عن اقتناع اطلع على التقارير وشف مايناسبك

**ahmed3** · 02-03-2015, 03:05 PM

السلام عليكم ورحمة الله وبركاته ::

حياك الله اخوي ..والمعذرة تم نقل الموضوع لقسم الصحيح .

=======
بالنسبة للمخطط ..ما شاء الله مترامي الاطراف ..وما قصرو الاخوان في ابداء مقترحاتهم .

والسؤال هو ..هل التنقل بالسيارة ...ولا بالقطارات ؟

لأنك لو ثبت على المخطط تبعك ..من فيينا الى جنيف ..راح يكون فيه اختصارات كثيرة ...وخصوصا بالسيارة .

مثلا :

فيينا - ميونخ - زيلاميسي - انترلكن - جنيف .

ممكن تطلع من فيينا الى ميونخ بالقطار وتستاجر السيارة ..ثم تكمل الرحلة .

هي المشكلة في فيينا جاية بعيدة شوي .

ولو تحدد لنا اخوي اهم المدن المراد زيارتها ..يكون افضل .

وفي انتظار رايك