الموضوع: لأصحاب الخبرة الرجاء المساعده

السلام عليكم ورحمة الله وبركاته
كيف الحال جميعا ان شاء الله طيبين والصيام ماشي معكم تمام ؟
الله يعافيكم انا حابه انكم تساعدوني
حنا مقررين نسافر لباريس تقريبا 11 يوم
بتاريخ 12 اكتوبر يوافق 26 ذو القعده ان شاء الله
9 ايام في باريس ويومين في دزني لاند
والاشخاص 4 واحد بالغ و3 اشخاص حول 17 واقل
وحابه استشيركم بالنسبه للفنادق
امس دخلت موقع البوكينق ولقيت خيارات كثيره وواسعه بس حبيت اخذ رايكم
انا ابغى فندق في شارع الشانزليه وقريب من برج ايفل وحابه تكون خدماته ممتازه ويقدم افطار مجاني واسعاره تقريبا حول 11 الف بحكم اننا بنجلس فيه 9 ايام , فما عرفت امس ايش اختار احترت
وبرضو بالنسبه لديزني محتاره احجز فندق بديزني او يبعد عن ديزني مسافه 5 دقايق ؟
يعني بكم الكلفه تقريبا بالنسبه لنا كلنا اذا بنجلس بديزني يومين ؟
وهل تنصحوني بفنادق ديزني او لا ؟
وجزاكم الله خيرا
والله يحقق اللي ببالكم وتساعدوني لاني محتاجه استشاره

مواضيع عشوائيه ممكن تكون تعجبك اخترناها لك:

• فنادق دمشق القديمة تراث معماري أصيل وعامل جذب للسياحة السورية
• اسفسار الفيزا الفرنسية شنقن
• ماهي افضل دوله للسفر في شهر اكتوبر؟؟
• التزلج في فرنسا أو سويسرا
• وش رايكم بهالفندق ابغى رأيكم
• استفسار بخصوص السكن يا أهل الخبره
• ما هي افضل الفنادق والاماكن في باريس
• بالنسبه للاطفال مكتوب تحت 3 سنين مجانا هل احضر الجوازات معي للديزني لاند
• محميـة بـاسـل الأسـد الطبيـعية
• ما نستغنى عن مشورتكم
• يوم واحد في باريس
• الفيزا لفرنسا استفسار
• آنسي وماحولها
• باريس ونيويورك
• رحلتى الباريسيه الى الأراضى الفرنسيه
• مهم لمن يريد الذهاب لديزني بالرير
• لخبراء باريس نصائحكم لفندق مناسب لشهر العسل
• برجاء المساعدة بالمعلومة الصحيحة ضروري
• بسافر بفبراير ومحتاجه نصايحكم بأسرع وقت حييييييييييييييل
• استفسار عن الشينغن للمصريين

وعليكم السلام ورحمه الله وبركاته

الشانز غالي لانكم 4 اشخاص

انا اشور عليكم (( ابعطيكم راي )) وبكيفكم شوفي هالاوتيل حلووو ومكانه في اللاديفانس وعند المترو
http://www.booking.com/hotel/fr/fras...X1&aid=1329869

وهذا اوتيل ثاني جنب برج ايفيل
http://www.booking.com/hotel/fr/pier...D1&aid=1329869


وفيه هذا الاوتيل
http://www.booking.com/hotel/fr/adag...X5&aid=1329869

وهذا اوتيل انا مجربه في ديزني وحلووو وهادي وحديقته حلوه
http://www.booking.com/hotel/fr/park...X1&aid=1329869

وهذا الاوتيل ساكنه فيه الوالده واخواني يمدحووونه افطارهم رووعه وميزته عن اللي اخذته جنب الاوتلت + الباص اللي يروح لديزني كبيررر يعني حلوو
http://www.booking.com/hotel/fr/pvva...D1&aid=1329869

ومن مميزات السكن في ديزني انك تدخل قبل العالم يعني يدخلونك قبلهم بساعتين

اتمنى لك التوفيق ....

اخوك


عبدالله

^

جزاك الله خير ماقصرت
طيب بالنسبه للفندق

Adagio La Défense Esplanade

تنصحنا فيه او لا ؟
وبالنسبه الشانزليه طيب ممكن اسماء تعطيني فنادق فيه تنصح فيها ؟

الشانز غالي ... يعني اللي انا سكنت فيه شخصين بـ 14 ل تسع ايام مهب 4 ..

اوصي
http://www.booking.com/hotel/fr/cali...D1&aid=1329869

وبعده هذا الاوتيل
http://www.booking.com/hotel/fr/cris...D1&aid=1329869

سلسله اداقيوا من افضل الفنادق اللي شفتها...

والله مريح وكبيره الغرف مهب مثل الفنادق اللي في الشانز تمشي تطق بالجدار ول مايمشي ثنين جنب بعض...



فيه اوتيل انا افضله بس ما حطيته بس من باب النصيحه ابكتبه


http://www.booking.com/hotel/fr/pvkl...ml?aid=1329869


اتمنى انك تفرين المواضيع وتشوفون الافضل لكم


كمــا تعلمين ان كل اوتيل له مميزات وسلبيت والله يحفظكم ويرعاكم


اخوك


عبدالله

شوفي اقري تقارير اول شي وبعدها تعالي لان اسئلتك تحس انك ماقد قريتي شي ابداً هذي نصيحه اقري وسفرتك بعيده وانا ابعطيك فنادق امنه جداً

اقدر ارد عليك بس والله مهب زي التقارير

هلا فيك اختي ليالى
1-حبيبتي انتي عندك لغة اذا عندك لغة لاتخافي هذا شي
2- حبيبتي اذا انتي راح تسافرون ابعدي فكرة الخوف عنكم لان فرنسا مافيها ان شاء الله خوف بس لازم تاخذون حذركم
3- ماعليك فيها اماكن روعه برج ايفل وفيها شارع الشانزليه ياخذ العقل وفيها تمشية
4- انا واختي واخوي بنسافر لها بس بعدكم با اسبوع تقريبا انا قريت لكم انكم بتسافرون 12 اكتوبر وحنا راح نروح اسبوع لندن واسبوع باريس
5- لايهمك حبيبتي روحي ولا تشلين هم ترى الدعوه سسسسسسسهله مره بس يبيلها ترتيب
6- سفره ممتعه وترجعون بالسلامه

جزاكم الله خير ماقصرتوا وعذرا على كثره اسئله لكن اعذروني بحكم ان ماعندي خلفيه
بس الفنادق للحين مو عارفه ايش اختار محتاره بكل شي وعجزت القى فندق للحين محتاره بكذا واحد مو عارفه ايش اختار ياليت اخوي تساعدن بواحد امن وموقعه حلو واسعاره معقوله بالاضافه انه قريب للشانزليه وبرج ايفل مع خدمه الافطار المجانيه, وهل بالضروري باص له او لا ؟
وبرضو الطقس على وقتنا كيف يكون ؟
يالي تفيدوني وربي يوفقكم ويسعدكم

الافطار مو ظروري مع لفندق
كم ميزاينتكم وتاريخكم والعدد

لا اخوي الله يعافيك بالنسبه لنا ضروري الافطار وهو اهم ميزه نبحث عنه بعد الميزات الثانيه
تاريخنا من 12 الى 24 اكتوبر وراح نوصل باريس يوم 13 وراح نجلس 9 ايام بباريس بعدين نفكر ناخذ فندق قريب لديزني لمده يومين على اساسه يودينا لديزني واخر يوم نفكر نقضيه بالريف بمكان في طبيعه يعني . بس مافهمت ليش يكتبون 8 ليال الفنادق وانا مختاره 9 ايام على اي اساس يعني ؟
وحنا عددنا اربعه اشخاص امي وانا و2 من اخواني تحت 17 اعمارهم ,
الميزانيه للان ماحددنا لاكن بالنسبه للفندق تقريبا 10 الاف ريال
وياليت تفيدني اذا الجو بيكون براد او لا

10 الاف واربع اشخاص مع افطار صعبه جدااااااا
ياليت شقق تكفي بالمبلغ هذا
8 ليالي تساوي 9 ايام

لان اخوي انا ادور على فندق يبعد عن الشانزليه مسافه بسيطه وتقريبا هو بحدود برج ايفل وبحثت ولقيت فنادق باسعار اقل م 10 الاف
لاكن مانب عارفه ايش الافضل من ناحيه الفنادق والامان والخدمات عشان كذا حابه استفسر

ابحثي خلف قوس النصر
واكتبي ما اعجبك من فنادق ونقولك وش الزين
من ناحيه امان ولا تخافون
اذكروا الله وأقروا الورد
وابتعدوا عن اي عربي او احد يكلمكم طنشو

باريس غرف فنادقها صغيره لعلمك
الباصات لا اعلم اي باصات تقصدين
http://www.booking.com/hotel/fr/roya...ability_target

وما حولها كويس

http://www.booking.com/hotel/fr/balm...ml?aid=1329869

http://www.booking.com/hotel/fr/la-r...ml?aid=1329869

مشكور اخوي ماقصرت الحين بشوف الفنادق واختار افضلها
بس الباصات انا اقصد باصات يعني تنقل فينا بارجاء بارس بدل التكاسي
تنصح فيها او لا ؟
وغير كذا عجزت افهم لما الحين احجز 9 ايام ويقولي 8 ليال يعني كيف طريقتة الفندق بهذا الشي من ناحيه السكن ؟

باصات ما تعاملت معها بس يمدحها من جربها

خلاص حزاكم الله خير ماقصرتوا الحمد لله حجزت فندق
Chambiges Elysées

والله يتمم على خير

لكن الله يعافيكم كيف الاجواء تكون هناك ؟

رررحله موفقه ان شالله من الموبايل

جزاكم الله خير جميعا ماقصرتوا
بالنسبه لحجزي حابه اسالكم
رحلتنا تتكون عباره عن 11 ساعه ورجعه 18 ساعه وشوي
تلخبطت شوي باالساعه بحيث ان الخطوط ماكتبون صباحا او مساءا ,
فياليت تفيدوني
انا اتوقع اني فهمت الاقلاع و الوصول لاول يوم لانه اقل من 12 ساعه فمايمشون على نظام 24 ساعه اعتقد
لكن من ناحيه الرجوع فاكثر من 18 ساعه فما فهمت متى راح يبدا الاقلاع ومتى راح نوصل بالضبط
ومن ناحية الجو بيكون برد مع ثلج ولامجرد براد عادي يعني ناخذ معنى بالطوات برايكم ؟
http://www.gulfup.com/show/X9ea3qgkrlckcwg

من القصيم الي جده ساعه وثلث
وبتجلسون تنتظرون من تسع وربع الي موعد اقلاع رحلتكم الساعه وحده الا خمس
المشكله بالعوده يبيلكم تسكنون لانه بتوصلون الساعه 7 الا خمس ان شاءالله ورحلتكم من بكره الصباح 6
قبل الرحله بخمس ايام تابعي مواقع الارصاد وجهزي الشنطه البالطو خلوها برا الشنط اخف لكم وعلشان لو الجو بارد لحظه الوصول تلبسونها

اها , جزاك الله خير اخوي ماقصرت وان شاء الله بحط بالحسبان البالطو
بس انا حبيت استفسر موعد رجعتنا الساعه 11 هو ليل ولا صباح ؟

العوده بتكون صباح الاربعاء بتوقيت باريس 11

الحين لمى احجز مثلا من يوم 13 الى 21 يكون 9 ايام لاكن يكتبون 8 ليال

طيب يكون المغادره يوم ايش بوقت ايش مافمت يعني يوم 21 بالييل ولاصباح ؟
واذا بغيت احجز بديزني يومين يقولي ان الحجز عباره عن ليله وحده , يقولي وصولك 22 اكتوبر ورحيلك 23
طيب يكون صباحا او مساءا الرحيل ؟
لان طيارتنا يوم 24 فمافهمت يعني يوم 23 تصير اقامتي مخلصه كله الصباح ولاكيف ونقس هالكلام بالنسبه ليوم 21
مافهمت ابد هالنقطه ويارب اكون موضحه كلامي

يعني هنا مثلا متى خروجنا من الفندق راح يكون والساعه كم؟

http://www.gulfup.com/show/X34s6ryb7tl0ksc


بليز احد يساعدني مافهمت وربي

9 ايام يساوي 8 ليالي
يومين يساوي ليله

الخروج الساعه 12 والدخول الساعه 2 بجميع فنادق العالم
بعض المرات اذا فيه امكانيه يدخلومنكم بدري

الله يعافيك يافيصل والله ماقصرت

بس عن الجلسه في الرياض هالفتره والله متعبه يعني سكن وغثى

يعني الوصول لللفندق الساعه 2 الظهر ؟
و الله يعافيك يوم 21 نطلع منه الساعه 12 الظهرولا ننطلع اليوم اللي بعده 22 ؟
لاني ناويه احجز بديزني بعد مانطلع من الفندق ما ادري احط حجزي كيف يعني يوم 21 ولا 22 ؟
وديزني ناويه اجلس يومين فيها يعني احط يوم 22 اللى 23 ؟
لان طيارتنا يوم 24 الساعه 11

خروج يوم 21
ديزني خلوها تبدأ من يوم 21
وخروجكم يوم 24