الموضوع: فزعتكم لاهنتو

مساكم الله الف خير اخواني الاعزاء

ياريت احد يقدر يفيدني انا في مانيلا تقريبا لي خلصت سنه

وباقي لي سنه و8 شهور ان شاء الله ربي يعديها على خير

ادري بتقولون وش احس به بس احس اني بختنق واموت اذا مالقيت حل

انا سلمكم الله دبلوماسيه وحصلت لي الكثير والكثير من المشاكل

جوالي في كل شي خاص فيني انسرق وغير كذا الجامعات كل ماسجلت

طبعا احيان تروح وحده هي تتكفل بكل شي وتتفق معهم على سعر معين

ويوم اروح بنفسي يزدو علي ب السعر وتراني طفشت وكره

وانا لازم اخلص الجامعه قبل لاتنتهي السنه ويسير اطلب تمديد الله لايقولها واقعد في ذي البلد الخايسه

فياريت اللله يعافيكم تكفون اذا في مجال تعطوني اسم جامعه تكون قريبه من مكاتي ستي

ايلاا افنيو واسعارها معقوله مع العلم التخصص اللي انا بدخله قسم ادب انجليزي

الفزعه مع بنت ديرتكم الله لايهينكم

اتمنى الاقي رد في اقرب وقت الله يجزاكم الجنه لان احتمال اروح اجازه للسعوديه الشهر الجاي

وابي قبل لااروح مرتبه كل شي تكفوووووووووون لاعدمتكم

تقبلو ودي واحترامي لككم:

المغتربه

مواضيع عشوائيه ممكن تكون تعجبك اخترناها لك:

• فزعتكم ، هل يوجد فندق بمطار مانيلا الدولي ؟
• كم يكفيني من غير التذاكر السفر الى مكاتي سوبك بروكاي
• أبحث عن مصمم أزياء فلبني
• نداء الى
• الف مبرووووك لـــ مميزين وخبراء بوابة الفبين
• من رحلاتي
• الكهرباء في مانيلا تكفي بكرة مسافر
• مطار مانيلا
• زيادة عدد السياح بنسبة في الفلبين
• اعصار اوندوي لم ينتهي بعد
• منتجع الهيلتون في سيبو
• مساعده سريعه
• شهر عسل لزوجتي طبعا متاخر
• انطباعي عن مانيلا
• كشفت أن بعضهم هارب من كفيله والبعض الآخر لا يملك قيمة التذكرة
• انتبهوا من المدعوه بريسلا
• فيضانات الفلبين
• لمن يرغب دراسة الانجليزي في مانيلا هذا دليلك
• ياخبرا مانيلا احتاج بعض المعلومات
• هل يوجد معاهد جيدة لتعليم اللغة الإنجليزية ؟؟

جوازك دبلوماسي ومتوهق بصراحة قوية

طيب ورى ما تروح السفارة وتاخذ العلم من راسهم وراح يساعدونك ويدلونك للطريق الصحيح هذا اذا ما ارسلو معك مندوب تبع السفاره يخلص امورك وانت رجل على رجل

عموماً بالتوفيق

مو السفاره سلمك الله عطوني ورقه قائمه بجميع الجامعات بس وربي ماني مستوعبه شي

وخاصه الاوضااع صعبت اكثر من قبل سار كل شي الحين بحذر كل مااختار جامعه قالو لي ذي بعيده وبيكون في خطر عليك

وفي كذا جامعه اروح لها يقولون لي الحجاب ممنوع وانا والله ماعندي استعداد اضحي بحجابي عشان الدراسه

ولاابي اغيره لانه صعبه والموقع الي انا فيه كله سعوديين في تحسون الوضع صعب

الله يعينك يالمغتربه وياليت كان معاك رجل يساندك هناك
أولا نحن هنا لانرضى ماوصفتي به البلد الموقع يخدم السياح ... فيه مواقع خاصه تخدم الدراسه والطلاب المبتعثين .ولن يبخل احد هنا ممن يملك المعلومه معاك
واللي أعرفه أنه ولا جامعه بالفلبين معترف بها هنا ويجب عليك مراجعة التعليم العالي.والفلبين بلد حره ماأظن تمنع الحجاب وانا شفت طلاب يدرسون بحجابهم .للأمانه ليس بمانيلا بل في سيبو وأقليم مندناو
عندك جامعه اتينيو دى مانيلا

http://www.ust.edu.ph/ جامعة سانتوس توماس

اسفه ان كان اسئت في الوصف والله موب قصدي انا الحمدالله متزوجه وعمري 18 سنه بس الظروف زوجي رجع للسعوديه

في مهم رسميه اظطر انه يتركني مع خدامه والسواق والحمدالله حريم اصدقائه ماقصرو بس فترة جلوسه بالسعوديه بتطول

والوضع هنا صعب ويخوف وقسم ب الله ماابالغ لي تقريبا شهرين ماطلعت من البيت وخوف ممتلكني من كل مكان

في نااااس اعوذب الله يجيبين القلق للي مايقلق وهذا سبب خوفي عشان كذا ابي انشغل وادرس واضيع وقتي

وعن الحجاب والله ماابالغ س في مضايقات بكثره تسير لي مع اني مو مغطيه وجهي بس مجرد حجاب عادي بالزي السعودي

واكثر المضايقات اللي تجيني وللامانه من العرب وليس من الفلبين نفسها وغير كذا في جامعه في مابيني هي حلوه وكل شي بس عيبها انها بعيده عن موقعي وهذا اللي مصعب الامور

ابي جامعه تكون قريبه من مكاتي سيتي وياريت تعطوني تقرير كامل ب الاسعار والاحتياجات تكفوووون ...

جامعات العالم http://www.4icu.org/ph/&rurl=transla...MFSoIXSzE-SfEQ
واتمنى لك التوفيق .وبعدين الزم ماعليك زوجك وش يجلسك هناك مدامه مطول هنا ..............

جربي اختي هذي
http://ph.88db.com/ph/Services/Post_...?PostID=216744
او هاذي
http://www.admu.edu.ph/
او هذي اللستة اعتقد بتفيدك كثير
http://en.wikipedia.org/wiki/List_of...he_Philippines

وبالتوفيق اختى الفاضلة

يعطيك ربي الف الف عافيه اخي العزيز

ابو دحيم الله يسعدك ويوفقك يارب

وكل اللي فزعو لي لاهنتو والله

الله يوفقك ويستر عليك ويسخر لك خلقه

انصحك بالاتجاه الى
سيبوا
او مندناو وهي افضل لوضعك الراهن

واكثر المضايقات اللي تجيني وللامانه من العرب وليس من الفلبين



يا سلام على شبابنا هذا هو إلى فالحين فيه !! البنيه في الفلبين و موخايفة من الفلبينيين بل خايفة من شبابنا هههههه
والله شي يبكي يضحك !!!!!
أتمنى لك التوفيق ،،،
بالنسبة لي ما رح أنصحك بأي جامعة لأنك لوحدك بس اقول الله يوفقك

عفوا لا شكر على واجب

أتمنى أنك تقدرين تفيدني على هذا الرابط
بحكم تخصصك
وشكرا
http://www.arabtravelersforum.com/tr...5/#post3955455

اذا كنتي خايفه على نفسك من الفتنه ارجعي الى بلدك عند زوجك
وان شاء الله يعوضك ربك في شي يكون افضل لك من دراستك
او تكملي دراستك في بلدك حتى لاتخسري دينك من اجل
غرض دنيوي الصحابه رضوان الله عليهم هاجرو
من مكه الى المدينه وتركو اموالهم خوف من الفتنه

على دينهم الله يوفقك في الدنيا والاخرة