اسمع اخوي اولا مبروك وثانيا بالنسبة للعملة حط في بالك ان الدولار تقدر تحوله في اي منطقة في العالم يعني خذلك المبلغ اللي بتشيله معاك كله دولارات بس من عملة البلد اللي بتروحله خذ حق اول يوم وبعدين صرف اللي تحتاجه من هناك. بالنسبة لسنغافورة انا بعد رحتلها شهر عسل مع ماليزيا وفيها اماكن وايد حلوة بس لاتطول اكثر عن اسبوع فيها ومن ضمن الاماكن اللي لازم انك ماتفوتها جزيرة سنتوسا وهاي تروحلها بالتلفريك او الباص بس طبعا بالتلفريك احلى الا اذا عندك فوبيا المناطق العالية فما انصحك تروح به وعندك بعد حديقة الحيوان والنايت سفاري هم جنب بعض ويبغيلك تروح بالاول عالحديقة وبعد المغرب عالنايت سفاري وعندك بعد شارع اورشد رود وايد راقي بس نصيحة لاتكثر مشترياتك من سنغافورة لان نسبيا غالية وخل المشتريات من ماليزيا. وبالنسبة لماليزيا لاتفوت جزيرة لنكاوي يعني قمة الرومانسية وتستاهل يومين يعني استرخاء في الفندق وانصح بفندق الوستن . وهذا ما في جعبتي واي استفسار حاضرين للطيبين

مواضيع عشوائيه ممكن تكون تعجبك اخترناها لك: