الموضوع: استفسار بخصوص الشنغن والحجوزات الوهمية

السلام عليكم ورحمة الله وبركاته,,
بغيت استفسر عن الحجوزات الوهمية ,,,
نوينا نطلع الفيزا ان شاءالله من السفاره السويسريه
ونبي نسوي حجوزات وهميه عن طريق بوكنج
الســـــــؤال:
هل استطيع اسوي الحجوزات الوهمية والحقيقه بنفس الوقت
والا راح تكشفنا السفاره وتعرف اننا نلعب عليهم؟؟؟ لان الصراحه
اغلب السكن الكويس يتفلل بدري,,معقوله نجلس ننتظر مانحجز الا بعد ماتطلع الشــــــنغن؟؟

مواضيع عشوائيه ممكن تكون تعجبك اخترناها لك:

• ساعدوني
• أستفسار عن فندق
• السفر مع طفل لمكان بااااااارد
• آرائكم في مخططي في مايو
• استفسار بخصوص سياره من شركة
• أنقذوا شهر العسل
• نداء عاجل لكل الحبايب
• رحلة عمل يتخللها سياحه مطلوب استشاره
• نصيحه لمن برغب بزيارة البحيره الزرقاء
• سؤال عن استخراج فيزا الشنقن من السفارة السويسرية
• استفسار عاجل للي قدم الصور للسفارة السويسرية
• استسفسار
• الفززعه يا خبراء مره محتااسة
• الخطه المقترحه من المكتب
• اقتراحاتكم للسكن في جنيف انترلاكن لوقانو
• آنسي وماحولها رايكم فالجدول
• السحر السويسري في المعابر الجبليه
• استفسار طاريء ومستعجل من لوقانو حاليا
• مساعده في تعديل جدول الرحله
• تنسيق جدول الى انترلاكن

السلام عليكم ورحمة الله وبركاته:

حياك الله اختي .


اكيد فاهمين الحجوزات الوهمية غلط .


ترى عادي تحجزو فنادق الان ..وتقدمو على الفيزا ..وقبل السفر بيوم بإمكانكم تغيروها بالراحة .




الحجوزات الوهمية مثلا ..انتم رايحين سويسرا للوجهة الاساسية ..بس تبغو تطلعو الفيزا من الفرنسية ..هنا تبدأو تحجزو حجوزات وهمية في فرنسا عشان تطلع الفيزا .




وبالتوفيق

اعتذر,,لاني ماوضحت السؤال مظبوط,,
الفيزا راح نطلعها من السفاره السويسريه ودخلونا من جنيف ولكن اغلب السكن راح يكون
بالنمسا وايام سويسرا قليله جدا,,لكن انا بسوي حجوزات وهميه لسويسرا
علشان الفيزا وبنفس الوقت ودي احجز حجز حقيقي من الان السكن في النمسا لان السكن الكويس
يتفلل بدري ,,سؤالي ...اقدر اسوي هالشيء والا السفاره راح تكتشف ان عندي حجوزات بالنمسا؟؟؟؟؟
والا هالشيء مايقدرون يعرفونه؟؟؟
وجزاكم الله خــير,,

جزاكم الله خير
بتوكل على الله واحجز والله يسهلها

طيب سؤال صغير
ليش ما تطلعون تأشيرتكم من السفارة النمساوية وبحجوزاتكم الحقيقية

مرحبا اخي
كنت في القنصلية السويسريه بجدة الاربعاء الماضي واحد الموظفين بالقنصلية سمعته يتكلم مع شخص يقول له ان القنصل الجديد يشيك على الحجوزات بالفنادق ورفض طلبات كثيره لديهم حجوزات وهمية
عموما طلع الفيزا من الفرنسية او الايطالية اقل شي يعطوك 6 اشهر ومتساهلين جدا اما السويسرية لو جاملوك بيعطوك 3 اشهر بالتوفيق

ما أعتقد زحمة وقلق
أنا العام الماضي مطلع تأشيرتي منهم والوضع عادي جدا وهذي السنة أيضا نفس الطريقة

خلاص شوركم وهداية الله,,
بنقدمها على النمساويه ,,الف شكر لكم,,وجزاكم الله خير

المشكله لما نجي نسأل عن تجربة كل شخص طلع شنغن
يقول السفاره الفلانيه ممتازه على سبيل المثال السويسريه
وتلقى الف واحد يمدحها
ولما نجي نتكلم بالمواضيع العامه تلقى الكل يسب
الشنغن الايطاليه او الفرنسيه
بصراحه والله العظيم من جد احترنا
ماندري وين الشنغن السهله
واتمنى من كل الناس بأنه لايسب أي سفاره ماتعامل معها شخصياً
لمجرد السماع من اشخاص وبعدها يخرب على الناس ويجعلهم
بقلق ودوامه مايدرون وين يروحون لأي سفاره
////// أنا عن نفسي /////
أشوف أي سفاره توفي الشروط اللي طالبينها 100% تكون سهله
ولا فيه أي مشاكل
اما بخصوص الحجوزات الوهميه مافيه أي مشكله فيها
حتى لو توصل بالمطار
الامور كلها سهله
والله يوفق الجميع يارب