الموضوع: أستفسار عن بعض الولايات

السلام عليكم

شخباركم شباب
انا قرأت اغلب المواضيع ولكن لم اجد فيها الاجابات الكافيه لبعض أسألتي وسوف اطرح الاسئله واتمني لقاء الاجوبه الكافيه والواضحه لي انا ولغيري من الشباب المخططين لسفر الي أمريكا.

أبي ولايه او 2 في أمريكا تكون سياحه وجميله وتكون الاسعار مناسبه لشاب جامعي ويكونون الاشخاص الاصليين حبوبين فرندلي مع الكل مع العلم أنه راح يكون معاي مبلغ قدره 1000 دينار كويتي وهل هذا المبلغ يكفي لمده 3 او 4 اسابيع ومع العلم انا راح اسافر لوحدي اود ان اجرب السفر لوحدي ولا اريد حدوث المشاكل او " النكبات " هناك.

وشاكر لكم

مواضيع عشوائيه ممكن تكون تعجبك اخترناها لك:

• طلب كتابه ترجمه
• شروط الحصول على الفيزا العلاجية
• استفسار تقديم الأوراق في القنصلية الامريكية بدبي
• استفسارات حوله فلوريدا
• اجمل اسواق لوس انجلس مرفق رابط كل مجمع لمعرفه المحلات والمطاعم والسينما والموقع
• كثرت الاسئلة وتعددت الاجوبة ومالها بعد اللة الا
• استفسار عن نموذج الفيزا
• الي خبراء
• رحلتي الى كاليفورنيا في واحتاج عصارة خبراتكم
• التفتيش في مطار نيويورك
• ياليت معلومات عن بنساكولا
• الســكن في نيــويورك شقق فندقيه
• عاجل ياجماعه ابغى اغير موعد المقابله من الظهران الى الرياض
• سؤال ضروري للمشرف الغالي
• مستعجل الله يعافيكم ساعدوني بالفيزا
• مساعده في المواصلات
• الحياة العامة في أمريكا ـ نبذة عامة
• استفسار عن طريقة حجز الفندق ؟؟ساعدوني تراني ضعت
• Zoological Wildlife Foundation ميامي ورحله رائعه الى
• افضل الاماكن لشهـر العسل في امريــــــــــــــــــــــــــــــــــــكا

يعتمد! انت شنو تحب؟ خصوصا الحين ثلاث ارباع امريكا ثلج وبرد.. عموما عندك ولايات حاره وبارده وكل ولايه له طابع معين
الاغلبيه يروحون نيويورك بالشرق والحين نيويورك بارده حيل..

وفلوريدا تكون تحت والجو معتدل وحلو.. فيها ديزني ويونيفيرسال والسي وورلد ومشتقاته.. وهذي الولايه الي انصحك فيها حاليا
وعندك لوس انجلس ولاس فيقاس.. هذي مدن جوها حلو ونفس فلوريدا مدن ملاهي وتسوق..

وبالنسبه لميزانيتك هالشي يعتمد على طريقه صرفك.. بالتسوق, والاكل, والترفيه .. إلخ

كاليفورنيا حلوة ..
و فيها العديد من المدن اللي تستحق الزيارة ..

يعطيكم العافيه
انا ابي ولايه تكون رخصيه بالسكن يعني تقريبا من 30 الي 70 دولار يوميا بس انا هذا الي يهمني اذا وفررت السكن توفر كل شي ويكون التسوق فيها حلو مو غاالي وشاكر لكم

اخوي 1000 دينار يعني تقريبا 3400 دولار , اذا قصدك من المبلغ مصروف جيب ان شاء الله تكفي لشخص واحد لمدة اسبوع الى عشرة ايام , طبعا هذا خارج عن ميزانية الموصلات والسكن والتذاكر لان التذكره بروحها ماعتقد بتقل عن 1500 دولار من ديرتك الى نيويورك ( اقرب مدينة للخليج )
بالنسبه لنيويورك صعبه تلقا فندق بو 30 دولار لان المدينه غالية يعني اقل سعر لفندق نظيف وخارج التايم سكوير 140 وطالع
بالنسبة لفلوريدا (مدينة اورلاندو ) تلقا فنادق نظيفه ب 100 دولار وطالع , اذا كان اقل ماعتقد بيكون نظيف ..
ولوس انجلوس فنادق الشمال غاليه ياللا تلقى فندق نظيف بسعر 160 دولار ولا بعد تكون الغرف شبه شاغره
المواصلات غالبا بتكون بالسياره سواء باص او تاكسي او تستاجر وافضل سعر هو انك تستاجر سياره وحسابها بيكون فاليوم مب اقل من 30 دولار ..
المطاعم ماعتقد راح تكون هناك مشكله لان الخيارات متعدده من مطاعم فاخره ومطاعم الوجبات السريعه يعني الاختيار امامك واسع
اتمنى اكون افدتك