الموضوع: ساعدوني في اي منطقة اسكن ؟

مساكم سكر

انا ان شاء الله مسافر لسويسرا لمدة 8 ليالي بتاريخ 5 الى 13 ابريل وبنزل وبطلع من مطار جنيف.. انا مسافر مع زوجتي وبنتي 4سنوات .. وبستاجر سيارة من المطار.. ومحتار كيف اقسم السكن ووين اسكن .. وما ابغي ابدل السكن وايد .. يعني لو اقدر اسكن في مكانين افضل لي .. شو رأيكم ؟

انا افكر اسكن لمدة اربع ليالي بين انترلاكن او مونترو .. شو رايكم اي وحدة للسكن اجمل وفيها خدمات اكثر من مطاعم وسوبرماركتات وخدمات؟ .. والاربع ليالي الباقية انتظر رايكم فيها من الموبايل

مواضيع عشوائيه ممكن تكون تعجبك اخترناها لك:

• ترتيب رحله فرانكفورت وزيورخ
• عشـــــــقــــــــــــت ديـــــــــــــرة كلهااااا خضراءموضوع رحلتي
• السفر من سويسرا لباريس بالسيارة او الفطار
• مساعدة بخصوص ترتيب رحلتي إلى زيورخ وانترلاكن
• زيورخ وميلان
• هل الطريق من زيورخ لغريندلوالد وعرة ومرعبة ؟؟
• طريقة حساب ميزانية السفر لسويسرا
• خبراء سويسرا مشوورتكم لم يسبق لي السفر
• طلب مساعدة لتنظيم جدول
• آرائكم مساعدتكم نصائحكم تهمني
• طلب المشوره لحجوزات الصيف القادم
• استفسار بخصوص قمة جونقفرو
• عندي استفسارات ممكن
• رحلتى الى سويسرا لاغير
• مدن سويسرا
• ساعدوني أرجوكم متوهقه
• عروسة سويسرا
• سويسرا بدون سيارة مع سويس باس لاهنتم يا خبراء
• ترتيب رحلتي في سويسرا وفرنسا
• ساعدوني بمخطط لسويسرا وايطاليا

ياليت المسؤول عن المنتدى ينقل الموضوع الى منتدى الاستفسارات.. وآسف عن الغلط والنشر هنا من الموبايل

السلام عليكم ورحمة الله وبركاته ::


هلا اخوي بدر ..والله يسهل لكم سفرتكم .


بالنسبة للمخطط ..عندي اقتراح ثاني ...ولا تهون مميزتنا يوفيرسال على العين والراس .


الوصول الى جنيف والسكن في مونترو ثلاثة ايام
انتركن ثلاثة ايام
جنيف والريف الفرنسي يومين.


او المخطط الاخر:
الوصول والسكن في لوزان يوم واحد
انترلكن اربعة ايام
جنيف والريف الفرنسي يومين




وفي انتظار ردك .

المشاركة الأصلية كتبت بواسطة The universal
http://www.arabtravelersforum.com/tr...8/#post7601026

من 5 ابريل الى 7ابريل

اسكن في الضواحي الفرنسيه
تواريه , ديفون ..

منها ترتاح وتزور جنيف وتكتشفها وتمربيوم ثاني انسي ومجيف ومنترو

ومن 7 ابريل الى12ابريل
تنزل على انترلاكن وتزور لوزيرن ولوسان وجريندوالد وتمر الزحليقه الصيفيه بانترلاكن

وكان تنزل يوم من بدري ليورب بارك

ويوم 12 تنزل لجنيف لترجع لديارك

وكان في خطا الاخبر مني يصححون لي



مشكور أخوي يونيفيرسال على الاقتراح.. حطيت في بالي ديفووون ... وايد أسمع عنها ... وباخذ برأيك وبسكن ليلتين فيها






المشاركة الأصلية كتبت بواسطة Medo 77
http://www.arabtravelersforum.com/tr...8/#post7601644

السلام عليكم ورحمة الله وبركاته ::
هلا اخوي بدر ..والله يسهل لكم سفرتكم .
بالنسبة للمخطط ..عندي اقتراح ثاني ...ولا تهون مميزتنا يوفيرسال على العين والراس .

الوصول الى جنيف والسكن في مونترو ثلاثة ايام
انتركن ثلاثة ايام
جنيف والريف الفرنسي يومين.

او المخطط الاخر:
الوصول والسكن في لوزان يوم واحد
انترلكن اربعة ايام
جنيف والريف الفرنسي يومين

وفي انتظار ردك .



أشكرك أخوي ميدو .. اقتراحك أعجبني جدا .. وقررت آخذ به ... ليلتين في ديفون و 3 ليالي في مونترو و 3 ليالي في انترلاكن..

لكن السؤال الفني اللي يدور في رأسي.. هل أخلي ديفون أول ما أوصل أو آخر الرحلة...؟؟

وبالنسبة لمطار جنيف.. لو قررت أني اروح ديفون... هل أقدر أطلع من الجزء الفرنسي...؟؟ أو لازم اطلع من الجانب السويسري ؟؟؟ لأنه في مواقع تأجير السيارات دائما يكون في اختار (الجزء الفرنسي أو السويسري)

من وجهة نظري انك تخليها ارخ الرحلة :.


يعني المخطط يكون كذا :
مونترو ثلاثة
انترلكن ثلاثة
ديفون يومين




وعاااااادي تقدر تطلع للجزء الفرنسي ..وترجع للسويسري ..ومرة ثانية تروح للفرنسي ...محد درى عنك .
مافي نقاط حدودية تفتيش وخرابيط بين الدول الاوروبية .


تلقى مراكز تفتيش ..كويس اذا لقيت فيها احد ...وممكن بعض الاوقات يكون في عسكر واقفين كاجراء روتيني .


واذا كانت السيارة اللي مستأجرها من الجانب الفرنسي ما عليه ملصق ضريبة الطرق السويسرية ...تقدر تشتريه من عندهم .


وبالتوفيق أخوي .

أشكرك يا ميدو ... شورك طيب وان شاء الله بأخذ فيه ...