رتب لك جدول سياحي مرتب اكثر
بحيث تقسم وقتك باليوم فترتين الفتره الصباحيه فطور وتتمشي في مكان والفتره المسائيه عشاء وسهر في مكان
والاهم تستغل وقتك وتنجز يعني تشوف الاماكن القريبه من بعض
المواصلات خذ لك باريس فيزت لمده 4 ايام شامل مترو وباص
اول يوم افضل يكون جوله بالباص السياحي وارشح لك الاصفر لانه يوديك لاماكن مايروح لها الاحمر سعره 34€ مدته يومين
بسوي لك جدول مبدئي :
اليوم الاول : جوله بالباص وانزل بالشانز + فطور والتجول به والمساء ايفل (احلا بالليل) والتجول بالمنطقه ورحله نهريه ليليه تشوف اضواء باريس جدا رائع المنظر
اليوم الثاني: اللوفو والكنكورد وحديقه تويلري جنب بعض ويمديك تخلصه بالصباح والمساء ممكن تروحون متحف الشمع ع الساعه 3 لانه يسكر 6 والسهر والعشا بالشانز في مطعم حلال في مجمع le66 جنب الماريوت اسمه الكشميري عنده برياني حلو جدا المطعم متواضع جدا لكن اكلو لذيذً
اليوم الثالث : الصباح فرساي والمساء الاوبرا والتسوق في غاليري لافييت والتجول بالمنطقة كلها محلات تجاريه
اليوم الاخير : ديزني لاند

في باقي متاحف وحدائق واللاديفانص والحي اللاتيني به مطعم هندي خطيرر اسمو مهراجا وايفل بالنهار والتجول بساحه مارس بس مافي وقت عندك
منطقه الباستيل والشاتليه حليوه وحيه وفيها محلات هدايا رمزيه كثير

الشانز : في بين لويفيتون ومقهي الفوكيت شارع اسمه جورج سانك حلو ولابد من زيارته انزل مشي اخر الشارع افينومونتين شارع الماركات كله ماركات عالميه احب هالشارعين وقراب

الاوبرا : فيها شوارع مهمه للتسوق (عشان المدام هههه) وهي : شارع اسمو رويال كله محلات
وشارع سانت هونور اسمو بالفرنسي سانت اونوغي اخره شارغ ريفولي ثم تشوف ساحه الفوندوم اغلي منطقه بباريس كلها محلات مجوهرات وفنادق فخمه ومحلات تجاريه

واي سوال انا بالخدمه* من الموبايل