الموضوع: ابي الفزعه في تخطيط شهر العسل باوربا

السلام عليكم في البدايه اشكر الجميع في هذا المنتدى ان انشاء الله زواجي في شهر اوقست شوال بالهجري وان شاء الله ناوي شهر العسل في اوربا لمدة 23 يوم محطة الوصول هي فيينا والمكوث 5 ايام ثم التوجه الى سالزبورغ عن طريق القطار والمكوث فيها لمدة 3 ايام ثم التوجه الى زيلامسي عن طريق السيارة والمكوث 5 ايام ثم التوجه الى انترلاكن والمكوث 5 ايام ثم التوجه الى جنيف والمكوث 4 ايام يكون خلالها يوم الى فينيسيا ثم التوجه الى المحطه الاخيرة ميونخ والبقاء فيها يومين وتسليم السيارة والعوده الى الوطن ارجو من الاخوة تقييم هذه الخطه واذا فيه اقتراحات فارجو ارشادي ولكم جزييييييييييييييييييييييييييييل الشكر

مواضيع عشوائيه ممكن تكون تعجبك اخترناها لك:

• من باريس إلى انترلاكن أو من ميلان إلى إنترلاكن
• طلب مساعدتي في تنظيم جدول لي لزيارة سويسرا ايام
• اطلب المساعدة في تخطيط رحلة لفرنسا وسوسرا ع الصيف ارجو من له الخبره يزودني ولكم جزيل
• الطريق من لوقانو الى جنيف
• منطقة تصلح للسكن العائلى ؟؟ لاهل الخبره لو سمحتوا
• رحلتي لأوروبا صيف
• استفسار بسيط وين خبراء الشنقن
• محتااااجه مساااعدتكم
• الكهف الجيري في سويسرا grottes de vallorbe in Switzerland
• شهر عسل
• استفسار عن خط السير من جنيف الى مينخ
• وش رايكم في المخطط هذا ؟؟؟؟؟
• السفر الاربعاء وابي تخطيط مختلف
• استفسار بخصوص القطارات والنقل
• استفسار بخصوص فندق في جنييف
• مسافر لسويسرا وايطاليا وابي رايكم ومشورتكم
• بعد الانقطاع عن تكملة التقرير الخاص بسويسراعادت حلاقاتة من جديد
• احتاج خبراتكم في رحلتي
• تائه في انترلاكن
• استفسار عن اوروبا بارك في فبراير هل اهي مفتوحه

السلام عليكم ورحمة الله وبركاته ::


هلا اخوي ابو سعد ..الله يسهلكم سفرتكم .


انت في المخطط كنت ماشي صح ..الين جبت طاري فينيسيا ..انت متجه غرب وفجأة ترجع شرق..انصحك تشوف المدن على خرائط قوقل .




والله ما ادري وش اقولك ..من جنيف الى ميونخ مسافة ستة ساعات ..ومن زيلاميسي الى انترلكن برضو ستة ساعات ...فأنا من وجهة نظرسي اشوفها ارهاق .


على العموم لو كانت زيارة فينيسيا اساسية في المخطط فيكون ترتيب مخططك كالتالي :
فيينا سالزبورغ زيلاميسي فينيسيا ميلان جنيف انترلكن ميونخ .


مستحيل تروح وترجع في نفس اليوم من جنيف .


واذا ماهي مهمة في المخطط ..فيكون مخططك كالتالي:
فيينا سالزبورغ زيلاميسي انترلكن جنيف كونستانس ميونخ .


كونستانس تخلي لها يومين ..وشيل من ايام جنيف يوم ومن ايام سالزبورغ يوم ايضا .




ولك حرية الاختيار .


وانا في انتظارك اخوي .

في البدايه اشكرك جزييل الشكر على الرد طيب كم احط يوم لميلان وكم المسافات بين المدن في الخطه الاولى بعدين انا حاط لفينيسيا يوم واحد

طيب لوخليت روحتي لفنيسيا من زيلامسي يعني اجلس بزيلامسي يومين واليوم الثالث اطلع فينسيا وارجع لزيلامسي واجلس ثلاثه ايام بعدين اطلع على انترلاكن وبعدها على ميونخ والغي جنيف

اخوي ميدو اشكرك وسامحني على كثرة الاسئله بس انا سالت عن ميلان ما مدحوها لي ارجو منك تنصحني ايش العمل

السلام عليكم ،
أرجوأن تجد بعض المعلومات المفيدة على الصفحات الالكترونية التالية:

http://www.austria.info/ae

http://www.zellamsee-kaprun.com/ar

http://www.wien.info/ar


http://www.hotel-salzburg-city.de/ar

http://ar.myswitzerland.com/ar/page.cfm/Home

http://www.swissp.net/

http://www.premiumswitzerland.com/ar/

http://www.premiumswitzerland.com/ar/

http://sites.google.com/site/ibnobattuta/tour-guide/

مع السلامة.

انا ما ادري وش قصة فينيسيا تروح وترجع لها في نفس اليوم .؟؟ .


ياخي بعيدة عن زيلاميسي وعن جنيف ..عندك حل وحيد هو انك تمر عليها مرور ..او انك تسكن في ميلان وتروح لها بالقطار روحة وردة


ومخططي لك اللي في البداية اللي فيه فينيسيا الاقرب من وجهة نظري .
ويكون توزيع الايام كالتالي:
فيينا ثلاثة
زيلاميسي اربعة
فينيسيا يوم واحد
ميلان او كومو او لوقانو يومين
جنيف ثلاثة ايام
انترلكن خمسة ايام
كونستانس يومين
ميونخ ثلاثة ايام


وبيني وبينك مافي شي في اوروبا مو حلو ..والناس اذواق ..وانت شوف وش اللي ودك فيه وتزوره ويكون معقول.


ممكن تقوللي المخطط حقي كثير التنقل ..اقولك لأن عندك ايام كافية ما شاء الله ..والمدن المراد زيارتها متباعدة .




وفي انتظار ردك اخوي.

اشكرك اخوي ميدو على نصيحتك وانا انشاء الله راح اخذ برايك لكن عندي بعض الاستفسارات وارجو اني ما اثقل عليك انا من خلال قراتي لبعض التقارير اخذت فكرة عن الاماكن اللي ازورها في النمسا وميونخ فلو تكرمت لو تساعدني في جدول يومي لزياتي لميلان وجنيف وكونستانس وانترلاكن ولك مني جزيل الشكر والدعاء في ظهر الغيب

طلب ثاني انا حاط ميزانيه تقريبا 60 الف ريال تشمل كل شي هل هي كافيه ارجو الرد

هلا والله اخوي بو سعد ..


بالنسبة للميزانية ..صعب تقول كل شي .
احسب التذاكر بالاول + احجوزات الفنادق (وكلها تكون مستردة ) + ايجار السيارة .
واحسب حساب أولي 1000 ريال في اليوم شامل العشاء والتمشيات والبنزين .


وان شاء الله تكون اقل من 60 الف ريال .


==========
بالنسبة للشنجن ..نعم من السفارة النمساوية ..بس لازم تغير المخطط تغيير بسيط .
ان عدد الايام في النمسا يكون اكثر من الدول الاخرى.


يعني تزيد زيلاميسي يوم واحد ..وتشيل يوم من انترلكن او من ميونخ .


عشان تكون في السليم .




الشنجن تطلع من الدولة الاكثر اقامة ..بغض النظر عن مدينة الوصول في اي دولة .
لكن ..شوف لكن ..مع نظام البصمة الجديد ..هل تغير شي ..الله اعلم .
لأن النقاش هذا صار مع اصحابي وتعارضت الاراء فيه خصوصا هذه السنة .
فممكن تتأكد برضو من مكتب التأشيرات الموحد عشان تكون في السليم 100 % .




وبالتوفيق