الموضوع: استفسار عن موقع ايكيا للمفروشات

السلام عليكم ياشباب انا من السعوديه وساكن قريب من الكويت وودي اخذ اثاث من ايكيا فحاب منكم الله يحفظكم موقع ايكيا وحبيت بعد من اللي عنده خبره يفيدنا هل عليها جمرك يعني انا باخذ حاجات خفيه اكسسوارات مثلا بس كثيره شوي هل عليها شي من الجمارك او ماشابه...

الف شكر لكم مقدما

مواضيع عشوائيه ممكن تكون تعجبك اخترناها لك:

• مسافر يومين للكويت وابغا مساعدتكم
• اسواق الالبسة بالجملةممكن تساعدوني؟
• أسواق الكويت الشعبية صور معلومات
• أبراج الكــــــــــــــويت وقصـــة مصٌــورة لشموخ يعانق السماء
• أساور فسفورية
• اول زيارة للكويت الحبيبة و ان شاء الله ما تكون الاخيرة
• كم أسعار الشاليهات في الكويت
• مسلسل نور
• جدول سياحي لمدة يوم في الصين
• هل توجد شقق رخيصة قرب شارع سالم المبارك بالسالمية
• الكويت الحبيبه
• الطقس خلال فبراير
• ماهو الافضل
• سوال مفيد جدا
• رشحولي دكتور لعملية الليزك
• سوال ياهل الكويت عن الشاليهات
• الفزعه ياهل الكويت ماهي افخم شقق لديكم
• تناول عشائك على ارتفاع متر من ابراج الكويت
• دليل التسوق بالكويت
• استفسار حول الفنادق

جمارك ما اعتقد

وموقعهم بالشويخ

تلفونهم 4810477

اذا كانت الكميه مو كبيره ماراح يكون عليها جمارك
بس ريح نفسك ولاتحاتي الجمارك واشتر اللي تبيه من ايكيا الرياض !!
البضاعه نفس البضاعه والسعر نفس السعر

ازرق كويتي الف شكر لك

الفهد ليش ياخوي ماتبينا نجي نشتري من عندكم(انا ساكن بالخفجي الله يسلمك وش قالوا لك يعني اجي من الرياض علشان اشتري مفروشات من الكويت ههههههههه) على العموم مشكورين وماقصرتوا

ههههههههه لا افا عليك حياك الله طال عمرك وهذي بلدك مايحتاج نرحب فيك اصلاً انت اللي ترحب فينا
لكن اقصد تريح نفسك من الجمارك وانا عارف انك من الخفجي والمسافه طويله شوي لكن اقصد تريح نفسك من الجمارك ولا تحاتيها ... منها رحله للرياض (وانا استمتع بالرياض عكس اهلها) ومنها تشتري اغراضك بدون وجع راس الجمارك .. تحياتي لك وتشرفنا في اي تزورنا فيه

المشاركة الأصلية كتبت بواسطة hmoud18


ازرق كويتي الف شكر لك
الفهد ليش ياخوي ماتبينا نجي نشتري من عندكم(انا ساكن بالخفجي الله يسلمك وش قالوا لك يعني اجي من الرياض علشان اشتري مفروشات من الكويت ههههههههه) على العموم مشكورين وماقصرتوا



حياك الله أخوى فى بلدك :24:

اخ حمود حياك الله بالكويت

وادري ان مشاركتي متأخره لكن حبيت اقولك اني اليوم

قريت في الجريده ان عندهم تنزيلات ( تخفيضات ) وقلت

يمكن تمر الموضوع وتشوف المشاركه وحاولت ادز لك

رساله خاصه وما قدرت

اذا كميه كبيره و تجاريه ..
يمكن يكون عليها جمارك..

الف شكر لكم ياشباب وماقصرتوا جميعا والله انكم تعكسون صوره طيبه عن بلدكم

تحياتي لكم

اهلا فيك بالكويت ان ماشالتك الارض تشيلك عيونا

ايكيا حلوه بضاعتة وفية نفس الشارع مجمع يوريكا فية محل ميداس للاثاث والاكسسوارات

انا منتاكدة انه راح يعجبك نفس الشارع موتروح يمين ويسار

ومسوى تخفيضات لما تشوفة راح تكنسل ايكيا مثل ماسويت انا كنت ناويه اشترى من ايكيا

ولما شفت ميداس اللى بالشويخ تغيرت الخطط

تسلم عيونك ياطفوش

ماشاءالله عليك انا سويت اللي لقيته في ردك بس بدون ما اقرى ردك(لاتكون تراقبني )

الله يخليلكم الكويت صراحه ديره تحبها من طيبة اهلها