الموضوع: انتهيت من جميع الحجوزات وإليكم الصورة النهائية

السلام عليكم ورحمة الله ..



الغاية من هالموضوع عشان يستفيديون الأخوة من الأسعار وبنفس الوقت عشان أستفيد آنا من نقدكم أو اقتراحاتكم

آنا خلصت كل شي بس ليلحين ماأكدت على الحجز

عدد المسافرون: آنا وزوجتي وبنتي (( رضيعة ))

- الإقلاع على الخطوط الجوية الكويتية .. سعر الشخص الواحد = 43د.ك ( 245 درهم ) .. وسعر تذكرة الرضيع = 8د.ك ( 100 درهم )

- مدة الإقامة 6 ليالي مقسمة على جزئين : - 4 ليالي فندق مروج روتانا مع فطور ----------------- سعر الليلة 40د.ك ( 508 درهم )
- ليلتين فندق ذا أدريس دبي مول من غير فطور --------- سعر الليلة 90د.ك ( 1140 درهم )


وهذي الأماكن اللي بروحلها بس ماعرف طريقة ترتيبها ياليت تساعدوني يعني شنو الأماكن اللي اروح لها بنفس اليوم وشنو المكان اللي يحتاج يوم كامل ؟


مرسى دبي ..

الممشا والمرينا ..

ابن بطوطه ..

الإمارات مول ..

سوق مدينة الجميرا ..

دبي مول ..

ميركاتو مول ..

سوق نايف ..

ديرو ستي سنتر ..

مردف ستي سنتر ..

حديقة الخور ..

مجمع فيتيفال سيتي ..

السوق الصيني دراغون ..

الأوت ليت ..

القرية العالمية ..

قرية البوم السياحية ..


وسؤال أخير .. هل تنصحوني بتأجير سيارة ؟ أم أعتمد على المترو ؟ أم فقط أأجرها باليوم اللذي سأذهب فيه للسوق الصيني والأوت ليت ؟؟

وأتمنى الجواب الكافي

ودمتم بود ..

مواضيع عشوائيه ممكن تكون تعجبك اخترناها لك:

• استفسار بخصوص السفر بالخادمه
• مطلوب خريطة لشوارع دبي
• استفسارات ماقبل السفرارجوا الدخول جزاكم الله الجنه
• زيارتي مساعدتي من مساعده أم ابراهيم نفيد ونستفيد
• سكي دبي معلومات بالصور و اسعار 2019
• رحلة شبابيه احنا ثلاث اشخااااص ونبغى نسكن في دبي
• ودي ببرنامج ل ايام في دبي
• مطلوب شاليهات
• ارجو المساعدة من ذوي الخبرة و اي شحص زار دبي
• أفتتاح فندق بولمان دبي مول الإمارات
• كويتية تحب دبي
• فزعتكم يااهل دبي
• محتاج رأيكم فى الطريق لدبى فى أسرع وقت وشكرا
• بإختصار أنا محتار
• استفسار عاجل
• استفسار للعمل في الامارات
• تكفون انا بحاجه لخبرتكم
• عطورات البطاش في أمارات مول
• فيزا زيارة لدبي
• نادي أطفال والبيبي سيتر

السلام عليكم اجازه موفقه اسعار الطيران رائع بس القريه العالمية تفتح في الصيف اعتقد انها تفتح من شهر واحد الى 3 والا انا غلطانه تاكد جدول مميز بالتوفيق

شكرا أختي بس أتمنى أحد يفيدني بترتيب الرحلات .. وماتقصرون

أما بالنسبة لأسعار الفندق فهي أسعار خاصة لأن لي خصومات أخذتها من الشركة اللتي أعمل فيها ..

هلا بك ابو سليمان

اسعار الطيران ممتازه

الفنادق :
لي ملاحضه بسيطه ان الفندقين في نفس المكان يعني في منطقة برج دبي

من رائي اذا تقدر غير المروج روتانا بفندق من فنادق الممشي مثل سوفتيل الجميره وهوافضل من المروج واحدث وموقعه روعه ومميز والفندق 5 نجوم ومرتب مره وسعره ب 550 من عرب لينك
وخلي اخر يومين في الادرس وهو خيار موفق جدا"

لو غيرت بيصير اسهل لك يعني ممكن تاجر السياره في اول 4 ايام واخر يومين ماراح تحتاجها لانك بتكون في منطقة برج دبي

لو غيرت بيكون ترتيب الاماكن كذا :
اول يوم :
الصباح : ابن بطوطه مول - بعد العصر مدينة جميره - المساء تتعشي في الممشي اللي عليه السوفتيل

ثاني يوم : الصباح الامارات مول - العصر اتلانتس - المساء االماريناء (مرسي دبي هو نفس المكان)

ثالث يوم الصباح السوق الصيني - العصر الاوت ليت المساء الفسيتفال
هذا اليوم بيكون صعب في التنقلات لانه كل مكان في جهه يعني واحد في الشرق والاخر في الغرب
من تجربه السوق الصيني والاوت ليت لا يستحقون الزياره الا اذا انت حاب تشوف بنفسك

اليوم الرابع : الصباح : مردف سيتي سنتر ( تقدر تستغني عن ديره سيتي سنتر ما فيه اضافه )
العصر ميركاتو وبعده تطلع علي نايف لان ميركاتو صغير حده ساعه فقط
والمساء تقضيه في الممشي

مشكور على اقتراحاتك اخي الكريم والله نورتني وايد .. انشاالله باجر أمر على السفريات وأغير إذا صار فيه مجال .. ومازال باب الٌإقتراحات مفتوح ولاتهونون

- الإقلاع على الخطوط الجوية الكويتية .. سعر الشخص الواحد = 43د.ك ( 245 درهم )

أعتقد بأن الصحيح هو حوالي 545 درهم


- مدة الإقامة 6 ليالي مقسمة على جزئين : - 4 ليالي فندق مروج روتانا مع فطور ----------------- سعر الليلة 40د.ك ( 508 درهم )
- ليلتين فندق ذا أدريس دبي مول من غير فطور --------- سعر الليلة 90د.ك ( 1140 درهم )

كما قال أخي الفارس، الأفضل تغيير المنطقة


وهذي الأماكن اللي بروحلها بس ماعرف طريقة ترتيبها ياليت تساعدوني يعني شنو الأماكن اللي اروح لها بنفس اليوم وشنو المكان اللي يحتاج يوم كامل ؟


هذا الرابط قد يكون مفيداً لمعرفة المواقع على الخارطة

http://www.arabtravelersforum.com/travel421141/


وسؤال أخير .. هل تنصحوني بتأجير سيارة ؟ أم أعتمد على المترو ؟ أم فقط أأجرها باليوم اللذي سأذهب فيه للسوق الصيني والأوت ليت ؟؟

يعتمد على كثرة تنقلاتكم و معرفتك بالطرق

صحيح كلامك اخوي 43 دينار تعادل 545 درهم توني أنتبه للغلط .. وآنا أقول في نفسي اشفيهم الشباب مستانسين على سعر التذكرة !! سعرها طبيعي يعني !! بس الغلط مني .. الله يجزاك خير على التنبيه

أما بالنسبة لمعرفتي بالطرق فهي صفر على الشمال ماأعرف شي هناك .. والظاهر راح يكون اعتمادي الكلي على الله ثم على المترو

اخوي الفارس مشكور على نصيحتك حتى نفسه مال السفريات وافقني فغيرت الحجز خليت أول أربع ليالي بفندق سوفيتيل مع إفطار 45د.ك = 560 درهم

ومشكورين ياجماعة الخير ... هل أستطيع الإعتماد على المترو في تنقلاتي ؟؟

هلا بك ابو سليمان

مدامك غيرت خلاص امش علي البروجرام اللي عملته لك

فيه اماكن ما تقدر تاصلها بالمترو مثل السوق الصيني والاوت لت

شوف ادخل علي هذا الرابط لصقر دبي وما راح يقصر معاك قله من وين تبغا تروح ووين تاصل راح يعطيك بالضبط من وين تروح ومن وين تنزل لكل مشاويرك


http://www.arabtravelersforum.com/travel399005/

المشاركة الأصلية كتبت بواسطة الفارس-99
http://www.arabtravelersforum.com/tr...3/#post4232163

هلا بك ابو سليمان

مدامك غيرت خلاص امش علي البروجرام اللي عملته لك

فيه اماكن ما تقدر تاصلها بالمترو مثل السوق الصيني والاوت لت

شوف ادخل علي هذا الرابط لصقر دبي وما راح يقصر معاك قله من وين تبغا تروح ووين تاصل راح يعطيك بالضبط من وين تروح ومن وين تنزل لكل مشاويرك


http://www.arabtravelersforum.com/travel399005/



سبقتني

أخي ابو سليمان لا تتردد بسؤالي في الموضوع اللي اعطوك اياه.

تقبلوا تحياتي.