نواصل .............
وناخذ سيارة للفندق وكان فندق صغير وقديم وسعره 600 ربية نيبالي يعادل 30 ريال سعودي لكنه ما عجبني فطلبت منهم تغيير الفندق فذهبنا لفندق رويال سنق هوتيل وهو فندق جيد وسعره 55 دولار واشوفه غالي عليه بالنسبة لسعر البلد









بعد الراحة والصلاة الظهر والعصر واكل شئ من المنجا اللذيد جدا اشتراه احد الشباب وموسمه في هذا الوقت.
واعطاني شريحة جوال ما اعرف عنها شئ الا انها تتصل فقط ملاحظة : جميع شرائح السعودية لا تعمل هناك الجوال وموبايلي اما زين ما اظن كذلك لانه كان معي الشريحتين كلها ما اشتغلت معي .
نبي الغداء والصرف واخذ جوله في المنطقة .
ومشكلتهم الاكل الحلال وين يوجد بالعاصمة فقط مطعمين حلال واحد جيد والاخر سئ
الجيد جبت كرته معاي ورفعته لكم وممكن تاخذ العنوان وتتصل عليهم واي تكسي يعرف مكانه في شارع رئيسي بس سعرهم غالي شوي واكلهم برياني ممتاز







نتمنى لكم وجبة شهية

اما المطعم الاخر فهو قريب جدا من الجامع الكبير الذي يعد مفخرة للعاصمة وسوف افرد له موضوع خاص يليق به .

اما الصرف فالافضل تحول بيزاتك الي معك الي السيد دولار فهي خفيفه وظريفة وحبيب الكل واماكن الصرف في كل مكان
وكان صرف الريال السعودي 19.5 روبية يعني سعر ممتاز وتصرف كل العملات الخليجية بس انا اخذت معي دولار وكان جيد وان كان المبلغ كبير فالله يعينك تشيل بقش معك لفلوسهم بس انتبه لا يعطيك كلها 500 قله ابيها فئة الف تكون خفيفة وعشان تعرف سعر اي شئ بالريال اقسم علي عشرين وريح دماغك .

واتذكرت ان اخونا رحال الخبر ذكر مطعم عدن بالمركز التجاري وزرته ولم اجد المطعم في الدور الرابع بالمطاعم ممكن قفل وسألت احد الاخوان معنا يعمل في العاصمة قال ما يعرفه وسوف نغادر غدا الي منطقة اخري ولكن اترككم مع بعض الصور لاني مليت من الكتابة علي امل القاء بكم وانتم في اتم نعمة وعافية وتوفيق .

مواضيع عشوائيه ممكن تكون تعجبك اخترناها لك: